استانادا جاساعان ازىق-ت ۇلىك جارمەڭكەسىنە باتىس قازاقستان وبلىسىنىڭ 12 اۋدانى مەن ورال قالاسىنىڭ كاسىپكەرلەرى جالپى سالماعى 200 توننادان استام ازىق-ت ۇلىك اكەلدى. قويىلعان باعالار استاناداعىمەن سالىستىرعاندا شامامەن 20-30 پايىزداي ارزان بولدى. وبلىس اكىمى التاي كولگىنوۆتىڭ ايتۋىنشا, قازىر وبلىستا 21 اسىل تۇقىمدى مال وسىرەتىن شارۋاشىلىق, 10 بورداقىلاۋ كەشەنى بار. وتكەن جىلى ەكسپورتقا شىعارىلعان ەت پەن ەت ونىمدەرىنىڭ كولەمى الدىڭعى جىلمەن سالىستىرعاندا 2,3 ەسە كوپ بولدى.
استانالىق تۇتىنۋشىلار ءۇشىن «كۋبلەي» جشس, «جايىق ەت» جشس, «ماسلودەل» اق, «اگروپرودۋكت لتد» جشس, «بەلەس اگرو» اق, «يمانوۆسكيە پولۋفابريكاتى» جشس جانە باسقالارى ءوز ءونىمدەرىن اكەلدى. وبلىستاعى ەت ءوندىرۋشى اۋدانداردىڭ ءبىرى سانالاتىن قازتالوۆ اۋدانىنىڭ اكىمى نۇرلان ماعاز ۇلى:
– ءبىز اۋداننان 2 توننا جىلقى ەتىن, 2 توننا سيىر ەتىن اكەلدىك. ونىمدەرىمىز ساپالى, سانيتارلىق نورمالارعا ساي. باعاسى دا جەرگىلىكتى ەتتىڭ باعاسىنان ارزان, – دەدى.
اتىراۋ وبلىسى اۋىلشارۋاشىلىق جارمەڭكەسىنە جالپى كولەمى 90 توننادان استام ءونىم ۇسىندى. مۇنايلى ءوڭىردىڭ اۋىلشارۋاشىلىق ونىمدەرىن شىعارۋشى كاسىپكەرلەرى ەت, ءسۇت, شۇجىق ونىمدەرىن, قۇس ەتى مەن جۇمىرتقا سىندى باس-اياعى 58 ءتۇرلى تاۋار جەتكىزىپتى.
اتىراۋ وبلىسىندا 2 مىڭنان استام اگروونەركاسىپ كاسىپورىندارى بار. ونىڭ 500-گە جۋىعى ەگىن شارۋاشىلىعىمەن, 1500-دەن استامى مال جانە ارالاس شارۋاشىلىقپەن اينالىسادى. 2015 جىلدىڭ سايكەس كەزەڭىندەگى كورسەتكىشپەن سالىستىرعاندا, بيىلعى جىلدىڭ التى ايىندا اۋىلشارۋاشىلىق ونىمدەرىنىڭ كولەمى 4,5 پايىزعا وسكەن. وبلىستاعى ەگىستىك جەرلەردىڭ اۋماعى دا وسىدان 5 جىلعى كولەمنەن 20 پايىزعا ۇلعايىپتى.
ارنۇر اسقار, ايگۇل سەيىلوۆا,
سۋرەتتەردى تۇسىرگەن ورىنباي بالمۇرات,