قاراعاندى قالاسىندا ەركىن, گرەك-ريم جانە ايەلدەر كۇرەسى بويىنشا كەڭەس وداعىنىڭ باتىرى, ۇشقىش نۇركەن ءابدىروۆتى ەسكە تۇسىرۋگە ارنالعان 49-شى رەسپۋبليكالىق تۋرنير ءوتتى.
بوز كىلەم ۇستىندە ەلىمىزدىڭ بارلىق وڭىرىنەن كەلگەن 300-گە تارتا سپورتشى كۇش سىناستى. بالۋاندار سەگىز سالماق بويىنشا 32 مەدال جيىنتىعىن ساراپقا سالدى.
جارىس جەڭىمپازدارى مەن جۇلدەگەرلەرى مەدالدارمەن جانە دە قاراعاندى وبلىستىق ەركىن, گرەك-ريم جانە ايەلدەر كۇرەسى فەدەراتسياسى اتىنان باعالى سىيلىقتارمەن ماراپاتتالدى. تۋرنيردە جەڭىس تۇعىرىنىڭ ەڭ بيىك ساتىسىنا كوتەرىلگەن بالۋاندارعا «قر سپورت شەبەرى» اتاعى بەرىلدى. سونداي-اق, وليمپيالىق ەمەس سالماق تۇرلەرى بويىنشا (گرەك-ريم كۇرەسى – 71, 80 كگ., ەركىن كۇرەس – 70 كگ.) ۇزدىك شىققان شەبەرلەر جەلتوقسان ايىندا بۋداپەشتە وتەتىن الەم چەمپيوناتىندا كۇرەسۋگە مۇمكىندىك بەرەتىن جولداماعا يە بولدى.
قايرات ءابىلدينوۆ