الماتى وبلىسىنىڭ استانا قالاسىنداعى كۇندەرى اياسىندا اۋىل شارۋاشىلىعى جارمەڭكەسى ءوتتى. شارا «قۋاتتى ءوڭىر – قۋاتتى قازاقستان» اكتسياسى اياسىندا ۇيىمداستىرىلدى.
اتالعان وبلىستىڭ تاۋار وندىرۋشىلەرى مەن ديحاندارى استاناعا 340 توننا اۋىل شارۋاشىلىعى ونىمدەرىن اكەلدى. جارمەڭكەدە 40-قا جۋىق ءونىم تۇرى ۇسىنىلدى. اتاپ ايتقاندا, ەت جانە ەت ونىمدەرى, بالىق, كوكونىس, جەمىس-جيدەك, ءسۇت ونىمدەرى, جۇمىرتقا مەن باكالەيا ونىمدەرى بار. جارمەڭكەدەگى ساۋدالانعان تاۋارلار بازار باعاسىنان 15-20 پايىزعا تومەن. سونىمەن قاتار, الماتىلىقتاردىڭ كىتاپ پەن ساندىك-قولدانبالى ونەر كورمەلەرى استانا تۇرعىندارىنىڭ نازارىنا تارتىلدى.
تالعات رايىمبەك
فوتو: ورىنباي بالمۇرات