رەسەيلىك ينتەرنەت-باسىلىم lenta.ru كارنەگي قورىنىڭ ۆيتسە-پرەزيدەنتى, كوپ جىلدان بەرى قىتايدى زەرتتەپ كەلە جاتقان مامان دۋگلاس پاالمەن سۇحباتتى جاريالادى. تومەندە سۇحباتتان نەگىزگى تسيتاتالار.
قىتاي باياعىدا «بەلەسەبەت مىنگەن ادامدار» ەلى بولعان. قازىر ول – ايماقتاعى اسا ماڭىزدى ويىنشى. بىراق قىتايدى جاڭا كوتەرىلىپ كەلە جاتقان سۋپەردەرجاۆا دەپ تە اتاي المايمىن. ۆاشينگتونمەن تەڭەسۋ ءۇشىن پەكين ءالى 30 جىل اسا ۋاقىت جىلدام قارقىنمەن دامۋى كەرەك. اقش تا ءبىر ورىندا تۇرمايتىنىن ەسكەرۋ كەرەك.
قىتايدى ءتىپتى جاپونيامەن سالىستىرۋ ەرتە. جاپونيانىڭ ەكونوميكاسى مەن اسكەري سالاعا جۇمسايتىن شىعىندارى تومەندەسە, ال قىتايدىكى جىلدام ءوسىپ وتىرسا, ەكى ەلدىڭ اسكەري تەڭىز كۇشتەرىنىڭ قۋاتى 2030 جىلى عانا تەڭەسەدى.
ەگەر قازىر پەكين شىعىس قىتاي تەڭىزىندەگى سەنكاكۋ ارالدارى ءۇشىن توكيومەن سوعىسقا كيلىكسە, كۇيرەي جەڭىلگەن بولار ەدى. ۇزدىك تەڭىزشىلەر, ۇزدىك اسكەري ۇشقىشتار, ۇزدىك ۇشقىشتار – مۇنىڭ ەشقايسىسى ءالى قىتايدا جوق.
بۇرىن مەن اقش پەن قىتاي اراسىندا «جاناما سوعىس» بولۋى مۇمكىن ەمەس دەپ ويلايتىنمىن (جاناما سوعىس – ەكى ەلدىڭ ءوز ماقساتتارىنا جەتۋ ءۇشىن ءۇشىنشى ءبىر ەلدىڭ تەرريتورياسىندا جانە سول ەلدىڭ رەسۋرستارى كومەگىمەن قاقتىعىسۋى – رەد.) ال قازىر مۇنداي قاقتىعىس مۇمكىن نارسەگە اينالدى.
ول ۆەتنام مەن قىتايدىڭ نەمەسە جاپونيانىڭ قىتايمەن سوعىسى بولۋى مۇمكىن. ءبىز قالامايمىز, بىراق ونداي قاقتىعىستىڭ العىشارتتارى بار: پەكين ءوزىنىڭ مۇددەلەرىن اگرەسسيۆتى جولمەن قورعاپ كەلەدى. جانە ءبىزدىڭ وداقتاستارىمىزبەن قاقتىعىسقا تۇسۋدە. ءبىز ولاردى قورعاۋعا مىندەتتىمىز.
مەنىڭشە, قىتاي رەسەيمەن قازىرگىدەن دە تەرەڭ قاتىناسقا بارعىسى كەلەدى. بىراق رەسەيدىڭ قىتايمەن وداقتاسۋعا نامىسى جىبەرە قويمايدى. ويتكەنى, پەكين ول وداقتا «اعا» بولعىسى كەلەدى. ماسكەۋ بۇعان كونە قويمايدى.
وباما پەكينگە قاتىستى «قاتاڭ پوزيتسيا ۇستاعىلارىڭ كەلە مە؟ ءبىزدىڭ پوزيتسيا ودان دا قاتاڭ بولادى!» دەگەن پرينتسيپكە كوشكەن سياقتى. مەنىڭشە پەكينمەن ديالوگتا مۇنداي كوزقاراس جارامايدى.
ەگەمەن-اقپارات