2016 جىلدىڭ شىلدە ايىندا بجزق ۇيالى قوسىمشاسى جاڭارتىلىپ, 2.0 نۇسقادا شىقتى, ول قوسىمشانىڭ ءبىرىنشى نۇسقاسىنا قاتىستى پايدالانۋشىلاردىڭ تىلەكتەرى مەن پىكىرلەرىن ەسكەرگەن وزگەرىستەردى قامتيدى. قازىر جاڭارتۋ Android پلاتفورماسىنا ارنالعان Play ناۋket ىشىندە تۇر. جاقىن ارادا iOS پايدالانۋشىلارى ءۇشىن دە جاڭارتۋلار بولماق.
ەكىنشى نۇسقانىڭ جاڭالىعى نەدە؟ ەڭ باستىسى, قوسىمشانىڭ بارلىق ءبولىمى اۆتورلانباعان پايدالانۋشىلار ءۇشىن قولجەتىمدى بولىپ وتىر. ەندى بايلانىستار تۋرالى اقپاراتقا تەز قول جەتكىزىپ, قوردىڭ قارجىلىق كورسەتكىشتەرى مەن سوڭعى جاڭالىقتارىن بىلە الاسىز. سونىمەن قاتار, قوسىمشانى پلانشەتتەردە پايدالانۋ مۇمكىندىگى بار. ونىڭ ۇستىنە, وسى قوسىمشا ارقىلى بجزق بايلانىس ورتالىعىنىڭ ماماندارىمەن حابارلاسا الاسىز.
جەكە زەينەتاقى شوتىنان ءۇزىندى كوشىرمە الۋ ءۇشىن لوگين مەن پارول ەنگىزۋ قاجەت. سول جەردە كوپتەگەن پايدالانۋشىنىڭ سۇراۋى بويىنشا ەتسق ارقىلى اۆتورلانۋ قىزمەتى پايدا بولدى. «ينتەرنەت بايلانىسى ارقىلى» نەمەسە «ەلەكتروندى پوشتا بويىنشا» حابارلاۋ ءتاسىلىن تاڭداعان پايدالانۋشىلار ءۇشىن جەكە كابينەتتە تىركەۋ جانە ءبىر رەتتىك پارول الۋ قىزمەتى قولجەتىمدى. سونداي-اق, ءۇزىندى كوشىرمەدەن تولەمدەر تالداماسىن كورۋ مۇمكىندىگى قوسىلدى, ول سالىمشىنىڭ جەكە شوتىنا زەينەتاقى قاراجاتىن اۋداراتىن اگەنت (ۇيىم) تۋرالى اقپارات الۋعا مۇمكىندىك بەرەدى.
«ەگەمەن-اقپارات»