قازاقستان رەسپۋبليكاسى پرەزيدەنتى نۇرسۇلتان نازارباەۆ كارىم ءماسىموۆتى ۇلتتىق قاۋىپسىزدىك كوميتەتىنىڭ توراعاسى ەتىپ تاعايىنداۋ تۋرالى جارلىققا قول قويدى دەپ حابارلايدى اقوردا.
«ك.ق.ءماسىموۆتى قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ توراعاسى قىزمەتىنە تاعايىنداۋ جانە قازاقستان رەسپۋبليكاسىنىڭ ۇكىمەتى تۋرالى» جارلىق
كارىم قاجىمقان ۇلى ءماسىموۆ قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ توراعاسى بولىپ تاعايىندالسىن, ول قازاقستان رەسپۋبليكاسىنىڭ پرەمەر-ءمينيسترى قىزمەتىنەن بوساتىلسىن.
قازاقستان رەسپۋبليكاسىنىڭ ۇكىمەتى قازاقستان رەسپۋبليكاسى ۇكىمەتىنىڭ جاڭا قۇرامى بەكىتىلگەنگە دەيىن ءوز مىندەتتەرىن اتقاراتىن بولسىن.
قازاقستان رەسپۋبليكاسى پرەمەر-ءمينيسترىنىڭ مىندەتتەرىن ۋاقىتشا اتقارۋ قازاقستان رەسپۋبليكاسى پرەمەر-ءمينيسترىنىڭ ءبىرىنشى ورىنباسارى باقىتجان ءابدىر ۇلى ساعىنتاەۆقا جۇكتەلسىن.
وسى جارلىق قول قويىلعان كۇننەن باستاپ قولدانىسقا ەنگىزىلەدى.
قازاقستان رەسپۋبليكاسىنىڭ
پرەزيدەنتى ن.نازارباەۆ
استانا, اقوردا, 2016 جىلعى 8 قىركۇيەك
№ 318