2015 جىلعى 19 اقپان, استانا قالاسى
كوندومينيۋم وبەكتىسىنىڭ ورتاق مۇلكىن كۇتىپ-ۇستاۋ قاعيدالارىن بەكىتۋ تۋرالى
«تۇرعىن ءۇي قاتىناستارى تۋرالى» قازاقستان رەسپۋبليكاسى زاڭىنىڭ 10-2-بابىنىڭ 10-10) تارماقشاسىنا سايكەس بۇيىرامىن:
1. قوسا بەرىلىپ وتىرعان كوندومينيۋم وبەكتىسىنىڭ ورتاق مۇلكىن كۇتىپ-ۇستاۋ قاعيدالارى بەكىتىلسىن.
2. قازاقستان رەسپۋبليكاسى ۇلتتىق ەكونوميكا مينيسترلىگىنىڭ قۇرىلىس, تۇرعىن ءۇي-كوممۋنالدىق شارۋاشىلىق ىستەرى جانە جەر رەسۋرستارىن باسقارۋ كوميتەتى زاڭنامادا بەلگىلەنگەن تارتىپپەن:
1) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن;
2) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەن سوڭ كۇنتiزبەلiك ون كۇن ىشىندە مەرزىمدىك ءباسپاسوز باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالانۋىن;
3) وسى بۇيرىقتىڭ قازاقستان رەسپۋبليكاسى ۇلتتىق ەكونوميكا مينيسترلىگىنىڭ ينتەرنەت-رەسۋرسىندا ورنالاستىرىلۋىن قامتاماسىز ەتسىن.
3. وسى بۇيرىقتىڭ ورىندالۋىن باقىلاۋ سالاعا جەتەكشىلىك ەتەتىن قازاقستان رەسپۋبليكاسى ۇلتتىق ەكونوميكا ۆيتسە-مينيسترىنە جۇكتەلسىن.
4. وسى بۇيرىق العاشقى رەسمي جاريالانعان كۇنىنەن كەيiن كۇنتiزبەلiك ون كۇن وتكەن سوڭ قولدانىسقا ەنگىزىلەدى.
مينيستر ە.دوساەۆ
قازاقستان رەسپۋبليكاسى ۇلتتىق ەكونوميكا ءمينيسترىنىڭ
2015 جىلعى 19 اقپانداعى №108 بۇيرىعىمەن بەكىتىلگەن
كوندومينيۋم وبەكتىسىنىڭ ورتاق مۇلكىن كۇتىپ-ۇستاۋ قاعيدالارى
1. وسى كوندومينيۋم وبەكتىسىنىڭ ورتاق مۇلكىن كۇتىپ-ۇستاۋ قاعيدالارى (بۇدان ءارى – قاعيدالار) «تۇرعىن ءۇي قاتىناستارى تۋرالى» 1997 جىلعى 16 ساۋiردەگi قازاقستان رەسپۋبليكاسى زاڭىنىڭ (بۇدان ءارى – زاڭ) 10-2-بابىنىڭ 10-10) تارماقشاسىنا سايكەس ازىرلەندى جانە قازاقستان رەسپۋبليكاسىنىڭ تۇرعىن ءۇي قورىنا كىرەتىن تۇرعىن ۇيلەردە كوندومينيۋم وبەكتىسىنىڭ ورتاق مۇلكىن كۇتىپ-ۇستاۋ پروتسەسىندە تۋىندايتىن قاتىناستاردى رەتتەيدى.
2. قاعيدالاردا مىناداي نەگىزگى ۇعىمدار پايدالانىلادى:
عيماراتتى (قۇرىلىستى, جابدىقتى, كوممۋنيكاتسيانى, تۇرعىن ءۇي-كوممۋنالدىق ماقساتتاعى وبەكتىلەردى) اعىمداعى جوندەۋ – عيماراتتىڭ (قۇرىلىستىڭ, جابدىقتىڭ, كوممۋنيكاتسيانىڭ, تۇرعىن ءۇي-كوممۋنالدىق ماقساتتاعى وبەكتىلەردىڭ) جارامدىلىعى نەمەسە جۇمىس قابىلەتىن قالپىنا كەلتىرۋ, نورماتيۆتىك جانە تەحنيكالىق قۇجاتتامادا بەلگىلەنگەن كولەمدە شەكتەلگەن نومەنكلاتۋرانىڭ قۇرامداس بولىكتەرىن اۋىستىرا نەمەسە قالپىنا كەلتىرە وتىرىپ, ونىڭ رەسۋرسىن ءىشىنارا قالپىنا كەلتىرۋ ءۇشىن ورىندالاتىن جۇمىس;
عيماراتتى (قۇرىلىستى, جابدىقتى, كوممۋنيكاتسيانى, تۇرعىن ءۇي-كوممۋنالدىق ماقساتتاعى وبەكتىلەردى) كۇردەلى جوندەۋ – عيماراتتى (قۇرىلىستى, جابدىقتى, كوممۋنيكاتسيانى, تۇرعىن ءۇي-كوممۋنالدىق ماقساتتاعى وبەكتىلەردى) قاجەت بولعان جاعدايدا كونسترۋكتيۆتىك ەلەمەنتتەر مەن ينجەنەرلىك جابدىق جۇيەلەرىن اۋىستىرا وتىرىپ, ونىڭ رەسۋرسىن قالپىنا كەلتىرۋ, سونداي-اق پايدالانۋ كورسەتكىشتەرىن جاقسارتۋ ماقساتىندا جوندەۋ;
جەر ۋچاسكەسى – تۇرعىن ۇيگە (تۇرعىن عيماراتقا) قازاقستان رەسپۋبليكاسىنىڭ جەر كودەكسىندە بەلگىلەنگەن تارتىپپەن بەكىتىلىپ بەرىلگەن جەر اۋماعى;
كوندومينيۋم وبەكتىسىن كۇتىپ-ۇستاۋ – كوندومينيۋم وبەكتىسىن باسقارۋ ورگانىمەن جاساسقان شارتقا سايكەس سەرۆيستىك قىزمەت سۋبەكتىسى ىسكە اسىراتىن ۇيىمداستىرۋشىلىق جانە تەحنيكالىق ءىس-شارالار جيىنتىعى;
كوندومينيۋم وبەكتىسىن باسقارۋ ورگانى – كوندومينيۋم وبەكتىسىن باسقارۋ جونىندەگى فۋنكتسيالاردى جۇزەگە اسىراتىن جەكە نەمەسە زاڭدى تۇلعا;
مەردىگەر – جۇمىستى نەمەسە كورسەتىلەتىن قىزمەتتەردى مەردىگەرلىك شارت جانە (نەمەسە) مەملەكەتتىك كەلىسىمشارت بويىنشا ورىندايتىن جەكە نەمەسە زاڭدى تۇلعا;
ورتاق م ۇلىك – دارا (بولەك) مەنشىكتەگى ءۇي-جايلاردان باسقا, كوندومينيۋم وبەكتىسىنىڭ بولىكتەرى (اباتتاندىرۋ ەلەمەنتتەرىن جانە ورتاق پايدالانىلاتىن باسقا دا م ۇلىكتى قوسا العاندا, كىرەبەرىستەر, باسپالداقتار, ليفتىلەر, توبەلەر, شاتىرلار, جەرتولەلەر, پاتەردەن تىس نە ۇيگە ورتاق ينجەنەرلىك جۇيەلەر مەن جابدىقتار, ابونەنتتىك پوشتا جاشىكتەرى, جەر ۋچاسكەسى);
سەرۆيستىك قىزمەت سۋبەكتىسى – كوندومينيۋم وبەكتىسىن كۇتىپ-ۇستاۋ جونىندەگى قىزمەتتى جۇزەگە اسىراتىن جەكە نەمەسە زاڭدى تۇلعا.
3. كوندومينيۋم وبەكتىسىنىڭ ورتاق مۇلكىن كۇتىپ-ۇستاۋدى سەرۆيستىك قىزمەت سۋبەكتىسى كوندومينيۋم وبەكتىسىن باسقارۋ ورگانىمەن جاساساتىن زاڭنىڭ 10-2- بابىنىڭ 10-6) تارماقشاسىنا سايكەس كوندومينيۋم وبەكتىسىن باسقارۋ ورگانى شارتىنىڭ ۇلگىلىك نىسانىنا سايكەس جۇزەگە اسىرادى. شارت جاساۋ الدىندا ءۇي-جايلاردىڭ (پاتەرلەردىڭ) مەنشiك يەلەرi سەرۆيستىك قىزمەت سۋبەكتىلەرىنىڭ كانديداتۋرالارىن جالپى جينالىستا قارايدى جانە زاڭنىڭ 10-2-بابىنىڭ 9) تارماقشاسىنا سايكەس ءۇي-جايلاردىڭ (پاتەرلەردىڭ) مەنشiك يەلەرiنىڭ ۇلگى نىسانىنداعى حاتتاماسىنا سايكەس سەرۆيستىك قىزمەت سۋبەكتىسىن ايقىنداۋ تۋرالى حاتتاما جاسايدى.
4. كوندومينيۋم وبەكتىسىن باسقارۋ ورگانى قۇرىلعان كۇنىنەن باستاپ ون بەس جۇمىس كۇنى ىشىندە ءاربىر كوندومينيۋم وبەكتىسىنە ەكىنشى دەڭگەيدەگى بانكتە اعىمداعى شوت اشادى, وعان ءۇي-جايلاردىڭ (پاتەرلەردىڭ) مەنشىك يەلەرىنىڭ وسى كوندومينيۋم وبەكتىسىنىڭ ورتاق مۇلكىن كۇتىپ-ۇستاۋعا جانە اعىمداعى جوندەۋگە جۇمسالاتىن جارنالارى (تولەمدەرى) اۋدارىلادى جانە وسى كوندومينيۋم وبەكتىسىنىڭ ورتاق مۇلكىن كۇردەلى جوندەۋگە جۇمسالاتىن سومالاردى جيناقتاۋ ءۇشىن ەكىنشى دەڭگەيدەگى بانكتە جيناق شوتىن اشۋعا مىندەتتى.
5. كوندومينيۋم وبەكتىسىنىڭ ورتاق مۇلكىن كۇتىپ-ۇستاۋ:
1) اعىمداعى جانە كۇردەلى جوندەۋدى قۇرىلىس نورمالارىنا, ەكولوگيالىق تالاپتار مەن نورماتيۆتەرگە, سانيتاريالىق-تەحنيكالىق قىزمەت كورسەتۋ جونىندەگى ءىس-شارالارعا سايكەس جۇرگىزۋ;
2) كوممۋنالدىق قالدىقتاردى جيناۋ ورىندارىندا ەكولوگيالىق قاۋىپسىزدىك نورمالارىن ساقتاۋ;
3) كوندومينيۋم وبەكتىسىنىڭ ورتاق مۇلكىن, ۇيگە ورتاق ينجەنەرلىك جۇيەلەر مەن جابدىقتاردى, جەر ۋچاسكەسىن اعىمداعى تەحنيكالىق, سانيتاريالىق كۇتىپ-ۇستاۋ;
4) كوندومينيۋم وبەكتىسىنىڭ ورتاق مۇلكىن كۇتىپ-ۇستاۋعا ارنالعان شىعىستار سمەتاسىن ەسەپتەۋ;
5) كوندومينيۋم وبەكتىسىنىڭ ورتاق مۇلكىن نە ونىڭ جەكەلەگەن قۇرىلىس كونسترۋكتسيالارىن, ۇيگە ورتاق ينجەنەرلىك جۇيەلەر مەن جابدىقتارىن كۇردەلى جوندەۋ ارقىلى جۇزەگە اسىرىلادى.
6. كوندومينيۋم وبەكتىسىن باسقارۋ ورگانى مەن سەرۆيستىك قىزمەت سۋبەكتىسىنىڭ اراسىندا شارت جاسالعان كەزدە كورسەتىلەتىن قىزمەتتەردىڭ تىزبەسىنە مىناداي جۇمىستاردى كەشەندى ورىنداۋ قامتىلادى:
1) كوندومينيۋم وبەكتiسiنىڭ كونسترۋكتسيالارى مەن ينجەنەرلىك جابدىقتارىنىڭ تەحنيكالىق جاي-كۇيىن جوسپارلى جانە جوسپاردان تىس تەكسەرىپ قاراۋ (گاز, ليفت جابدىقتارى مەن قوقىس جيناعىشتاردى قوسپاعاندا, ولارعا ءتيىستى ۇيىمدارمەن جەكە شارتتار جاسالادى);
2) قوقىس جيناعىشتاردى, ءۇي ماڭىنداعى اۋماقتاردى سانيتاريالىق تازارتۋ, قوقىستى اكەتۋ (كارىزى جوق ۇيلەردە – اۋلاداعى دارەتحانانىڭ قازىلعان شۇڭقىرلارىن تازارتۋ, جيناۋ جانە اكتەۋ);
3) كوگالداندىرۋ;
4) جەرتولەلىك ءۇي-جايلار مەن ورتاق پايدالانىلاتىن باسقا دا ورىنداردى دەزينفەكتسيالاۋ, دەراتيزاتسيالاۋ, دەزينسەكتسيالاۋ;
5) كوكتەمگى-جازعى جانە قىسقى ماۋسىمدارعا دايىندىق;
6) اۆاريالاردى جويۋ;
7) جەلدەتكىش ارنالارى مەن تۇتىندىكتەردى تازارتۋ;
8) كوندومينيۋم وبەكتىسىنىڭ ورتاق مۇلكىن اعىمداعى جوندەۋ;
9) كوندومينيۋم وبەكتىسىنىڭ ورتاق مۇلكىن كۇردەلى جوندەۋ;
10) ورتاق پايدالانىلاتىن ورىنداردا ورتالىق جىلىتۋ, سۋمەن جابدىقتاۋ, سۋ بۇرۋ, ەلەكترمەن جابدىقتاۋ, جەلدەتۋ جۇيەلەرىنە قىزمەت كورسەتۋ.
7. كوندومينيۋم وبەكتىسىنىڭ ورتاق مۇلكىن كۇتىپ-ۇستاۋعا ارنالعان اي سايىنعى جارنانىڭ مولشەرى ءۇي-جايلاردىڭ (پاتەرلەردىڭ) مەنشىك يەلەرىنىڭ جينالىسىندا بەكىتىلەدى.
8. ءۇي-جايلاردىڭ (پاتەرلەردىڭ) مەنشىك يەلەرى:
1) كوندومينيۋم وبەكتىسىنىڭ ورتاق مۇلكىن, سونداي-اق جەر ۋچاسكەسiن پايدالانادى جانە باسقارادى;
2) كوندومينيۋم وبەكتىسىنىڭ ورتاق مۇلكىنىڭ ساقتالۋى مەن قاۋىپسىز پايدالانىلۋىن قامتاماسىز ەتەدى;
3) كوندومينيۋم وبەكتىسىنىڭ ورتاق مۇلكىنكۇتىپ-ۇستاۋعا جۇمسالاتىن شىعىستارعا قاتىسادى;
4) كوندومينيۋم وبەكتىسىنىڭ ورتاق مۇلكىن كۇردەلى جوندەۋگە قاراجات جيناقتاۋ ءۇشىن اي سايىن كوندومينيۋم وبەكتىسىن باسقارۋ ورگانىنىڭ جيناق شوتىنا ءۇي-جايلاردىڭ (پاتەرلەردىڭ) مەنشىك يەلەرىنىڭ جينالىسىندا ايقىندالاتىن مولشەردەگى, بىراق تۇرعىن (تۇرعىن ەمەس) ءۇي-جايدىڭ پايدالى الاڭىنىڭ ءبىر شارشى مەترىنە ارنالعان ەسەپپەن رەسپۋبليكالىق بيۋدجەت تۋرالى زاڭدا ءتيىستى قارجى جىلىنا ارنالىپ بەلگىلەنگەن ايلىق ەسەپتىك كورسەتكىشتىڭ 0,02 ەسەلەنگەن مولشەرىنەن كەم بولمايتىن سومانى ەنگىزۋگە مىندەتتى;
5) كوندومينيۋم وبەكتىسىنىڭ جەر ۋچاسكەلەرىندەگى جاسىل ەكپەلەردىڭ ساقتالۋىن جانە وزدەرىنىڭ كۇشتەرىمەن نە شارت نەگىزىندە مامانداندىرىلعان كاسىپورىنداردى جالداۋ ارقىلى ولارعا ءتيىستى كۇتىم جاساۋدى قامتاماسىز ەتەدى;
6) كوندومينيۋم وبەكتىسىنىڭ ورتاق مۇلكىن رەكونسترۋكتسيالاۋدى, قايتا جوسپارلاۋدى, قايتا جابدىقتاۋدى جانە كونسترۋكتيۆتىك شەشىمدەردى وزگەرتۋدى وعان رۇقسات بەرۋ قۇجاتتارى بولعان جاعدايدا عانا جۇرگىزەدى;
7) كوندومينيۋم وبەكتىسىن باسقارۋ ورگانىنا جەكە جانە زاڭدى تۇلعالارمەن كوندومينيۋم وبەكتىسىنىڭ ورتاق مۇلكىنە قىزمەت كورسەتۋ جانە جوندەۋ جۇمىستارىن ورىنداۋ جونىندە شارتتار جاساسۋدى تاپسىرادى;
8) ءۇي-جايلاردىڭ (پاتەرلەردىڭ) مەنشىك يەلەرىنىڭ تەكسەرۋ كوميسسياسىنا كوندومينيۋم وبەكتىسىنىڭ ورتاق مۇلكىن كۇتىپ-ۇستاۋ جانە جوندەۋ جونىندە ورىندالعان جۇمىستاردىڭ ساپاسىن باعالاۋدى جۇزەگە اسىرۋدى تاپسىرادى.
9. جيناق شوتىندا جيناقتالعان اقشانى جۇمساۋ جالپى جينالىستىڭ وسى كوندومينيۋم وبەكتىسىنىڭ ءۇي-جايلار (پاتەرلەر) مەنشىك يەلەرىنىڭ جالپى سانىنىڭ كوپشىلىك داۋسىمەن قابىلدانعان جانە جينالىستىڭ حاتتاماسىندا بەكىتىلگەن شەشىمى بويىنشا عانا جۇزەگە اسىرىلادى.
10. جەرگىلىكتى اتقارۋشى ورگانداردىڭ تۇرعىن ءۇي ينسپەكتسيالارى كوندومينيۋم وبەكتىسىنىڭ ورتاق مۇلكىن كۇردەلى جوندەۋدىڭ جەكەلەگەن تۇرلەرىنىڭ تىزبەسىن, كەزەڭىن جانە كەزەكتىلىگىن ايقىندايدى.
11. ءۇي-جايلاردىڭ (پاتەرلەردىڭ) مەنشىك يەلەرىنىڭ جينالىسىندا كوندومينيۋم وبەكتىسىنىڭ ورتاق مۇلكىنە كۇردەلى جوندەۋ جۇرگىزۋگە ارنالعان شىعىستار سمەتاسى بەكىتىلگەننەن كەيىن مەردىگەرلەرى كوندومينيۋم وبەكتىسىنىڭ ورتاق مۇلكىن كۇردەلى جوندەۋدى نەمەسە ونىڭ جەكەلەگەن تۇرلەرىن جۇرگىزۋگە كىرىسەدى.
تۇرعىن ءۇي ينسپەكتسيالارى كوندومينيۋم وبەكتىسىن باسقارۋ ورگانى ۇسىنعان, تۇرعىن ءۇي كومەگىنىڭ قاتىسۋىمەن قارجىلاندىرىلاتىن كوندومينيۋم وبەكتىسىنىڭ ورتاق مۇلكىن كۇردەلى جوندەۋدىڭ جەكەلەگەن تۇرلەرىن جۇرگىزۋگە ارنالعان شىعىستار سمەتاسىن كەلىسەدى.
12. كوندومينيۋم وبەكتىسىنىڭ ورتاق مۇلكىن كۇردەلى جوندەۋ بويىنشا ورىندالعان جۇمىستاردى قابىلداۋ ءۇشىن كوندومينيۋم وبەكتىسىن باسقارۋ ورگانىنىڭ,ءۇي-جايلاردىڭ (پاتەرلەردىڭ) مەنشىك يەلەرiنiڭ,مەملەكەتتىك ساۋلەت-قۇرىلىس باقىلاۋ ورگاندارى مەن تۇرعىن ءۇي ينسپەكتسياسى وكىلدەرىنىڭ قاتىسۋىمەن كوميسسيا قۇرىلادى.
13. كوندومينيۋم وبەكتىسىنىڭ ورتاق مۇلكىن كۇتىپ-ۇستاعان كەزدە جالپى جينالىستا ءۇي-جايلاردىڭ (پاتەرلەردىڭ) مەنشىك يەلەرىنىڭ كوپشىلىك داۋىسىنىڭ شەشىمى بويىنشا تۇرعىن ۇيگە (تۇرعىن عيماراتقا) ىرگەلەس جاتقان اۋماقتى ماقساتى بويىنشا پايدالانباۋعا جانە اعاشتار مەن بۇتالاردى قايتا وتىرعىزۋعا نەمەسە شابۋعا رۇقسات ەتىلەدى.
ءۇي-جايلاردى (پاتەرلەردى) وزگەرتكەن (قايتا جابدىقتاعان, قايتا جوسپارلاعان) كەزدە تۇرعىن ءۇي-جايلار (پاتەرلەر) مەنشىك يەلەرىنىڭ جالپى سانىنىڭ كەمىندە ۇشتەن ەكىسىنىڭ مىندەتتى جازباشا كەلىسىمى, مىناداي:
وزگەرىستەر تىرەۋىش كونسترۋكتسيالارىن قوزعاعان;
وزگەرىستەر ورتاق م ۇلىكتى قوزعاعان جاعدايلاردا تالاپ ەتىلەدى.
جوعارىدا اتالعان وزگەرىستەر وزگەرتىلەتىن ءۇي-جايلارمەن ء(ۇي بولىكتەرىمەن) جاپسارلاس باسقا دا ءۇي-جايلار ء(ۇي بولىكتەرى) مەنشىك يەلەرىنىڭ عانا مۇددەلەرىن قوزعاعان جاعدايدا, تەك اتالعان ادامداردىڭ عانا جازباشا كەلىسىمىن الۋ تالاپ ەتىلەدى.
14. قايتا جوسپارلاۋدى جانە قايتا جابدىقتاۋدى قوسا العاندا, مەنشiك يەسiنiڭ ءۇي-جايدى ورتاق مۇلiككە قاۋiپ توندiرەتiن نەمەسە ونى ناشارلاتاتىن جۇمىستار جۇرگiزۋمەن بايلانىستى وزگەرتۋiنە تىيىم سالىنادى.
15. ءۇي-جايلاردىڭ (پاتەرلەردىڭ) مەنشىك يەلەرى تىكەلەي قىزمەت كورسەتۋشىمەن نە كوندومينيۋم وبەكتىسىن باسقارۋ ورگانىمەن جاسالعان شارتتىڭ نەگىزىندە ءۇي-جايلاردىڭ (پاتەرلەردىڭ) مەنشىك يەلەرىنىڭ جالپى جينالىسى كوندومينيۋم وبەكتىسىن باسقارۋ ورگانىنىڭ قىزمەت كورسەتۋشىمەن وسىنداي شارت جاساسۋى تۋرالى شەشىم قابىلداعان جاعدايدا, ۇيگە ورتاق مۇقتاجدارعا پايدالانىلاتىن كوممۋنالدىق قىزمەتتەر ءۇشىن شىعىستاردى كوتەرەدى.
16. ۇيگە ورتاق مۇقتاجدارعا جۇمسالاتىن كوممۋنالدىق قىزمەتتەر سانى ۇيگە ورتاق ەسەپكە الۋ قۇرالدارى كورسەتكىشتەرىنىڭ نەگىزىندە, ال ولار بولماعان جاعدايدا – بەلگىلەنگەن قۋات بويىنشا نە تابيعي مونوپوليالار جانە رەتتەلەتىن نارىقتار سالاسىندا باسشىلىقتى جۇزەگە اسىرۋشى مەملەكەتتىك ورگان بەكىتكەن تۇتىنۋ نورمالارى بويىنشا ايقىندالادى.
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 26 ناۋرىزداعى نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №10528 بولىپ ەنگىزىلدى.