الماتىداعى «رۋح بگ» باسپاسىنان جازۋشى بەيبىت قويشىباەۆتىڭ «جەلتوقسان-سىن» اتتى جاڭا كىتابى جارىق كوردى. مۇندا اۆتوردىڭ جەلتوقسان وقيعاسىنا بايلانىستى ءوز باسىنان كەشكەندەرى, سونداي-اق ءار كەزدە العان, بەرگەن سۇحباتتارى, جازعان ماقالالارى, ءتۇرلى جيىنداردا جاساعان باياندامالارى توپتاستىرىلعان.
جازۋشى بەيبىت قويشىباەۆ 1986 جىلعى جەلتوقسان كوتەرىلىسىنە وراي رەسپۋبليكامىزداعى توتاليتاريزم تسيتادەلدەرىنىڭ بىرىندە بيلەۋشى پارتيا باعىتىنا قيعاش ماسەلە كوتەرىپ, جازىقتى بولعان ەدى. پارتيالىق جانە اكىمشىلىك تۇرعىدان جازالانعان. الايدا, قالامگەر ءوزىنىڭ ازاماتتىق پوزيتسياسىنان تايماي, سودان بەرگى جىلدار بويى جاستار قوزعالىسىنىڭ قىر-سىرىن اشۋ جولىندا تاباندى ەڭبەك ەتىپ كەلەدى. سول ەڭبەگىنىڭ كورىنىسى ىسپەتتى «جەلتوقسان-سىن» پۋبليتسيستيكالىق حرونيكاسىنان وقىرمان قاۋىم جازۋشىنىڭ ەلىمىزدە كەيىنگى وتىز شاقتى جىل ىشىندە ورىن الىپ كەلە جاتقان وزگەرىستەر مەن ىلگەرىلەۋلەر بارىسىندا تۋعان ءتۇرلى وي-تولعامدارى, پىكىر-پايىمدارىمەن تانىسا الادى.
كىتاپ حرونولوگيالىق رەتپەن قۇراستىرىلعان. بۇل ءتارتىپ بەلگىلى دارەجەدە اۆتوردىڭ ماسەلەگە كوزقاراسىنىڭ ەلىمىزدەگى قيلى قوعامدىق قوزعالىستار جۇمىستارىنا بايلانىستى قالاي دامىعانىن, ورىستەۋ باعىتىن كورۋگە مۇمكىندىك بەرەدى. اۆتور جەلتوقسان كوتەرىلىسىنە كوزقاراستى جەكەلەگەن اركىمنىڭ قوعامدىق بەلسەندىلىگىنىڭ ايقىنداۋىشى, ولشەمى رەتىندە قاراستىرادى.
قالامگەر بۇل ەڭبەگىن جەلتوقسان كوتەرىلىسىنىڭ 30 جىلدىعى مەن تاۋەلسىزدىكتىڭ 25 جىلدىعىنا ارنايدى. جيناق قالىڭ كوپشىلىككە, جاستارعا, وتان تاريحىن زەرتتەۋشىلەرگە پايدالى ماعلۇماتتار بەرەدى.
«ەگەمەن-اقپارات»