2015 جىلعى 24 اقپان, استانا قالاسى
«كونديتەرلىك بۇيىمداردى ءوندىرۋ وبەكتىلەرىنە, كونديتەرلىك بۇيىمداردى ءوندىرۋ, ولشەپ-وراۋ, تاسىمالداۋ, ساقتاۋ, وتكىزۋ, كادەگە جاراتۋ جانە جويۋ شارتتارىنا قويىلاتىن سانيتاريالىق-ەپيدەميولوگيالىق تالاپتار» سانيتاريالىق قاعيدالارىن بەكىتۋ تۋرالى
«حالىق دەنساۋلىعى جانە دەنساۋلىق ساقتاۋ جۇيەسى تۋرالى» 2009 جىلعى 18 قىركۇيەكتەگى قازاقستان رەسپۋبليكاسىنىڭ كودەكسىنىڭ 144-بابىنىڭ 6-تارماعىنا سايكەس بۇيىرامىن:
1. قوسا بەرىلىپ وتىرعان «كونديتەرلىك بۇيىمداردى ءوندىرۋ وبەكتىلەرىنە, كونديتەرلىك بۇيىمداردى ءوندىرۋ, ولشەپ-وراۋ, تاسىمالداۋ, ساقتاۋ, وتكىزۋ, كادەگە جاراتۋ جانە جويۋ شارتتارىنا قويىلاتىن سانيتاريالىق-ەپيدەميولوگيالىق تالاپتار» سانيتاريالىق قاعيدالارى بەكىتىلسىن.
2. قازاقستان رەسپۋبليكاسى ۇلتتىق ەكونوميكا مينيسترلىگىنىڭ تۇتىنۋشىلاردىڭ قۇقىقتارىن قورعاۋ كوميتەتى زاڭنامادا بەلگىلەنگەن تارتىپپەن:
1) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن;
2) وسى بۇيرىق مەملەكەتتىك تىركەلگەننەن كەيىن كۇنتىزبەلىك ون كۇن ىشىندە ونىڭ مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جىبەرىلۋىن;
3) وسى بۇيرىقتىڭ قازاقستان رەسپۋبليكاسى ۇلتتىق ەكونوميكا مينيسترلىگىنىڭ رەسمي ينتەرنەت-رەسۋرسىندا ورنالاستىرىلۋىن قامتاماسىز ەتسىن.
3. وسى بۇيرىقتىڭ ورىندالۋىن باقىلاۋ جەتەكشىلىك ەتەتىن قازاقستان رەسپۋبليكاسىنىڭ ۇلتتىق ەكونوميكا ۆيتسە-مينيسترىنە جۇكتەلسىن.
4. وسى بۇيرىق العاشقى رەسمي جاريالانعان كۇنىنەن باستاپ كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسى ۇلتتىق ەكونوميكا ءمينيسترىنىڭ
مىندەتىن اتقارۋشى م.قۇسايىنوۆ
«كەلىسىلگەن»
قازاقستان رەسپۋبليكاسىنىڭ دەنساۋلىق ساقتاۋ جانە
الەۋمەتتىك دامۋ ءمينيسترى
____________ت. دۇيسەنوۆا
2015 جىلعى 11 ناۋرىز
قازاقستان رەسپۋبليكاسى ۇلتتىق ەكونوميكا ءمينيسترىنىڭ مىندەتىن اتقارۋشىنىڭ
2015 جىلعى 24 اقپانداعى № 124 بۇيرىعىمەن بەكىتىلگەن
«كونديتەرلىك بۇيىمداردى ءوندىرۋ وبەكتىلەرىنە, كونديتەرلىك بۇيىمداردى ءوندىرۋ, ولشەپ-وراۋ, تاسىمالداۋ, ساقتاۋ, وتكىزۋ, كادەگە جاراتۋ جانە جويۋ شارتتارىنا قويىلاتىن سانيتاريالىق-ەپيدەميولوگيالىق تالاپتار» سانيتاريالىق قاعيدالارى
1. جالپى ەرەجەلەر
1. «كونديتەرلىك بۇيىمداردى ءوندىرۋ وبەكتىلەرىنە, كونديتەرلىك بۇيىمداردى ءوندىرۋ, ولشەپ-وراۋ, تاسىمالداۋ, ساقتاۋ, وتكىزۋ, كادەگە جاراتۋ جانە جويۋ شارتتارىنا قويىلاتىن سانيتاريالىق-ەپيدەميولوگيالىق تالاپتار» سانيتاريالىق قاعيدالارى (بۇدان ءارى – سانيتاريالىق قاعيدالار) «حالىق دەنساۋلىعى جانە دەنساۋلىق ساقتاۋ جۇيەسى تۋرالى» 2009 جىلعى 18 قىركۇيەكتەگى قازاقستان رەسپۋبليكاسى كودەكسىنىڭ (بۇدان ءارى – كودەكس) 144-بابى 6-تارماعىنا سايكەس ازىرلەنگەن, قوعامدىق تاماقتانۋ وبەكتىلەرىنىڭ قۇرامىندا ورنالاسقان وبەكتىلەردى قوسپاعاندا, كونديتەرلىك بۇيىمداردى ءوندىرۋ جونىندەگى وبەكتىلەردى (بۇدان ءارى – وبەكت) جوبالاۋمەن, سالۋمەن, رەكونسترۋكتسيالاۋمەن, جوندەۋمەن جانە پايدالانۋمەن, كونديتەرلىك بۇيىمداردى وندىرۋمەن, ولشەپ-وراۋمەن, تاسىمالداۋمەن, ساقتاۋمەن, وتكىزۋمەن, كادەگە جاراتۋمەن جانە جويۋمەن بايلانىستى كاسىپكەرلىك قىزمەتپەن اينالىساتىن جەكە جانە زاڭدى تۇلعالارعا ارنالعان جانە كونديتەرلىك بۇيىمداردى ءوندىرۋ جونىندەگى وبەكتىلەردىڭ قىزمەتىنە جانە كونديتەرلىك بۇيىمداردى ءوندىرۋ, ولشەپ-وراۋ, تاسىمالداۋ, ساقتاۋ, وتكىزۋ, كادەگە جاراتۋ جانە جويۋ شارتتارىنا قويىلاتىن سانيتاريالىق-ەپيدەميولوگيالىق تالاپتاردى ايقىندايدى, ولاردى ساقتاماۋ ادامنىڭ ومىرىنە نەمەسە دەنساۋلىعىنا, سونداي-اق اۋرۋلاردىڭ پايدا بولۋى مەن تارالۋ قاۋپىن توندىرەدى.
2. كونديتەرلىك بۇيىمداردى (بۇدان ءارى – بۇيىمدار) ءوندىرۋ وسى سانيتاريالىق قاعيدالارعا, تاماق ءونىمىنىڭ قاۋىپسىزدىگى سالاسىنداعى تەحنيكالىق رەگلامەنتتەرگە جانە باسقا دا نورماتيۆتىك قۇقىقتىق اكتىلەرگە سايكەس جۇزەگە اسىرىلادى.
3. وسى سانيتاريالىق قاعيدالاردا مىناداي تەرميندەر مەن انىقتامالار پايدالانىلدى:
1) باكتەريتسيدتى شام – وندىرىستىك ءۇي-جايلارداعى اۋانى زارارسىزداندىرۋ ءۇشىن قولدانىلاتىن ۋلتراكۇلگىن ساۋلە شىعارعىش;
2) دەج – ارالاستىرۋعا ارنالعان ىدىس;
3) ەسەپتىك ءنومىرى – ءوندىرۋ وبەكتىسى قىزمەتىنىڭ ءتۇرى مەن ءنومىرىن قامتيتىن كود;
4) جەمىس-جيدەك ەزبەسى – ۇنتاقتالعان جەمىس جۇمساعى;
5) جۇمىرتقا جارعىش – جۇمىرتقالاردى وندiرiسكە دايىنداۋعا ارنالعان ءۇي-جاي;
6) جۇمىرتقانىڭ جارىلۋى (سوعىلۋى) – ىشىندەگىسىنىڭ اعىپ, قابىعى جانە قابىق قاۋىزى تۇتاستىعىنىڭ بۇزىلۋى;
7) جالعان جۇمىرتقالار – تەحنيكالىق جارامسىز بولىپ تابىلاتىن, ينكۋباتوردان الىنعان ۇرىقتانباعان جۇمىرتقالار;
8) ينۆەرتتى ءشاربات – 10 پايىزدى (بۇدان ءارى – %) تۇز قىشقىلىنىڭ ەرتىندىسىندە وڭدەلگەن جانە اس سوداسىنىڭ قوس كومىر قىشقىلىنىڭ ەرىتىندىسىمەن بەيتاراپتاندىرىلعان قانت ءشارباتى;
9) كونديتەرلىك بۇيىمداردى ءوندىرۋ وبەكتىلەرى – قانتتان جانە ۇننان جاسالعان كونديتەرلىك بۇيىمداردى شىعاراتىن وبەكتىلەر, ونىڭ ىشىندە:
كارامەلدەر مەن دراجە, كامپيت, شوكولاد, يريس, حالۋا, پاستيلا مارمەلادتى, زەفيرلى-مارمەلادتى بۇيىمداردى, شىعىس تاتتىلەرىن جانە باسقالاردى;
كرەمسىز كونديتەرلىك بۇيىمداردى: پەچەنە, گالەت, كرەكەرلەر, پريانيكتەر, كوۆريجكالار, كەكستەر, ۆافلي جانە باسقالاردى;
كرەمى بار كونديتەرلىك بۇيىمداردى: تورتتار, پيروجنىيلار جانە باسقالاردى شىعاراتىن ءوندىرىس;
10) قۋاتى از وبەكتىلەر (شاعىن ءوندىرىس) – تاۋلىگىنە 0,1 توننادان استام كرەمى بار كونديتەرلىك بۇيىمداردى, تاۋلىگىنە 0,3 توننادان استام كرەمسىز كونديتەرلىك بۇيىمداردى وندىرەتىن وبەكتىلەر;
11) قامىردى اشىتىپ قويۋ – نورماتيۆتىك تەحنيكالىق قۇجاتتارعا سايكەس اۋانىڭ تەمپەراتۋراسى مەن ىلعالدىلىعى جاعدايىندا قامىردى اشىتىپ ۇستاۋ;
12) كونديتەرلىك بۇيىمدار – ءپىشىنى, قۇرامى, كونسيستەنتسياسى, قۇرىلىمى جانە ءيىسى بويىنشا ءارتۇرلى, ايرىقشا ءتاتتى دامگە يە تاماق ءونىمى;
13) كەرتىلگەن – قابىعى جارىلعان جۇمىرتقا;
14) قايناتپا – قانت قوسىلا وتىرىپ ءارتۇرلى جيدەكتەر مەن جەمىستەر ەزبەسىنەن قايناتىلعان ماسسا;
15) ماگنيت ۇستاعىش – ۇساق مەتالل زاتتاردى ۇستاۋعا ارنالعان قوندىرعى;
16) مەلانج – جۇمىرتقانىڭ اقۋىزى مەن سارىۋىزىنىڭ مۇزداتىلعان قوسپاسى;
17) وراۋ (ولشەپ وراۋ) كۇنى – تاماق ونىمدەرىنىڭ وراماعا (ىدىسقا) سالىنعان كۇنى;
18) وراما (ىدىس) – شيكىزاتتى جانە دايىن ءونىمدى ورنالاستىرۋ, قورعاۋ, تاسىمالداۋ, تيەۋ جانە ءتۇسىرۋ, جەتكىزۋ جانە ساقتاۋ ءۇشىن پايدالانىلاتىن بۇيىم;
19) وۆوسكوپيا – ارنايى اسپاپتا (وۆوسكوپ) ەلەكتر شامىنىڭ جارىعىمەن جۇمىرتقانىڭ ساپاسىن انىقتاۋ;
20) وندىرىستىك باقىلاۋ – كاسىپورىننىڭ وندىرىستىك زەرتحاناسىنىڭ تەحنولوگيالىق باقىلاۋ جۇرگىزۋىن قامتيتىن, دايىنداۋشىنىڭ ءوندىرۋ (دايىنداۋ), ساقتاۋ جانە كادەگە جاراتۋ پروتسەسىندە كونديتەرلىك بۇيىمداردىڭ قاۋىپسىزدىگىن قامتاماسىز ەتۋگە باعىتتالعان ءىس-شارالار;
21) سانيتاريالىق ارنايى كيىم (بۇدان ءارى – ارنايى كيىم) – شيكىزاتتاردى, قوسىمشا ماتەريالداردى جانە دايىن ءونىمدى مەحانيكالىق بولشەكتەرمەن, ميكروورگانيزمدەرمەن جانە باسقا لاس زاتتارمەن لاستانۋدان قورعاۋعا ارنالعان پەرسونالدىڭ قورعانىش كيىمىنىڭ جيىنتىعى;
22) سانيتاريالىق كۇن – ءۇي-جايلاردى كۇردەلى جيناۋ, جابدىقتار مەن مۇكاممالدى جۋ, قاجەت بولعان جاعدايدا دەزينفەكتسيالاۋ, دەزينسەكتسيالاۋ, دەراتيزاتسيالاۋ جۇرگىزۋ ءۇشىن ارنايى بولىنگەن ۋاقىت (ايىنا كەمىندە ءبىر رەت);
23) سانيتاريالىق جارامسىزدىق – تەحنولوگيالىق وپەراتسيالار, بۇيىمدى تاسىمالداۋ جانە جيناۋ بارىسىنداعى بۇزۋشىلىقتار سالدارىنان تۋىندايتىن, ونى تىكەلەي ماقساتى بويىنشا پايدالانۋ مۇمكىندىگىن بولدىرمايتىن, ءونىمنىڭ ورگانولەپتيكالىق جانە تۇتىنۋ قاسيەتتەرىنىڭ وزگەرۋى;
24) سالىندى – وندىرۋگە دايىندىقتان وتكەن, شيكىزاتتىڭ ءبىر تۇرىنەن نەمەسە بىرنەشە ءتۇرىنىڭ قوسپاسىنان دايىندالعان جانە ءوندىرۋ كەزەڭىندە كونديتەرلىك جارتىلاي فابريكاتتىڭ ىشىنە نەمەسە ۇستىنە سالىناتىن كونديتەرلىك بۇيىمداردىڭ قۇرامداس بولىگى;
25) تاۋار كورشىلەستىگى – شيكى جانە دايىن بۇيىمداردى بىرگە ساقتاۋدى جانە وتكىزۋدى بولدىرمايتىن, ولاردىڭ لاستانۋىن جانە تاۋاردىڭ ساپاسىنا اسەر ەتەتىن بوتەن ءيىستىڭ ەنۋىن بولدىرمايتىن جاعدايلار;
26) تەز بۇزىلاتىن تاماق ونىمدەرى – قاتاڭ رەگلامەنتتەلگەن مەرزىمدەردە تاسىمالداۋدىڭ, ساقتاۋدىڭ جانە وتكىزۋدىڭ ارنايى جاعدايلارىن تالاپ ەتەتىن تاماق ونىمدەرى;
27) تەحنولوگيالىق جابدىق – ءونىم ءوندىرۋدى قامتاماسىز ەتۋ ءۇشىن قاجەتتى تەتىكتەردىڭ, ماشينالاردىڭ, قۇرىلعىلاردىڭ, اسپاپتاردىڭ جيىنتىعى;
28) تاڭبالاۋ – تۇتىنۋشىعا اقپارات جەتكىزەتىن جانە تاماق ونىمىنە, قۇجاتتارعا, جادنامالارعا (قوسىمشا پاراقتارعا), زاتبەلگىلەرگە, كونترزاتبەلگىلەرگە, كولەرەتكالارعا, زاتتاڭبالارعا, جاپسىرمالارعا (ستيكەرلەرگە), تۇتىنۋ ىدىسىنا (وراماعا) تۇسىرىلگەن ءماتىن, تاۋار بەلگىلەرى, شارتتى بەلگى جانە سۋرەتتەر;
29) تاماق ءونىمىن بايىتۋ (فورتيفيكاتسيالاۋ) – ءبىر نەمەسە ودان دا كوپ قاجەتتى ينگرەديەنتتەردى (ۆيتاميندەر, مينەرالدار, امين قىشقىلدارى, ماي قىشقىلدارى) جانە وندا باستاپقىدا بولماعان نە جەتكىلىكسىز مولشەردە بولعان نەمەسە ءوندىرۋ (دايىنداۋ) پروتسەسىندە (ساتىسىندا) جوعالتىلعان باسقا دا زاتتارعا ءونىمنىڭ تاعامدىق قۇندىلىعىن ارتتىرۋ جانە حالىق اراسىندا ميكرونۋتريەنتتى اۋرۋلاردىڭ الدىن الۋ ماقساتىندا ولارعا بەلگىلى ءبىر قاسيەتتەردى بەرۋ ءۇشىن ولاردى تاماق ونىمدەرىنە ەنگىزۋ جانە تەڭ ءبولۋ;
30) ۇننان جاسالعان كونديتەرلىك بۇيىم – نەگىزگى رەتسەپتىك قۇرامداۋىشى ۇن بولىپ تابىلاتىن, پىسىرىلگەن تاماق ءونىمىن بىلدىرەتىن كونديتەرلىك ءونىم (پەچەنە, پريانيكتەر, كەكستەر, بيسكۆيت ورامالارى, گالەتتەر, كرەكەرلەر, ۆافلي جانە باسقالار).
4. وسى سانيتاريالىق قاعيدالاردا وسى تاراۋدا ارنايى ايقىندالماعان ۇعىمدار كەدەن وداعى كوميسسياسىنىڭ 2011 جىلعى 9 جەلتوقسانداعى № 880 شەشىمىمەن بەكىتىلگەن كەدەن وداعىنىڭ «تاماق ونىمدەرىنىڭ قاۋىپسىزدىگى تۋرالى» (021/2011 كو تر) تەحنيكالىق رەگلامەنتىندە (بۇدان ءارى – 021/2011 كو تر) بەلگىلەنگەن ماعىنادا پايدالانىلادى.
5. وبەكتىلەردى جوبالاۋعا, سالۋعا, رەكونسترۋكتسيالاۋعا, جوندەۋگە جانە پايدالانۋعا, وندىرىستىك باقىلاۋعا, ءوندىرىس پروتسەستەرىنە, پەرسونالدى مەديتسينالىق قاراپ تەكسەرۋگە جانە گيگيەنالىق وقىتۋعا قويىلاتىن تالاپتار كودەكستىڭ 144-بابىنىڭ 6-تارماعىنا سايكەس حالىقتىڭ سانيتاريالىق-ەپيدەميولوگيالىق سالاماتتىلىعى سالاسىنداعى مەملەكەتتىك ورگان بەكىتەتىن سانيتاريالىق-ەپيدەميولوگيالىق نورمالاۋ قۇجاتتارىنا (بۇدان ءارى – نورمالاۋ قۇجاتتارى) سايكەس بەلگىلەنەدى.
6. وندىرىستىك ءۇي-جايلاردىڭ اۋاسىنداعى زياندى زاتتاردىڭ رۇقسات ەتىلگەن شەكتى شوعىرلانۋى, وندىرىستىك ءۇي-جايلارداعى شۋدىڭ, ءدىرىلدىڭ, جارىقتاندىرۋ مەن ميكروكليماتتىڭ دەڭگەيلەرى نورمالاۋ قۇجاتتارىنا سايكەس كەلەدى.
2. ونىمدەردى ءوندىرۋ شارتتارىنا قويىلاتىن تالاپتار
7. كونديتەرلىك بۇيىمدار ءوندىرىسى كونديتەرلىك, نان-توقاش بۇيىمدارىن ءوندىرۋ بويىنشا كوپبەيىندى وبەكتىلەر قۇرامىندا جانە وندىرىستىك جانە قوسالقى ءۇي-جايلاردىڭ ءتيىستى جيىنتىعى بار, باس وندىرىستىك كورپۋستا دەربەس تەحنولوگيالىق تسەحتاردا ورنالاسقان, قاجەتتى جابدىقپەن, اپپاراتۋرامەن جانە مۇكاممالمەن جاراقتالعان دەربەس ءوندىرىس رەتىندە كوزدەلەدى.
8. مىنالارعا:
1) وندىرىستەردى بىرىكتىرۋگە جانە ولاردى اۋماقتىق-جوسپارلاۋ شەشىمدەرىنە بايلانىستى ورتاق ءۇي-جايلارعا ورنالاستىرۋعا – كارامەل مەن دراجە ءوندىرىسىن (كارامەل ماسسالارىن ءپىسىرۋ, قالىپتاۋ, سالقىنداتۋ, وراۋ جانە ولشەپ-وراۋ بولىمشەسى), قۋاتى از وبەكتىلەردە شيكىزاتتى ىدىسقا سالۋ ءۇي-جايىن جانە مايدى تازالاۋ ءۇي-جايىمەن (ۋچاسكە) ونى وندىرۋگە دايىنداۋعا;
2) بىرىڭعاي تەحنولوگيالىق پروتسەسپەن بايلانىستى جانە ميكروكليمات جاعدايلارى ۇقساس بولىمشەلەردى ءبىر ءۇي-جايدا ورنالاستىرۋعا جول بەرىلەدى.
9. مىنالارعا:
1) كرەمى مەن سالىندىسى بار كونديتەرلىك بۇيىمداردى اشىق تاباقتاردا, لوتوكتاردا, وراماسىز جانە توڭازىتۋ جابدىعىنسىز تاسىمالداۋعا;
2) كەز كەلگەن كرەمدى دايىنداۋ ءۇشىن از مولشەردە شىعارىلاتىن نان-توقاش جانە ۇننان جاسالاتىن كونديتەرلىك بۇيىمداردى پىسىرۋگە ارنالعان سۋدا جۇزەتىن قۇستاردىڭ جۇمىرتقالارىن قوسپاعاندا, سۋدا جۇزەتىن قۇس جۇمىرتقالارىن, كەرتىلگەن, جارىلعان جانە سوعىلعان تاۋىق جۇمىرتقالارىن, جالعان جۇمىرتقالاردى, قۇستاردىڭ قاۋىپتى جۇقپالى اۋرۋلارى بويىنشا قولايسىز شارۋاشىلىقتاردان الىنعان جۇمىرتقالاردى پايدالانۋعا;
3) جۇمىرتقالاردىڭ ورنىنا جۇمىرتقا مەلانجىن پايدالانۋعا جول بەرىلمەيدى.
10. كرەم دايىنداۋ جانە تورتتار مەن پيروجنىيلاردى ارلەۋ ءۇي-جايلارىندا جەلدەتكىش جۇيەسى شاڭعا قارسى جانە باكتەريتسيدتى سۇزگىشپەن جابدىقتالادى. جەلدەتۋ جۇيەلەرىنىڭ ساڭىلاۋلارى ۇياشىقتارى ۇساق تورمەن جابىلادى. وسى ءۇي-جايلاردا اۋا باپتاعىشتار مەن ينسولياتسيادان قورعايتىن قۇرىلعىلار ورناتىلادى. ءۇي-جايلارداعى رۇقسات ەتىلەتىن تەمپەراتۋرا +18 گرادۋس تسەلسيادان (بۇدان ءارى –°س) اسپايدى.
11. كونديتەرلىك بۇيىمداردى ءوندىرۋ جونىندەگى وبەكتىلەر وندىرىستىك ءۇي-جايلارىنىڭ قۇرامى مەن جيىنى, قۋاتى از كونديتەرلىك تسەحتار وندىرىستىك ءۇي-جايلارىنىڭ جيىنى وسى سانيتاريالىق قاعيدالارعا 1 جانە 2-قوسىمشالارعا سايكەس شىعارىلاتىن ءونىمنىڭ تيپىنە, قۋاتىنا, اسسورتيمەنتىنە سايكەس بەلگىلەنەدى.
12. قامىر يلەيتىن دەجدەردىڭ, ۆاكۋم-اپپاراتتاردىڭ, قايناتۋ قازاندارىنىڭ جانە باسقا جابدىقتاردىڭ ىشكى جانە سىرتقى بەتتەرى جۇمىس اياقتالعان سوڭ تازالانادى جانە ىستىق سۋمەن جۋىلادى, ۆاكۋم-اپپاراتتار مەن قازاندار بۋمەن وڭدەلەدى.
13. قانتتىڭ وڭدەلۋ كولەمى ەسكەرىلە وتىرىپ قۋاتى از وبەكتىلەردە – ۇندى ەلەۋ بولىمشەسىندە بولەك ءۇي-جايدا تارتىلۋ ىرىلىگى ءارتۇرلى قانت ۇنتاعىن الۋ.
14. زاۋىت قاپتاماسىنداعى قويىلتىلعان ءسۇتتى قوسپاعاندا, شيكىزاتتى وندىرىستىك ءۇي-جايلاردا كولىكتىك, اينالىم ىدىستا ساقتاۋعا جول بەرىلمەيدى.
15. كونديتەرلىك بۇيىمداردى ءوندىرۋ كەزىندە:
1) ساپاسىزدىعىنىڭ ايقىن بەلگىلەرى بار, بوگدە يىستەرى, ءدامى, قوسىندىلارى بار, ءتۇسى, ءيىسى, كونسيستەنتسياسى وزگەرگەن, تاماق ونىمدەرىنە ارنالعان نورماتيۆتىك جانە/نەمەسە تەحنيكالىق قۇجاتتامادا كورسەتىلگەن بەلگىلەردەن ايىرماشىلىعى بار ءونىمدى;
2) اۋىل شارۋاشىلىعى مالدارىنىڭ اۋرۋشاڭدىعى بويىنشا قولايسىز شارۋاشىلىقتاردان الىنعان, سونداي-اق باستاپقى وڭدەۋدەن جانە پاستەرلەۋدەن وتپەگەن ءسۇت پەن ءسۇت ونىمدەرىن;
3) قابىعى لاستانعان جۇمىرتقالاردى, تاعامدىق تولىققاندى ەمەس جانە تەحنيكالىق اقاۋى بار («كەرتىلگەن», «اققان», «جارىلعان» جانە باسقالار) جۇمىرتقالاردى, سونداي-اق قۇستاردىڭ قاۋىپتى جۇقپالى اۋرۋلارى بويىنشا قولايسىز شارۋاشىلىقتاردان الىنعان شيكى جۇمىرتقالاردى, ۇيرەك پەن قاز جۇمىرتقالارىن;
4) قامبا زيانكەستەرىمەن زالالدانعان ۇندى, كەپتىرىلگەن جەمىستەردى جانە باسقا دا ونىمدەردى;
5) كوگەرگەن جانە ءشىرۋ بەلگىسى بار جەمىستەردى, جاڭعاقتاردى;
6) شىققان جەرىن, ساپاسى مەن قاۋىپسىزدىگىن راستايتىن, ولاردىڭ قاداعالانۋىن قامتاماسىز ەتەتىن ىلەسپە قۇجاتتارسىز;
7) بۇزىلعان نەمەسە گەرمەتيكالىق ەمەس قاپتامادا (قامتامالانعان ءونىم ءۇشىن), لاستانعان ىدىستا;
8) ءتيىستى تاڭباسى بولماعان كەزدە;
9) ساقتاۋدىڭ جانە تاسىمالداۋدىڭ تەمپۋراتۋرالىق جانە ىلعالدىلىق جاعدايلارىن ساقتاۋ ءۇشىن جاعداي جاسالماعان كەزدە;
10) بەلگىلەنگەن جارامدىلىق مەرزىمى بولماعان نەمەسە جارامدىلىق مەرزىمى ءوتىپ كەتكەن كەزدە;
11) قاۋىپسىزدىك كورسەتكىشتەرى بويىنشا سايكەس كەلمەگەن كەزدە;
12) تاماق وندىرىسىندە قولدانۋعا رۇقسات ەتىلگەن حوش ءيىستى (تاتىمدى) وسىمدىكتەردى جانە وسىمدىكتەردىڭ كەيبىر باسقا دا تۇرلەرىن قوسپاعاندا, دارىلىك وسىمدىكتەردى;
13) تۇتىنۋشى قاپتاماسىندا, زاتبەلگىسىندە, جازبا بەلگىسىندە, جاپسىرما پاراقتاردا جانە/نەمەسە ىلەسپە قۇجاتتارىندا قاجەتتى اقپارات بولماعاندا;
14) ۇسىنىلعان اقپاراتقا سايكەس كەلمەگەن كەزدە;
15) جالعان بولىپ تابىلاتىن ءونىمدى قابىلداۋعا, پايدالانۋعا, ساقتاۋعا, تاسىمالداۋعا جانە وتكىزۋگە جول بەرىلمەيدى.
16. ءونىم ءتۇرىنىڭ جارامدىلىق, ساقتاۋ مەرزىمى كورسەتىلە وتىرىپ ءار ىدىس ورنىنىڭ تاڭبالاۋ جازبا بەلگىسى (زاتبەلگى) جارامدىلىق/ساقتاۋ مەرزىمدەرى اياقتالعانشا, ءونىمدى تولىق پايدالانعانعا دەيىن ساقتالادى.
17. تەمىر تاپشىلىعى جاي-كۇيى مەن يود تاپشىلىعى اۋرۋلارىنىڭ پروفيلاكتيكاسى ماقساتىندا ۇننان جاسالاتىن كونديتەرلىك بۇيىمداردى وندىرۋدە جوعارعى جانە ءبىرىنشى سۇرىپتى بيداي ۇنى قۇرامىندا تەمىر بار ۆيتاميندەرمەن, مينەرالدارمەن جانە باسقا دا زاتتارمەن بايىتىلۋى (فورتيفيكاتسيالانۋى), ال اس تۇزى يودتالۋى ءتيىس.
18. دايىن بۇيىمداردى تازا, قۇرعاق, بوتەن ءيىسى جوق, پەرگامەنت نەمەسە قازاقستان رەسپۋبليكاسى مەن كەدەن وداعىنا مۇشە مەملەكەتتەر اۋماعىندا قولدانۋعا رۇقسات ەتىلگەن تاماق ونىمدەرىمەن جاناسۋعا رۇقسات ەتىلگەن باسقا دا ماتەريالدار توسەلگەن ىدىسقا سالىنادى.
19. ۇننان جاسالعان كونديتەرلىك بۇيىمداردى تاباقتارعا جانە تارتپالارعا سالۋ, ساقتاۋ جانە تاسىمالداۋ ءونىمدى ءوندىرۋشىنىڭ نۇسقاۋلىعىنا سايكەس جۇرگىزىلەدى. تيەۋ, تاسىمالداۋ جانە ءتۇسىرۋ كەزىندە بۇيىمداردى اتموسفەرالىق جاۋىن-شاشىننان ساقتايدى.
20. وڭدەۋگە كەلمەيتىن كونديتەرلىك بۇيىمداردى ودان ءارى جويۋ ءۇشىن ارنايى ىدىسقا جينايدى.
21. كونديتەرلىك بۇيىمداردىڭ بارلىق جارامدىلىق/ساقتاۋ مەرزىمى ىشىندە تاماق ءونىمىنىڭ ءار ءتۇرى ءۇشىن بەلگىلەنگەن ساقتاۋ شارتتارىنىڭ ساقتالۋى قامتاماسىز ەتىلەدى. كونديتەرلىك بۇيىمداردىڭ قاۋىپسىزدىگىن قامتاماسىز ەتەتىن ساقتاۋ شارتتارىنىڭ سايكەستىگى كودەكستىڭ 90-بابى 4-تارماعى 4) تارماقشاسىنا سايكەس وندىرىستىك باقىلاۋ باعدارلامالارىنا سايكەس باقىلاۋ-ولشەۋ اسپاپتارىنىڭ كورسەتىمدەرى بويىنشا باعالانادى.
22. كونديتەرلىك بۇيىمداردىڭ جارامدىلىق (ساقتاۋ) مەرزىمدەرى مەن ساقتاۋ شارتتارىن دايىنداۋشى ولاردىڭ كودەكستىڭ 144-بابى 6-تارماعىنا, 021/2011 كو تر سايكەس حالىقتىڭ سانيتاريالىق-ەپيدەميولوگيالىق سالاماتتىلىعى سالاسىنداعى مەملەكەتتىك ورگان بەكىتەتىن نورمالاۋ قۇجاتتارىنىڭ تالاپتارىنا سايكەستىگىن قامتاماسىز ەتۋدى ەسكەرە وتىرىپ, تەحنيكالىق قۇجاتتامادا بەلگىلەيدى.
23. كونديتەرلىك بۇيىمداردى جانە وندىرىستە قولدانىلاتىن تەز بۇزىلاتىن تاماق ونىمدەرىن ساقتاۋ, تاسىمالداۋ جانە وتكىزۋ ءونىمنىڭ قاۋىپسىزدىگى مەن ساپا كورسەتكىشتەرىن ساقتاۋدى قامتاماسىز ەتەتىن تەمپەراتۋرالىق ىلعالدىلىق رەجيمدەر كەزىندە جۇزەگە اسىرىلادى.
جىلدىڭ جىلى مەزگىلىندە تەز بۇزىلاتىن ۇننان جاسالعان كونديتەرلىك بۇيىمداردى تاسىمالداۋ:
1) سالقىنداتاتىن شاناعى بار ارنايى كولىكتە 6 ساعاتتان اسپايتىن;
2) سۋىق كەلمەيتىن يزوتەرميالى شاناقتاردا 1 ساعاتتان اسپايتىن ۋاقىتتا +6 وس جوعارى ەمەس تەمپەراتۋرا كەزىندە جۇرگىزىلەدى.
كرەمى جانە سالىندىسى بار كونديتەرلىك بۇيىمداردى تاسىمالداۋ ءۇشىن رەفريجەراتورلار پايدالانىلادى.
24. كرەمى بار ۇننان جاسالعان كونديتەرلىك بۇيىمدار قاقپاعى بار كونتەينەرلەردە تاسىمالدانادى.
25. دايىن ءونىمدى وتكىزۋ كەزىندە ءوندىرىس وبەكتىلەرىندە نورمالاۋ قۇجاتتارىنا سايكەس تاماق ءونىمىنىڭ ساۋداسى وبەكتىلەرىنە قويىلاتىن جاعدايلار جاسالادى.
26. وراماسى جوق كونديتەرلىك بۇيىمداردى وتكىزۋ كەزىندە كەسۋگە, ولشەۋگە ارنالعان ارنايى جابدىق, سونداي-اق تاڭبالانعان ساۋدا مۇكاممالى (تاقتالار, قىسقىشتار, قالاق جانە باسقالارى) پايدالانىلادى. وراماسى جوق ونىمدەردى تىكەلەي تارازىدا وراما ماتەريالىنسىز ولشەۋگە جول بەرىلمەيدى.
27. كرەمى بار كونديتەرلىك بۇيىمداردى ساقتاۋ ءۇشىن تەمپەراتۋراسى +5 ºس دەيىن كەمىندە ەكى توڭازىتۋ كامەراسى كوزدەلەدى.
28. ۇننىڭ قاپتارى قۋاتى از وبەكتىلەردى قوسپاعاندا, قاپتاردى قاعۋعا ارنالعان ماشينا ورناتىلعان ءۇي-جايدا ساقتالادى. ۇننىڭ قالدىعى, قاپتاردىڭ قاعىندىسى «سانيتاريالىق اقاۋ» دەگەن بەلگىسى بار ارنايى ىدىسقا جينالادى جانە جەكە ءۇي-جايدا ساقتالادى.
29. ۇن شيكىزاتتىڭ بارلىق تۇرىنەن بولەك, +10 °س تومەن ەمەس تەمپەراتۋرادا جانە 75 %-دان اسپايتىن سالىستىرمالى ىلعالدىلىقتا ساقتالادى. ىدىسسىز ساقتاعان كەزدە ۇن جەكەلەگەن سىيىمدىلىقتارعا توگىلەدى.
30. تۇز جەكە, سونداي-اق ەرىگەن كۇيىندە سۇزگىلەرمەن جابدىقتالعان ىدىستاردا ساقتالادى جانە وندىرىسكە ەرىگەن جانە سۇزىلگەن كۇيىندە بەرىلەدى.
31. پرەستەلگەن اشىتقى جانە اشىتقى ءسۇتى +4 °س اسپايتىن تەمپەراتۋرادا ساقتالادى. پرەستەلگەن اشىتقىنى اۋىسىمدىق نەمەسە تاۋلىكتىك قور تسەحىندا ساقتاۋعا جول بەرىلەدى.
32. مايلار, جۇمىرتقالار, ءسۇت جانە ءسۇت ونىمدەرى +4 °س اسپايتىن تەمپەراتۋرادا توڭازىتقىش كامەرالارىندا ساقتالادى.
33. بۇيىمداردى ءوندىرۋ ءۇشىن دايىندالعان ارلەۋگە ارنالعان سالىندىلار مەن جارتىلاي فابريكاتتار +6 °س اسپايتىن تەمپەراتۋرادا تاڭبالانعان جابىق ىدىستا نەمەسە جيناعىشتاردا ساقتالادى.
34. جۇمىرتقالار مەن جۇمىرتقا ونىمدەرىن ساقتاۋ ءۇشىن جەكە توڭازىتقىش جابدىعى كوزدەلەدى.
35. تسەح ىشىندەگى جابدىق, ىدىستار, مۇكاممال, ىدىس-اياق, كرەمى بار كونديتەرلىك بۇيىمداردى ءوندىرۋ كەزىندە پايدالانىلاتىن تسەح ىشىندەگى ىدىستار تەحنولوگيالىق پروتسەسس كەزەڭدەرى بويىنشا قوسىمشا تاڭبالانادى جانە قاتاڭ تۇردە ماقساتىنا قاراي پايدالانىلادى.
36. كرەمى بار بۇيىمداردى ارلەۋگە ارنالعان ءۇي-جايلار تەگىس, گيگيەنالىق جابىنى بار ۇستەلدەرىمەن جابدىقتالادى. كۇن سايىن جۇمىس اياقتالعان سوڭ ۇستەلدەر جۋ قۇرالىنىڭ 0,5 % ەرىتىندىسىمەن وڭدەلەدى, دەزينفەكتسيالانادى جانە +60 °س تەمپەراتۋرادا ىستىق سۋمەن جۋىلادى.
37. ەرەكشە سانيتاريالىق رەجيمدى تالاپ ەتەتىن ءۇي-جايلار: جۇمىرتقا ماسساسىن دايىنداۋ, دايىن بۇيىمدى ارلەۋ بولىمشەلەرى, تسەح ىشىندەگى مۇكاممالدى جۋ, تسەح مۇكاممالىن وڭدەۋ بولىمشەلەرى, جۇمىرتقا جارۋعا ارنالعان ءۇي-جاي اۋىسىم سوڭىندا جيناۋ اياقتالعان سوڭ بارىنشا كولەمدى اۋداندى وڭدەۋدى قامتاماسىز ەتەتىن جانە وندىرىستىك ۇستەلدەردىڭ ۇستىندەگى كەڭىستىكتى قامتيتىن ورىنداردا ورناتىلعان باكتەريتسيدتى شامدارمەن (ستاتسيونارلىق نەمەسە جىلجىمالى) وڭدەلەدى.
38. ەكراندالماعان جىلجىمالى باكتەريتسيدتى شامدار ءۇي-جايدىڭ 1 تەكشە مەترىنە (بۇدان ءارى – م3) 2,0-2,5 ۆاتت (بۇدان ءارى – ۆت) قۋاتى ەسەبىنەن ورناتىلادى. ەكراندالعان باكتەريتسيدتى شامدار ءۇي-جايدىڭ 1 م3 -نە 1,0 ۆت قۋاتى ەسەبىنەن ساۋلە ءۇي-جايداعى ادامدارعا باعىتتالماعان جاعدايدا ەدەننەن 1,8-2,0 م بيىكتىكتە ورناتىلادى.
باكتەريتسيدتى شامداردىڭ جۇمىس رەجيمىن دايىنداۋشى-كاسىپورىن ولاردى قولدانۋ جونىندەگى نۇسقاۋلىققا سايكەس بەلگىلەيدى.
شامداردىڭ جۇمىسىن ەسەپكە الۋ وسى سانيتاريالىق قاعيدالارعا 3-قوسىمشاعا سايكەس نىسان بويىنشا باكتەريتسيدتى شامداردىڭ جۇمىسىن تىركەيتىن ارنايى جۋرنالدا تىركەلەدى.
39. باكتەريتسيدتى شام قوسىلىپ تۇرعان كەزدە ءۇي-جايدا پەرسونالدىڭ جۇمىس ىستەۋىنە جول بەرىلمەيدى. پەرسونالدىڭ ءۇي-جايعا كىرۋىنە باكتەريتسيدتى قوندىرعى اجىراتىلعاننان كەيىن 30 مينۋتتان سوڭ جانە ءۇي-جايدى جەلدەتكەننەن كەيىن جول بەرىلەدى.
40. تەحنولوگيالىق جابدىقتى, سۇتكە ارنالعان اپپاراتۋرانى, سيروپقا ارنالعان ءپىسىرۋ قازاندارىن, سيروپتى ساقتاۋعا ارنالعان باكتاردى, ولشەۋگە ارنالعان شاعىن باكتاردى, كونديتەرلىك وندىرىستەردىڭ قۇبىرلارىن سانيتاريالىق وڭدەۋ وسى سانيتاريالىق قاعيدالارعا 4-قوسىمشاعا سايكەس جۇرگىزىلەدى.
41. قامىر يلەيتىن دەجدىڭ ىشكى بەتىنىڭ جوعارعى بولىگى ءار قامىر يلەگەن سايىن تازالانادى جانە وسىمدىك مايىمەن مايلانادى.
42. ۇننان جاسالعان كرەمى بار كونديتەرلىك بۇيىمدار وندىرەتىن وندىرىستىك تسەحتاردىڭ (ۋچاسكەلەردىڭ) جابدىعى, مۇكاممالى جانە ىدىسى اۋىسىمىنا كەمىندە ءبىر رەت, جىبىتۋگە ارنالعان سيروپ قۇيىلاتىن جانە بيسكۆيت ۇگىندىسىنە ارنالعان ىدىستار (تۇعىرىقتار) اۋىسىمىنا كەمىندە 2 رەت وڭدەلەدى.
43. ۇننان جاسالاتىن بۇيىمداردى پىسىرۋگە ارنالعان جاڭا قالىپتار مەن تابالار قولدانۋ الدىندا پەشتىڭ ىشىندە قىزدىرىلادى. جيەكتەرى مايىسقان, مىجىلعان, قابىرشىقتانعان قالىپتار مەن تابالار پايدالانىلمايدى. قالىپتار مەن تابالار ۇدايى تۇردە كۇيەسىن الۋ ءۇشىن تۇزەتىلەدى, تازالانادى جانە كۇيدىرىلەدى.
44. كرەممەن جۇمىس ىستەۋگە ارنالعان ۇشتىقتاردى جانە ۇساق مۇكاممالدى, تسەح ىشىندەگى ىدىستاردى جانە ءىرى مۇكاممالدى جۋ ورىندارى, اينالىم ىدىستىڭ جۋ ورنى ىستىق جانە سۋىق سۋ وتكىزىلگەن ءۇش سەكتسيالى ۆاننامەن جابدىقتالادى. جۇمىرتقالاردى وڭدەۋگە ارنالعان ءۇي-جاي ءتورت سەكتسيالى جۋ ۆاننالارىمەن جابدىقتالادى.
45. كونديتەرلىك ءوندىرىستىڭ تسەح ىشىندەگى ىدىستار مەن مۇكاممالدى وڭدەۋ وسى سانيتاريالىق قاعيدالارعا 5-قوسىمشاعا سايكەس ارنايى جۋ بولىمشەلەرىندە, جۋ ماشينالارىندا نەمەسە قولمەن جۋ تاسىلىمەن جۇزەگە اسىرىلادى.
46. اينالىم ىدىسىن جۋ تسەح ىشىندەگى ىدىس پەن مۇكاممالدى جۋدان بولەك جۇرگىزىلەدى, جۋ جانە دەزينفەكتسيالاۋ قۇرالدارىمەن جۋىلادى, ىستىق سۋمەن شايىلادى جانە كەپتىرىلەدى.
47. جۇمىرتقا ماسساسىنا ارنالعان جابدىق, مۇكاممال جانە ىدىس جۇمىس اياقتالعاننان كەيىن وسى سانيتاريالىق قاعيدالاردىڭ تالاپتارىنا سايكەس سانيتاريالىق وڭدەلەدى, ال ۇساق مۇكاممال جۋدان كەيىن 30 مينۋت بويى قايناتىلادى.
جۇمىرتقا وڭدەۋگە ارنالعان ۆاننالار مەن جۇمىرتقا جارۋعا ارنالعان ءۇي-جايداعى ەدەن جۇمىس اياقتالعان سوڭ ىستىق (+50 ºس تومەن ەمەس) سۋمەن جۋىلادى جانە دەزينفەكتسيالانادى.
48. كونديتەرلىك ءوندىرىستىڭ تورتتارى مەن ءتاتتى توقاشتاردى ارلەۋگە ارنالعان ۇشتىقتار مەن ۇساق مۇكاممالدى وڭدەۋ وسى سانيتاريالىق قاعيدالارعا 6-قوسىمشاعا سايكەس جۇرگىزىلەدى.
49. اۋىسىم اياقتالعان سوڭ كرەم بىلعايتىن ماشينا كرەمنەن بوساتىلادى جانە وڭدەۋدىڭ ءار ساتىسى ءۇشىن 10-15 مينۋت بويى ەرىتىندىلەرمەن (باسىندا جۋ, سوسىن دەزينفەكتسيالاۋ قۇرالدارىمەن) جۇيەلى تۇردە تولتىرعان سوڭ جۇمىس ىستەپ تۇرعان قالپىندا وڭدەلەدى, سودان سوڭ ىستىق سۋمەن جۋىلادى. كونديتەرلىك ونىمدەردى وندىرۋدە پايدالانىلاتىن باسقا جابدىق ونى پايدالانۋ جونىندەگى نۇسقاۋلىققا سايكەس سانيتاريالىق وڭدەۋگە جاتقىزىلادى.
50. جاڭا پىسكەن جەمىستەر مەن جيدەكتەر پايدالانۋ الدىندا جۋىلادى جانە كەپتىرىلەدى. جۋىلۋى قيىن جيدەكتەردى (قۇلپىناي, تاڭقۋراي, بۇلدىرگەن, قوجاقات, تۇت) ارلەۋ زاتى رەتىندە پايدالانۋعا جول بەرىلمەيدى. بۇل جيدەكتەر كرەم تولتىرعىشتار نەمەسە قانتتا گلازۋرلەنگەن رەتىندە تەرميالىق وڭدەلگەننەن كەيىن پايدالانىلادى.
51. ديەتالىق تاماقتانۋ ءۇشىن كونديتەرلىك بۇيىمداردى دايىنداۋ كەزىندە الكوگولدى, ورىك سۇيەگىنىڭ وزەگىن, مايونەزدى, اسپازدىق جانە كونديتەرلىك مايلاردى پايدالانۋعا جول بەرىلمەيدى.
52. مەيىز, تسۋكاتتار جانە قۇرعاق جەمىستەر ىرىكتەلەدى, سوسىن اعىندى سۋ استىندا توردا نەمەسە ارنايى ماشينادا جۋىلادى جانە تەرميالىق وڭدەلەتىن بۇيىمداردا پايدالانىلادى.
53. جەمىس-جيدەك ەزبەسى, قويىرتپاق وندىرىستە پايدالانۋ الدىندا ىسىپ ەزۋ ماشيناسى ارقىلى نەمەسە 1,5 ميلليمەتردەن (بۇدان ءارى – مم) اسپايتىن ۇياشىقتارى بار ەلەك ارقىلى, جەمىس-جيدەك پوۆيدلوسى, دجەم, سالىندى جانە قايناتپا – ۇياشىقتارى 3 مم اسپايتىن ەلەك ارقىلى وتكىزىلەدى. بۇل رەتتە ولاردى سۋمەن ارالاستىرۋعا جول بەرىلمەيدى.
54. جاڭعاقتار, ميندال جانە مايلى داقىلداردىڭ تۇقىمدارى سۇرىپتاۋ ماشينالارىندا بوتەن قوسپالاردان تازالانادى نەمەسە قولمەن ىرىكتەلەدى.
55. سيروپتار, بال, سۇيىق شوكولادتى جارتىلاي فابريكاتتار, ەرىتىلگەن مايلار, قايماعى الىنباعان ءسۇت ارنايى ەلەك ارقىلى سۇزىلەدى, سۇزىلگەن سوڭ ءسۇت قايناتىلادى. قانت سيروپتارى ۇياشىقتارى 1,5 مم اسپايتىن مەتالل ەلەك ارقىلى سۇزىلەدى.
56. سۋدا جۇزەتىن قۇستىڭ جۇمىرتقاسىنان جۇمىرتقا ماسساسىن دايىنداۋمەن اينالىساتىن جۇمىسكەرلەر پروتسەسس اياقتالعان سوڭ قولدارىن سابىندى جانە دەزينفەكتانتتى قولدانا وتىرىپ جۋادى.
57. قوراپتاردى اشۋ, جۇمىرتقالاردى وڭدەۋ جانە جۇمىرتقا ماسساسىن الۋ اعىمدىلىقتى ساقتاۋ كەزىندە جۇرگىزىلەدى.
58. كرەم دايىنداۋ ءۇشىن تاۋىقتىڭ ديەتالىق جۇمىرتقاسى (جۇمىرتقالاعان كۇندى ەسەپتەمەگەندە جارامدىلىق مەرزىمى 7 كۇننەن اسپايتىن), ولاردىڭ شىعۋىن, ساپاسى مەن قاۋىپسىزدىگىن راستايتىن قۇجاتتار بولعان كەزدە, تاڭبالانۋى سايكەس كەلگەن جانە تازا, قابىعى ب ۇلىنبەگەن كەزدە پايدالانىلادى. پايدالانۋ الدىندا جۇمىرتقا سۇرىپتالادى, ىرىكتەپ وۆوسكوپتان وتكىزىلەدى جانە وڭدەۋ ءۇشىن تورلى ىدىستارعا سالىنادى. جۇمىرتقالاردى +6 ºس اسپايتىن تەمپەراتۋرادا ساقتاۋعا جول بەرىلەدى.
59. كونديتەرلىك بۇيىمداردى دايىنداۋعا ارنالعان جۇمىرتقالاردى وڭدەۋ وسى سانيتاريالىق قاعيدالارعا 7-قوسىمشاعا سايكەس جۇرگىزىلەدى. جۋ ۆاننالارىندا ەرىتىندىلەردى اۋىستىرۋ اۋىسىمىنا ەكى رەتتەن سيرەتپەي جۇرگىزىلەدى.
60. ەدەنگە قۇلاعان بۇيىمدار (سانيتاريالىق اقاۋ) «سانيتاريالىق اقاۋ» دەگەن بەلگىسى بار ارنايى ىدىسقا جينالادى.
61. وڭدەلگەن جۇمىرتقانى مەتالل پىشاقپەن ۇرىپ جارادى جانە سىيىمدىلىعى بەس جۇمىرتقادان اسپايتىن ارنايى توستاعاندارعا قۇيىلادى. جۇمىرتقا ماسساسىنىڭ ءيىسى مەن سىرتقى ءتۇرى تەكسەرىلگەننەن كەيىن ونى ۇلكەن ىدىسقا قۇيادى, ۇياشىقتارىنىڭ كولەمى 3-5 مم اسپايتىن مەتالل ەلەك ارقىلى سۇزىلەدى. كرەم دايىنداۋعا ارنالعان جۇمىرتقا ماسساسىن تىكەلەي كرەم دايىنداۋ الدىندا دايىندايدى. ونى +6 °C تەمپەراتۋرادا ءبىر ساعاتتان اسپايتىن ۋاقىتقا ساقتاۋعا جول بەرىلەدى. جارتىلاي فابريكاتتاردى پىسىرۋگە ارنالعان جۇمىرتقا ماسساسىن ساقتاۋ مەرزىمى وسىنداي جاعدايلاردا 24 ساعاتتان اسپايدى. بۇل رەتتە سالقىن بولماسا جۇمىرتقا ماسساسىن ساقتاۋعا جول بەرىلمەيدى.
62. جۇمىرتقا مەلانجى از مولشەردە شىعارىلاتىن كونديتەرلىك بۇيىمدارعا ارنالعان قامىردى دايىنداۋ كەزىندە پايدالانىلادى. جۇمىرتقا مەلانجى -6 º-تان +5 ºس-قا دەيىنگى تەمپەراتۋرادا ساقتالادى, دەفروستيرلەنگەن مەلانجدى ساقتاۋ مەرزىمى 4 ساعاتتان اسپايدى. مەلانجدى قايتا مۇزداتۋعا جول بەرىلمەيدى.
63. سارى ماي قاپتاماسىن اشقاننان كەيىن تەكسەرىلەدى جانە بەتى تازارتىلادى. كرەمى بار كونديتەرلىك بۇيىمداردى ءوندىرۋ ءۇشىن لاستانعان, ميكروبيولوگيالىق ب ۇلىنگەن بەلگىلەرى بار (كوگەرگەن جانە باسقا) مايدى پايدالانۋعا جول بەرىلمەيدى. ءۇي-جايدا تازارتۋعا دەيىنگى مايدى ساقتاۋ ۇزاقتىعى 4 ساعاتتان اسپايدى.
64. كرەمدەر ءۇشىن ىلعالدىڭ ماسسالىق ۇلەسى 20 %-دان اسپايتىن سارى ماي پايدالانىلادى.
65. تورتتار مەن پيروجنىيلاردى ارلەۋ ءۇشىن سۋ فازاسىندا قانتتىڭ قۇرامى 60 %-دان تومەن ەمەس كرەمدەر پايدالانىلادى. كرەمنىڭ سۋ فازاسىنداعى قانتتىڭ قۇرامىن ەسەپتەۋ وسى سانيتاريالىق قاعيدالارعا 8-قوسىمشاعا سايكەس جۇزەگە اسىرىلادى.
66. سيروپتار قاجەتتىلىگىنە قاراي دايىندالادى. سيروپتى +6 ºس-تان جوعارى ەمەس تەمپەراتۋرادا ساقتاۋعا جول بەرىلەدى. سىڭىرۋگە ارنالعان سيروپ جانە ۇستىنە سەبۋگە ارنالعان ۇگىندىلەر اۋىسىمىنا كەمىندە ەكى رەت اۋىستىرىلادى. ۇگىندىلەردىڭ جانە سيروپتىڭ قالدىقتارى جوعارى تەمپەراتۋرالىق وڭدەۋ كەزىندە جارتىلاي فابريكاتتاردى ءپىسىرۋ ءۇشىن پايدالانىلادى.
67. كرەم ۇزدىكسىز جۇمىس قاجەتتىلىگىنىڭ 3 ساعاتىنان اسپايتىن مولشەرىندە دايىندالادى جانە وسى كەزەڭدە پايدالانىلادى. جۇمىس ءۇشىن 30 مينۋتتان اسپايتىن مولشەردەگى كرەم الىنادى, كرەمنىڭ قالعان مولشەرى +4 ºس-تان اسپايتىن تەمپەراتۋرادا توڭازىتقىشتا ساقتالادى. كرەمنىڭ قالدىقتارىن باسقا اۋىسىمعا تورتتار مەن پيروجنىيلاردى ارلەۋ ءۇشىن بەرۋگە جول بەرىلمەيدى. 3 ساعات ىشىندە پايدالانىلماعان كرەمنىڭ قالدىقتارى دايىنداۋشىنىڭ تەحنيكالىق قۇجاتتاماسىنىڭ تەحنولوگيالىق نۇسقاۋلىقتارىنا سايكەس جوعارى تەمپەراتۋرادا وڭدەلەتىن جارتىلاي فابريكاتتار مەن ۇننان جاسالعان بۇيىمداردى پىسىرۋگە ارنالعان قامىردى دايىنداۋ ءۇشىن سول اۋىسىمدا پايدالانىلادى.
68. قايناتىلعان, بىلعانعان كىلەگەيدەن الىنعان, ىرىمشىكتەن جاسالعان, بەلوكپەن ارالاستىرىلعان شيكى جانە قايناتىلعان كرەمدەر ساقتاۋعا كەلمەيدى جانە دايىندالعاننان كەيىن تەز ارادا پايدالانىلادى. كرەمدەردىڭ قالعان تۇرلەرى ولاردى پايدالانعانعا دەيىن, بىراق ماسسالىق ءونىم ءۇشىن 1,5 ساعاتتان اسپايتىن ۋاقىتتا جانە تاپسىرىس بەرىلگەن ءونىم ءۇشىن 2 ساعاتتان اسپايتىن ۋاقىتتا +4– +2ºس اسپايتىن تەمپەراتۋرادا وندىرىستە ساقتالادى.
69. كرەمدى ءبىر ىدىستان ەكىنشىسىنە سالۋ نەمەسە ونى ارالاستىرۋ ارنايى مۇكاممالمەن جۇرگىزىلەدى. بۇل رەتتە كرەمدى قولىمەن سالۋعا جول بەرىلمەيدى. جۇمىس ورىندارىنا كرەم قاقپاعى بار تازا ىدىستا اكەلىنەدى. بۇيىمدى ارلەۋ پروتسەسىندە كرەمى بار ىدىستى قاقپاقپەن جاپپاۋعا جول بەرىلەدى.
70. كرەمدەردى باسقا وبەكتىلەردە پايدالانۋ ءۇشىن ولاردى تاسىمالداۋعا جول بەرىلمەيدى.
71. بۇيىمداردى كرەممەن ارلەۋ ءۇشىن ءبىر رەت قولدانىلاتىن ورنەك سالىناتىن كونديتەرلىك قاپشىقتار پايدالانىلادى.
72. كرەمى بار كونديتەرلىك بۇيىمداردى ءوندىرۋ كەزىندە ءاربىر اۋىسىم جۇمىسقا تازا ستەريلدى ورنەك سالۋ قاپشىقتارىمەن, ولارعا ارنالعان ۇشتىقتارمەن جانە ۇساق مۇكاممالمەن كىرىسەدى.
قاپشىقتاردى, ۇشتىقتاردى جانە ۇساق مۇكاممالدى بەرۋ جانە تاپسىرۋ ءاربىر اۋىسىمدا ەسەپ بويىنشا جۇرگىزىلەدى. ورنەك سالۋ قاپشىقتارىن اۋىستىرۋ اۋىسىمدا كەمىندە ەكى رەت جۇرگىزىلەدى.
73. ورنەك سالۋ قاپشىقتارىن, ۇشتىقتاردى جانە كرەممەن جۇمىس ىستەۋگە ارنالعان ۇساق مۇكاممالدى وڭدەۋ جانە ساقتاۋ ءۇشىن قولدانىلاتىن جابدىق باسقا ماقساتتا پايدالانىلمايدى.
74 كونديتەرلىك بۇيىمداردى ارلەۋ ءۇشىن ساپتارى بار كونديتەرلىك قاپشىقتار, كونديتەرلىك شپريتستەر, قالاقتار, پىشاقتار جانە باسقا دا كەرەك-جاراقتار پايدالانىلادى. كرەمى بار ورنەك سالۋ قاپشىقتارى اۋىسىم ىشىندەگى جۇمىس ءۇزىلىسى ۋاقىتىندا تازا ىدىستا سالقىن جەردە ساقتالادى.
75. سيروپتاردى, كرەمدەردىڭ جارتىلاي فابريكاتتارىن, جىبىتۋگە ارنالعان سيروپتاردى دايىنداۋ دايىنداۋشىنىڭ تەحنيكالىق قۇجاتتاماسىنا سايكەس جۇرگىزىلەدى.
76. كرەمى بار كونديتەرلىك بۇيىمدار دايىندالعاننان كەيىن سالقىنداتۋ ءۇشىن توڭازىتۋ كامەراسىنا جىبەرىلەدى. +16 ºس - +18 ºس-تان اسپايتىن تەمپەراتۋرادا توڭازىتۋ كامەرالارىنا سالعانعا دەيىن دايىن كرەم بۇيىمدارىن وندىرىستە ساقتاۋ ۇزاقتىعى 1 ساعاتتان اسپايدى, ولاردى توڭازىتۋ كامەرالارىندا تەز ارادا سالقىنداتۋ 0 ºس-تان جوعارى ەمەس تەمپەراتۋرادا جۇرگىزىلەدى. بۇيىمنىڭ ءىشى تەمپەراتۋراسىنىڭ +6 ºس-قا جەتۋى تەحنولوگيالىق پروتسەستىڭ اياقتالۋى بولىپ سانالادى.
77. كرەمى بار كونديتەرلىك بۇيىمدار +6 ºس-تان اسپايتىن تەمپەراتۋرادا توڭازىتۋ كامەرالارىندا ساقتالادى. كرەممەن ارلەنبەگەن تورتتار مەن پيروجنىيلار, مايلى, پرالين, جەمىس قوسىلعان, جارتىلاي فابريكاتتارمەن ارلەنگەن تورتتار مەن پيروجنىيلار +18 ºس اسپايتىن تەمپەراتۋرادا جانە 70-75 % اۋانىڭ سالىستىرمالى ىلعالدىلىعىندا ساقتالادى.
78. +6 ºس اسپايتىن تەمپەراتۋرادا ساقتالىناتىن تورتتاردىڭ, پيروجنىيلاردىڭ, رۋلەتتەردىڭ جارامدىلىق مەرزىمى تەحنولوگيالىق پروتسەسس اياقتالعان كەزدەن باستاپ, تەز بۇزىلاتىن بۇيىمدارعا بەلگىلەنگەن جارامدىلىق مەرزىمدەرىنە سايكەس جۇزەگە اسىرىلادى. كرەمدى كونديتەرلىك بۇيىمداردىڭ جارامدىلىق, ساقتاۋ جانە وتكىزۋ مەرزىمى تەحنولوگيالىق پروتسەسس اياقتالعان كەزدەن باستاپ سانالادى جانە ءونىمنىڭ وبەكتىگە اكەلىنۋ ۋاقىتىن, تاسىمالداۋ ۋاقىتىن, ساۋدا جانە قوعامدىق تاماقتانۋ وبەكتىلەرىندە ساقتالۋ ۋاقىتىن قامتيدى.
79. مەحانيكالىق ب ۇلىنگەن نەمەسە سىرتقى ءتۇرى مەن ءپىشىنى وزگەرگەن, وتكىزۋ مەرزىمى وتكەن, بىراق وتكىزۋ مەرزىمى اياقتالعان كەزدەن باستاپ 24 ساعاتتان كەشىكتىرمەي كونديتەرلىك بۇيىمداردى وڭدەۋگە تازا, قۇرعاق, بوتەن ءيىسى جوق ىدىستا ساۋدا جەلىسىنەن كەرى قايتارۋعا جول بەرىلەدى.
جارامدىلىق مەرزىمى وتكەن كرەمى بار كونديتەرلىك بۇيىمدار از مولشەردە پىسىرىلەتىن كونديتەرلىك بۇيىمداردى شىعارۋ ءۇشىن پايدالانىلادى.
80. ءدامى مەن ءيىسى وزگەرگەن, لاستانعان, بوتەن زاتتار قوسىلعان, ۇندا بولاتىن جانە وزگە دە زيانكەستەرىمەن زالالدانعان, ميكروبيولوگيالىق ءب ۇلىنۋ بەلگىلەرى بار, سونداي-اق ۇننان جاسالعان بۇيىمداردىڭ ۇگىندىلەرى بار كونديتەرلىك بۇيىمداردى وڭدەۋ ءۇشىن كەرى قايتارۋعا جول بەرىلمەيدى.
81. ساۋدا وبەكتىلەرى وڭدەۋ ءۇشىن كەرى قايتاراتىن كونديتەرلىك بۇيىمدار:
1) بۇيىمنىڭ اتاۋى;
2) بۇيىم داناسىنىڭ سالماعى نەمەسە سانى;
3) شىعارىلعان كۇنى;
4) ءونىمدى كەرى قايتاراتىن ساۋدا وبەكتىسىنىڭ اتاۋى;
5) كەرى قايتارۋ كۇنى;
6) كەرى قايتارۋ سەبەپتەرى بەلگىلەنەتىن قۇجاتپەن سۇيەمەلدەنەدى.
82. ساۋدا جەلىسىنەن كەرى قايتارىلاتىن كونديتەرلىك بۇيىمدار وندىرىستىك زەرتحانانىڭ, ول بولماعان كەزدە – بوگدە قۇزىرەتتى, ونىڭ ىشىندە اككرەديتتەلگەن زەرتحانانىڭ قورىتىندىسىنان كەيىن وڭدەۋگە جىبەرىلەدى.
83. «سوزىلمالى» (كارتوپ) اۋرۋمەن زاقىمدالعان كونديتەرلىك بۇيىمداردى تاماق ماقساتى ءۇشىن پايدالانۋعا جول بەرىلمەيدى جانە وڭدەۋگە جاتپايدى.
«كونديتەرلىك بۇيىمداردى ءوندىرۋ وبەكتىلەرىنە, كونديتەرلىك بۇيىمداردى ءوندىرۋ, ولشەپ-وراۋ,
تاسىمالداۋ, ساقتاۋ, وتكىزۋ, كادەگە جاراتۋ جانە جويۋ شارتتارىنا قويىلاتىن
سانيتاريالىق-ەپيدەميولوگيالىق تالاپتار» سانيتاريالىق قاعيدالارىنا 1-قوسىمشا
كونديتەرلىك بۇيىمداردى ءوندىرۋ وبەكتىلەرىنىڭ وندىرىستىك ءۇي-جايلارىنىڭ قۇرامى
1-كەستە
ءوندىرىس ءۇي-جايلار اتاۋى
1 2
قانتتى كونديتەرلىك بۇيىمدار ءوندىرىسى
كارامەل ءوندىرىسى ءشاربات, كارامەل ماسسالارىن ءپىسىرۋ, سالىندى, وراماسى مەن قاپتاماسى بار كارامەلدەردى قالىپتاۋ جانە سالقىنداتۋ بولىمشەسى
كارامەلدىڭ كەرى قايتارىلعان قالدىقتارىنان ينۆەرتتى ءشاربات دايىنداۋ بولىمشەسى
دراجە ءوندىرىسى ءپىسىرۋ, دراجە كورپۋستارىن دايىنداۋ, دراجدەۋ, كوتەرىلۋ, ولشەپ-وراۋ جانە قاپتامالاۋ بولىمشەسى
كامپيت ءوندىرىسى ءپىسىرۋ, قالىپتاۋ, قۇيمالاۋ, وراۋ جانە قاپتامالاۋ بولىمشەسى
كراحمالدى كەپتىرۋ بولىمشەسى
شوكولاد ءوندىرىسى شوكولاد پەن شوكولاد ماسساسىن قالىپتاۋ بولىمشەسى
سالىندىنى دايىنداۋ بولىمشەسى
كاكاو ۇنتاعىن ۇگۋ جانە ولشەپ-وراۋ بولىمشەسى
وراۋ-قاپتامالاۋ بولىمشەسى
پاستيلا-مارمەلادتى بۇيىمدار ءوندىرىسى ءپىسىرۋ, قالىپتاۋ, كەپتىرۋ جانە قاپتامالاۋ بولىمشەسى
ۇننان جاسالعان كونديتەرلىك بۇيىمدار ءوندىرىسى
كرەمسىز كونديتەرلىك بۇيىمدار (پەچەنە, گالەتتەر, كرەكەرلەر, ۆافلي, پريانيك جانە باسقالارى) 1. رەتسەپتۋرالىق ءۇي-جاي
2. ۇنتاقتى وڭدەۋ ءۇي-جايى
3. ينۆەرتتى ءشاربات دايىنداۋ ءۇي-جايى
4. اشىتۋ كامەراسى
5. قامىر يلەۋ ءۇي-جايى
6. قالىپتاۋ ءۇي-جايى
7. ءپىسىرۋ ءۇي-جايى
8. وراۋ جانە قاپتامالاۋ ءۇي-جايى
كرەمدى كونديتەرلىك بۇيىمدار (تورتتار مەن پيروجنىيلار) 1. تەز بۇزىلاتىن شيكىزاتتى ساقتاۋعا ارنالعان توڭازىتۋ كامەرالار جابدىعى بار شيكىزاتتى تاۋلىكتىك ساقتاۋ ءۇي-جايى
2. مايدى تازالاۋ ءۇي-جايى
3. ماسسالاردى ۇنتاقتاۋ ءۇي-جايى
4. جارتىلاي فابريكاتتاردى دايىنداۋ ءۇي-جايى
5. ءشاربات ءپىسىرۋ ءۇي-جايى
6. كەسۋ ءۇي-جايى
7. جارتىلاي فابريكاتتاردى ساقتاۋعا ارنالعان ءۇي-جاي
8. كرەمدى دايىنداۋ ءۇي-جايى
9. تورتتار مەن پيروجنىيلاردى ارلەۋ ءۇي-جايى
10. سىعىمداپ قۇيۋ قاپتارىن, ۇشتىقتاردى جانە ۇساق مۇكاممالدى وڭدەۋگە ارنالعان ءۇي-جاي
11. ۇساق مۇكاممالدى ستەريليزاتسيالاۋعا ارنالعان ءۇي-جاي
جوعارىدا سانامالانعان بارلىق وندىرىستەرگە ارنالعان ورتاق وندىرىستىك ءۇي-جايلار
جوعارىدا سانامالانعان بارلىق وندىرىستەرگە ارنالعان ورتاق ءۇي-جايلار 1. جۇمىرتقالار مەن مەلانجدى دايىنداۋ (قاپتاماسىن شەشۋ جانە ساقتاۋ) ءۇي-جايى
2. جۇمىرتقالاردى جۋ جانە دەزينفەكتسيالاۋ ءۇي-جايى
3. جۇمىرتقا ماسساسىن الۋعا ارنالعان ءۇي-جاي (جۇمىرتقا جارعىش)
4. شيكىزاتتى ىدىسىنان الۋعا جانە ونى وندىرىسكە دايىنداۋعا ارنالعان ءۇي-جاي
5. قويىلتىلعان ءسۇتتى ىدىسىنان قۇيىپ الۋعا جانە ساقتاۋعا ارنالعان ءۇي-جاي*
6. بوشكەلەردى جۋ ءۇي-جايى
7. ءسۇرتىپ تازارتۋ ءۇي-جايى
8. ەلەكتەن وتكىزۋ ءۇي-جايى
9. قاپتى قاعۋ ءۇي-جايى
10. قۇمشەكەردى ۇگۋ ءۇي-جايى
ەسكەرتپە. *جەكە ءۇي-جاي بولماعان كەزدە اتالعان پروتسەستەردى قاۋىپسىزدىك تالاپتارى ساقتالعان جانە قويىلتىلعان ءسۇتتىڭ ەكىنشى رەت لاستانۋىن بولدىرماعان جاعدايدا, باسقا شيكىزاتتى ىدىسىنان قۇيىپ الۋ جانە ساقتاۋعا ارنالعان ءۇي-جايدا جۇزەگە اسىرۋعا جول بەرىلەدى.
كونديتەرلىك بۇيىمدار ءوندىرىسىنىڭ قويما ءۇي-جايلارىنىڭ قۇرامى
2-كەستە
ءۇي-جايلار اتاۋى
مايدى, ءسۇتتى, سىرنەنى قابىلداۋ جانە ساقتاۋ ءۇي-جايى
شيكىزات قويماسى
جەمىس-جيدەك شيكىزاتى قويماسى
ەسسەنتسيا, سپيرتتەر, شاراپ, كونياك قويماسى
ۇن قويماسى
قانت قويماسى
دايىن ءونىم قويماسى
ەكسپەديتسيا
جانار-جاعار ماي ماتەريالدارى قويماسى
ماتەريالدى قويما
قوسالقى بولشەكتەر قويماسى
ىدىس قاپتاۋ ماتەريالدارى قويماسى
تسەحتىق قويمالار
توڭازىتۋ كامەراسى
كونديتەرلىك بۇيىمدار ءوندىرىسىنىڭ قوسالقى ءۇي-جايلارىنىڭ قۇرامى
3-كەستە
ءۇي-جايلار اتاۋى
مۇكاممالدى جۋعا ارنالعان ءۇي-جايلار
قاعازداردى, زاتبەلگىلەردى, كارتوندى بۇيىمداردى (ويىپ جازاتىنداردى) ساقتاۋعا ارنالعان قويمالار
باعالى شيكىزاتقا ارنالعان قويما
جيناۋ مۇكاممالىن ساقتاۋعا ارنالعان ءۇي-جاي
وندىرىستىك اقاۋى بار بۇيىمداردى وڭدەۋگە ارنالعان ءۇي-جاي (كارامەل جانە ۇن ءوندىرىسى ءۇشىن)
اينالىمداعى ىدىستاردى (لوتوكتاردى, بوشكەلەردى, فلياگالاردى, كونتەينەرلەردى) جۋعا ارنالعان ءۇي-جاي
وندىرىستىك زەرتحانا
ل