جولاۋشىلاردى حالىقارالىق رەيس ۇشاقتارىنا وتىرعىزۋ الدىنداعى تەكسەرۋ ايماعىندا سىناپ توگىلۋىنە بايلانىستى الماتى اۋەجايىنداعى ادامدار سىرتقا شىعارىلدى. بۇل تۋرالى Tengrinews.kz پورتالى حابارلادى.
الماتى-تبيليسي رەيسىمەن ۇشقالى تۇرعان جولاۋشىنىڭ جۇگىنەن ادجيكا بانكىسىنە قۇيىلعان سىناپ تابىلعان. سىناپ مولشەرى شامامەن 100-150 ميلليليتردەي. بۇل جاعدايعا بايلانىستى تەكسەرۋ ءجۇرىپ جاتقان كەزدە جولاۋشى سىناپتى قوقىس جاشىگىنە توگىپ جىبەرگەن. جولاۋشى – قازاقستان ازاماتى, جاسى 38-دە. قاۋىپسىزدىك ەرەجەسىنە سايكەس ادامدار سىرتقا شىعارىلدى. جولاۋشىنى قۇقىق قورعاۋ ورگاندارى تەرگەپ جاتىر. رەيستەر كەشىگۋدە. توتەنشە جاعدايلار جونىندەگى كوميتەت قىزمەتكەرلەرى وقيعا ورنىنا جىبەرلگەن.