2015 جىلعى 2 شىلدە, استانا قالاسى
ماقتا قولحاتتارىن بەرۋ, ولاردىڭ اينالىسى, ولاردى جويۋ جانە
وتەۋ قاعيدالارىن بەكىتۋ تۋرالى
«ماقتا سالاسىن دامىتۋ تۋرالى» 2007 جىلعى 21 شىلدەدەگى قازاقستان رەسپۋبليكاسى زاڭىنىڭ 7-بابىنىڭ 18) تارماقشاسىنا سايكەس بۇيىرامىن:
1. قوسا بەرىلىپ وتىرعان ماقتا قولحاتتارىن بەرۋ, ولاردىڭ اينالىسى, ولاردى جويۋ جانە وتەۋ قاعيدالارى بەكىتىلسىن.
2. قازاقستان رەسپۋبليكاسى اۋىل شارۋاشىلىعى مينيسترلىگىنىڭ وسىمدىك شارۋاشىلىعى ونىمدەرىن ءوندىرۋ مەن قايتا وڭدەۋ جانە فيتوسانيتاريالىق قاۋىپسىزدىك دەپارتامەنتى زاڭنامادا بەلگىلەنگەن تارتىپپەن:
1) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن;
2) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن كۇنتىزبەلىك ون كۇن ىشىندە ونىڭ كوشىرمەسىنىڭ مەرزىمدى باسپا باسىلىمدارىنا جانە «ادىلەت» اقپاراتتىق-قۇقىقتىق جۇيەسىنە رەسمي جاريالاۋعا جىبەرىلۋىن;
3) وسى بۇيرىقتىڭ قازاقستان رەسپۋبليكاسى اۋىل شارۋاشىلىعى مينيسترلىگىنىڭ ينتەرنەت-رەسۋرسىندا ورنالاستىرىلۋىن قامتاماسىز ەتسىن.
3. وسى بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ اۋىل شارۋاشىلىعى ءمينيسترى ا. مامىتبەكوۆ
«كەلىسىلگەن» «كەلىسىلگەن»
قازاقستان رەسپۋبليكاسىنىڭ قازاقستان رەسپۋبليكاسىنىڭ
قارجى ءمينيسترى ۇلتتىق ەكونوميكا ءمينيسترى
______________ ب. سۇلتانوۆ ________________ ە. دوساەۆ
2015 جىلعى « » 2015 جىلعى « »
قازاقستان رەسپۋبليكاسى اۋىل شارۋاشىلىعى ءمينيسترىنىڭ 2015 جىلعى 2 شىلدەدەگى
№ 4-5/605 بۇيرىعىمەن بەكىتىلگەن
ماقتا قولحاتتارىن بەرۋ, ولاردىڭ اينالىسى, ولاردى جويۋ جانە وتەۋ قاعيدالارى
1. وسى ماقتا قولحاتتارىن بەرۋ, ولاردىڭ اينالىسى, ولاردى جويۋ جانە وتەۋ قاعيدالارى (بۇدان ءارى – قاعيدالار) «ماقتا سالاسىن دامىتۋ تۋرالى» 2007 جىلعى 21 شىلدەدەگى قازاقستان رەسپۋبليكاسى زاڭىنا سايكەس ازىرلەندى جانە ماقتا قولحاتتارىن بەرۋ, ولاردىڭ اينالىسى, ولاردى جويۋ جانە وتەۋ ءتارتىبىن ايقىندايدى.
2. وسى قاعيدالاردا پايدالانىلاتىن نەگىزگى ۇعىمدار:
1) يندوسسامەنت – ماقتا قولحاتى نەمەسە ونىڭ كۋالىكتەرى بويىنشا قۇقىقتاردى باسقا ادامعا بەرۋدى كۋالاندىراتىن بەرۋ جازباسى;
2) يندوسسانت – ماقتا قولحاتى نەمەسە ونىڭ كۋالىكتەرى بويىنشا قۇقىقتاردى بەرەتىن تۇلعا;
3) يندوسسات – ماقتا قولحاتى نەمەسە ونىڭ كۋالىكتەرى بويىنشا قۇقىقتاردى قابىلدايتىن تۇلعا;
4) كەپىل كۋالىگى – ماقتا قولحاتىنىڭ ونىڭ ۇستاۋشىنىڭ كەپىلمەن قامتاماسىز ەتىلگەن مىندەتتەمەلەردى ورىنداۋدى تالاپ ەتۋ قۇقىعىن كۋالاندىراتىن ءبىر بولىگى;
5) قويما كۋالىگى – ماقتا قولحاتىنىڭ ونى ۇستاۋشىنىڭ ماقتاعا يەلىك ەتۋ قۇقىعىن كۋالاندىراتىن ءبىر بولىگى;
6) ماقتا قولحاتتارىنىڭ ءتىزىلىمى – ماقتا قولحاتتارىن ەسەپكە الۋ قۇجاتى;
7) ۇسىنۋشىعا ارنالعان اككرەديتيۆ – كەپىل كۋالىگىن ۇستاۋشىنىڭ كەلىسىمىنسىز وزگەرتۋگە نەمەسە جويۋعا بولمايتىن قۇجاتتامالىق اككرەديتيۆ, ونى اشۋ كەزىندە قويما كۋالىگىن ۇستاۋشى كەپىل كۋالىگىندە كورسەتىلگەن تالاپتاردىڭ سوماسىنداعى اقشانى كەپىل كۋالىگىن وتەۋ ءۇشىن ۇسىنۋعا دەيىنگى مەرزىمگە وسى اقشانى ۇسىنۋشىعا ارنالعان اككرەديتيۆ بويىنشا تولەمدەر ءۇشىن قولدانۋ شارتىمەن اككرەديتيۆتى اشقان ۋاكىلەتتى بانكتىڭ يەلىگىنە بەرەدى.
3. ماقتا قولحاتى ەكى بولىكتەن تۇرادى – قاجەت بولعان جاعدايدا ءبىر-بىرىنەن بولۋگە مۇمكىن بولاتىن قويما كۋالىگى مەن كەپىل كۋالىگى. ماقتا قولحاتى جانە ونىڭ ءار بولىگى وردەرلىك ەميسسيالىق ەمەس باعالى قاعازدار بولىپ تابىلادى.
2. ماقتا قولحاتىن بەرۋ ءتارتىبى
4. ماقتا قولحاتى ساپاسى بويىنشا بىرتەكتى ءاربىر ماقتا پارتياسىنا بەرىلەدى. تاپسىرىلعان ماقتانىڭ بارلىق كولەمىنە بەرىلەتىن ماقتا قولحاتتارىنىڭ سانىن ماقتانىڭ يەسى ءوزىنىڭ ءوتىنىمى بويىنشا ايقىندايدى.
ماقتا وڭدەۋ ۇيىمى ماقتا قولحاتىن ماقتا پارتياسى قالىپتاسقان سوڭ ءوتىنىش بەرگەن ساتىنەن باستاپ كۇنتىزبەلىك ءۇش كۇننەن كەشىكتىرمەي بەرەدى.
ماقتا قولحاتتارى ماقتا يەسىنە ماقتا قولحاتتارىنىڭ تىزىلىمىنە تىركەلىپ جانە ونىڭ قولى قويىلىپ وسى قاعيدالارعا قوسىمشاعا سايكەس نىسان بويىنشا بەرىلەدى, ونى ماقتا وڭدەۋ ۇيىمى حرونولوگيالىق تارتىپپەن جۇرگىزەدى.
جاڭا ماقتا قولحاتتارى ماقتا قولحاتتارىن ۇستاۋشىلاردىڭ تالابى بويىنشا مىناداي جاعدايلاردا بەرىلەدى:
1) ماقتا قولحاتىندا يندوسسامەنت جاساۋ ءۇشىن بوس ورىن بولماسا; 3) ماقتا قولحاتى ايىرباستالعاندا;
2) ماقتا قولحاتى تابيعي توزعاندا; 4) ماقتا قولحاتى جوعالعاندا.
3. ماقتا قولحاتىنىڭ اينالىسى ءتارتىبى
5. ماقتا قولحاتى جانە ونىڭ بولىكتەرى بويىنشا قۇقىقتاردى بەرۋ ولارعا بەرۋ جازبالارىن - يندوسسامەنتتى جاساۋ جولىمەن جۇزەگە اسىرىلادى. بۇل رەتتە, يندوسسانت ماقتا قولحاتى جانە ونىڭ بولىكتەرى بويىنشا قۇقىق بەرۋ تۋرالى مالىمەتتەردى, ال يندوسسات ماقتا قولحاتى جانە ونىڭ بولىكتەرى بويىنشا قۇقىق قابىلداۋ تۋرالى مالىمەتتەردى كورسەتەدى جانە راستايدى.
6. بولىنبەگەن ماقتا قولحاتى بويىنشا قۇقىقتاردى بەرۋ يندوسسامەنتتى جاساۋ جولىمەن تەك قويما كۋالىگىندە جۇزەگە اسىرىلادى.
7. قويما كۋالىگى بويىنشا قۇقىقتاردى بەرۋ قويما كۋالىگى بويىنشا قۇقىق بەرۋشى جانە قابىلداۋشى تۇلعالاردىڭ قويما كۋالىگىنىڭ قايىرما بەتىندە دايەكتى يندوسسامەنتتەردى جاساۋ جولىمەن جۇزەگە اسىرىلادى.
يندوسسامەنتتى جاساعان كەزدە قويما كۋالىگىنىڭ قايىرما بەتىندە ارنايى كوزدەلگەن جەرلەردە مىنالار كورسەتىلەدى:
1) سول جاعىندا قويما كۋالىگى بويىنشا تالاپتى بەرۋشى تۇلعا (يندوسسانت):
يندوسسانتتىڭ اتاۋى (تەگى, اتى, اكەسىنىڭ اتى (بار بولعان جاعدايدا);
يندوسسانتتىڭ تۇرعان جەرى (جەكە تۇلعانىڭ تۇرعىلىقتى جەرى);
يندوسسانتتىڭ جەكە سايكەستەندىرۋ ءنومىرى;
يندوسسامەنتتىڭ جاسالعان كۇنى;
جەكە تۇلعانىڭ جەكە باسىن كۋالاندىراتىن قۇجاتتىڭ ءنومىرى مەن بەرىلگەن كۇنى;
2) وڭ جاعىندا قويما كۋالىگى بويىنشا تالاپتى قابىلداۋشى تۇلعا(يندوسسات);
يندوسساتتىڭ اتاۋى (تەگى, اتى, اكەسىنىڭ اتى (بار بولعان جاعدايدا);
يندوسساتتىڭ تۇرعان جەرى (جەكە تۇلعانىڭ تۇرعىلىقتى جەرى);
يندوسساتتىڭ جەكە سايكەستەندىرۋ ءنومىرى;
يندوسسامەنتتىڭ جاسالعان كۇنى;
جەكە تۇلعانىڭ جەكە باسىن كۋالاندىراتىن قۇجاتتىڭ ءنومىرى مەن بەرىلگەن كۇنى.
يندوسسامەنتتى جاساۋ تيىسىنشە يندوسسانت پەن يندوسساتتىڭ قولىمەن كۋالاندىرىلادى.
يندوسسات يندوسسامەنتتى جاساعان كۇنىنەن باستاپ كۇنتىزبەلىك ون كۇننىڭ ىشىندە ماقتا قولحاتى بويىنشا قۇقىقتاردى قابىلداۋ تۋرالى ماقتا وڭدەۋ ۇيىمىن حاباردار ەتەدى.
8. ماقتا وڭدەۋ ۇيىمى تاپسىرعان ماقتانىڭ كەپىلى كەپىل كۋالىگىندە يندوسسامەنت جاساۋ جولىمەن نەمەسە ماقتا قولحاتى كەپىلىنىڭ شارتىن جاساۋ ارقىلى ماقتا قولحاتىنىڭ كەپىلىمەن جۇزەگە اسىرىلۋى مۇمكىن.
كەپىل كۋالىگىندە يندوسسامەنت جاساۋ جولىمەن ماقتانى كەپىلگە بەرگەندە بۇل كەپىل كۋالىگى قويما كۋالىگىنەن بولىنەدى.
9. كەپىل كۋالىگىن قويما كۋالىگىنەن ءبولۋ كەزىندە:
1) قويما كۋالىگىنىڭ تومەنگى وڭ جاعىنداعى بۇرىشىندا ارنايى كوزدەلگەن جەردە كەپىل كۋالىگى بويىنشا تالاپتاردى قابىلداۋشى ادام مىناداي اقپاراتى بار بەلگى جاسايدى:
كەپىلمەن قامتاماسىز ەتىلگەن مىندەتتەمەنىڭ ءمانى, ونىڭ مولشەرى, ول بويىنشا سىياقى مولشەرلەمەسى, مىندەتتەمەنىڭ ورىندالۋ مەرزىمى;
كەپىل كۋالىگىنىڭ بولىنگەن كۇنى;
يندوسساتتىڭ اتاۋى (تەگى, اتى, اكەسىنىڭ اتى (بار بولعان جاعدايدا) جانە ونىڭ تۇرعان جەرى (جەكە تۇلعانىڭ تۇرعىلىقتى جەرى).
كورسەتىلگەن مالىمەتتەر ماقتا قولحاتىنىڭ كەپىل كۋالىگىن ۇستاۋشىنىڭ الدىنداعى قويما كۋالىگىن ۇستاۋشىنىڭ مىندەتتەمەلەرىن كۋالاندىرادى;
2) كەپىل كۋالىگىنىڭ تومەنگى وڭ جاعىنداعى بۇرىشىندا ارنايى كوزدەلگەن جەردە كەپىل كۋالىگى بويىنشا تالاپتاردى بەرۋشى ادام مىناداي اقپاراتى بار بەلگى جاسايدى:
كەپىلمەن قامتاماسىز ەتىلگەن مىندەتتەمەنىڭ ءمانى, ونىڭ مولشەرى, ول بويىنشا سىياقى مولشەرلەمەسى, مىندەتتەمەنىڭ ورىندالۋ مەرزىمى;
كەپىل كۋالىگىنىڭ بولىنگەن كۇنى;
يندوسسانتتىڭ اتاۋى (تەگى, اتى جانە اكەسىنىڭ اتى (بار جاعدايدا) جانە ونىڭ تۇرعان جەرى (جەكە تۇلعانىڭ تۇرعىلىقتى جەرى).
كورسەتىلگەن مالىمەتتەر كەپىل كۋالىگىن ۇستاۋشىنىڭ قويما كۋالىگىن ۇستاۋشىعا ءوز مىندەتتەمەلەرىن ورىنداۋعا تالاپ قويۋ قۇقىعىن كۋالاندىرادى.
قويما جانە كەپىل كۋالىكتەرىندە كورسەتىلگەن بەلگىلەردى قويۋ تيىسىنشە يندوسسات پەن يندوسسانتتىڭ قولىمەن كۋالاندىرىلادى.
ەگەر كەپىل كۋالىگىن ءبولۋ كەزىندە قويما جانە (نەمەسە) كەپىل كۋالىكتەرىندە ماقتا كەپىلىمەن قامتاماسىز ەتىلگەن مىندەتتەمەلەر تۋرالى مالىمەتتەر كورسەتىلمەسە جانە ءتيىستى بەلگىلەر جاسالماسا, بۇدان ءارى قويما جانە كەپىل كۋالىگىمەن جاسالعان كەز-كەلگەن مامىلە جارامسىز بولىپ تابىلادى.
10. كەپىل كۋالىگىن قويما كۋالىگىنەن بولگەن كەزدە, كەپىل كۋالىگى بويىنشا تالاپتاردى بەرۋشى جانە قابىلداۋشى ادامدار كەپىل كۋالىگىنىڭ قايىرما بەتىندە يندوسسامەنت جاسايدى. كەپىل كۋالىگىندە يندوسسامەنت جاسالعان كەزدە, تاراپتار ارنايى كوزدەلگەن جەرلەردە مىنالاردى كورسەتەدى:
1) كەپىل كۋالىگى بويىنشا تالاپتى بەرۋشى ادام:
يندوسسانتتىڭ اتاۋى (تەگى, اتى, اكەسىنىڭ اتى (بار بولعان جاعدايدا);
يندوسسانتتىڭ تۇرعان جەرى (جەكە تۇلعانىڭ تۇرعىلىقتى جەرى);
يندوسسانتتىڭ جەكە سايكەستەندىرۋ ءنومىرى;
يندوسسامەنتتىڭ جاسالعان كۇنى;
جەكە تۇلعانى جەكە باسىن كۋالاندىراتىن قۇجاتتىڭ ءنومىرى مەن بەرىلگەن كۇنى;
2) كەپىل كۋالىگى بويىنشا تالاپتى قابىلداۋشى ادام:
يندوسساتتىڭ اتاۋى (تەگى, اتى جانە اكەسىنىڭ اتى بار بولعان جاعدايدا);
يندوسساتتىڭ تۇرعان جەرى (جەكە تۇلعانىڭ تۇرعىلىقتى جەرى);
يندوسسانتتىڭ جەكە سايكەستەندىرۋ ءنومىرى;
يندوسسامەنتتىڭ جاسالعان كۇنى;
جەكە تۇلعانىڭ جەكە باسىن كۋالاندىراتىن قۇجاتتىڭ ءنومىرى مەن بەرىلگەن كۇنى.
يندوسسامەنتتى جاساۋ تيىسىنشە يندوسسانت پەن يندوسساتتىڭ قولىمەن كۋالاندىرىلادى.
11. ءبولىپ الىنعان كەپىل كۋالىگى يندوسساتقا بەرىلەدى, ول وسى كەپىل كۋالىگىنىڭ يەسى بولىپ تابىلادى.
12. كەپىل كۋالىگى بويىنشا تالاپتاردى بەرۋشى جانە قابىلداۋشى تۇلعالار 1994 جىلعى 27 جەلتوقسانداعى قازاقستان رەسپۋبليكاسى ازاماتتىق كودەكسىنىڭ (جالپى ءبولىم) 325-بابىنا سايكەس كەپىل كۋالىگى بويىنشا ءوز قۇقىقتارىن كەپىل ۇستاۋشىلارعا بەرگەن كەزدە كەپىل كۋالىگىنىڭ قايىرما بەتىندە ارنايى كوزدەلگەن جەرلەردە مىنالاردى كورسەتە وتىرىپ, يندوسسامەنت جاسايدى:
1) سول جاعىندا كەپىل كۋالىگى بويىنشا تالاپتى بەرۋشى ادام (يندوسسانت):
يندوسسانتتىڭ اتاۋى (تەگى, اتى, اكەسىنىڭ اتى (بار بولعان جاعدايدا);
يندوسسانتتىڭ تۇرعان جەرى (جەكە تۇلعانىڭ تۇرعىلىقتى جەرى);
يندوسسانتتىڭ جەكە سايكەستەندىرۋ ءنومىرى;
يندوسسامەنتتىڭ جاسالعان كۇنى;
جەكە تۇلعانىڭ جەكە باسىن كۋالاندىراتىن قۇجاتتىڭ ءنومىرى مەن بەرىلگەن كۇنى;
2) وڭ جاعىندا كەپىل كۋالىگى بويىنشا تالاپتى قابىلداۋشى ادام (يندوسسات):
يندوسساتتىڭ اتاۋى (تەگى, اتى, اكەسىنىڭ اتى (بار بولعان جاعدايدا);
يندوسساتتىڭ تۇرعان جەرى (جەكە تۇلعانىڭ تۇرعىلىقتى جەرى);
يندوسساتتىڭ جەكە سايكەستەندىرۋ ءنومىرى;
يندوسسامەنتتىڭ جاسالعان كۇنى;
جەكە تۇلعانىڭ جەكە باسىن كۋالاندىراتىن قۇجاتتىڭ ءنومىرى مەن بەرىلگەن كۇنى.
يندوسسامەنتتى جاساۋ تيىسىنشە يندوسسانت پەن يندوسساتتىڭ قولىمەن كۋالاندىرىلادى.
13. قويما جانە كەپىل كۋالىكتەرىنىڭ قايىرما بەتتەرىندە, بەلگىلەنگەن تارتىپپەن جاسالعان يندوسسامەنتتەردىڭ ۇزدىكسىز قاتارى سوڭعى بەرۋ جازباسىندا كورسەتىلگەن ادامدارعا ماقتا قولحاتى جانە ونىڭ كۋالىكتەرى بويىنشا قۇقىقتار اۋىسۋىنىڭ دالەلى بولىپ تابىلادى.
بەرۋ جازبالارىنىڭ ۇزدىكسىز قاتارىن ساقتاماعان جاعدايدا, ماقتا قولحاتىن ۇستاۋشىنىڭ وعان ماقتا بەرۋ قۇقىعى سوت تارتىبىمەن انىقتالادى.
14. كەپىل تۋرالى مالىمەتتەرى بار قويما كۋالىگى بويىنشا قۇقىقتاردى بەرۋ وسى قاعيدالارعا سايكەس كەپىل كۋالىگىن ۇستاۋشىنىڭ كەلىسىمىنسىز جۇزەگە اسىرىلادى.
15. كەپىل تۋرالى مالىمەتتەرى بار قويما كۋالىگى بويىنشا ماقتا وڭدەۋ ۇيىمىنىڭ ماقتا بەرۋى وسى قاعيدالاردىڭ 16-تارماعىنا سايكەس ۇسىنۋشىعا قايتارىپ الىنبايتىن اككرەديتيۆ اشقان جاعدايدا جۇزەگە اسىرىلادى.
16. قايتارىپ الىنبايتىن اككرەديتيۆتى اشۋدى راستاۋ ءۇشىن قويما كۋالىگىن ۇستاۋشى وسى قاعيدالاردا بەلگىلەنگەن تالاپتارعا جاۋاپ بەرەتىن ۇسىنۋشىنىڭ اتىنا قايتارىپ الىنبايتىن اككرەديتيۆ (بۇدان ءارى – ۇسىنۋشىعا ارنالعان اككرەديتيۆ) اشىلعانىن راستايتىن ەكىنشى دەڭگەيدەگى بانكتىڭ (بۇدان ءارى – ۋاكىلەتتى بانك) ءتيىستى قۇجاتىن ماقتا وڭدەۋ ۇيىمىنا بەرەدى.
ۇسىنۋشىعا ارنالعان اككرەديتيۆتى اشۋ فاكتىسى تۋرالى ماقتا وڭدەۋ ۇيىمى ءۇش كۇنتىزبەلىك كۇن ىشىندە ۇسىنۋشىعا ارنالعان اككرەديتيۆتى اشقان ۋاكىلەتتى بانكتىڭ دەرەكتەمەلەرىن حابارلاپ, ماقتا وڭدەۋ ۇيىمىنا بەلگىلى ءتيىستى كەپىل كۋالىگىن سوڭعى ۇستاۋشىعا جازباشا تۇردە حاباردار ەتەدى.
ۇسىنۋشىعا ارنالعان اككرەديتيۆ بويىنشا تولەم وسىنداي اككرەديتيۆتىڭ ورىندالۋ شارتتارى ساقتالعان كەزدە, سونداي-اق كەپىل كۋالىگىنىڭ دەرەكتەمەلەرى (ماقتا قولحاتى بلانكىسىنىڭ سەرياسى مەن ءنومىرى, ماقتا وڭدەۋ ۇيىمىنىڭ ءتىزىلىمى بويىنشا ماقتا قولحاتىنىڭ اعىمداعى ءنومىرى, ماقتا قولحاتىن بەرۋ كۇنى, ماقتا قولحاتىندا كورسەتىلگەن ماقتانىڭ سالماعى, سونداي-اق ماقتا وڭدەۋ ۇيىمىنىڭ اتاۋى جانە بيزنەس-سايكەستەندىرۋ ءنومىرى, ماقتا كەپىلىمەن قامتاماسىز ەتىلگەن تالاپ تۋرالى مالىمەتتەر) اككرەديتيۆ شارتتارىنا سايكەس كەلگەن كەزدە ۇسىنۋشىعا – كەپىل كۋالىگىن ۇستاۋشىعا تولەنەدى.
ۇسىنۋشىعا ارنالعان اككرەديتيۆپەن جۇرگىزىلەتىن وپەراتسيالار قازاقستان رەسپۋبليكاسى ۇلتتىق بانكى باسقارماسىنىڭ 2014 جىلعى 22 قاراشاداعى №199 قاۋلىسىمەن (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە 9948 بولىپ تىركەلگەن) بەكىتىلگەن قازاقستان رەسپۋبليكاسى بانكتەرىنىڭ قۇجاتتامالىق اككرەديتيۆتەرمەن وپەراتسيالار جۇرگىزۋ قاعيدالارىنا سايكەس جۇزەگە اسىرىلادى.
17. ەگەر كەپىلمەن قامتاماسىز ەتىلگەن مىندەتتەمە ءتيىستى تۇردە ورىندالعان جاعدايدا, كەپىل كۋالىگىن ۇستاۋشى كەپىل كۋالىگىندە يندوسسامەنت جاسايدى جانە كەپىل كۋالىگىن قويما كۋالىگىن ۇستاۋشىعا قايتارادى.
18. كەپىلمەن قامتاماسىز ەتىلگەن مىندەتتەمە جانە وسى قاعيدالاردىڭ 15-تارماعىنا سايكەس ماقتا بەرۋ ءتيىستى تۇردە ورىندالماعان جاعدايدا, كەپىل كۋالىگىن ۇستاۋشى اككرەديتيۆ بويىنشا تولەمدى جۇزەگە اسىرعاننان سوڭ كەپىل كۋالىگىن ونى وتەۋ ءۇشىن ماقتا وڭدەۋ ۇيىمىنا قايتارادى.
19. وسى كەپىل كۋالىگى بويىنشا ۇسىنۋشىعا ارنالعان اككرەديتيۆ بولماعان جانە بورىشكەر ماقتا كەپىلىمەن قامتاماسىز ەتىلگەن مىندەتتەمەلەردى ورىنداماعان (تيىسىنشە ورىنداماعان) كەزدە كەپىل كۋالىگىن ۇستاۋشى زاڭنىڭ 26-بابىنا سايكەس كەپىلدىككە بەرىلگەن ماقتانىڭ وتكىزىلۋىن ۇيىمداستىرۋ تاپسىرماسىمەن سەنىم بىلدىرىلگەن ادامعا جۇگىنە الادى.
كەپىل كۋالىگى بويىنشا ماقتانى وتكىزۋ جونىندەگى ساۋدادا وسى قۇقىققا يە بولعان ماقتا يەسى كەپىل كۋالىگىنىڭ ورنىنا ماقتا وڭدەۋ ۇيىمىنان ماقتا نە جاڭا ماقتا قولحاتىن الادى.
4. ماقتا قولحاتىنىڭ كۇشىن جويۋ جانە وتەۋ ءتارتىبى
20. ماقتا قولحاتى ماقتا بەرۋ كەزىندە (تولىق نەمەسە ءىشىنارا), سونداي-اق كەپىلگە الىنعان ماقتا ساتىلعان جاعدايدا وتەلەدى.
21. ماقتا قولحاتىن وتەۋدى ماقتانى بەرۋ ساتىنەن باستاپ ءۇش كۇن ىشىندە «وتەلدى» دەگەن جازباسى بار ءمورتابان قويۋ جانە وتەۋ كۇنىن جازۋ ارقىلى ماقتا وڭدەۋ ۇيىمى جۇزەگە اسىرادى.
ماقتا قولحاتىنىڭ كۇشىن وسى قاعيدالاردىڭ 4-تارماعىندا كورسەتىلگەن جاعدايلاردا ماقتا قولحاتىن ۇستاۋشىنىڭ تالابى بويىنشا ماقتا ۇيىمى جويادى.
22. جاڭا ماقتا قولحاتى اۋىستىرىلاتىن ماقتا قولحاتىنىڭ ەكى بولىگىن دە ۇسىنعان جاعدايدا بەرىلەدى جانە اۋىستىرىلاتىن ماقتا قولحاتىندا بۇرىن كورسەتىلگەن مالىمەتتەردى ەنگىزۋ جولىمەن رەسىمدەلەدى.
اۋىستىرىلاتىن ماقتا قولحاتىندا يندوسسامەنت (يندوسسامەنتتەر) بولعان جاعدايدا, جاڭا ماقتا قولحاتى بەرىلەتىن ادام رەتىندە سوڭعى يندوسسات كورسەتىلەدى.
23. ماقتا قولحاتىن جوعالتقان جاعدايدا ماقتا قولحاتىن جوعالتقان ادام ماقتا وڭدەۋ ۇيىمىن ماقتا قولحاتىن جوعالتقانى تۋرالى تەز ارادا حاباردار ەتەدى. بۇل جاعدايدا جاڭا ماقتا قولحاتىن جوعالعان ماقتا قولحاتى بويىنشا قۇقىقتاردى قالپىنا كەلتىرۋ تۋرالى سوت شەشىمىنىڭ نەگىزىندە ماقتا وڭدەۋ ۇيىمى بەرەدى.
24. ماقتا قولحاتىن بىرنەشە ماقتا قولحاتىنا ايىرباستاۋ وسى قاعيدالاردىڭ 22-تارماعىنا سايكەس جۇزەگە اسىرىلادى.
25. ماقتا كەپىلىمەن قامتاماسىز ەتىلگەن مىندەتتەمەنىڭ تيىسىنشە ورىندالۋىنا بايلانىستى كەپىل توقتاتىلعاننان كەيىن كەپىل تۋرالى مالىمەتى بار قويما كۋالىگىن ۇستاۋشى ءوتىنىشى بويىنشا وعان جاڭا ماقتا قولحاتى بەرىلەدى.
26. ماقتا قولحاتى بويىنشا ماقتانى ءىشىنارا بەرۋ جاعدايىندا ماقتا وڭدەۋ ۇيىمى ماقتانىڭ قالعان كولەمىنە جاڭا ماقتا قولحاتىن بەرەدى. ماقتاعا ايىرباستالعان ماقتا قولحاتى ماقتانى بولىكتەر بويىنشا بەرۋىنە بايلانىستى وتەلەدى.
27. ماقتا قولحاتتارىن ەسەپكە الۋ ماقساتىندا ماقتا قولحاتتارى تىزىلىمىندە ماقتا قولحاتتارىن وتەۋ تۇرلەرىنىڭ مىناداي تۇجىرىمدامالارى كوزدەلەدى:
1) «بەرۋ» – ماقتا بەرۋگە بايلانىستى ماقتا قولحاتىن وتەۋ;
2) «بەرۋ جانە اۋىستىرۋ» – ماقتانى بولشەكتەپ بەرۋگە بايلانىستى ماقتا قولحاتىن وتەۋ;
3) «ايىرباس» – ماقتا قولحاتى يەسىنىڭ تالابى بويىنشا بىرنەشە ماقتا قولحاتىنا ايىرباستاۋ نە ماقتا قولحاتىن ولاردىڭ از سانىنا بىرىكتىرۋ ماقساتىڭدا ماقتا قولحاتىن جويۋ;
4) «اۋىستىرۋ» – يندوسسامەنت جاساۋ ءۇشىن بوس ورىننىڭ بولماۋىنا نە ونىڭ توزعانىنا بايلانىستى ماقتا قولحاتىنىڭ كۇشىن جويۋ;
5) «ساتۋ» – كەپىلگە قويىلعان ماقتانى ساتۋعا بايلانىستى ماقتا قولحاتىن وتەۋ;
6) «جوعالتۋ» – جوعالۋىنا بايلانىستى ماقتا قولحاتىنىڭ كۇشىن جويۋ;
7) «كەپىلدى توقتاتۋ» – ماقتا كەپىلىمەن قامتاماسىز ەتىلگەن مىندەتتەمەلەردى ورىنداۋعا بايلانىستى ماقتا قولحاتىنىڭ كۇشىن جويۋ.
28. وتەلگەن جانە كۇشى جويىلعان ماقتا قولحاتتارى اينالىمنان الىنىپ تاستالادى جانە ماقتا وڭدەۋ ۇيىمىندا بەس جىل ىشىندە ساقتالادى.
ماقتا قولحاتتارىن بەرۋ, ولاردىڭ اينالىسى, ولاردى جويۋ جانە وتەۋ قاعيدالارىنا قوسىمشا
نىسان
ماقتا قولحاتتارىنىڭ ءتىزىلىمى
_______________________________________________
ماقتا وڭدەۋ ۇيىمىنىڭ اتاۋى
ر/س
№ ماقتا قولحاتى بلانكىسىنىڭ سەرياسى مەن ءنومىرى ماقتا قولحاتى بەرىلگەن كۇن ماقتا يەسىنىڭ اتاۋى (جەكە تۇلعانىڭ تەگى, اتى, اكەسىنىڭ اتى (بار بولعان جاعدايدا) ءشيتتى ماقتانى ساقتاۋ جانە/نەمەسە ءشيتتى ماقتانى ماقتا تالشىعىنا وڭدەۋ جونىندەگى جاريا شارتىنىڭ ءنومىرى جانە كۇنى ماقتا تۇقىمىنىڭ سورتتىق جانە ەگىستىك ساپالارى
1 2 3 4 5 6
كەستەنىڭ جالعاسى
ءونىم ءتۇرى ماقتا سەلەك-تسيالىق سورتى ونەركاسىپتىك سورت ءتيپى سىنىبى فيزيكالىق سالماعى لاستانۋى ىلعال-دىلىعى
7 8 9 10 11 12 13 14
كەستەنىڭ جالعاسى
شتاپەل ۇزىندىعى ميكرونەير كورسەتكىشى كونديتسيوندىق ماسساسى باكتەريالى ساڭىراۋقۇلاقتىلىق اۋرۋلارىمەن زاقىمدانۋى ماقتا وڭدەۋ ۇيىمىنىڭ جاۋاپتى قىزمەتكەرىنىڭ ماقتا قولحاتىن بەرۋ تۋرالى قولى
15 16 17 18 19
كەستەنىڭ جالعاسى
ماقتا قولحاتىن العان كەزدەگى ماقتا يەسىنىڭ قولى ماقتا قولحاتىن وتەۋ ءتۇرى ماقتا قولحاتىن وتەۋ كۇنى كەپىل شارتتارى تۋرالى مالىمەتتەر (تالاپ ەتۋ سوماسى جانە ماقتاعا كەپىلدىك قۇقىعىن بەلگىلەۋ مەرزىمدەرى)
20 21 22 23
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 15 قىركۇيەكتە نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №12058 بولىپ ەنگىزىلدى.