وليمپيادا جەڭىمپازىن ۋنيۆەرسيتەت رەكتورى دينار نوكەتاەۆا باستاعان ۇجىم مەن ستۋدەنتتەر وقۋ ورنىنىڭ جازعى الاڭعا دەيىن ءدالىز جاساپ, ناعىز باتىرلارشا قارسى الدى. ريو وليمپياداسىندا اۋىر اتلەتيكادان قازاقستان قورجىنىنا ءتورتىنشى قولا مەدالدى سالعان كارينا گوريچەۆا الماتىداعى قازاق مەملەكەتتىك قىزدار پەداگوگيكالىق ۋنيۆەرسيتىنىڭ تۇلەگى.
قىزدار ۋنيۆەرسيتەتىندە كارينا گوريچەۆامەن قاتار, مايا مانەزا, مارگاريتا ەليسەەۆا سىندى كىل مىقتىلار وقىعانىن دا ايتا كەتۋ كەرەك. برازيليانىڭ ريو-دە-جانەيرو قالاسىندا وتكەن ءدۇبىرلى دوداعا قاتىسقان ەليسەەۆا وليمپيادادا بەسىنشى ورىنعا تۇراقتاعان بولاتىن.
كارينا گوريچەۆا اۋىر اتلەتيكامەن 15 جاسىنان بەرى اينالىسىپ كەلەدى. ول جاستار اراسىنداعى الەم چەمپيوناتتارىنىڭ كۇمىس جانە قولا, قازاندا وتكەن بۇكىلالەمدىك ۋنيۆەرسيادانىڭ كۇمىس, جاسوسپىرىمدەر اراسىنداعى ازيا چەمپيوناتىنىڭ قولا مەدالدارىنىڭ جۇلدەگەرى.
سوڭى كونتسەرتكە ۇلاسقان كەزدەسۋدە وليمپيادا جەڭىمپازى ستۋدەنتتەرگە ءوز قولتاڭباسىن بەرىپ, ەستەلىك سۋرەتكە ءتۇستى.
ارۋلار ورداسىنىڭ جازعى الاڭىندا ءسان-سالتاناتپەن وتكەن وقيعادا سپورتشى قىزعا تەگىن وقىتۋ سەرتيفيكاتى – رەكتور گرانتى تاپسىرىلدى. كارينا ەندى پسيحولوگيا ماماندىعى بويىنشا دا ءبىلىم الاتىن بولادى.
ايناش ەسالي, الماتى