قازاقستان رەسپۋبليكاسى اقپارات جانە كوممۋنيكاتسيالار ءمينيسترى داۋرەن اباەۆ "ورتالىق كوممۋنيكاتسيالار قىزمەتى" رمم ۇجىمىنا جاڭا جەتەكشىسى ەۆگەني كوچەتوۆتى تانىستىردى دەپ حابارلايدى ەگەمەن-اقپارات. ورتكومنىڭ بۇرىنعى ديرەكتورى كەمەلبەك ويشىباەۆ "قازاقستان" تەلەراديوكورپوراتسياسى باسقارما توراعاسى بولىپ تاعايىندالدى.
"بۇل - ۇلكەن سەنىم جانە ۇلكەن مۇمكىندىك. ونىڭ بۇل سەنىمدى اقتايتىنىنا ەش كۇمانىم جوق. جانە سىزدەردىڭ وعان بۇل ىستە كومەك كورسەتەتىندەرىڭىزگە سەنىمدىمىن. وكق-ءنىڭ الدىندا قازىر جاڭا مىندەتتەر تۇر - بۇرىنعىدان دا تىعىز قارىم-قاتىناستا, جاڭا فورماتتا جۇمىس ىستەۋلەرىڭىز كەرەك" دەدى داۋرەن اباەۆ.
كوچەتوۆ ەۆگەني دميتريەۆيچ 1988 جىلدىڭ 22 ساۋىرىندە دۇنيەگە كەلگەن. قازاق گۋمانيتارلىق زاڭ ۋنيۆەرسيتەتىن, لومونوسوۆ اتىنداعى ماسكەۋ مەملەكەتتىك ۋنيۆەرسيتەتىن بىتىرگەن. "قازكونتەنت" اق Kaztube پورتالىنىڭ جەتەكشىسى, Informburo, Vlast پورتالدارىندا ەكونوميكالىق شولۋشى, "تسەسنا" كورپوراتسياسى اق" ءبولىم جەتەكشىسى سياقتى قىزمەتتەر اتقارعان.
ەگەمەن-اقپارات