قاراعاندى وبلىسىنداعى جەزقازعان قالاسىندا كامەلەتكە جاسى جەتپەگەن قىز بالانى زورلاماقشى بولعان دەگەن كۇدىكپەن شەتەلدىك ازامات قاماۋعا الىندى. بۇل تۋرالى وبلىستىق ءىىد ءباسپاسوز قىزمەتى حابارلادى.
وقىس وقيعا 19 قىركۇيەك كۇنى ورىن العان. جەزقازعان قالاسىنىڭ 38 جاسار تۇرعىنى ساياباقتا بەلگىسىز بىرەۋدىڭ 10 جاسار قىز بالاعا قاتىستى جىنىستىق سيپاتتاعى زورلىق-زومبىلىق ارەكەتتەرىن جاساماقشى بولعانىن 102 نومەرىنە حابارلاعان. وقيعا ورنىنا جەدەل جەتكەن پوليتسيا قىزمەتكەرلەرى وڭتۇستىك قازاقستان وبلىسىندا تۇراتىن وزبەكستان رەسپۋبليكاسىنىڭ 23 جاسار ازاماتىن ۇستادى.
قازىرگى ۋاقىتتا كۇدىكتى ۋاقىتشا ۇستاۋ وقشاۋلاعىشىندا قاماۋدا وتىر. وعان قاتىستى سوتقا دەيىنگى تەرگەۋ امالدارى جۇرگىزىلۋدە.
قايرات ءابىلدينوۆ