2015 جىلعى 2 ماۋسىم, استانا قالاسى
سۋ وبەكتiلەرiن كەمە قاتىناسى ساناتىنا جاتقىزۋ قاعيدالارىن جانە كەمە قاتىناسى, اۋە كەمەلەرىنىڭ ۇشۋى (قونۋى) ءۇشىن پايدالانىلاتىن كەمە قاتىناسى سۋ جولدارىنىڭ تiزبەسiن جانە ولاردى پايدالانۋ قاعيدالارىن بەكiتۋ تۋرالى
قازاقستان رەسپۋبليكاسىنىڭ 2003 جىلعى 9 شىلدەدەگى سۋ كودەكسىنىڭ 105-بابىنىڭ 3-تارماعىنا سايكەس بۇيىرامىن:
1. مىنالار:
1) وسى بۇيرىققا 1-قوسىمشاعا سايكەس سۋ وبەكتىلەرىن كەمە قاتىناسى ساناتىنا جاتقىزۋ قاعيدالارى;
2) وسى بۇيرىققا 2-قوسىمشاعا سايكەس كەمە قاتىناسى, اۋە كەمەلەرىنىڭ ۇشۋى (قونۋى) ءۇشىن پايدالانىلاتىن كەمە قاتىناسى سۋ جولدارىنىڭ تiزبەسi;
3) وسى بۇيرىققا 3-قوسىمشاعا سايكەس كەمە قاتىناسى, اۋە كەمەلەرىنىڭ ۇشۋى (قونۋى) ءۇشىن پايدالانىلاتىن كەمە قاتىناسى سۋ جولدارىن پايدالانۋ قاعيدالارى بەكىتىلسىن.
2. قازاقستان رەسپۋبليكاسى اۋىل شارۋاشىلىعى مينيسترلىگىنىڭ سۋ رەسۋرستارى كوميتەتى زاڭنامادا بەلگىلەنگەن تارتىپپەن:
1) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن;
2) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن كۇنتىزبەلىك ون كۇن ىشىندە ونىڭ كوشىرمەسىنىڭ مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جىبەرىلۋىن;
3) وسى بۇيرىقتىڭ قازاقستان رەسپۋبليكاسى اۋىل شارۋاشىلىعى مينيسترلىگىنىڭ ينتەرنەت-رەسۋرسىندا ورنالاستىرىلۋىن قامتاماسىز ەتسىن.
3. وسى بۇيرىقتىڭ ورىندالۋىن باقىلاۋ جەتەكشىلىك ەتەتىن قازاقستان رەسپۋبليكاسى اۋىل شارۋاشىلىعى ۆيتسە-مينيسترىنە جۇكتەلسىن.
4. وسى بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ اۋىل شارۋاشىلىعى ءمينيسترى ا. مامىتبەكوۆ
«كەلىسىلگەن» «كەلىسىلگەن» «كەلىسىلگەن»
قازاقستان رەسپۋبليكاسىنىڭ قازاقستان رەسپۋبليكاسىنىڭ قازاقستان رەسپۋبليكاسىنىڭ
ينۆەستيتسيالار جانە دامۋ ءمينيسترى ۇلتتىق ەكونوميكا ءمينيسترى ەنەرگەتيكا ءمينيسترى
___________ ءا. يسەكەشەۆ ___________ ە. دوساەۆ ___________ ۆ. شكولنيك
2015 جىلعى 23 ماۋسىم 2015 جىلعى 7 شىلدە 2015 جىلعى 15 ماۋسىم
قازاقستان رەسپۋبليكاسى اۋىل شارۋاشىلىعى ءمينيسترىنiڭ 2015 جىلعى 02 ماۋسىمداعى
№ 19-2/510 بۇيرىعىنا 1-قوسىمشا
سۋ وبەكتiلەرiن كەمە قاتىناسى ساناتىنا جاتقىزۋ قاعيدالارى
1. وسى سۋ وبەكتiلەرiن كەمە قاتىناسى ساناتىنا جاتقىزۋ قاعيدالارى (بۇدان ءارى – قاعيدالار) قازاقستان رەسپۋبليكاسىنىڭ 2003 جىلعى 9 شىلدەدەگى سۋ كودەكسىنىڭ 105-بابىنىڭ 3-تارماعىنا, «Iشكi سۋ كولiگi تۋرالى» 2004 جىلعى 6 شىلدەدەگى قازاقستان رەسپۋبليكاسى زاڭىنىڭ (بۇدان ءارi – سۋ كولىگى تۋرالى زاڭ) 11-بابىنىڭ 2-تارماعىنا سايكەس ازiرلەندi جانە سۋ وبەكتىلەرىن كەمە جۇزەتiن سۋ جولدارى ساناتىنا جاتقىزۋ ءتارتiبىن ايقىندايدى.
2. وسى قاعيدالاردا مىناداي نەگiزگi ۇعىمدار پايدالانىلادى:
1) قورشاعان ورتانى قورعاۋ سالاسىنداعى ۋاكiلەتتi ورگان – قورشاعان ورتانى قورعاۋ جانە تابيعات پايدالانۋ سالاسىندا باسشىلىقتى جانە سالاارالىق ۇيلەستiرۋدi جۇزەگە اسىراتىن ورتالىق اتقارۋشى ورگان, سونداي-اق ونىڭ اۋماقتىق ورگاندارى;
2) ورتالىق اتقارۋشى ورگان – iشكi سۋ كولiگi سالاسىندا باسشىلىقتى, سونداي-اق قازاقستان رەسپۋبليكاسىنىڭ زاڭناماسىندا كوزدەلگەن شەكتە سالاارالىق ۇيلەستىرۋدى جۇزەگە اسىراتىن مەملەكەتتىك ورگان;
3) سۋ قورىن پايدالانۋ جانە قورعاۋ, سۋمەن جابدىقتاۋ, سۋ بۇرۋ سالاسىنداعى ۋاكىلەتتى ورگان (بۇدان ءارى – ۋاكىلەتتى ورگان) – ەلدى مەكەندەر شەگىنەن تىس جەرلەردە سۋ قورىن پايدالانۋ جانە قورعاۋ, سۋمەن جابدىقتاۋ, سۋ بۇرۋ سالاسىنداعى باسقارۋ مەن باقىلاۋ فۋنكتسيالارىن جۇزەگە اسىراتىن مەملەكەتتىك ورگان;
4) قازاقستان رەسپۋبليكاسىنىڭ iشكi سۋ جولدارى – كەمە قاتىناسى ماقساتىندا پايدالانۋعا بولاتىن تابيعي نەمەسە قولدان جاسالعان قاتىناس جولدارى.
3. Iشكi سۋ جولدارى, سۋ كولىگى تۋرالى زاڭنىڭ 1-بابىنىڭ 30) تارماقشاسىنا سايكەس ناۆيگاتسيا كەزەڭiنىڭ بەلگiلەنگەن مەرزiمiندە ولاردىڭ تيەسىلىلىگى مەن مەنشiك نىسانىنا قاراماستان كەمەلەردiڭ iركىلىسسiز ءارi قاۋiپسiز ءجۇزۋi ءۇشiن كەمە ءجۇزۋىنىڭ تيiستi گاباريتتەرىن, كەمە جۇزەتiن گيدروتەحنيكالىق قۇرىلىستاردىڭ (شليۋزدەردiڭ) جۇمىس iستەۋiن, سۋ جولدارىن پايدالانۋ كەزىندە ەكولوگيالىق, سانيتارلىق-ەپيدەميولوگيالىق تالاپتاردىڭ ورىندالۋىن قامتاماسىز ەتەدى.
4. سۋ جولدارى ارقىلى جۇك پەن جولاۋشىلار تاسىمالداۋدى جۇزەگە اسىرۋ مۇمكiندiگىن ءارi ورىندىلىعىن سۋ كولىگى تۋرالى زاڭنىڭ 9-بابىنىڭ 1-تارماعىنىڭ 2) تارماقشاسىنا سايكەس ورتالىق اتقارۋشى ورگان ايقىندايدى.
5. ورتالىق اتقارۋشى ورگان سۋ وبەكتىلەرىن كەمە قاتىناسى ساناتىنا جاتقىزۋ جانە سۋ وبەكتىلەرىن نەمەسە ولاردىڭ ۋچاستكەلەرىن (شەكاراسىن كورسەتiپ) كەمە قاتىناسى, اۋە كەمەلەرىنىڭ ۇشۋى (قونۋى) ءۇشىن پايدالانىلاتىن كەمە قاتىناسى سۋ جولدارىنىڭ تiزبەسiنە قوسۋ تۋرالى ۇسىنىستار دايىندايدى.
6. ۇسىنىستارعا مىنالار ەنگىزىلەدى:
1) جەرگىلىكتى اتقارۋشى ورگاندار ۇسىناتىن تاسىمالداۋدىڭ كۇتىلەتىن كولەمى, جۇك تاسقىننىڭ بولجالدى باعدارى مەن تاسىمالداۋ پروتسەسىن ۇيىمداستىرۋ ءۇشىن كولىك (جولاۋشىلار) فلوتىنىڭ جوسپارلانعان سانى;
2) كەمە قاتىناسى ساناتىنا جاتقىزۋعا ۇسىنىلاتىن سۋ وبەكتiسىنىڭ سحەمالىق جوسپارى, گيدرولوگيالىق سيپاتتاماسى جانە پايدالانۋ ەرەكشەلiكتەرi;
3) كەمە قاتىناسى ساناتىنا جاتقىزۋعا ۇسىنىلاتىن سۋ وبەكتiسىندە كەمە قاتىناسىنىڭ قاۋىپسىزدىگىن قامتاماسىز ەتۋ جونىندەگى ۇسىنىستار جانە ولاردى قىسقا مەرزىمدى ء(ۇش جىلدىق) پەرسپەكتيۆادا كۇتىپ-ۇستاۋ بويىنشا قارجى قاراجاتىنىڭ قاجەتتىلىگى.
7. سۋ وبەكتiلەرiن كەمە قاتىناسى ساناتىنا جاتقىزۋ جونiندەگi ۇسىنىستار:
قورشاعان ورتانى قورعاۋ سالاسىنداعى ۋاكiلەتتi ورگانمەن;
حالىقتىڭ سانيتاريالىق-ەپيدەميولوگيالىق سالاماتتىلىعى سالاسىنداعى ۆەدومستۆونىڭ اۋماقتىق بولىمشەلەرىمەن كەلiسiلەدi.
قازاقستان رەسپۋبليكاسى اۋىل شارۋاشىلىعى ءمينيسترىنiڭ 2015 جىلعى 2 ماۋسىمداعى
№ 19-2/510 بۇيرىعىنا 2-قوسىمشا
كەمە قاتىناسى, اۋە كەمەلەرىنىڭ ۇشۋى (قونۋى) ءۇشىن پايدالانىلاتىن
كەمە قاتىناسى سۋ جولدارىنىڭ تiزبەسi
1. بالقاش كولi.
2. ەسiل وزەنi, پەتروپاۆل سۋ قويماسىنىڭ بوگەتiنەن باستاپ سولتۇستiك قازاقستان وبلىسىنىڭ پريشيمكا كەنتiنە دەيiن.
3. ەسىل وزەنىنىڭ استانا قالاسىنىڭ اكىمشىلىك-اۋماقتىق شەكاراسى شەگىندەگى ۋچاسكەسى.
4. جايىق-كاسپي كانالى.
5. قازاقستان رەسپۋبليكاسىنىڭ اۋماعىنداعى قيعاش وزەنىنىڭ ۋچاسكەسi (ۆولگا وزەنiنىڭ سالاسى).
6. قارا ەرتiس وزەنi (قىتاي حالىق رەسپۋبليكاسىمەن شەكارادان باستاپ) زايسان كولi - بۇقتىرما, وسكەمەن جانە ءشۇلبى سۋ قويمالارىمەن بiرگە ەرتiس وزەنi (رەسەي فەدەراتسياسىمەن شەكاراعا دەيiن).
7. رەسەي فەدەراتسياسىنان باستاپ جايىق وزەنىنىڭ ساعاسىنا دەيiنگى جايىق وزەنiنىڭ ۋچاسكەسi.
8. سىرداريا وزەنi, قىزىلوردا قالاسى مەن پاروم وتكەلدەرiنىڭ ماڭى.
9. Iلە وزەنi, قاپشاعاي سۋ قويماسىمەن بiرگە قىتاي حالىق رەسپۋبليكاسىمەن شەكارادان باستاپ قاپشاعاي CەC بوگەتiنە دەيiن.
قازاقستان رەسپۋبليكاسى اۋىل شارۋاشىلىعى ءمينيسترىنiڭ 2015 جىلعى 2 ماۋسىمداعى
№ 19-2/510 بۇيرىعىنا 3-قوسىمشا
كەمە قاتىناسى, اۋە كەمەلەرىنىڭ ۇشۋى (قونۋى) ءۇشىن پايدالانىلاتىن كەمە قاتىناسى
سۋ جولدارىن پايدالانۋ قاعيدالارى
1. جالپى ەرەجەلەر
1. وسى كەمە قاتىناسى, اۋە كەمەلەرىنىڭ ۇشۋى (قونۋى) ءۇشىن پايدالانىلاتىن كەمە قاتىناسى سۋ جولدارىن پايدالانۋ قاعيدالارى (بۇدان ءارi – قاعيدالار) قازاقستان رەسپۋبليكاسىنىڭ 2003 جىلعى 9 شىلدەدەگى سۋ كودەكسىنىڭ 105-بابىنىڭ 3-تارماعىنا, «Iشكi سۋ كولiگi تۋرالى» 2004 جىلعى 6 شىلدەدەگى قازاقستان رەسپۋبليكاسى زاڭىنىڭ (بۇدان ءارi – سۋ كولىگى تۋرالى زاڭ) 13, 14, 15-4-باپتارىنا «قازاقستان رەسپۋبليكاسىنىڭ اۋە كەڭىستىگىن پايدالانۋ جانە اۆياتسيا قىزمەتى تۋرالى» 2004 جىلعى 15 شىلدەدەگى قازاقستان رەسپۋبليكاسى زاڭىنىڭ 1-بابىنىڭ 45) تارماقشاسىنا جانە 63-بابىنىڭ 3-تارماعىنا سايكەس ازiرلەندi جانە كەمە قاتىناسى, اۋە كەمەلەرىنىڭ ۇشۋى (قونۋى) ءۇشىن پايدالانىلاتىن كەمە قاتىناسى سۋ جولدارىن پايدالانۋ ءتارتiبiن ايقىندايدى.
2. وسى قاعيدالاردىڭ قولدانىسى, وسى بۇيرىقپەن بەكىتىلگەن كەمە قاتىناسى, اۋە كەمەلەرىنىڭ ۇشۋى (قونۋى) ءۇشىن پايدالانىلاتىن كەمە قاتىناسى سۋ جولدارىنىڭ تiزبەسiنە سايكەس كەمە قاتىناسى ءۇشiن اشىق سۋ جولدارىنا تارالادى.
3. وسى قاعيدالاردا مىناداي نەگىزگى ۇعىمدار پايدالانىلادى:
1) اۋماقتىق بولىمشەلەر – ۋاكىلەتتى ورگاننىڭ اۋماقتىق بولىمشەلەرى;
2) كەمە – كەمە قاتىناسى تiركەلiمiنiڭ تەحنيكالىق باقىلاۋىنداعى, ىشكى سۋلاردا جۇزەتىن كەمە, كەمە قاتىناسى ماقساتىندا پايدالانىلاتىن وزدىگىنەن جۇزەتiن نەمەسە وزدىگىنەن جۇزبەيتiن جۇزبەلi قۇرىلعى, ونىڭ iشiندە «وزەن-تەڭiزدە» جۇزەتiن كەمە, پاروم, تەحنيكالىق فلوت كەمەسى (سۋ ءتۇبiن تەرەڭدەتۋشi جانە سۋ ءتۇبiن تازارتۋشى سناريادتار, جۇزبەلi كران جانە باسقا دا وسى سياقتى تەحنيكالىق قۇرىلىستار);
3) كەمە جولى – بەلگiلi بiر كولەمدەگi كەمەلەردiڭ كەدەرگiسiز جۇزۋiنە جول بەرiلەتiن شەكتەردە جولدىڭ باعىتى مەن شەكارالارىن كورسەتەتiن ناۆيگاتسيالىق جاعدايدىڭ بەلگiلەرi قويىلعان, iشكi سۋ جولدارىنداعى سۋ بەتi;
4) رەيدتەر – كەمەلەردiڭ زاكiر سالىپ تۇرۋىنا, مانەۆر جاساۋىنا نەمەسە جۇكتەردi قايتا تيەۋگە ارنالعان كەمە جولى شەگiنەن تىس پورت اكۆاتورياسىنىڭ بولiگi;
5) سۋدىڭ جوبالىق دەڭگەيى – كەمە قاتىناسى قارقىندىلىعىنىڭ بەلگىسى بويىنشا سۋ جولدارى توبىنا قاراي كوپجىلدىق قامتاماسىز ەتۋدىڭ بەلگىلەنگەن شاماسى بار, تومەنگى ناۆيگاتسيا دەڭگەيلەرىنىڭ ءبىرى, ونىڭ نەگىزىندە كەمە قاتىناسى وزەندەرىندە كەپىلدىك بەرىلگەن كەمە ءجۇرىسى گاباريتتەرى بەلگىلەنەدى;
6) ۋاكiلەتتi ورگان – iشكi سۋ كولiگi سالاسىنداعى باسشىلىقتى, سونداي-اق سۋ كولىگى تۋرالى زاڭنىڭ 1-بابىنىڭ 43) تارماقشاسىمەن كوزدەلگەن شەكتە سالاارالىق ۇيلەستىرۋدى جۇزەگە اسىراتىن ورتالىق اتقارۋشى ورگان;
7) ۋاكiلەتتi ورگاننىڭ كاسiپورنى – قىزمەت كورسەتەتiن شەكارالار شەگiندە كەمەلەردiڭ قاۋiپسiز ءجۇزۋiن قامتاماسىز ەتۋ ماقساتىندا iشكi سۋ جولدارىن جانە كەمە قاتىناسىنىڭ گيدروتەحنيكالىق قۇرىلىستارىن (شليۋزدەرىن) تيiسiنشە كۇتiپ-ۇستاۋ مەن دامىتۋ ءۇشiن وندiرiستiك قىزمەتتi جۇزەگە اسىرۋ نەگiزگi مiندەتi بولىپ تابىلاتىن iشكi سۋ كولiگiنiڭ مەملەكەتتiك كاسiپورنى.
2. كەمە قاتىناسى, اۋە كەمەلەرىنىڭ ۇشۋى (قونۋى) ءۇشىن پايدالانىلاتىن
كەمە قاتىناسى سۋ جولدارىن كۇتىپ-ۇستاۋ
4. استانانىڭ اكىمشىلىك-اۋماقتىق شەكاراسى شەگىندەگى ەسىل وزەنىنىڭ كەمە قاتىناسى ۋچاسكەسىن قوسپاعاندا, سۋ جولى جۇمىستارىن, ونىڭ iشiندە مەملەكەت مەنشiگiندەگi پورتتاردا رەيدتەر جانە وسى پورتتاردىڭ ايلاقتارىنا كiرەبەرiستەردi جاساۋ مەن كۇتiپ-ۇستاۋ جونiندەگi جۇمىستاردى جۇرگiزۋدi, سونداي-اق كەمە قاتىناسىنىڭ گيدروتەحنيكالىق قۇرىلىستارىن كۇتiپ-ۇستاۋ مەن تاسىمالداۋشىنىڭ تەحنولوگيالىق بايلانىستى ۇيىمداستىرۋىن ۋاكiلەتتi ورگاننىڭ كاسiپورىندارى جۇزەگە اسىرادى.
استانانىڭ اكىمشىلىك-اۋماقتىق شەكاراسى شەگىندەگى ەسىل وزەنىنىڭ كەمە قاتىناسى ۋچاسكەسىندە سۋ جولى جۇمىستارىن جۇرگiزۋدi قامتاماسىز ەتۋدى استانا اكىمدىگى جۇزەگە اسىرادى.
5. كەلەسى جاعدايلاردا سۋ جولى جۇمىستارى جۇرگiزىلمەيدى:
1) ەگەر كەمە قاتىناسى سۋ جولىنىڭ ەكi جاعالاۋى دا كەمە جۇزەتiن بولىپ تابىلسا جانە كەمەلەردiڭ قوزعالىسى ساعانىڭ بۇكiل ەنi بويىنا مۇمكiن بولسا (مۇنداي جاعدايدا ناۆيگاتسيالىق بەلگiلەر ورناتىلماۋى مۇمكiن);
2) ەگەر كەمە قاتىناسى سۋ جولىنىڭ بۇكiل ۇزىندىعىنا وسى قاعيدالارعا قوسىمشاعا سايكەس شەكتەۋلi قازۋلار جانە كەمەلەر مەن قۇرامداردىڭ كولەمi, شوگۋi بويىنشا شەكتەۋلەر بولماسا.
6. پورتتارعا (وسى قاعيدالارىڭ 4-تارماعىنىڭ ءبىرىنشى بولىمىندە كورسەتiلمەگەن) كiرەبەرiستەردەگi, سونداي-اق توقتاۋ پۋنكتتەرiندەگi جول جۇمىستارىن جۇرگiزۋدi ولاردىڭ يەلەرi جۇزەگە اسىرادى.
7. Iشكi سۋ جولدارىن جانە ولارداعى كەمە قاتىناسى گيدروتەحنيكالىق قۇرىلىستارىن كۇتiپ-ۇستاۋ جونiندەگi جۇمىستار جول جۇمىستارىن جۇرگiزۋگە ارنايى رۇقساتسىز جۇزەگە اسىرىلادى.
8. سۋ كولىگى تۋرالى زاڭنىڭ 17-بابىنىڭ 2) تارماقشاسىنا سايكەس ىشكى سۋ كولىگى سالاسىنداعى باقىلاۋ مەن قاداعالاۋدى اۋماقتىق بولىمشەلەر كەمە قاتىناسىنىڭ سۋ جولدارىن جانە ناۆيگاتسيالىق جابدىقتار قۇرالدارىن تيiسiنشە كۇتiپ ۇستاۋدى باقىلاۋ جانە قاداعالاۋ ارقىلى جۇزەگە اسىرادى.
3. كەمە قاتىناسى, اۋە كەمەلەرىنىڭ ۇشۋى (قونۋى) ءۇشىن پايدالانىلاتىن
كەمە قاتىناسى سۋ جولدارىن ناۆيگاتسيالىق قورشاۋ
9. كەمە قاتىناسى, اۋە كەمەلەرىنىڭ ۇشۋى (قونۋى) ءۇشىن پايدالانىلاتىن كەمە قاتىناسى سۋ جولدارىن ناۆيگاتسيالىق قورشاۋ iشكi سۋ جولدارىندا كەمەلەردiڭ جۇزۋiنە, اۋە كەمەلەرىنىڭ ۇشۋىنا (قونۋىنا) قاۋiپسiز جاعدايلار جاساۋعا جانە جاساندى قۇرىلىستاردىڭ ساقتالۋىن قامتاماسىز ەتۋگە ارنالعان.
10. كەمە قاتىناسى, اۋە كەمەلەرىنىڭ ۇشۋى (قونۋى) ءۇشىن پايدالانىلاتىن كەمە قاتىناسى سۋ جولدارىنىڭ ناۆيگاتسيالىق قورشاۋىن كۇتiپ-ۇستاۋدى كاسiپورىندار ورىندايدى جانە ول ناۆيگاتسيالىق جابدىق قۇرالدارىن ورناتۋ مەن ولارعا قىزمەت كورسەتۋ جونiندەگi جۇمىستاردى جۇرگiزۋدەن تۇرادى. كاسiپورىندار كەمە جۇرگiزۋشىلەرگە جول جاعدايلارىنىڭ جاي-كۇيى مەن ولاردىڭ وزگەرۋi تۋرالى حابارلايدى.
11. تەمiر جول, اۆتوجول, كوممۋنالدىق جانە قالقىمالى كوپiرلەردە, سۋ استىنداعى جانە اۋەدەگi ءوتۋ جولدارىندا, سۋ جيناعىشتار مەن سۋ جiبەرگiشتەردە, ولاردى ساقتاۋعا جانە كەمەلەردiڭ جۇزۋiنە قاۋiپسiز جاعداي جاساۋعا ارنالعان كەمە قاتىناسى سيگنالدارىنىڭ بەلگىلەرi (ستاتسيونارلى جانە قالقىما) مەن شىراقتارىن ورناتۋ جانە كۇتiپ-ۇستاۋدى وسى قۇرىلىستاردىڭ يەلەرi جۇرگىزەدi.
12. سۋ كiرە بەرiستەرiندەگi جانە پورتتار, ايلاقتار, بوگەتتەر, رەيدتەر جانە وقشاۋلاندىرىلعان پايدالانىمداعى سۋ جولدارىنىڭ باسقا دا ۋچاسكەلەرi اكۆاتورياسىنداعى ناۆيگاتسيالىق قورشاۋدى ورناتۋ مەن كۇتiپ-ۇستاۋدى وسى اكۆاتوريالار مەن سۋ جولدارىنىڭ ۋچاسكەلەرi پايدالانىمىندا ورنالاسقان جاساندى قۇرىلىستاردىڭ يەلەرi جانە ۇيىمدار اۋماقتىق بولىمشەلەرمەن كەلiسiم بويىنشا جۇرگiزەدi.
13. جاعالىق جانە قالقىما بەلگiلەردەگi ناۆيگاتسيالىق شىراقتار ىمىرتتىڭ ورتاسىنا سايكەس كەلەتiن (كۇننىڭ كوكجيەكتەن ءۇش گرادۋس تومەن بولعان كەزiندە) كەمiندە قىرىق – ءجۇز ليۋكستى قۇرايتىن, كولدەنەڭiنەن جارىق تۇسiرگەن كەزدە جۇمىس iستەيدى.
كەمە قاتىناسى سۋ جولدارىندا ورنالاسقان قۇرىلىستارداعى ناۆيگاتسيالىق شىراقتار شەكتەۋلى كورۋ كەزەڭiندە جۇمىس iستەيدى.
14. سۋ جولىنىڭ سيگنالدىق بەلگىلەرi كەمەلەردi نەمەسە ءجۇزۋ قۇرالدارىن ارقانداپ بايلاۋ نەمەسە شىعارۋ ءۇشiن پايدالانىلمايدى, سونداي-اق وسى بەلگiلەر زاقىمدالمايدى.
15. ءاربiر كەمە جۇرگiزۋشi جانە اۋە كەمەسىنىڭ ۇشقىشى ءتيiستى كاسiپورىندى جولدىڭ سيگنالدىق بەلگiلەرiندە بايقالعان جۇمىس iستەۋ اقاۋلىعىنىڭ بارلىق جاعدايلارى (سونگەن شىراق, باكەننىڭ, قالقىمانىڭ ورنىنان قوزعالۋى, بەلگiنiڭ زاقىمدانۋى) تۋرالى حاباردار ەتەدi.
16. اۋماقتىق بولىمشەلەر iشكi سۋ جولدارىنىڭ قورشاۋلارى زاقىمدانۋىنىڭ, جولدىڭ جاريالانعان كولەمدەرiنىڭ سايكەس بولماۋى سالدارىنان قازۋلار زاقىمدانۋىنىڭ بارلىق جاعدايلارىنا اكتىلەر جاسايدى جانە ولاردى جويۋ جونiندە قاجەتتi شارالار قابىلدايتىن كاسىپورىنعا جiبەرەدi.
17. كەمە قاتىناسى ىشكى سۋ جولدارىن پايدالانۋ قازاقستان رەسپۋبليكاسى ينۆەستيتسيالار جانە دامۋ ءمينيسترىنىڭ مىندەتىن اتقارۋشىنىڭ 2015 جىلعى 24 اقپانداعى № 161 بۇيرىعىمەن بەكىتىلگەن (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىنە № 10870 تىركەلگەن) ىشكى سۋ جولدارىن پايدالانۋ قاعيدالارىمەن رەتتەلەدى.
كەمە قاتىناسى, اۋە كەمەلەرىنىڭ ۇشۋى (قونۋى) ءۇشىن پايدالانىلاتىن كەمە قاتىناسى
سۋ جولدارىن پايدالانۋ قاعيدالارىنا قوسىمشا
كەمەلەر مەن سۋ جولدارى كولەمدەرiنiڭ ارا قاتىناسى
كەمە قاتىناسى سۋ جولدارىنداعى ءتۇپ استىنداعى ەڭ از سۋ زاپاستارى (سانتيمەترمەن)
سۋ جولىنىڭ تەرەڭدىگى بارلىق كەمەلەر ءۇشiن
قۇمدى جانە
جۇمىرتاستى جەردە تاستى جەردە
150-دەن كەم 10 15
150-300 15 20
300-دەن ارتىق 20 25
ەسكەرتپە:
1. زاپاستاردىڭ ءمانi شەكتەۋلi قازۋدا جاريالانعان تەرەڭدiك پەن تۇرعان كەمەنiڭ ەڭ ۇلكەن شوگۋi اراسىنداعى ايىرماشىلىقتى كورسەتەدi.
2. تەرەڭدiگi بويىنشا شەكتەۋلى قازۋدان وتكەن كەزدە كەمە جۇرگiزۋشiلەرi قايىرلاۋ قۇبىلىسىن ەسكەرەدi جانە كەمە جىلدامدىعىن تومەندەتۋ نەمەسە كومەكشi سۇيرەتiپ ءجۇزۋشى كەمەنi تارتۋ جولىمەن, مۇنداي شارالار جەتكiلiكسiز بولعان كەزدە – شوگۋدi (تيەۋدi) تيiستi ازايتۋ جولىمەن ونى تومەندەتۋ ءۇشiن شارالار قابىلدايدى.
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 11 تامىزدا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №11862 بولىپ ەنگىزىلدى.