كەشە تۇندە چەمپيوندار ليگاسىنىڭ توپتىق كەزەڭىندە A, B, C, D توپتارىنداعى ويىندار ءوتتى.
پسج مەن ارسەنال 1:1 ەسەبىمەن تەڭ وينادى. كەزدەسۋ باستالا سالىپ 1-مينۋتتا كاۆاني سوققان گولعا قوناقتار 77-مينۋتتا الەكسيس سانچەستىڭ گولىمەن جاۋاپ بەردى. بۇل توپتا بازەل مەن لۋدوگورەتس تە وسىنداي ەسەپپەن تەڭ وينادى.
ۆ توبىنداعى بەنفيكا مەن بەشيكتاش كەزدەسۋى 1:1 ەسەبىمەن اياقتالدى. ال دينامو كيەۆ ءوز الاڭىندا ناپوليدەن ۇتىلدى, ەسەپ 1:2. گولداردى گارماش جانە ميليك (دۋبل) سوقتى.
س توبىندا بارسەلونا شوتلانديانىڭ سەلتيگىن قابىلداپ, ويسىراتا ۇتتى: 7:0. مەسسي حەت-تريك, سۋارەس دۋبل جاساسا, نەيمار مەن ينەستا ءبىر-ءبىر گولدان سوقتى.
ال مانچەستەر سيتي مەن مەنحەنگلادباحتىڭ بورۋسسياسى اراسىنداعى ويىن نوسەرگە بايلانىستى كەيىنگە قالدى.
D توبىندا باۆاريا ءوز الاڭىندا رەسەيلىك روستوۆپەن ويناپ, 5:0 ەسەبىمەن جەڭدى. گولداردى سوققان: لەۆاندوۆسكي (پەنالتي), ميۋللەر, كيمميح (ەكى گول) جانە بەرنات.
بۇگىن ە, F, G جانە H توبىندا ويىندار وتەدى.