2016 جىلعى 22 ءساۋىر , استانا قالاسى
ەنەرگيا ءوندىرۋشى ۇيىمداردىڭ كۇزگى-قىسقى كەزەڭدە پايدالاناتىن
وتىن قورىنىڭ نورمالارىن بەكىتۋ تۋرالى
«ەلەكتر ەنەرگەتيكاسى تۋرالى» 2004 جىلعى 9 شىلدەدەگى قازاقستان رەسپۋبليكاسىنىڭ زاڭى 5-بابىنىڭ 46) تارماقشاسىنا سايكەس بۇيىرامىن:
1. قوسا بەرىلىپ وتىرعان ەنەرگيا ءوندىرۋشى ۇيىمداردىڭ كۇزگى-قىسقى كەزەڭدە پايدالاناتىن وتىن قورىنىڭ نورمالارى بەكىتىلسىن.
2. قازاقستان رەسپۋبليكاسى ەنەرگەتيكا مينيسترلىگىنىڭ اتومدىق جانە ەنەرگەتيكالىق قاداعالاۋ مەن باقىلاۋ كوميتەتى قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن:
1) وسى بۇيرىقتى قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەۋدى;
2) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن ونىڭ كوشىرمەلەرىن كۇنتىزبەلىك ون كۇن ىشىندە مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا, سونداي-اق تىركەلگەن بۇيرىقتى العان كۇننەن باستاپ بەس جۇمىس كۇنى ىشىندە قازاقستان رەسپۋبليكاسى ادىلەت مينيسترلىگىنىڭ «رەسپۋبليكالىق قۇقىقتىق اقپارات ورتالىعى» شارۋاشىلىق جۇرگىزۋ قۇقىعىنداعى رەسپۋبليكالىق مەملەكەتتىك كاسىپورنىنا جىبەرۋدى;
3) وسى بۇيرىقتى قازاقستان رەسپۋبليكاسى ەنەرگەتيكا مينيسترلىگىنىڭ رەسمي ينتەرنەت-رەسۋرسىندا جانە مەملەكەتتىك ورگانداردىڭ ينترانەت-پورتالىندا ورنالاستىرۋدى;
4) وسى بۇيرىقتى قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەگەننەن كەيىن ون جۇمىس كۇنى ىشىندە قازاقستان رەسپۋبليكاسى ەنەرگەتيكا مينيسترلىگىنىڭ زاڭ قىزمەتى دەپارتامەنتىنە وسى تارماقتىڭ 2) جانە 3) تارماقشالارىمەن كوزدەلگەن ءىس-شارالاردىڭ ورىندالۋى تۋرالى مالىمەتتەردى بەرۋدى قامتاماسىز ەتسىن.
3. وسى بۇيرىقتىڭ ورىندالۋىن باقىلاۋ جەتەكشىلىك ەتەتىن قازاقستان رەسپۋبليكاسى ەنەرگەتيكا ۆيتسە-مينيسترىنە جۇكتەلسىن.
4. وسى بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ ەنەرگەتيكا ءمينيسترى ق. بوزىمباەۆ
«كەلىسىلگەن»
قازاقستان رەسپۋبليكاسىنىڭ
ۇلتتىق ەكونوميكا ءمينيسترى
____________ ق. بيشىمباەۆ
2016 جىلعى 29 ماۋسىم
قازاقستان رەسپۋبليكاسى ەنەرگەتيكا ءمينيسترىنىڭ
2016 جىلعى 22 ساۋىردەگى №172 بۇيرىعىمەن بەكىتىلگەن
ەنەرگيا ءوندىرۋشى ۇيىمداردىڭ كۇزگى-قىسقى كەزەڭدە پايدالاناتىن وتىن قورىنىڭ نورماسى
1. قاتتى جانە سۇيىق وتىنمەن جۇمىس ىستەيتىن ەنەرگيا ءوندىرۋشى ۇيىمدار ءۇشىن:
1) جەتكىزۋ قاشىقتىعى 200 كيلومەترگە دەيىن بولعاندا 10 تاۋلىككە ارنالعان نەگىزگى جانە رەزەرۆتى وتىن مولشەرى;
2) جەتكىزۋ قاشىقتىعى 200 كيلومەتردەن استام بولعاندا 20 تاۋلىككە ارنالعان نەگىزگى جانە رەزەرۆتى وتىن مولشەرى.
2. گاز ءتارىزدى وتىنمەن جۇمىس ىستەيتىن ەنەرگيا ءوندىرۋشى ۇيىمدار ءۇشىن, ولاردا قاتتى وتىن جانە (نەمەسە) مازۋت:
اۆاريالىق وتىن, 5 تاۋلىككە ارنالعان وتىن مولشەرى;
رەزەرۆتى وتىن, 10 تاۋلىككە ارنالعان وتىن مولشەرى بولىپ تابىلادى.
3. مازۋت جاعاتىن وتىن بولىپ تابىلاتىن ەنەرگيا ءوندىرۋشى ۇيىمدار ءۇشىن:
10 تاۋلىككە ارنالعان وتىن مولشەرى, بۇل رەتتە ءبىر مەزگىلدە جاعىلاتىن اگرەگاتتار سانى:
ەلەكتر ستانتسياسىندا – نومينالدى ونىمدىلىگىنەن 30%-عا دەيىن جۇكتەمەسى بار 4ح200 مەگاۆاتت, 3ح300 مەگاۆاتت جانە ودان جوعارى بلوكتاردان;
جىلۋ ەلەكتر ورتالىعىندا – نومينالدى ونىمدىلىگىنەن 30%-عا دەيىن جۇكتەمەسى بار ەكى ەڭ ۇلكەن قازاننان اسپاۋعا ءتيىس.
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2016 جىلعى 28 شىلدەدە نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №14033 بولىپ ەنگىزىلدى.