قازاقستان رەسپۋبليكاسى اقپارات جانە كوممۋنيكاتسيالار ءمينيسترى داۋرەن اباەۆ "قازاقستان" رەسپۋبليكالىق تەلەراديوكورپوراتسياسى اق" ۇجىمىنا كورپوراتسيانىڭ جاڭا باسقارما توراعاسى كەمەلبەك ويشىباەۆتى تانىستىردى دەپ حابارلايدى ەگەمەن-اقپارات.
ءمينيستردىڭ ايتۋى بويىنشا, كورپوراتسيانىڭ بۇرىنعى جەتەكشىسى نۇرجان مۇحامەدجانوۆا توراعانىڭ ءبىرىنشى ورىنباسارى قىزمەتىنە اۋىسىپ, كورپوراتسيانىڭ ستراتەگيالىق دامۋى جانە فيليالدارى ماسەلەسىمەن اينالىساتىن بولادى. داۋرەن اباەۆ كورپوراتسيانىڭ جۇمىسىنا جاقسى باعا بەرىپ, ۇجىمعا تابىس تىلەدى.
كەمەلبەك ويشىباەۆ ۇجىمعا جانە وزىنە ارتىلىپ وتىرعان سەنىمدى اقتاۋعا كۇش سالاتىنىن جەتكىزدى.
ويشىباەۆ كەمەلبەك باقتىعۇل ۇلى 1977 جىلى 13 شىلدەدە دۇنيەگە كەلگەن. ءال-فارابي اتىنداعى قازاق ۇلتتىق ۋنيۆەرسيتەتىن جۋرناليست ماماندىعى بويىنشا ءبىتىردى. قازاق مەملەكەتتىك زاڭ ۋنيۆەرسيتەتىندە, حالىقارالىق بيزنەس اكادەمياسىندا وقىعان. "Zaman قازاقستان" گازەتى باس رەداكتورىنىڭ ورىنباسارى, "قازاقتەلەكوم" اق" كورپوراتيۆتى ساتۋلار ديرەكتسياسىنىڭ باس ديرەكتورى, "قازمەديا ورتالىعى" باس ديرەكتورىنىڭ ءبىرىنشى ورىنباسارى, ورتالىق كوممۋنيكاتسيالار قىزمەتىنىڭ ديرەكتورى سياقتى بىرقاتار جەتەكشى قىزمەتتەر اتقارعان.
ەگەمەن-اقپارات