«نۇر وتان» پارتياسى جانىنداعى «جاس وتان» جاستار قاناتىنىڭ باستاماسىمەن «جاستار كادرلىق رەزەرۆى» اتتى مانساپتىق ساتىعا كوتەرىلۋگە قۇشتارلىعى بار, جوعارى كاسىبي باسقارۋشىلىق قاسيەتىنە يە جاستارعا ارنالعان ءداستۇرلى جوبانىڭ تەتىگى ىسكە قوسىلعان ەدى. 7 جىل ىشىندە جوباعا 13 مىڭنان استام ازامات قاتىسىپتى. جوبانى جۇزەگە اسىرۋ كەزىندە 404 ۇمىتكەر اشىق ىرىكتەۋ مەن تەستىلەۋدەن, وقۋ ءمودۋلى مەن كاسىبي بىلىكتىلىك باعالاۋىنان, سونىمەن قاتار, مەملەكەتتىك ورگاندار مەن ۇلتتىق كومپانيالاردان تاعىلىمدامادان ءوتتى.
ال بيىلعى جىلعى تىركەۋ 15 تامىزدان باستالىپ, 31 تامىزدا اياقتالعان جوباعا قاتىسۋعا ەلىمىزدىڭ بارلىق ايماعىنان 1215 ۇمىتكەر نيەت ءبىلدىرىپتى. جوبانىڭ نەگىزىندە كادرلىق رەزەرۆتى قۇرۋعا ارنالعان ءتيىمدى جۇيەنى قالىپتاستىرۋ, باسقارۋ كادرلارىن ىرىكتەۋ, دايىنداۋ جانە وقىتۋ جۇزەگە اسىرىلادى. ىرىكتەۋ كەزەڭىنىڭ قورىتىندىسى بويىنشا 691 كانديدات جوبانىڭ «سۇحباتتاسۋ» كەزەڭىنە شاقىرىلدى.
كەشە اتالعان جوبانىڭ ەكىنشى كەزەڭىنە وتكەن 20 ۇمىتكەرمەن سۇحبات جۇرگىزىلدى. ولاردىڭ اراسىندا «نۇر وتان» پارتياسى استانا قالالىق فيليالى توراعاسىنىڭ ورىنباسارى ۆلاديسلاۆ سەرگەەۆ, «جاستار كادرلىق رەزەرۆى» جوباسىنىڭ ۇيلەستىرۋشىسى ءانۋار جاقىپوۆ, ءبىلىم جانە عىلىم مينيسترلىگى جاستار ساياساتى دەپارتامەنتى الەۋمەتتىك باسقارماسىنىڭ باسشىسى الماگۇل قايىرلىقىزى, «جاس وتان» جاستار قاناتىنىڭ استانا قالالىق فيليالىنىڭ توراعاسى سەرعازى شاقاباەۆ, استانا قالاسىنىڭ جاستار ساياساتى ماسەلەلەرى باسقارماسىنىڭ باسشىسى ەربول رىسپاەۆ, جاس بيزنەسمەن باقتيار ءاشىروۆ, «جاستار كادرلىق رەزەرۆى 2014» جوباسىنا قاتىسۋشى ءاليا ادىلحانقىزى بار.
بۇل كۇنى سۇحباتتاسۋ كەزەڭىنەن ءسۇرىنبەگەن ۇمىتكەرلەر «ءبىلىم بەرۋ» كەزەڭىنە ءوتتى. جوبانىڭ قورىتىندى ناتيجەلەرى (www.rezerv.kz) سايتىندا جاريالانادى.
ءلايلا ەدىلقىزى,
«ەگەمەن قازاقستان»