ەۋروپا ليگاسىنىڭ توپتىق تۋرنيرىندەگى ءبىرىنشى كەزدەسۋىن كيپر استاناسى نيكوسيادا جەرگىلىكتى اپوەلمەن وتكىزگەن استانا 2:1 ەسەبىمەن جەڭىلىپ قالدى.
ءبىرىنشى تايمدا اپوەل كوبىرەك شابۋىلداپ, نەناد ەريچتىڭ قاقپاسىنا بىرنەشە قاۋىپ ءتوندىردى. الايدا, ويىننىڭ 45-مينۋتىندا نەمانيا ماكسيموۆيچ گول سوعىپ, استانانى العا شىعاردى.
ەكىنشى تايمدا اپوەلدىڭ جارتىلاي قورعاۋشىسى فرانكو ۆينيسيۋس استانالىق قورعاۋشى ابزال بەيسەبەكوۆتىڭ قاتەلىگىنىن پايدالانىپ ەسەپتى تەڭەستىرىپ كەتتى. ويىن اياقتالۋعا بىرنەشە مينۋت قالعاندا الاڭ يەلەرى تاعى گول سوعىپ العا شىقتى. بۇل جولى قاتەلىك ءبىزدىڭ قاقپاشى ەريچتەن بولدى. ال گول اۆتورى شابۋىلشى يگور دە كامارگو.
وسى توپتا قاتار وتكەن كەزدەسۋدە شۆەيتساريانىڭ يانگ بويز كومانداسى گرەكيانىڭ وليمپياكوسىمەن ويناپ, 1:2 ەسەبىمەن جەڭىلدى.
كەلەسى ويىندا استانا قىركۇيەكتىڭ 29-ى كۇنى ءوز الاڭىندا يانگ بويزدى قابىلدايدى.