وڭتۇستىك قازاقستان وبلىسىنداعى تاشكەنت تاس جولىندا كولىك اپاتىنان 4 ادام قاز تاپتى.
وقىس وقيعا تاشكەنت – الماتى – تەرمەز تاس جولىنداعى قاراتاس اۋىلى ماڭىندا بولعان. كۋاگەرلەردىڭ ايتۋىنشا, Mercedes-Benz اۆتوكولىگى جوعارى جىلدامدىقپەن كەلە جاتىپ جولدىڭ شەتىندەگى ءشايحانا الدىندا تۇرعان «گازەل» كولىگىن سوققان.
وبلىستىق ىشكى ىستەر دەپارتامەنتىنىڭ مالىمەتىنشە, اپات سالدارىنان 1993 جانە 1997 جىلعى ەكى قىز بەن 1993 جىلعى جىگىت وقيعا ورنىندا قازا تاپتى, ال 1991 جىلعى جۇرگىزۋشى اۋرۋحاناعا بارا جاتقان جولدا جان تاپسىرعان. قىلمىستىق كودەكستىڭ 345-بابىنىڭ 4-بولىگى بويىنشا الدىن-الا تەرگەۋ جۇمىستارى باستالدى.
«وتىرار» تەلەارناسىنىڭ حابارلاۋىنشا, جەڭىل اۆتوكولىكتىڭ رولىندە سول كۇنى ۇيلەنەيىن دەپ جاتقان جىگىت بولعان جانە ول ءبىر جاستارمەن بىرگە ءوز تويىنا بارا جاتقان. كولىكتىڭ ىشىندە ونىڭ جولداسى مەن ەكى قارىنداسى بولعان. جىگىتتىڭ قالىڭدىعى باسقا ماشينادا وتىرعان, ول زارداپ شەككەن جوق.
ەگەمەن-اقپارات