وڭتۇستىك قازاقستان ديقاندارى بىلتىرعىدان كوبىرەك ءونىم الادى

  وڭتۇستىك قازاقستان وبلىسى بويىنشا اۋىل شارۋاشىلىعى داقىلدارىنىڭ بارلىق ەگىس كولەمى وتكەن جىلدان 12,8 مىڭ گەكتارعا ارتىپ, 788,6 مىڭ گەكتاردى قۇراپ وتىر, دەپ حابارلادى وقو اكىمىنىڭ ءباسپاسوز قىزمەتىنە سىلتەمە جاساعان kaztrk.kz وسى جىلى وبلىس ديقاندارى استىق وسىرۋدە وزىق تەحنولوگيالاردى, ونىڭ ىشىندە تەرەڭ قوپسىتۋ ءادىسىن قولدانا وتىرىپ, ۇلكەن كورسەتكىشتەرگە قول جەتكىزدى. ماسەلەن, ديقاندار 214,4 مىڭ گا جەرگە ماساقتى ءداندى-داقىلدار ەگىپ, ونىڭ ءار گەكتارىنان 22 تسەنتنەردەن, بارلىعى 470 مىڭ توننا ءونىم جيناعان. بۇل وتكەن جىلمەن سالىستىرعاندا 123 مىڭ تونناعا ارتىق. ايتا كەتەيىك, بيىل شارۋالار جالپى ءداندى-داقىلداردان 660 مىڭ توننا ءونىم جيناۋدى جوسپارلاپ وتىر. سونىمەن قاتار, وبلىستا بۇگىنگى كۇنگە دەيىن 866 مىڭ توننا كوكونىس, 991 مىڭ توننا باقشا ءونىمى, 181 مىڭ توننا كارتوپ جينالدى. اگرارلى ايماقتىڭ تۇرعىندارى بيىل 125 مىڭ توننا جەمىس-جيدەك جانە 73 مىڭ توننا ءجۇزىم جيناۋدى كوزدەپ وتىر. وسى ۋاقىتقا دەيىن ولار 47,6 مىڭ توننا جەمىس, 23,2 مىڭ توننا ءجۇزىم جيناعان. وڭىردە جيىن-تەرىم جۇمىستارىمەن قاتار, مال ازىعىن دايىنداۋ جۇمىستارى دا قارقىندى جۇرگىزىلۋدە. ايدار ورىسباەۆ