2016 جىلعى 10 ناۋرىز, استانا قالاسى
قازاقستان رەسپۋبليكاسىنداعى قۇرىلىستىڭ ەسەپتىك قۇنىن ايقىنداۋ جونىندەگى مەملەكەتتىك ءنورماتيۆتى بەكىتۋ تۋرالى
قازاقستان رەسپۋبليكاسى ۇكىمەتىنىڭ 2014 جىلعى 24 قىركۇيەكتەگى №1011 قاۋلىسىمەن بەكىتىلگەن قازاقستان رەسپۋبليكاسىنىڭ ۇلتتىق ەكونوميكا مينيسترلىگى تۋرالى ەرەجەنىڭ 17-تارماعىنىڭ 12) تارماقشاسىنا جانە قازاقستان رەسپۋبليكاسى ۇلتتىق ەكونوميكا ءمينيسترىنىڭ 2014 جىلعى 29 قىركۇيەكتەگى № 30 بۇيرىعىمەن (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 9778 تىركەلگەن) بەكىتىلگەن قازاقستان رەسپۋبليكاسى ۇلتتىق ەكونوميكا مينيسترلىگىنىڭ قۇرىلىس, تۇرعىن ءۇي-كوممۋنالدىق شارۋاشىلىق ىستەرى جانە جەر رەسۋرستارىن باسقارۋ كوميتەتى تۋرالى ەرەجەنىڭ 19-تارماعىنىڭ 2) تارماقشاسىنا سايكەس بۇيىرامىن:
1. قوسا بەرىلىپ وتىرعان قازاقستان رەسپۋبليكاسىنداعى قۇرىلىستىڭ ەسەپتىك قۇنىن ايقىنداۋ جونىندەگى مەملەكەتتىك نورماتيۆ بەكىتىلسىن.
2. قۇرىلىس, تۇرعىن ءۇي-كوممۋنالدىق شارۋاشىلىق ىستەرى جانە جەر رەسۋرستارىن باسقارۋ كوميتەتىنىڭ قۇرىلىستاعى سمەتالىق نورمالار باسقارماسى زاڭنامادا بەلگىلەنگەن تارتىپپەن:
1) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن;
2) وسى بۇيرىق مەملەكەتتىك تىركەۋدەن وتكەننەن كەيىن كۇنتىزبەلىك ون كۇن ىشىندە ونىڭ مەرزىمدى ءباسپاسوز باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جىبەرىلۋىن, سونداي-اق تىركەلگەن بۇيرىقتى العان كۇننەن باستاپ بەس جۇمىس كۇن ىشىندە قازاقستان رەسپۋبليكاسى نورماتيۆتىك قۇقىقتىق اكتىلەرىنىڭ ەتالوندىق باقىلاۋ بانكىنە ەنگىزۋ ءۇشىن رەسپۋبليكالىق قۇقىقتىق اقپارات ورتالىعىنا جىبەرىلۋىن;
3) وسى بۇيرىقتىڭ قازاقستان رەسپۋبليكاسى ۇلتتىق ەكونوميكا مينيسترلىگى قۇرىلىس, تۇرعىن ءۇي-كوممۋنالدىق شارۋاشىلىق ىستەرى جانە جەر رەسۋرستارىن باسقارۋ كوميتەتىنىڭ رەسمي ينتەرنەت-رەسۋرسىندا ورنالاستىرىلۋىن قامتاماسىز ەتسىن.
3. وسى بۇيرىقتىڭ ورىندالۋىن باقىلاۋدى وزىمە قالدىرامىن.
4. وسى بۇيرىق العاش رەت رەسمي جاريالانعان كۇنىنەن كەيىن ون كۇنتىزبەلىك كۇن وتكەن سوڭ قولدانىسقا ەنگىزىلەدى.
توراعا م.جايىمبەتوۆ
قازاقستان رەسپۋبليكاسى ۇلتتىق ەكونوميكا مينيسترلىگى قۇرىلىس, تۇرعىن ءۇي-كوممۋنالدىق
شارۋاشىلىق ىستەرى جانە جەر رەسۋرستارىن باسقارۋ كوميتەتى توراعاسىنىڭ
2016 جىلعى 10 ناۋرىزداعى № 68-نق بۇيرىعىمەن بەكىتىلگەن
قازاقستان رەسپۋبليكاسىندا قۇرىلىستىڭ ەسەپتىك قۇنىن ايقىنداۋ جونىندەگى مەملەكەتتىك نورماتيۆ
1. جالپى ەرەجەلەر
1. وسى «قازاقستان رەسپۋبليكاسىندا قۇرىلىستىڭ ەسەپتىك قۇنىن ايقىنداۋ جونىندەگى مەملەكەتتىك نورماتيۆ» (بۇدان ءارى - مەملەكەتتىك نورماتيۆ) قازاقستان رەسپۋبليكاسىنىڭ ساۋلەت, قالا قۇرىلىسى جانە قۇرىلىس قىزمەتى سالاسىنداعى زاڭناما تالاپتارىنا سايكەس ازىرلەندى جانە مەملەكەتتىك ينۆەستيتسيالار نەمەسە كۆازيمەملەكەتتىك سەكتور سۋبەكتىلەرىنىڭ قاراجاتى ەسەبىنەن تۇرعىزىلاتىن وبەكتىلەر قۇرىلىسىنىڭ ەسەپتىك قۇنىن ايقىنداۋعا ارنالعان.
جەكە ينۆەستيتسيالار مەن كەپىلسىز جانە مەملەكەتتىڭ كەپىلگەرلىگىسىز تارتىلاتىن قارىز قاراجاتى ەسەبىنەن ينۆەستيتسيالىق جوبالاردى ىسكە اسىراتىن نارىق سۋبەكتىلەرى ءۇشىن مەملەكەتتىك نورماتيۆ ۇسىنىمدىق سيپاتتا جانە قۇرىلىستىڭ ەسەپتىك قۇنىن ايقىنداۋ كەزىندە انىقتاما ماتەريالى رەتىندە پايدالانىلۋى مۇمكىن.
2. مەملەكەتتىك نورماتيۆ قۇرىلىستىڭ ەسەپتىك قۇنىن ايقىنداۋ جونىندەگى نەگىزگى ادىستەمەلىك ەرەجەلەردى قامتيدى.
3. قۇرىلىستىڭ ەسەپتىك قۇنى ينۆەستيتسيالاردى جوسپارلاۋ ماقساتىندا, ونىڭ ىشىندە ينۆەستيتسيالىق ۇسىنىستار جانە تەحنيكالىق-ەكونوميكالىق نەگىزدەمە ساتىلارىندا بيۋدجەتتىك جوسپارلاۋ ءۇشىن ايقىندالادى.
4. وسى مەملەكەتتىك نورماتيۆتە مىناداي نەگىزگى ۇعىمدار پايدالانىلادى:
1) اعىمداعى باعالار – ناقتى كەزەڭگە (توقسانعا, جارتى جىلعا, جىلعا) ارنالعان قۇرىلىس رەسۋرستارىنىڭ باعالارى;
2) ەسەپتىك قۇجاتتاما – قۇرىلىستىڭ ەسەپتىك قۇنىن ايقىندايتىن قۇجاتتاما;
3) جابدىق – وبەكتىلەردىڭ تەحنولوگيالىق جانە ينجەنەرلىك جابدىعى;
4) قۇرىلىس كەزەگى – عيماراتتار نەمەسە قۇرىلىستار توبىنىڭ ءبىر نەمەسە بىرنەشە ىسكە قوسۋ كەشەندەرىنەن تۇراتىن قۇرىلىستىڭ ءبىر بولىگى, ولاردى پايدالانۋعا بەرۋ جوبادا كوزدەلگەن ونىمدەردى شىعارۋدى نەمەسە قىزمەتتەر كورسەتۋدى قامتاماسىز ەتەدى. قۇرىلىس كەزەگىنە ارنالعان جوبالاۋ-سمەتالىق قۇجاتتاما قۇرىلىس قۇرامىندا دا جانە جەكە جوبامەن دە بەلگىلەنگەن تارتىپپەن بەكىتۋگە جاتادى;
5) قۇرىلىس – قۇرىلىسى, قۇرىلىس قۇنىنىڭ جيىنتىق سمەتالىق ەسەبىمەن بىرگە بىرىڭعاي جوبالىق-سمەتالىق قۇجاتتاما بويىنشا جۇزەگە اسىرىلاتىن ءارتۇرلى ماقساتتاعى (وندىرىستىك, الەۋمەتتىك, كولىكتىك جانە باسقا دا ينفراقۇرىلىم) عيماراتتار مەن قۇرىلىستاردىڭ (وبەكتىلەردىڭ) جيىنتىعى;
6) قۇرىلىس كومپونەنتتەرىنىڭ قۇنى – قۇرىلىس سالاسىنداعى مەملەكەتتىك ينۆەستيتسيالىق جوبالار قۇنىنىڭ قۇرامداس بولىگى;
7) قۇرىلىس رەسۋرستارى – جۇمىسشىلار مەن ماشينيستەردىڭ ەڭبەك شىعىندارى, قۇرىلىس ماشينالارى مەن مەحانيزمدەرىن, قۇرىلىس ماتەريالدارىن, بۇيىمدار مەن كونسترۋكتسيالارىن, جابدىقتى پايدالانۋ ۋاقىتى;
8) قۇرىلىستىڭ ەسەپتىك قۇنى – قۇرىلىس سالاسىنداعى ينۆەستيتسيالىق جوبانى ىسكە اسىرۋدىڭ جوبا الدى ساتىسىندا ايقىندالاتىن قۇرىلىس كومپونەنتتەرىنىڭ قۇنى;
9) ۇقساس وبەكت – جوبالاۋ-سمەتالىق قۇجاتتاماسى كەشەندى ۆەدومستۆودان تىس ساراپتامانىڭ وڭ قورىتىندىسىن العان, ءوزىنىڭ فۋنكتسيونالدىق ماقساتى جانە تەحنيكالىق سياتتامالارى بويىنشا جوبالاناتىن وبەكتىمەن ۇقساس (سالىستىرمالى) وبەكت;
10) وبەكتىلەردى سالۋ – كاسىپورىنداردى, عيماراتتاردى جانە قۇرىلىستاردىڭ جاڭادان سالۋ, جاڭعىرتۋ, كەڭەيتۋ, كاسىپورىنداردى تەحنيكالىق قايتا جاراقتاندىرۋ, عيماراتتار مەن قۇرىلىستاردى كۇردەلى جوندەۋ;
11) رەسۋرستىق ءادىس – قۇرىلىس جوباسىن ىسكە اسىرۋ ءۇشىن شىعىندار (رەسۋرستار) ەلەمەنتتەرىنىڭ اعىمداعى باعالارىندا جانە تاريفتەرىندە كالكۋلياتسيالاۋ جولىمەن قۇرىلىستىڭ قۇنىن ايقىنداۋ ءادىسى;
12) ساۋلەت, قالا قۇرىلىسى جانە قۇرىلىس ىستەرى جونىندەگى ۋاكىلەتتى ورگان – ساۋلەت, قالا قۇرىلىسى جانە قۇرىلىس قىزمەتىن مەملەكەتتىك باسقارۋ سالاسىنداعى باسشىلىقتى جۇزەگە اسىراتىن ورتالىق مەملەكەتتىك ورگان;
13) سمەتالىق نورمالار – قۇرىلىس, مونتاج جانە باسقا دا جۇمىستاردىڭ قابىلدانعان ولشەۋىشىنە بەلگىلەنگەن رەسۋرستاردىڭ (قۇرىلىس قىزمەتكەرلەرى ەڭبەگىنىڭ, قۇرىلىس ماشينالارىنىڭ جۇمىس ىستەۋ ۋاقىتىنىڭ, ماتەريالدارعا, بۇيىمدارعا جانە كونسترۋكتسيالارعا قاجەتتىلىكتىڭ شىعىندارى) جيىنتىعى نەمەسە ەسەپتەۋدىڭ قابىلدانعان بازاسىنان پايىزبەن كورىنىس بەرگەن قۇرىلىس كەزىندەگى جەكەلەگەن شىعىستار مەن شىعىنداردىڭ مولشەرىن كورسەتەتىن سالىستىرمالى شامالار;
14) سمەتالىق نورماتيۆتەر – قۇرىلىستىڭ سمەتالىق قۇنىن ايقىنداۋ ءۇشىن نەگىز بولىپ تابىلاتىن قۇرىلىستاعى باعا بەلگىلەۋ جونىندەگى نورماتيۆتىك قۇجاتتار كەشەنى;
15) تاپسىرىس بەرۋشى – بيۋدجەتتىك باعدارلامالاردىڭ اكىمشىسى نەمەسە ينۆەستيتسيالىق جوبانى ىسكە اسىراتىن ينۆەستور;
16) تەحنيكالىق قايتا جاراقتاندىرۋ – وزىق تەحنولوگيا مەن جاڭا تەحنيكانى ەنگىزۋدىڭ, ءوندىرىستى مەحانيكالاندىرۋ مەن اۆتوماتتاندىرۋدىڭ, ەسكىرگەن جانە فيزيكالىق تۇرعىدان توزعان جابدىقتاردى جاڭعىرتۋ جانە جاڭالارىنا, نەعۇرلىم ونىمدىلەرىنە ايىرباستاۋدىڭ نەگىزىندە جۇمىس ىستەپ تۇرعان كاسىپورىنداردىڭ جەكەلەگەن وندىرىستەرىنىڭ, تسەحتارى مەن ۋچاسكەلەرىنىڭ تەحنيكالىق-ەكونوميكالىق دەڭگەيىن ارتتىرۋ, سونداي-اق, كاسىپورىننىڭ شارۋاشىلىق جانە قوسالقى قىزمەتتەرىن جەتىلدىرۋ جونىندەگى ءىس-شارالار كەشەنى;
17) تەحنيكالىق-ەكونوميكالىق نەگىزدەمە (بۇدان ءارى – تەن) – نەگىزگى تەحنيكالىق, تەحنولوگيالىق جانە وزگە دە شەشىمدەر تۋرالى مالىمەتتەردى, سونداي-اق, نەگىزگى تەحنيكالىق-ەكونوميكالىق پارامەترلەردى ايقىنداي وتىرىپ, پايدانى جانە شىعىنداردى ەكونوميكالىق تالداۋ نەگىزىندە جۇرگىزىلەتىن بيۋدجەتتىك ينۆەستيتسيالىق جوبانىڭ جۇزەگە اسىرىلۋشىلىعى مەن تيىمدىلىگىن زەردەلەۋ ناتيجەلەرىن قامتيتىن قۇجات;
18) ىرىلەندىرىلگەن سمەتالىق نورمالار – وبەكتى قۋاتىنىڭ بىرلىگىنە ارنالعان قۇرىلىس رەسۋرستارىنا جانە ىرىلەندىرىلگەن كونسترۋكتسيالىق ەلەمەنتتەر ولشەۋىشىنە اعىمداعى باعالار بويىنشا قاجەتتى رەسۋرستاردىڭ سانىن جانە ولاردىڭ سمەتالىق قۇنىن ايقىندايتىن تۋىندى سمەتالىق نورمالار.
5. قۇرىلىستىڭ ەسەپتىك قۇنى تاپسىرىس بەرۋشىنىڭ ينۆەستيتسيالىق قىزمەتىن جوسپارلاۋ, ينۆەستيتسيالىق ۇسىنىستاردى باعالاۋ كەزىندە, سونداي-اق, تەحنيكالىق-ەكونوميكالىق نەگىزدەمەلەردى ازىرلەۋ كەزىندە ايقىندالادى جانە قۇرىلىس سالاسىنداعى مەملەكەتتىك ينۆەستيتسيالىق جوبالاردىڭ (قميج) جالپى قۇنىنىڭ قۇرامداس بولىگىنىڭ ءبىرى بولىپ تابىلادى.
2. قۇرىلىستىڭ ەسەپتىك قۇنىن ايقىنداۋدىڭ نەگىزگى قاعيداتتارى
6. مىنالار مەملەكەتتىك ينۆەستيتسيالار نەمەسە كۆازيمەملەكەتتىك سەكتور سۋبەكتىلەرىنىڭ قاراجاتى ەسەبىنەن قارجىلاندىرىلاتىن وبەكتىلەردى سالۋدىڭ ەسەپتىك قۇنىن ايقىنداۋدىڭ نەگىزگى قاعيداتتارى بولىپ تابىلادى:
1) شىنايىلىق;
2) جەدەلدىلىك.
7. ەسەپتىك قۇندى ايقىنداۋدىڭ شىنايىلىق قاعيداتىنا «قازاقستان رەسپۋبليكاسىنداعى ساۋلەت, قالا قۇرىلىسى جانە قۇرىلىس قىزمەتى تۋرالى» 2001 جىلعى 16 شىلدەدەگى قازاقستان رەسپۋبليكاسى زاڭىنىڭ 20-بابىنىڭ 6-2)تارماقشاسىنا سايكەس ازىرلەنگەن جانە بەكىتىلگەن قۇرىلىس قۇنىنىڭ ىرىلەندىرىلگەن كورسەتكىشتەرىنىڭ (بۇدان ءارى - ققىك) جۇيەسىن قولدانۋمەن, ققىك جوق بولعان جاعدايدا كەشەندى ۆەدومستۆودان تىس ساراپتامانىڭ وڭ قورىتىندىسىن العان ۇقساس – وبەكتىلەردى قولدانۋ ارقىلى قول جەتكىزىلەدى.
8. ەسەپتىك قۇندى ايقىنداۋدىڭ جەدەلدىلىگى قۇرىلىستىڭ وندىرىستىك قۋاتىنا كورسەتكىشكە ارنالعان قۇرىلىس قۇنىنىڭ كورسەتكىشتەرىن ىرىلەندىرۋ ارقىلى قول جەتكىزىلەدى.
3. تەن ازىرلەۋدى تالاپ ەتەتىن جوبالار بويىنشا قۇرىلىستىڭ ەسەپتىك قۇنىن ايقىنداۋ
9. تەن ازىرلەۋدى تالاپ ەتپەيتىن قميج بويىنشا قۇرىلىستىڭ ەسەپتىك قۇنى قۇرىلىس قۇنىنىڭ ىرىلەندىرىلگەن كورسەتكىشتەرىن قولدانۋمەن قۇرىلىس وبەكتىسىنىڭ وندىرىستىك كورسەتكىشتەرى نەگىزىندە ايقىندالادى.
قميج قۇنىنىڭ ەسەبى نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 11905 تىركەلگەن قازاقستان رەسپۋبليكاسى ۇلتتىق ەكونوميكا مينيسترلىگى قۇرىلىس, تۇرعىن ءۇي-كوممۋنالدىق شارۋاشىلىق ىستەرى جانە جەر رەسۋرستارىن باسقارۋ كوميتەتى توراعاسىنىڭ 2015 جىلعى 3 شىلدەدەگى № 235-نق بۇيرىعىمەن بەكىتىلگەن قازاقستان رەسپۋبليكاسىنداعى قۇرىلىستىڭ سمەتالىق قۇنىن ايقىنداۋ جونىندەگى مەملەكەتتىك نورماتيۆكە (بۇدان ءارى - سقامن) سايكەس سمەتالىق قۇجاتتاما تۇرىندە رەسىمدەلەدى جانە قميج ينۆەستيتسيالىق ۇسىنىسى قۇرامىنا ەنگىزىلەدى.
تەن ازىرلەۋدى تالاپ ەتپەيتىن قميج قۇرىلىستىڭ ەسەپتىك قۇنى (قە, مىڭ تەڭگە) مىناداي فورمۋلا بويىنشا ايقىندالادى:
مۇندا:
Ni – ينۆەستيتسيالىق جوبا قۇرامىنداعى ءى-ءشى وبەكتىنىڭ وندىرىستىك قۋاتى;
ققىك i – باعالاردىڭ اعىمداعى دەڭگەيىندە ناقتى ءوڭىر ءۇشىن ءى-ءشى وبەكتىنىڭ وندىرىستىك قۋاتىنىڭ بىرلىگىنە ارنالعان قۇرىلىس قۇنىنىڭ ىرىلەندىرىلگەن كورسەتكىشى;
اەكتەك – اعىمداعى جىلى بيۋدجەتتىك زاڭناما بەلگىلەيتىن ايلىق ەسەپتىك كورسەتكىش;
اەكجوسپار – ينۆەستيتسيالىق جوبانى ىسكە اسىرۋ جوسپارلاناتىن جىلعا ارنالعان ايلىق ەسەپتىك كورسەتكىشتىڭ بولجامدى ءمانى;
كققس – قوسىلعان قۇن سالىعىن ەسكەرەتىن كوەففيتسيەنت.
10. وبەكتىنىڭ وندىرىستىك قۋاتى تاپسىرىس بەرۋشى بەكىتكەن جوبالاۋعا ارنالعان تەحنيكالىق تاپسىرماعا سايكەس ايقىندالادى.
11. قۇرىلىس قۇنىنىڭ ىرىلەندىرىلگەن كورسەتكىشتەرى عيماراتتار مەن قۇرىلىستاردى سالۋ قۇنىنىڭ ىرىلەندىرىلگەن كورسەتكىشتەرىنىڭ ءتيىستى جيناقتارىندا (بۇدان ءارى - جيناق) تاڭدالادى. ققىك قۇرىلىس ماتەريالدارى مەن ينجەنەرلىك جابدىقتىڭ قۇنىن, جۇمىسشىلاردىڭ ەڭبەكاقىسىن تولەۋگە جانە قۇرىلىس ماشينالارىن پايدالانۋعا ارنالعان شىعىنداردى, ۇستەمە شىعىستاردى جانە جانە سمەتالىق پايدانى, سونداي-اق, ۋاقىتشا تيتۋلدىق عيماراتتار مەن قۇرىلىستاردى سالۋعا ارنالعان شىعىنداردى جانە قىسقى ۋاقىتتا جۇمىستاردى جۇرگىزۋگە ارنالعان قوسىمشا شىعىنداردى, جوبالاۋ جانە ىزدەستىرۋ جۇمىستارىنا جانە جوباعا ساراپتاما جاساۋعا ارنالعان شىعىنداردى, بولجانباعان جۇمىستار مەن شىعىندارعا ارنالعان قاراجات رەزەرۆىن ەسكەرەدى. جيناقتاردا قاجەتتى قۇن كورسەتكىشتەرىنىڭ بولماۋى جاعدايىندا ققىك ۇقساس-جوبالار بويىنشا ەسەپتەلەدى.
4. قۇرىلىسقا ارنالعان تەحنيكالىق-ەكونوميكالىق نەگىزدەمەلەر
قۇرامىنداعى قميج قۇرىلىسىنىڭ ەسەپتىك قۇنىن ايقىنداۋ
12. تەن ازىرلەۋدى تالاپ ەتەتىن قميج بويىنشا قۇرىلىستىڭ ەسەپتىك قۇنى قازاقستان رەسپۋبليكاسى يندستريا جانە ساۋدا مينيسترلىگىنىڭ قۇرىلىس جانە تۇرعىن ءۇي-كوممۋنالدىق شارۋاشىلىق ىستەرى كوميتەتى توراعاسىنىڭ 2007 جىلعى 29 مامىرداعى بۇيرىعىمەن بەكىتىلگەن «قۇرىلىسقا ارنالعان تەحنيكالىق-ەكونوميكالىق نەگىزدەمەلەردى ازىرلەۋ, كەلىسۋ, بەكىتۋ جانە قۇرامى تۋرالى ەرەجەلەر» قازاقستان رەسپۋبليكاسىنىڭ قۇرىلىس نورمالارىنا جانە سقامن ساي تالاپتارعا سايكەس ايقىندالادى.
13. تەن ازىرلەۋدى تالاپ ەتەتىن قميج بويىنشا قۇرىلىستىڭ ەسەپتىك قۇنى ءتيىستى ققىك قولدانۋمەن ينۆەستيتسيالىق جوبانىڭ قۇرامىنداعى قۇرىلىس وبەكتىلەرىنىڭ وندىرىستىك قۋاتىنىڭ كورسەتكىشتەرى نەگىزىندە ايقىندالادى.
ققىك ىرىلەندىرىلگەن سمەتالىق نورماتيۆتەردىڭ ءتيىستى جيناقتارىندا تاڭدالادى.
ىرىلەندىرىلگەن سمەتالىق نورماتيۆتەردىڭ جيناقتارىندا قاجەتتى قۇن دەرەكتەرىنىڭ بولماۋى جاعدايىندا قۇرىلىستىڭ ەسەپتىك قۇنى ۇقساس – وبەكتىلەردى قولدانا وتىرىپ, ايقىنداۋعا رۇقسات ەتىلەدى.
14. قۇنى 2015 جىلدىڭ سمەتالىق-نورماتيۆتىك بازاسى نەگىزىندە ايقىندالعان ءتيىستى ۇقساس – وبەكتىلەر بولماعان جاعدايدا, قۇرىلىستىڭ ەسەپتىك قۇنىن قۇن كورسەتكىشتەرى 2001 جىلعى سمەتالىق-نورماتيۆتىك بازاسى نەگىزىندە ايقىندالعان ۇقساس – جوبالار بويىنشا ايقىنداۋعا رۇقسات ەتىلەدى.
ۇقساس – جوبالاردىڭ قۇن كورسەتكىشى مىناداي دايەكتىلىكتە قولدانىلادى:
1) ۇقساس-جوبادان بولجانباعان شىعىستارعا ارنالعان شىعىنداردى ەسكەرمەستەن ۇستەمە شىعىستاردى ەسكەرە وتىرىپ, جەرگىلىكتى سمەتا (جەرگىلىكتى سمەتا ءبولىمى) قورىتىندىسى بويىنشا تىكەلەي شىعىندار قابىلدانادى جانە وبەكتىلىك ەسەپتىڭ ءتيىستى جولىنا پوزيتسيامەن ەنگىزىلەدى;
2) 2001 جىلدىڭ باعاسىنىڭ بازالىق دەڭگەيىنەن قۇرىلىستىڭ سمەتالىق قۇنىنىڭ اعىمداعى دەڭگەيىنە كوشۋ قازاقستان رەسپۋبليكاسىنڭ بيۋدجەت زاڭناماسىنا سايكەس جىل سايىن بەلگىلەنەتىن ايلىق ەسەپتىك كورسەتكىشتىڭ وزگەرىس يندەكسى ارقىلى وبەكتىلىك ەسەپ پوزيتسيالارى بويىنشا جۇزەگە اسرىلادى;
3) وبەكتىلىك ەسەپ قورىتىندىسى بويىنشا 8% مولشەرىندە سمەتالىق پايدا ەسەپتەلەدى.
ينجەنەرلىك جابدىقتىڭ ەسەپتىك قۇنى ينجەنەرلىك جابدىققا ارنالعان اعىمداعى دەڭگەيدەگى سمەتالىق باعالار جيناقتارى بويىنشا جوبالاۋ ساتىندە ايقىندالادى.
قولدانىستاعى جيناقتاردا ينجەنەرلىك جابدىق قۇنىنىڭ بولماۋى جاعدايىندا ولاردى ۇقساس-جوبالار بويىنشا نەمەسە كەم دەگەندە ەكى وندىرۋشىلەردىڭ نەمەسە جوباعا ەنگىزىلەتىن جابدىقتىڭ تاپسىرىس بەرۋشى (ينۆەستور) بەكىتكەن نۇسقالارى (تەحنيكالىق جانە ساپالىق سيپاتتامالارىن سالىستىرۋدى ەسكەرە وتىرىپ) نەگىزىندە ولاردى رەسمي بىلدىرەتىن ديستريبيۋتورلاردىڭ پرايس-پاراقتارى بويىنشا ايقىنداۋ قاجەت.
ينجەنەرلىك جابدىققا ارنالعان سمەتالىق باعالاردىڭ جيناقتارىندا قۇن بولماعان جاعدايدا ينجەنەرلىك جابدىقتى جەتكىزۋ بويىنشا لوگيستيكالىق قىزمەتتەرگە ارنالعان شىعىندار جەتكىزۋدىڭ كولىك كەستەسىنە سايكەس قۇرىلىس ءۇشىن جۇكتەردى تاسىمالداۋعا ارنالعان كەزەكتى كەزەڭگە بەكىتىلگەن سمەتالىق باعالار جيناعى بويىنشا جابدىقتىڭ ءبىر توننا برۋتتو سالماعىنا ارنالعان كولىك شىعىستارىنا كالكۋلياتسيا جاساۋ جولىمەن ايقىندالادى.
قۇنى پرايس-پاراقتار بويىنشا ايقىندالعان ونەركاسىپتىك وبەكتىلەر ءۇشىن تەحنولوگيالىق جابدىقتى جەتكىزۋ بويىنشا لوگيستيكالىق قىزمەتتەرگە ارنالعان شىعىندار تاپسىرىس بەرۋشى (ينۆەستور) بەكىتكەن باعالاردى سالىستىرۋ نۇسقالارى نەگىزىندە كەمىندە ەكى جەتكىزۋشىنىڭ كوممەرتسيالىق ۇسىنىستارى بويىنشا وبەكتىلىك ەسەپتەردە قابىلدانادى.
15. ۇقساستارى قازاقستان رەسپۋبليكاسىنىڭ اۋماعىندا جوق ينۆەستيتسيالىق جوبالاردى ىسكە اسىرۋ قاجەتتىلىگى جوق جاعدايىندا ەسەپتىك قۇن نەعۇرلىم ءتيىمدى تەحنيكالىق-ەكونوميكالىق كورسەتكىشتەرى بار ىسكە اسىرىلعان شەتەلدىك ۇقساس-وبەكتىلەر دەرەكتەرى بويىنشا ايقىندالادى.
قولدانىلاتىن شەتەلدىك ۇقساس-وبەكتىلەر ءوزىنىڭ فۋنكتسيونالدىق ماقساتى, تەحنيكالىق سيپاتتامالارى بويىنشا جوبالاناتىن وبەكتىمەن سالىستىرىلۋى ءتيىس.
تاپسىرىس بەرۋشى (ينۆەستور) كۆازيمەملەكەتتىك سەكتور وبەكتىلەرى ءۇشىن الىنعان جوبالىق دەرەكتەرگە سايكەس شەتەلدىك ۇقساس-وبەكتىنىڭ قۇنىن بەكىتەدى.
16. ۇزاقتىعى ءبىر كۇنتىزبەلىك جىلدان استام وبەكتىلەر بويىنشا قۇرىلىستىڭ ەسەپتىك قۇنى قازاقستان رەسپۋبليكاسى پرەزيدەنتىنىڭ 2009 جىلعى 18 ماۋسىمداعى № 827 جارلىعىمەن بەكىتىلگەن قازاقستان رەسپۋبليكاسىنداعى مەملەكەتتىك باسقارۋ جۇيەسىنىڭ 22-تارماعىنا سايكەس قازاقستان رەسپۋبليكاسىنىڭ ۇكىمەتى ماقۇلدايتىن بەس جىلدىق كەزەڭگە ارنالعان قازاقستان رەسپۋبليكاسىنىڭ الەۋمەتتىك-ەكونوميكالىق دامۋ بولجامىندا ايقىندالعان ينفلياتسيانىڭ بولجامدى دەڭگەيىن قولدانىپ, كۇنتىزبەلىك جىلدار بويىنشا كولەمدەرىن ءبولىپ كورسەتە وتىرىپ, قۇرىلىستىڭ نورماتيۆتىك مەرزىمى ەسكەرىلە وتىرىپ ايقىندالادى.
17. ەسەپتىك قۇننىڭ قۇرامى, قۇرىلىمى جانە سمەتالىق قۇجاتتاما تۇرلەرى سقامن سايكەس ايقىندالادى.
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2016 جىلعى 16 ساۋىردە نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №13604 بولىپ ەنگىزىلدى.