ەلباسى نۇرسۇلتان نازارباەۆ سپورت سارايىندا جەڭىل اتلەتيكا مانەجىن, مۇز ايدىنىن جانە وقۋ-جاتتىعۋ بازاسىن ارالاپ كوردى, دەپ حابارلايدى ەگەمەن-اقپارات.
مەملەكەت باسشىسى سونداي-اق, كوركەم گيمناستيكا ونەرى كورسەتىلىمىن, جەڭىل اتلەتيكا مەن حوككەي جاتتىعۋلارىن تاماشالادى.
بۇدان بولەك, نۇرسۇلتان نازارباەۆ سولتۇستىك قازاقستان وبلىسى جۇرتشىلىعى وكىلدەرىمەن كەزدەستى.
كەزدەسۋگە كاسىپكەرلەر, الەۋمەتتىك سالا قىزمەتكەرلەرى, ارداگەرلەر, جاستار بەلسەندىلەرى, قوعامدىق ۇيىمدار مەن ەتنومادەني بىرلەستىكتەردىڭ جەتەكشىلەرى قاتىستى.
مەملەكەت باسشىسى اڭگىمە بارىسىندا سولتۇستىك قازاقستاننىڭ رەسپۋبليكا بويىنشا بارلىق استىق كولەمىنىڭ ۇشتەن ءبىرىن وسىرەتىن جەتەكشى اگرارلىق-يندۋستريالىق ءوڭىر ەكەنىن اتاپ ءوتتى. سونداي-اق, قازاقستاننىڭ باسەكەگە قابىلەتتىلىگىن ارتتىرۋداعى وبلىستىڭ ۇلەسىنە نازار اۋداردى. قازاقستان پرەزيدەنتى تاۋەلسىزدىك جىلدارى كوپ نارسەگە قول جەتكىزىلگەنىن, بىراق ءاربىر قازاقستاندىق وتباسىنىڭ تۇرمىسىن تۇزەپ, ءال-اۋقاتىن جاقسارتۋ ءۇشىن ءالى دە كوپ شارۋا تىندىرۋ قاجەتتىگىن ايتتى.
كەزدەسۋ سوڭىندا نۇرسۇلتان نازارباەۆ جينالعاندارعا زور دەنساۋلىق پەن باق-بەرەكە تىلەدى.
ەگەمەن-اقپارات