2015 جىلعى 6 ءساۋىر, استانا قالاسى
قازاقستان رەسپۋبليكاسى ۇلتتىق قاۋىپسىزدىك ورگاندارىنىڭ تەرگەۋ يزولياتورلارىنداعى ادامداردى كۇزەتۋ مەن قاداعالاۋدى جۇزەگە
اسىرۋ قاعيدالارىن بەكىتۋ تۋرالى
قازاقستان رەسپۋبليكاسى پرەزيدەنتىنىڭ 1996 جىلعى 1 ساۋىردەگى № 2922 جارلىعىمەن بەكىتىلگەن قازاقستان رەسپۋبليكاسىنىڭ ۇلتتىق قاۋىپسىزدىك كوميتەتى تۋرالى ەرەجە 12-تارماعىنىڭ 55) تارماقشاسىنا سايكەس بۇيىرامىن:
1. قوسا بەرىلىپ وتىرعان قازاقستان رەسپۋبليكاسى ۇلتتىق قاۋىپسىزدىك ورگاندارىنىڭ تەرگەۋ يزولياتورلارىنداعى ادامداردى كۇزەتۋ مەن قاداعالاۋدى جۇزەگە اسىرۋ قاعيدالارى بەكىتىلسىن.
2. قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ تەرگەۋ يزولياتورى زاڭنامامەن بەلگىلەنگەن تارتىپتە وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدەن ءوتۋىن جانە ونىڭ رەسمي جاريالانۋىن قامتاماسىز ەتسىن.
3. وسى بۇيرىق رەسمي جاريالانعان كۇنىنەن باستاپ كۇنتىزبەلىك ون كۇن وتكەننەن كەيىن قولدانىسقا ەنگىزىلەدى.
توراعا ن.ابىقاەۆ
قازاقستان رەسپۋبليكاسى ۇلتتىق قاۋىپسىزدىك كوميتەتى توراعاسىنىڭ
2015 جىلعى 6 ساۋىردەگى № 19 بۇيرىعىمەن بەكىتىلگەن
قازاقستان رەسپۋبليكاسى ۇلتتىق قاۋىپسىزدىك ورگاندارىنىڭ تەرگەۋ يزولياتور-لارىنداعى ادامداردى كۇزەتۋ مەن قاداعالاۋدى جۇزەگە اسىرۋ قاعيدالارى
1. جالپى ەرەجەلەر
1. وسى قازاقستان رەسپۋبليكاسى ۇلتتىق قاۋىپسىزدىك ورگاندارىنىڭ تەرگەۋ يزولياتورلارىنداعى ادامداردى كۇزەتۋ مەن قاداعالاۋدى جۇزەگە اسىرۋ قاعيدالارى (بۇدان ءارى – قاعيدالار) قازاقستان رەسپۋبليكاسى پرەزيدەنتىنىڭ 1996 جىلعى 1 ساۋىردەگى № 2922 جارلىعىمەن بەكىتىلگەن قازاقستان رەسپۋبليكاسىنىڭ ۇلتتىق قاۋىپسىزدىك كوميتەتى (بۇدان ءارى – ۇقك) تۋرالى ەرەجە 12-تارماعىنىڭ 55) تارماقشاسىنا سايكەس ازىرلەندى جانە قازاقستان رەسپۋبليكاسى ۇلتتىق قاۋىپسىزدىك ورگاندارىنىڭ تەرگەۋ يزولياتورلارىنداعى (بۇدان ءارى – تەرگەۋ يزولياتورى) كۇدىكتىلەردى, ايىپتالۋشىلاردى جانە سوتتالعانداردى (بۇدان ءارى – كۇدىكتىلەر مەن ايىپتالۋشىلار) كۇزەتۋ مەن قاداعالاۋدى جۇزەگە اسىرۋ ءتارتىبىن ايقىندايدى.
2. تەرگەۋ يزولياتورلارىنىڭ قاداعالاۋى مەن كۇزەتۋى:
1) كەزەكشى اۋىسىمداردىڭ قىزمەتتى اتقارۋىن ۇيىمداستىرۋدى;
2) تەرگەۋ يزولياتورلارىنداعى قاۋىپسىزدىك شارالارى, دەنە كۇشىن, ارنايى قۇرالداردى جانە گازدى وق اتۋ قارۋىن قولدانۋعا نەگىزدەمەلەردى;
3) كۇدىكتىلەر مەن ايىپتالۋشىلاردى ايداۋىلمەن الىپ ءجۇرۋدى;
4) شيەلىنىسكەن كۇردەلى جاعدايلاردا كۇزەتۋ مەن قاداعالاۋدى قامتاماسىز ەتۋ;
5) جەكە قۇرامدى كۇشەيتىلگەن كۇزەتكە اۋىستىرۋدى;
6) كۇزەتۋ مەن قاداعالاۋ, دابىل جانە بايلانىس تەحنيكالىق قۇرالدارىن پايدالانۋدى قامتيدى.
3. كەزەكشى اۋىسىمداردىڭ ساندىق قۇرامى پوست سانىن, كۇدىكتىلەر مەن ايىپتالۋشىلاردىڭ تاۋلىكتىك قوزعالىسىن, ايداۋىلداۋ جانە ءتىنتۋ بويىنشا مىندەتتەردى ورىنداۋدى ەسكەرە وتىرىپ, بەلگىلەنەدى.
4. تەرگەۋ يزولياتورلارىنىڭ ىشكى جانە سىرتقى كۇزەتىن, كۇزەتتە ۇستالاتىن ادامداردىڭ ءتارتىبىن قاداعالاۋدى سەرجانت قۇرامىنداعى ادامدار – باقىلاۋشىلار جۇزەگە اسىرادى.
باقىلاۋشىلار سىرتقى جانە ىشكى پوست باقىلاۋشىلارى, رەزەرۆتەگى باقىلاۋشىلار مەن ايداۋىل توبىنىڭ باقىلاۋشىلارى بولىپ بولىنەدى.
5. باقىلاۋشىلار تەرگەۋ يزولياتورىنىڭ باستىعىنا, ونىڭ ورىنباسارىنا, تەرگەۋ يزولياتورى باستىعىنىڭ كەزەكشى كومەكشىسىنە (بۇدان ءارى – كەزەكشى) باعىنادى.
2. كەزەكشى اۋىسىمداردىڭ قىزمەتتى اتقارۋىن ۇيىمداستىرۋ ءتارتىبى
6. كۇدىكتىلەر مەن ايىپتالۋشىلاردى كۇزەتۋ جانە ولاردىڭ ءتارتىبىن قاداعالاۋ تاۋلىك بويى سىرتقى جانە ىشكى پوستتار ارقىلى ءتيىستى كەزەكشىنىڭ باسشىلىعىمەن كەزەكشى اۋىسىمنىڭ جەكە قۇرامى جۇزەگە اسىرىلادى. سىرتقى جانە ىشكى كۇزەتتەگى پوستتاردىڭ سانى مەن ورنالاستىرىلۋى تەرگەۋ يزولياتورىنىڭ باستىعىمەن بەلگىلەنەدى جانە وسى قاعيدالاردىڭ 1-قوسىمشاسىنا سايكەس نىسانداعى تەرگەۋ يزولياتورىنىڭ پوست تابەلىندە كورسەتىلەدى.
7. پوست قىزمەتىن اتقارۋ ءۇشىن ءتورت كەزەكشى اۋىسىم قالىپتاستىرىلادى, ولار وسى قاعيدالاردىڭ 2-قوسىمشاسىنا سايكەس نىسانداعى كەزەكشى اۋىسىمدار جۇمىسىنىڭ كەستەسىنە ساي كەزەكتەسىپ قىزمەت اتقارادى.
8. ءار اۋىسىمنىڭ ءوزىنىڭ تۇراقتى ءنومىرى بار. باقىلاۋشىلاردى ءبىر اۋىسىمنان باسقا اۋىسىمعا ۋاقىتشا اۋىستىرۋ قىزمەتتىك قاجەتىلىككە وراي تەرگەۋ يزولياتورىنىڭ باستىعىمەن نەمەسە ونىڭ ورىنباسارىمەن جۇرگىزىلەدى. تەرگەۋ يزولياتورىنا ايەل كۇدىكتىلەر مەن ايىپتالۋشىلار ورنالاستىرىلعان جاعدايدا, كەزەكشى اۋىسىم قۇرامىنا ايەل-باقىلاۋشىلار قوسىلادى.
9. كامەرالاردا ۇستالاتىن ادامداردىڭ ءجۇرىس-تۇرىسىن قاداعالاۋدى ىشكى پوست باقىلاۋشىسى ەسىكتەگى قاراۋ ساڭىلاۋلارى ارقىلى جۇزەگە اسىرادى.
10. ءبىر ىشكى پوست باقىلاۋشىسىنىڭ كۇزەتىندە تىكە كورىنەتىن دالىزدە ارالاس نەمەسە قاراما-قارسى ورنالاسقان جيىرما كامەرا بولادى. كارتسەر وقشاۋ ورنالاسقان جاعدايدا وعان جەكە پوست قويىلادى.
11. ىشكى پوست باقىلاۋشىسىندا كۇدىكتىلەر مەن ايىپتالۋشىلار ۇستالاتىن (بۇدان ءارى – رەجيمدىك كورپۋس) رەجيمدىك كورپۋستىڭ نەمەسە دالىزدەردىڭ كىرەبەرىس ەسىكتەرىنىڭ كىلتى بولمايدى, جالعىز ءوزى كامەرانى اشپايدى جانە وعان كىرمەيدى.
12. ىشكى پوست باقىلاۋشىسى كامەراعا تاماق, قايناعان سۋدى تاراتۋدى, باسپا شىعارىلىمدارىن, زاتتار مەن نارسەلەردى بەرۋدى, سونداي-اق ءبىر كامەرادان ەكىنشى كامەراعا ءار ءتۇرلى زاتتاردى, حاتتاردى بەرۋدى جۇرگىزبەيدى, كۇدىكتىلەر مەن ايىپتالۋشىلاردان ارىزداردى قابىلدامايدى جانە قىزمەتتىك مىندەتتەرىن اتقارۋعا قاتىسى جوق تاقىرىپتا اڭگىمەلەسپەيدى.
13. رەزەرۆتەگى باقىلاۋشى كۇدىكتىلەر مەن ايىپتالۋشىلارعا كامەراعا تاماقتى, دارىلەردى, كىتاپتار مەن باسقا دا زاتتاردى ەسىك جەلكوزدەرى ارقىلى بەرەدى جانە ارىزداردى قابىلدايدى.
14. تەرگەۋ يزولياتورىنىڭ باستىعى نەمەسە ونىڭ ورىنباسارى, مەديتسينا قىزمەتكەرلەرى نەمەسە قوعامنان ۋاقىتشا وقشاۋلاۋدى قامتاماسىز ەتەتىن ارناۋلى مەكەمەلەرگە بارۋ قۇقىعى بار ادامدار كامەرالاردى ارالاعان كەزدە ولاردى رەزەرۆتەگى باقىلاۋشى الىپ جۇرەدى جانە ىشكى پوست باقىلاۋشى كامەرا ەسىگىن اشقاننان كەيىن ءبىرىنشى بولىپ كامەراعا كىرەدى.
ىشكى پوست باقىلاۋشىسىنا كامەرالاردى تەكسەرۋدى وتكىزۋشى ادامدارمەن بىرگە كامەراعا كىرۋگە بولمايدى.
15. كامەرالارعا كىرۋ قاجەتتى ساقتىق شارالارىن ساقتاي وتىرىپ جۇرگىزىلەدى.
كامەرا ەسىگىن اشپاستان بۇرىن ىشكى پوست باقىلاۋشىسى ەسىك جەلكوزى ارقىلى كۇدىكتىلەر مەن ايىپتالۋشىلارعا ەسىككە قاراما-قارسى قابىرعاعا ءتىزىلۋىن وتىنەدى.
16. كۇدىكتىلەر مەن ايىپتالۋشىلاردى باسقا كامەرالارعا اۋىستىرۋ كەزىندە, اۋىستىرۋ سيپاتىنا قاراي ءبىر-بىرلەپ نەمەسە توپپەن نە كامەرانىڭ بارلىق قۇرامىمەن كەزەكشىنىڭ جانە رەزەرۆتەگى باقىلاۋشىنىڭ قاتىسۋىمەن جۇرگىزىلەدى.
17. كۇدىكتىلەر مەن ايىپتالۋشىلاردى ايداۋىل توبىنىڭ باقىلاۋشىلارى مەديتسينالىق قابىلداۋ ءۇشىن تەرگەۋ يزولياتورىنىڭ شەگىندە ورنالاسقان كابينەتكە اپارادى.
18. سانيتارلىق وڭدەۋگە جانە سەرۋەندەۋگە اپاراردا كۇدىكتىلەر مەن ايىپتالۋشىلار شىعارىلۋ ماقساتى تۋرالى ەسكەرتىلەدى. قالعان جاعدايلاردا كامەرادان شاقىرتۋ نەمەسە شىعارۋ بارىسىندا شىعارىلۋ ماقساتى حابارلانبايدى.
الداعى تەرگەۋ يزولياتورىنان اۋىستىرىلۋى نەمەسە بوساتىلۋى تۋرالى كۇدىكتىلەر مەن ايىپتالۋشىلاردى الدىن-الا ەسكەرتۋگە جول بەرىلمەيدى.
19. كۇزەتتە ۇستالاتىن ادامداردى كامەرادان شىعارۋ كەزەكشىنىڭ نۇسقاۋى بويىنشا ىشكى پوست باقىلاۋشىسىمەن ايداۋىل توبىنىڭ باقىلاۋشىسىنا بەرۋ جولىمەن جۇزەگە اسىرىلادى.
20. سەرۋەندەۋگە, سانيتارلىق وڭدەلۋگە, مەديتسينالىق پۋنكتكە اپارۋ جۋرنالداردا ەسەپكە الىنادى:
وسى قاعيدالاردىڭ 3-قوسىمشاسىنا سايكەس نىسان بويىنشا كۇدىكتىلەر مەن ايىپتالۋشىلاردىڭ سەرۋەندەۋىن ەسەپكە الۋ;
وسى قاعيدالاردىڭ 4-قوسىمشاسىنا سايكەس نىسان بويىنشا كۇدىكتىلەر مەن ايىپتالۋشىلاردىڭ سانيتارلىق وڭدەلۋىن ەسەپكە الۋ;
وسى قاعيدالاردىڭ 5-قوسىمشاسىنا سايكەس نىسان بويىنشا كۇدىكتىلەر مەن ايىپتالۋشىلاردىڭ مەديتسينالىق قابىلدانۋىن ەسەپكە الۋ.
21. كۇدىكتىلەر مەن ايىپتالۋشىلارعا سوتقا دەيىنگى تەرگەۋدى جۇرگىزۋشى ادامنىڭ كەلۋى, تۋىسقاندارى مەن وزگە ادامداردىڭ ونىمەن كەزدەسۋى قىلمىستىق ءىستى ءوندىرۋشى ادامنىڭ نەمەسە ورگاننىڭ جازباشا رۇقساتىمەن بەرىلەدى.
ۇلتتىق الدىن الۋ تەتىگىنىڭ (بۇدان ءارى – ۇاات) قاتىسۋشىلارى ادام قۇقىقتار بويىنشا ۋاكىلەتتى تۇلعانىڭ شەشىمىمەن نەمەسە ونىمەن بەكىتىلگەن جوسپار بويىنشا تەرگەۋ يزولياتورىندا بولادى.
ۇاات قاتىسۋشىسىنىڭ الدىن الا بولۋعا وكىلەتتىلىگىن راستايتىن قۇجات ادام قۇقىقتارى جونىندەگى ۋاكىل بەرەتىن ۇاات قاتىسۋشىسىنىڭ كۋالىگى بولىپ تابىلادى.
22. كۇدىكتىلەر مەن ايپتالۋشىلاردى كامەرادان شىعارۋ ءبىر-بىرلەپ نەمەسە قاتارىنان ەكەۋدەن جۇزەگە اسىرىلادى.
23. پوستقا تەرگەۋ يزولياتورىنىڭ باستىعى نەمەسە ونىڭ ورىنباسارى كەلگەن كەزدە ىشكى پوست باقىلاۋشىسى ءوزىن تانىستىرادى جانە پوستتاعى جاعدايدى باياندايدى.
24. كۇدىكتىلەردى نەمەسە ايىپتالۋشىلاردى جەدەل مەديتسينالىق كومەك كورسەتۋ ءۇشىن مەديتسينالىق ۇيىمدارعا اپارعان جاعدايدا, ستاتسيونار جاعدايىندا ولاردىڭ كۇزەتۋ ءۇشىن ەكى باقىلاۋشىدان كەم ەمەس تاۋلىكتىك پوست بەلگىلەنەدى, ولاردىڭ بىرەۋى باسشى بولىپ تاعايىندالادى. ءبىر باقىلاۋشى قىزمەتى تىكەلەي اۋرۋدىڭ پالاتاسىندا, ال ەكىنشىسى, جاعدايعا قاراي ستاتسيونار دالىزىندە, تەرەزە الدىندا نەمەسە باسقا ورىندا, مەديتسينا ۇيىمىڭ سىرتقى جاعىندا قىزمەتتى اتقارادى.
مەديتسينا ۇيىمدارىنداعى پوستقا تاعايىندالعان باقىلاۋشىلار نىساندى كيىم كيمەيدى, راديوستانتسيا ۇستاپ, وق اتۋ قارۋىمەن جانە ارنايى قۇرالدارمەن قارۋلانادى.
25. ءار تاۋلىكتەگى كەزەكشى اۋىسىمنىڭ قۇرامى جانە پوست قۇرىلىمدارى وسى قاعيدالاردىڭ 6-قوسىمشاسىنا سايكەس نىسان بويىنشا راسىمدەلگەن تەرگەۋ يزولياتورى باستىعىنىڭ بۇيرىعىمەن جاريالانادى.
26. ىشكى پوست باقىلاۋشىلارىنىڭ اۋىسۋى كەزەكشىنىڭ نۇسقاۋى بويىنشا كۇزەتتە ۇستالاتىن ادامداردىڭ بار بولۋىن تەكسەرگەننەن كەيىن وسى قاعيدالاردىڭ 7-قوسىمشاسىنا سايكەس نىسانداعى ىشكى (سىرتقى) پوست ۆەدوموسىنا سايكەس جۇرگىزىلەدى. كەزەكشى جەكە ءوزى قاتىسا الماعان جاعدايدا, اۋىسۋ وزدىگىنەن جۇزەگە اسىرىلىپ, سوڭىنان تۇسكەن باقىلاۋشى پوستتى قابىلداعاندىعى تۋرالى جانە اۋىسقان باقىلاۋشى ءوزىنىڭ پوستتى تاپسىرعاندىعى تۋرالى تىكەلەي كەزەكشىگە باياندايدى. پوستاعىلاردى ۋاقىتشا اۋىستىرۋ وسى تارتىپتە جۇزەگە اسىرىلادى. ءار اۋىسۋ (اۋىستىرۋ) تۋرالى وسى قاعيدالاردىڭ 7-قوسىمشاسىنا سايكەس نىسانداعى ىشكى (سىرتقى) پوست ۆەدوموسىنا بەلگى قويىلادى.
27. سىرتقى پوستتىڭ اۋىسۋى اتالمىش تارتىپتە وسى قاعيدالاردىڭ 7-قوسىمشاسىنا سايكەس نىسانداعى ىشكى (سىرتقى) پوست ۆەدومىسىنا سايكەس جۇرگىزىلەدى. سىرتقى پوستتان اۋىسۋشى باقىلاۋشى قارۋدى كەزەكشىگە تاپسىرادى, ال وسى پوستقا كەزەكشىلىككە ءتۇسۋشى كەزەكشىدەن وسى قاعيدالاردىڭ 8-قوسىمشاسىنا سايكەس نىسانداعى قارۋلار مەن وق-دارىلەردى بەرۋ جانە قايتارىپ الۋدى ەسەپكە الۋ جۋرنالىنا قول قويۋ ارقىلى الادى.
28. اۋىسىم كەزەكشىلىگىنە ءتۇسۋشى جەكە قۇرام تەرگەۋ يزولياتورىنا كەزەكشىلىكتىڭ باستالۋىنا ون بەس مينۋت قالعانعا دەيىن كەلەدى.
29. كەزەكشىلىكتى تاپسىرىپ-قابىلداۋ كەزىندە كۇزەتتە ۇستالاتىن ادامداردىڭ قوزعالىسى مەن شىعارىلۋى توقتاتىلادى.
30. اۋىسىمدى قابىلداۋشى كەزەكشى تەرگەۋ يزولياتورىنداعى جاعدايمەن تانىسادى, باقىلاۋشىلاردىڭ قىزمەتتىك كۋالىكتەرىن, قارۋ, وق-دارىلەردىڭ, ارنايى قۇرالداردىڭ تۇگەلدىگىن تەكسەرەدى.
31. باقىلاۋشىلار پوستقا تۇسەر الدىندا كەزەكشى نۇسقاۋلىق وتكىزەدى, سوڭىنان پوستتاردى تاپسىرىپ-قابىلداۋ جۇزەگە اسىرىلادى.
32. ىشكى پوستتاردى تاپسىرىپ-قابىلداۋ كۇزەتتە ۇستالاتىن ادامداردى قابىلداۋدان باستالادى, ولاردىڭ كامەرالاردا بولۋىن كۇزەتكە ءتۇسۋشى ىشكى پوست باقىلاۋشى اۋىسىمدى تاپسىرۋشى باقىلاۋشىمەن بىرلەسىپ كامەرالاردىڭ قاراۋ ساڭىلاۋى ارقىلى تەكسەرەدى جانە وسى قاعيدالاردىڭ 7-قوسىمشاسىنا سايكەس نىسانداعى ىشكى (سىرتقى) پوست ۆەدوموسىنداعى مالىمەتتەرمەن سالىستىرىلادى.
33. كۇزەتتە ۇستالاتىن ادامداردىڭ جوق بولۋ سەبەبى وسى قاعيدالاردىڭ 9-قوسىمشاسىنا سايكەس نىسانداعى شاقىرتۋ تالاپتاماسى مەن وسى قاعيدالاردىڭ 10-قوسىمشاسىنا سايكەس نىسانداعى جاۋاپ الۋعا شاقىرۋ تۋرالى تالاپتامانىڭ باقىلاۋ تالونى بويىنشا تەكسەرىلەدى.
34. كۇزەتتە ۇستالاتىنداردى سالىستىرىپ تەكسەرۋدەن كەيىن اۋىسىمدى قابىلداۋشى باقىلاۋشى پوستتاعى جارىقتىڭ, كۇزەت سيگناليزاتسياسى مەن بايلانىستىڭ دۇرىستىعىن, ورتكە قارسى زاتتاردىڭ تۇگەلدىگىن, سونداي-اق تورلاردىڭ, ەسىكتەردىڭ, تيەكتەردىڭ جاعدايىن تەكسەرەدى. كۇزەتتە ۇستالاتىن جەكەلەگەن ادامداردىڭ تارتىبىنە قاتىستى ەسكەرتۋلەر كەزەكشىلىككە تۇسەتىن كەزەكشىگە جانە پوستى قابىلداۋشى باقىلاۋشىعا حابارلانادى.
35. پوستتى تاپسىرىپ-قابىلداۋ تۋرالى باقىلاۋشىلار وسى قاعيدالاردىڭ 7-قوسىمشاسىنا سايكەس نىسانداعى ىشكى (سىرتقى) پوست ۆەدوموسىنا قول قويادى جانە كەزەكشىگە باياندايدى. وسى قاعيدالاردىڭ 9-قوسىمشاسىنا سايكەس نىسانداعى تەرگەۋ يزولياتورىنان شىققان ادامداردىڭ شاقىرتۋ تالاپتاماسىن پوستتى تاپسىرعان باقىلاۋشى ءوز اۋىسىمىنىڭ كەزەكشىسىنە بەرەدى.
36. سىرتقى پوستا ۇزدىكسىز بولۋ ۋاقىتى اۋا-رايى تەمپەراتۋراسى مەن مەتەورولوگيالىق جاعدايلارعا بايلانىستى ەكى ساعاتقا دەيىن بەلگىلەنەدى.
37. كەزەكشىلىككە تۇسەتىن اۋىسىم كۇزەتتە ۇستالۋشى ادامداردىڭ بەلگىلەنگەن قوزعالىس باعىتىنىڭ قاۋىپسىزدىگىن تەكسەرەدى.
38. دەمالىس جانە مەيرام كۇندەرى اۋىسىمعا تۇسەتىن كەزەكشى تەرگەۋ يزولياتورىنىڭ باستىعىنا كەزەكشىلىكتى قابىلداعانى تۋرالى باياندايدى.
39. باقىلاۋشىلاردى پوستتار بويىنشا تاراتىپ, ايداۋىلمەن اپارۋ باعىتىن تەكسەرگەننەن كەيىن تۇسەتىن اۋىسىمنىڭ كەزەكشىسى قارۋدى, ارنايى قۇرالداردى, وق-دارىلەردى, قىزمەتتىك كىلتتەردى, قولكىسەندەردى, كۇزەت سيگناليزاتسياسى مەن بايلانىس قۇرالدارىن, ورتكە قارسى مۇكاممالدى تەكسەرەدى جانە تاپسىرۋشى اۋىسىمنىڭ كەزەكشىسىنەن ولاردى قابىلدايدى.
40. كەزەكشى كەزەكشىلىك بولىمىندە:
وسى قاعيدالاردىڭ 11-قوسىمشاسىنا سايكەس نىسانداعى كەزەكشىلىكتى قابىلداپ-تاپسىرۋ جۋرنالىن;
وسى قاعيدالاردىڭ 8-قوسىمشاسىنا سايكەس نىسانداعى قارۋلار مەن وق-دارىلەردى بەرۋ جانە قايتارىپ الۋدى ەسەپكە الۋ جۋرنالىن;
وسى قاعيدالاردىڭ 12-قوسىمشاسىنا سايكەس نىسانداعى يزولياتوردىڭ قىزمەتتىك كىلتتەرىن ەسەپكە الۋ جۋرنالىن;
وسى قاعيدالاردىڭ 13-قوسىمشاسىنا سايكەس نىسانداعى كەزدەسۋلەردى, سالەمدەمەلەردى, سالەم-ساۋقاتتى جانە اقشا اۋدارىمدارىن ەسەپكە الۋ جۋرنالىن;
وسى قاعيدالاردىڭ 14-قوسىمشاسىنا سايكەس نىسانداعى كۇدىكتىلەر مەن ايىپتالۋشىلاردىڭ كەلۋىن جانە كەتۋىن تىركەۋ جۋرنالىن;
وسى قاعيدالاردىڭ 15-قوسىمشاسىنا سايكەس نىسانداعى يزولياتوردىڭ سانيتارلىق ەسەپكە الۋ جۋرنالىن;
وسى قاعيدالاردىڭ 16-قوسىمشاسىنا سايكەس نىسانداعى كۇدىكتىلەر مەن ايىپتالۋشىلاردىڭ شاعىمدارىن جانە وتىنىشتەرىن تىركەۋ جۋرنالىن ساقتايدى جانە جۇرگىزەدى.
41. كەزەكشىلىكتى قابىلداپ-تاپسىرۋ تۋرالى تاپسىراتىن اۋىسىمنىڭ كەزەكشىسى تەرگەۋ يزولياتورى باستىعىنىڭ اتىنا بايانات جازادى, وندا مىنالار:
كەزەكشىلىك بويىنشا كۇزەتتە ۇستالاتىن ادامداردىڭ سانى;
قارۋ مەن ارنايى قۇرالداردىڭ, قىزمەتتىك كىلتتەردىڭ, ورتكە قارسى قۇرالداردىڭ, مورلەردىڭ, ءمورتاباندار مەن قىزمەتتىك قۇجاتتامالاردىڭ تۇگەلدىگىن تەكسەرۋ ناتيجەلەرى;
دابىل, بايلانىس جانە تەحنيكالىق كۇزەت قۇرالدارىنىڭ جاعدايى;
كۇدىكتىلەر مەن ايىپتالۋشىلارمەن جىبەرىلگەن رەجيمنىڭ بۇزىلۋى, سونداي-اق ورىن العان وقيعالار مەن ولار بويىنشا قولدانعان شارالارى;
كۇدىكتىلەر مەن ايىپتالۋشىلاردى باقىلاۋ تىنتۋلەر مەن كامەرالاردى تەحنيكالىق تەكسەرۋ ناتيجەلەرى جانە ولاردى كىم جۇرگىزگەنى كورسەتىلەدى.
باياناتتا قىزمەتكە كەلمەگەن باقىلاۋشىلاردىڭ تەگى جانە ولاردى كىمدەر اۋىستىرعاندىعى كورسەتىلەدى.
42. بايانات وسى قاعيدالاردىڭ 11-قوسىمشاسىنا سايكەس نىسانداعى كەزەكشىلىكتى قابىلداپ-تاپسىرۋ جۋرنالىنا جازىلادى جانە وعان اۋىسىمنىڭ كەزەكشىلەرى قول قويادى. تەرگەۋ يزولياتورىنىڭ باستىعى نەمەسە ونىڭ ورىنباسارى كۇن سايىن باياناتپەن تانىسادى جانە سول بويىنشا قاجەتتى شارالار قابىلدايدى. وسى قاعيدالاردىڭ 7-قوسىمشاسىنا سايكەس نىسانداعى ىشكى (سىرتقى) پوست ۆەدوموسى كەزەكشىلىك اياقتالعان سوڭ وسى قاعيدالاردىڭ 6-قوسىمشاسىنا سايكەس نىسانداعى تەرگەۋ يزولياتورى باستىعىنىڭ بۇيرىعىنا قوسىلىپ تىركەلەدى.
3. تەرگەۋ يزولياتورلارىنداعى قاۋىپسىزدىك شارالارى, دەنە كۇشىن,
ارنايى قۇرالداردى, گاز جانە وق اتاتىن قارۋلاردى قولدانۋعا نەگىزدەمەلەر
43. تەرگەۋ يزولياتورلارىندا دەنە كۇشى, ارنايى قۇرالدار, گاز جانە وق اتاتىن قارۋلار «ادامداردى قوعامنان ۋاقىتشا وقشاۋلاۋدى قامتاماسىز ەتەتىن ارناۋلى مەكەمەلەردە ۇستاۋ ءتارتىبى مەن شارتتارى تۋرالى» 1999 جىلعى 30 ناۋرىزداعى قازاقستان رەسپۋبليكاسى زاڭىنىڭ 42-45-باپتارىنا سايكەس قولدانىلادى.
44. ارنايى قۇرالداردى قولدانعان تەرگەۋ يزولياتورىنىڭ قىزمەتكەلەرى ولاردى قولدانعانى تۋرالى تەرگەۋ يزولياتورىنىڭ باستىعىنا باياندايدى جانە وسى قاعيدالاردىڭ 17-قوسىمشاسىنا سايكەس نىسانداعى ارنايى قۇرالداردى قولدانۋ تۋرالى اكت جاسايدى.
45. ايەلدەرگە, ناقتى مۇگەدەكتىك بەلگىلەرى بار ادامدارعا, ەگەر ولار اينالاسىنداعىلاردىڭ ءومىرى مەن دەنساۋلىعىنا قاۋىپ توندىرەگەن, توپتاسىپ شابۋىل جاساعان نەمەسە قارۋلى قارسىلىق كورسەتكەن جاعدايلاردان باسقا ۋاقىتتا ولارعا قارسى ارنايى قۇرالداردى, گاز قارۋىن جانە كۇرەستىڭ جاۋىنگەرلىك تاسىلدەرىن قولدانۋعا جول بەرىلمەيدى.
46. «توقتا! اتامىن!» دەگەن ەسكەرتۋدەن جانە جوعارىعا وق اتقاننان كەيىن مىنا جاعدايلاردا:
1) كۇزەتتە ۇستاۋ ورىندارى قىزمەتكەرلەرىنىڭ, كۇدىكتىلەر مەن ايىپتالۋشىلاردىڭ, وزگە دە ادامداردىڭ ومىرىنە نەمەسە دەنساۋلىعىنا قاۋىپ توندىرەتىن شابۋىلدارىنان قورعانۋ ءۇشىن;
2) قارۋدى تارتىپ الۋ ماقساتىندا كۇدىكتىلەر مەن ايىپتالۋشىلاردىڭ كۇزەتتە ۇستاۋ ورىندارى قىزمەتكەرلەرىنە, وزگە دە تۇلعالارعا جاساعان شابۋىلىن تويتارۋ ءۇشىن;
3) كەپىلگە الىنعان ادامداردى, باسىپ الىنعان عيماراتتاردى, ءۇي-جايلاردى جانە كولىك قۇرالدارىن بوساتۋ ءۇشىن;
4) كۇزەتتە ۇستاۋ ورىندارىنىڭ عيماراتتارىنا, ءۇي-جايلارىنا جانە كولىك قۇرالدارىنا توپ بولىپ نەمەسە قارۋلى شابۋىل جاساۋدى تويتارۋ ءۇشىن;
5) قارۋلى قارسىلىق كورسەتكەن, سونداي-اق كۇزەتتە ۇستاۋ ورىندارى قىزمەتكەرلەرىنىڭ نەمەسە وزگە دە ادامداردىڭ ءومىرى مەن دەنساۋلىعىنا قارسى اۋىر قىلمىس جاساۋ ۇستىندە ۇستالعان ادامداردى ۇستاۋ ءۇشىن;
6) كۇدىكتىلەر مەن ايىپتالۋشىلاردىڭ كۇزەتتە ۇستاۋ ورىندارىنان نەمەسە ايداۋىلدان قاشۋ ارەكەتىن الدىن الۋ ءۇشىن;
7) قارۋدى تاپسىرۋ تۋرالى كۇزەتتە ۇستاۋ ورىندارى قىزمەتكەرلەرىنىڭ زاڭدى تالابىن ورىنداۋدان باس تارتقان قارۋلى ادامدى ۇستاۋ ءۇشىن;
8) كۇدىكتىلەر مەن ايىپتالۋشىلاردىڭ كۇشپەن بوساتىلۋ ارەكەتىن الدىن الۋ ءۇشىن;
9) جانۋارلاردىڭ شابۋىلىنان قورعانۋ ءۇشىن;
10) دابىل بەلگىسىن بەرۋ نەمەسە كومەك شاقىرۋ ءۇشىن;
11) وزگە دە قاجەتتى قورعانۋ جانە اسا قاجەتتىلىك جاعدايلارىندا وق اتۋ قارۋىن قولدانىلۋى مۇمكىن.
47. قارۋ ەسكەرتۋسىز مىنا جاعدايلاردا:
1) تەرگەۋ يزولياتورىنا, كۇزەت پەن قاداعالاۋدى جۇزەگە اسىرۋشى ادامدارعا, ايداۋىل قۇرامىنا, تەرگەۋ يزولياتورىنىڭ باسقا قىزمەتكەرلەرىنە, كۇدىكتىلەر مەن ايىپتالۋشىلارعا نەمەسە وزگە ادامدارعا قارۋلى شابۋىل بارىسىندا;
2) قارۋمەن قاشقان كۇدىكتىلەر مەن ايىپتالۋشىلارعا;
3) تۇندە, ناشار كورىنۋ جاعدايلارىندا قاشقاندا;
4) قارۋلى قارسىلىق كورسەتكەن, قاشقىن كۇدىكتىنى نەمەسە ايىپتالۋشىنى ۇستاۋ بارىسىندا قولدانىلادى.
48. قارۋلى شابۋىل جاساعان, قارۋلى قارسىلىق كورسەتكەن, ادامداردى, كولىك قۇرالدارىن كەپىلدىككە العان نەمەسە توپتاسىپ شابۋىل جاساعان جاعدايلاردى قوسپاعاندا ايەلدەر مەن كامەلەتتىك جاسقا تولماعاندارعا قارسى قارۋ قولدانۋعا تىيىم سالىنادى.
49. ادامداردىڭ ولىمىنە نەمەسە باسقا دا اۋىر زارداپتارعا اكەپ سوقتىرعان قارۋ مەن ارنايى قۇرالداردىڭ قولدانىلعان ءاربىر جاعدايى تۋرالى پروكۋراتۋرا, پوليتسيا جانە ۇقك اۋماقتىق ورگاندارىنا دەرەۋ ءبىر ساعات ىشىندە حابارلانادى.
50. قارۋ قولدانۋ ناتيجەسىندە جارالانۋ نەمەسە ولىمگە اكەپ سوقتىرعان جاعدايدا وقيعا ورنىن كۇزەتۋ قامتاماسىز ەتىلەدى. قارۋ قولدانۋ ناتيجەسىندە جارالانعان ادامدارعا مەديتسينالىق كومەك كورسەتىلەدى.
4. كۇدىكتىلەر مەن ايىپتالۋشىلاردى ايداۋىلمەن الىپ ءجۇرۋ ءتارتىبى
51. كۇزەتتە ۇستالاتىن ادامداردى ايداۋىلداۋ ايداۋىل توبىنىڭ باقىلاۋشىلارىمەن جەكە ورنالاستىرۋ ءپرينتسيپىن ساقتاي وتىرىپ جۇزەگە اسىرىلادى: ەرلەردى ايەلدەردەن; كامەلەتتىك جاسقا تولماعانداردى ۇلكەندەردەن; ءولىم جازاسىنا كەسىلگەندەردى سوتتالعان ادامداردىڭ باسقا ساناتتارىنان; سوتتالعانداردى كۇدىكتىلەر مەن ايىپتالۋشىلاردان; ءبىر قىلمىستىق ءىس بويىنشا وتەتىن ادامداردى; ينفەكتسيالىق اۋرۋلارمەن اۋراتىنداردى نەمەسە ەرەكشە مەديتسينالىق كۇتىم مەن قاداعالاۋعا ءزارۋ ادامدار.
52. تەرگەۋ يزولياتورىنىڭ ىشىندە جانە ونىڭ شەگىنەن تىس ايداۋىلمەن الىپ ءجۇرۋ باسقا ادامداردان ايداۋىلمەن جۇرۋشىلەردىڭ قاشۋ مۇمكىندىگىنە جول بەرمەيتىن, تولىق وقشاۋلانۋىن قامتاماسىز ەتەتىن بەلگىلەنگەن باعىت بويىنشا جۇرگىزىلەدى. وت سوندىرگىشتەر جانە باسقا دا قورعالماعان زاتتار قورشالۋى ءتيىس. ايداۋىلمەن اپارۋدىڭ ءاربىر الدىن الا بەلگىلەنبەگەن باعىتى كۇزەتتە ۇستالاتىن ادامداردى ايداۋىلداۋ الدىندا تەكسەرىلىپ وتىرادى.
53. كۇزەتتە ۇستالاتىن ادامداردى ايداۋىلمەن اپارۋدى ايداۋىل توبىنىڭ كەمىندە ەكى ايداۋىلشىسى جۇزەگە اسىرۋى ءتيىس.
54. تەرگەۋ يزولياتورىندا ۇستالاتىن ادامداردى ءبىر كامەرادان باسقاعا اۋىستىرۋ تەرگەۋ يزولياتورى باستىعىنىڭ نۇسقاۋى بويىنشا جۇزگىزىلەدى. وسى سياقتى اۋىستىرۋدى تەرگەۋ يزولياتورىنىڭ باستىعى بولماعان كەزدە كەزەكشى جۇزەگە اسىرادى. كۇزەتتە ۇستالاتىن ادامداردىڭ ءاربىر اۋىسۋى, وسى قاعيدالاردىڭ 18-قوسىمشاسىنا سايكەس نىسانداعى كۇزەتتە ۇستالاتىن ادامداردى اۋىستىرۋ تالونى نەگىزىندە جۇرگىزىلەدى جانە وسى قاعيدالاردىڭ 19-قوسىمشاسىنا سايكەس نىسانداعى كامەرالىق كارتوچكادا كورسەتىلەدى.
55. ادامدى تەرگەۋ يزولياتورىنىڭ شەگىنەن تىس جەرگە ايداۋىلمەن اپارۋ تەرگەۋ يزولياتورى باستىعىنىڭ نەمەسە ونىڭ ورىنباسارىنىڭ, ال ولار بولماعان كەزدە كەزەكشىنىڭ وكىمى بويىنشا وسى قاعيدالاردىڭ 9-قوسىمشاسىنا سايكەس نىسانداعى شاقىرتۋ تالاپتاماسىمەن راسىمدەلۋ ارقىلى جۇرگىزىلەدى. جاۋاپ الۋ, قورعاۋشىلارىمەن جانە تۋىسقاندارىمەن جولىعۋ ءۇشىن, مەديتسينالىق قاراۋعا شىعارۋ, فوتوسۋرەتكە ءتۇسىرۋ جانە ساۋساق تاڭباسىن الۋ ءۇشىن كۇزەتتە ۇستالاتىن ادامعا وسى قاعيدالاردىڭ 10-قوسىمشاسىنا سايكەس نىسانداعى جاۋاپ الۋعا شاقىرۋ تۋرالى تالاپتاما راسىمدەلەدى. تالاپتامالار ىشكى پوست باقىلاۋشىسىنا بەرۋ ءۇشىن نەگىزدەمە رەتىندە ۇسىنىلادى.
56. كۇزەتتە ۇستالاتىن ادامداردى ايداۋىلمەن اپارۋ ءۇشىن قابىلداعاندىعى تۋرالى وسى قاعيدالاردىڭ 9-قوسىمشاسىنا سايكەس نىسانداعى شاقىرتۋ تالاپتاماسىنىڭ ارتىنا ايداۋىل توبىنىڭ باقىلاۋشى, ال ونىڭ كامەراعا قايتقاندىعى تۋرالى ىشكى پوست باقىلاۋشىسى قول قويادى, بۇدان سوڭ تالاپتاما كەزەكشىگە بەرىلەدى.
57. باسقا كۇزەتتە ۇستاۋ ورنىنا كەتكەن كۇزەتتە ۇستالاتىن ادامعا وسى قاعيدالاردىڭ 9-قوسىمشاسىنا سايكەس نىسانداعى شاقىرتۋ تالاپتاماسى ىلەسپە تىزىمدەرى بار ىسكە, ال كۇزەتتەن بوساتىلعان ادامعا ونىڭ جەكە ىسىنە قوسىپ تىگىلەدى.
58. قىلمىستىق ءىستى ءوندىرۋشى ورگاننىڭ تالابى بويىنشا كۇزەتتە ۇستالاتىن ادامداردى سوتتارعا جەتكىزۋ جانە تەرگەۋ يزولياتورى ورنالاسقان ەلدى- مەكەن شەگىنەن تىس ايداۋىلداۋعا ايداۋىل توبىنىڭ باقىلاۋشىلارى بولىنەدى.
59. ەگەر ايداۋىلدى ەكى ايداۋىل توبىنىڭ باقىلاۋشىلارى جۇزەگە اسىرسا, ولاردىڭ بىرەۋى الدىندا, ەكىنشىسى ايداۋىلدالۋشىنىڭ ارتىندا ءبىر قادام قاشىقتىقتا جۇرەدى.
60. ەكى جانە ودان دا كوپ ادامدى ايداۋىلمەن اپارۋ كەزىندە ولار ءبىرىنىڭ ارتىنان ءبىرى جۇرەدى, ال ايداۋىل توبىنىڭ باقىلاۋشىلارى ولاردىڭ الدىندا, وڭ نەمەسە سول جاعىندا جانە ارتىندا جۇرەدى. ايداۋىل توبىنىڭ باقىلاۋشىسى بۇرىلىستاردا جانە كۇزەتىلمەيتىن ەسىك ارقىلى ءوتۋ كەزىندە ايداۋىلدانۋشىنى بۇرىلىسقا (ەسىككە) دەيىن ەكى قادام بۇرىن توقتاتادى, وعان قابىرعاعا قاراپ تۇرۋدى ۇسىنادى, ال ءوزى الدىنا شىعىپ (ەسىكتى اشادى), بارۋ جولىنىڭ بوس ەكەندىگىنە كوز جەتكىزەدى, سوسىن ايداۋىلدانۋشىنى العا جىبەرەدى دە ونىڭ ارتىنان جۇرەدى.
61. كۇزەتتە ۇستالاتىن ايەلدەردى سانيتارلىق وڭدەۋ مەن دارەتحاناعا ەر باقىلاۋشىلار اپارۋى مۇمكىن, الايدا ولاردى سانيتارلىق وڭدەلۋ, سونداي-اق دارەتحانادا بولۋ ۋاقىتىن باقىلاۋدى ايەل باقىلاۋشىلار جۇزەگە اسىرادى.
62. ايداۋىلمەن اپارۋدىڭ بارلىق باعىتى بويىنشا ايداۋىل توبىنىڭ باقىلاۋشىسى ايداۋىلمەن اپارىلۋشىلاردىڭ تىنىشتىق ساقتاپ ءجۇرۋىن, ءوز ەركىمەن توقتاماۋىن, قولدارىن «ارتقا» ۇستاۋىن باقىلايدى.
63. تەرگەۋ يزولياتورىنان تىس جەرگە ايداۋىلمەن اپارۋ ءۇشىن وسى قاعيدالاردىڭ 20-قوسىمشاسىنا سايكەس تەرگەۋ يزولياتورى شەگىنەن تىس جەرگە ايداۋىلداۋ ءۇشىن تاعايىندالاتىن ايداۋىل سانىنىڭ ەسەبىمەن ايداۋىل توبىنىڭ باقىلاۋشىسى تاعايىندالادى. جۇرگىزۋشى ايداۋىل قۇرامىنا ەنگىزىلمەيدى.
64. ايداۋىلداۋعا جاتاتىن ادامداردى قابىلداۋ, ايداۋىل باستىعىنىڭ كەزەكشىدەن الىنعان قۇجات بويىنشا تەكسەرۋىنەن باستالادى. ايداۋىل باستىعى ءار كۇدىكتىنى نەمەسە ايىپتالۋشىدان جاۋاپ الادى جانە جاۋاپ مالىمەتتەرىن وعان قاتىستى قۇجاتتاعى مالىمەتپەن سالىستىرادى.
قابىلداپ وتىرعان ادامعا قاتىستى كۇدىك تۋىنداعاندا ايداۋىل باستىعى كەزەكشىگە حابارلايلى جانە ونىڭ نۇسقاۋى بويىنشا ارەكەت ەتەدى.
65. ايداۋىلمەن اپارۋعا:
قۇجاتى نەمەسە قۇجاتتارى دۇرىس تولتىرىلماعان;
دارىگەر قورتىندىسى بويىنشا جونەلتىلۋى مۇمكىن ەمەس;
ماۋسىم بويىنشا كيىنبەگەن جانە ءبىرىنشى تاراتۋ ورنىنا دەيىن ازىقپەن قامتاماسىز ەتىلمەگەن ادامدار قابىلدانبايدى.
66. ايداۋىل قۇرامى ايداۋىلدانۋشىلاردى قابىلداۋ بارىسىندا ولارعا ءتىنتۋ جاساپ, جەكە زاتتارىن تەكسەرەدى.
67. پسيحيكالىق اۋىتقۋعا ۇشىراعان ادامداردى بولەك تارتىپپەن كەمىندە ءۇش ايداۋىل توبىنىڭ باقىلاۋشىسى ايداۋىلمەن الىپ جۇرەدى. پسيحيكالىق اۋىتقۋعا ۇشىراعان ادامداردى الىپ ءجۇرۋ ءۇشىن مەديتسينا قىزمەتكەرى بولىنەدى.
68. كۇزەتتە ۇستالاتىن ادامدار تەرگەۋ يزولياتورىنان تىس جەرلەرگە كۇدىكتىلەر مەن ايىپتالۋشىلاردى تاسىمالداۋعا ارنالعان, ارنايى جابدىقتالعان اۆتوموبيلدەردە, سونداي-اق تەرگەۋ يزولياتورى باستىعىنىڭ نەمەسە ونىڭ ورىنباسارىنىڭ رۇقساتىمەن جەڭىل اۆتوماشينالارمەن اپارىلادى.
69. ارنايى اۆتوموبيل بايلانىس قۇرالدارىمەن, ال ايداۋىل تابەلدىك نەمەسە اۆتوماتتى قارۋمەن قامتاماسىز ەتىلەدى.
70. ارنايى اۆتوموبيلگە وتىرعىزعانعا دەيىن ايداۋىل باستىعى ايداۋىلدانۋشىلارعا ءجۇرۋ جولىندا ءجۇرىس-تۇرىس نورمالارىن ۇستانۋ تۋرالى ەسكەرتەدى, ماشيناداعى بوگدە زاتتاردىڭ بولۋىن, تيەكتەردىڭ, تورلاردىڭ, كامەرالاردىڭ, ەسىكتەردىڭ دابىلى مەن جارىق بەرۋ قۇرىلعىلارىن تەكسەرەدى.
ءجۇرۋ جولىندا ايداۋىل باستىعى جۇرگىزۋشىنىڭ جانىندا بولادى, ايداۋىل توبىنىڭ باقىلاۋشىلارى شاناقتا, ال جەڭىل ماشينادا ايداۋىلمەن اپارعاندا ارتقى ورىندىقتا ايداۋىلدانۋشىنىڭ ەكى جاعىنا وتىرادى.
ايداۋىلدانۋشىنىڭ جەكە زاتتارى قولىنا بەرىلمەيدى جانە ارناۋلى ءاۆتوموبيدىڭ كامەرالارى اراسىنا نەمەسە وزگە دە بوس ورىندارعا قويىلادى.
71. ۇشاقتا ايداۋىلمەن اپارۋ اسا قاۋىرت جانە كولىكتىڭ باسقا تۇرلەرىن پايدالانۋ مۇمكىن بولماعان جاعدايدا جۇرگىزىلەدى.
72. ايداۋىلدانۋشىنى ۇشاققا وتىرعىزۋ اۋەجاي اكىمشىلىگىنىڭ كەلىسىمى بويىنشا جولاۋشىلاردى وتىرعىزعانعا دەيىن, ال ءتۇسىرۋ جولاۋشىلار ۇشاقتان شىققاننان كەيىن جۇرگىزىلەدى.
وتىرعىزۋ الدىندا جانە تۇسكەننەن كەيىن ايداۋىلدانۋشىعا ارنالعان ورىن مۇقيات تەكسەرىلەدى. ايداۋىلدانۋشىعا ارنالعان ورىن ۇشاقتىڭ ۇشۋ باعىتىن, ءتۇرىن, جولاۋشىلار ورىندارىنىڭ ورنالاسۋ ەرەكشەلىكتەرىن, اپاتتىق جانە جۇك تۇسەتىن ليۋكتاردىڭ بولۋىن ەسكەرە وتىرىپ, وتىرعىزار الدىندا مۇقيات تەكسەرىلەدى.
ايداۋىل توبىنىڭ باقىلاۋشىلارى ورىندىققا ايداۋىلدانۋشىنىڭ ەكى جاعىنان نە بولماسا ءبىر باقىلاۋشى ونىڭ ارتقى جاعىنا نەمەسە كەلەسى قاتارداعى ورىنعا جايعاسادى. ورنالاسۋ ورىندارى مەن كۇزەتتى قامتاماسىز ەتۋگە بايلانىستى ماسەلەلەردى ايداۋىل باستىعى ۇشاقتىڭ ەكيپاج كومانديرىمەن كەلىسەدى, وعان ايداۋىلدا وق اتاتىن قارۋىنىڭ بار ەكەندىگى تۋرالى حابارلايدى.
ۇشاقتىڭ بورتىنا اەروزولدىك وراۋىشتاعى ارنايلى قۇرالداردى جانە گاز قارۋىنا ارنالعان وق-دارىلەردى الۋعا تىيىم سالىنادى. ۇشۋ ۋاقىتىندا ايداۋىل توبىنىڭ باقىلاۋشىلارى ايداۋىلمەن اپارىلۋشىلارعا باقىلاۋدى كۇشەيتۋگە, ولاردى ورنىنان تۇرعىزباۋعا جانە جولاۋشىلارمەن بايلانىس جاساتپاۋعا مىندەتتى.
73. ايداۋىلمەن اپارىلۋشىلارعا ۇشاقتىڭ بورتىندا جانە اراداعى اۋەجايلاردا ۇزاق توقتاعاندا ايداۋىل توبى باقىلاۋشىلارىنىڭ باقىلاۋىمەن تاماق ىشۋگە بولادى.
ايداۋىلدانۋشى دارەتحاناعا ەكى ايداۋىل توبى باقىلاۋشىلارىنىڭ ىلەسۋىمەن شىعارىلادى, ونىڭ ءبىرى الدىن الا دارەتحانانى قارايدى جانە وندا ونىمەن بىرگە بولادى, ال ەكىنشىسى ءسال اشىلعان ەسىكتىڭ جانىندا قالادى.
ۇشاق اۋەجايدا ۇزاق ۋاقىت تۇرعان كەزدە ايداۋىلدانۋشى كۇزەتۋ مەن وقشاۋلاۋعا ىڭعايلى ورىنعا ورنالاستىرىلادى. ەگەر ارالىق اۋەجايلاردا ۇشاقتىڭ ايالداۋى ءبىر ساعاتتان اسپاسا, ايداۋىلمەن اپارىلۋشى تۇسىرىلمەيدى.
74. جولاۋشىلار ۆاگونىندا نەمەسە سۋ كولىگىندە ادامداردى ايداۋىلمەن اپارۋ ۇشاقتا ايداۋىلمەن اپارۋ تارتىبىنە سايكەس مىنانداي ەرەكشىلىكتەردى ەسكەرۋ ارقىلى ۇيىمداستىرىلادى – ايداۋىل توبىنىڭ باقىلاۋشىلارى ايداۋىلدانۋشىمەن بىرگە دارەتحانعا جاقىن ورنالاسقان جەكە كۋپەگە نەمەسە كايۋتاعا جايعاسادى; تۇنگى ۋاقىتتا ايداۋىلمەن اپارىلۋشى ۇستىڭگى توسەككە جاتادى.
75. ايداۋىل باستىعى كۇزەتتە ۇستالاتىنداردى ايداۋىلمەن اپارۋ جونىندەگى مىندەتتەردىڭ ءدال جانە دەر كەزىندە ورىندالۋىنا, قاراماعىنداعىلار اراسىنداعى اسكەري ءتارتىپ جاعدايىنا, ايداۋىلدىڭ پايدالانۋىنداعى قارۋ-جاراقتار مەن م ۇلىكتەردىڭ ساقتالۋىنا جاۋاپ بەرەدى.
76. تەرگەۋ يزولياتورىنىڭ اكىمشىلىگى تەرگەۋشىنىڭ, انىقتاۋدى جۇرگىزۋشى ادامنىڭ, پروكۋروردىڭ نەمەسە سوتتىڭ (سۋديانىڭ) نۇسقاۋى بويىنشا كۇدىكتىلەر مەن ايىپتالۋشىلاردى تەرگەۋ يزولياتورىنا قابىلداۋدى جانە بەلگىلەنگەن ورىنعا جىبەرۋ ءۇشىن ايداۋىلعا بەرۋدى قامتاماسىز ەتەدى.
77. ەگەر تەرگەۋ يزولياتورىنىڭ اكىمشىلىگى وزىنە بايلانىستى ەمەس سەبەپتەرمەن ايداۋىلمەن اپارۋعا قۇجات كەلىپ تۇسكەن ورگاننىڭ تالابى بويىنشا كۇزەتتە ۇستالاتىن ادامداردى دەر كەزىندە اپارا الماسا, وندا ول تۋرالى ءبىر ساعات ىشىندە سول ورگاندى حاباردار ەتەدى.
78. ەگەر كۇدىكتىلەر مەن ايىپتالۋشىلار تەرگەۋ يزولياتورىنىڭ ەسەبىنەن شىعارىلىپ, باسقا ارناۋلى مەكەمەگە ايداۋىلدانسا, وسى قاعيدالاردىڭ 21-قوسىمشاسىنا سايكەس نىسانداعى كۇدىكتىنىڭ, ايىپتالۋشىنىڭ جەكە ءىسى وسى قاعيدالاردىڭ 22-قوسىمشاسىنا سايكەس نىسانداعى جەكە ءىس بويىنشا انىقتاما جەلىمدەلگەن پاكەتكە سالىنادى.
79. كۇزەتتە ۇستاۋ ورىندارىنا ەتاپپەن جىبەرىلگەن ادامدارعا ەكى دانادا باسىلعان, وسى قاعيدالاردىڭ 23-قوسىمشاسىنا سايكەس نىسانداعى ىلەسپە ءتىزىم جاسالادى جانە كۇدىكتىلەر مەن ايىپتالۋشىلار جىبەرىلەتىن ارناۋلى مەكەمە ءۇشىن ايداۋىل باستىعىنا تاپسىرىلادى. ىلەسپە ءتىزىمنىڭ ەكىنشى داناسى اتالعان ادامداردى جانە جەكە ىستەردى قابىلداعانى تۋرالى ءتيىستى لاۋازىمدى ادامنىڭ قولىمەن تەرگەۋ يزولياتورىنا قايتارىلادى.
5. شيەلىنىسكەن كۇردەلى جاعدايلاردا كۇزەتۋ مەن
قاداعالاۋدى قامتاماسىز ەتۋ ءتارتىبى
80. توتەنشە جاعدايدا تەرگەۋ يزولياتورىندا جەكەلەگەن پوستا دابىل نەمەسە جالپى دابىل جاريالانادى.
81. تەرگەۋ يزولياتورىندا توتەنشە جاعدايلارعا مىنالار جاتادى:
تەرگەۋ يزولياتورىنا شابۋىل;
تەرگەۋ يزولياتورىنىڭ قىزمەتكەرلەرىنە نەمەسە باسقا ادامدارعا شابۋىل جاسالۋى;
كۇزەتتە ۇستالاتىن ادامدارمەن ۇيىمداستىرىلعان جانە جۇزەگە اسىرىلعان جاپپاي باعىنباۋشىلىق, جاپپاي تارتىپسىزدىك;
ادامدى كەپىلگە الۋ;
ادامنىڭ كۇزەتتەن قاشۋى نەمەسە قاشۋعا ارەكەت ەتۋى;
كۇزەتتە ۇستالاتىن ادامنىڭ ءوز-وزىنە قول جۇمساۋى;
ءورت.
82. توتەنشە جاعدايلاردىڭ زارداپتارىن جويۋ ءۇشىن قۇرامى تەرگەۋ يزولياتورى بويىنشا بۇيرىقپەن جاريالاناتىن ارنايى توپ قۇرىلادى. يزولياتورلاردا شتاتتىق سانى جيىرما بىرلىككە دەيىنگىلەر بەس ادامنان, ودان جوعارى بولسا ون ادامنان تۇراتىن ارنايى توپ قۇرىلادى. ارنايى توپ جەڭىل وققاعار كەۋدەشەلەرمەن, قالقاندارمەن, باسقا ارنايى قۇرالدارمەن جابدىقتالادى جانە الدىن الا جاسالعان جوسپارلار بويىنشا قالىپتاسقان جاعدايدى ەسكەرە وتىرىپ, ءىس-قيمىل جاسايدى. دابىل بەلگىسى بويىنشا كۇزەتتە ۇستالاتىن ادامداردىڭ تەرگەۋ يزولياتورداعى بويىنشا قوزعالىسى توقتاتىلادى جانە ولار شۇعىل تۇردە كامەرالارعا جابىلادى.
83. جالپى دابىل تەرگەۋ يزولياتورىنا شابۋىل جاسالعاندا, كەپىلدىككە الىنعاندا, قاشۋ دەرەگىن انىقتاعاندا, ءورت نەمەسە تابيعي اپاتتاردا, تەرگەۋ يزولياتورىنىڭ باستىعىمەن, ونىڭ ورىنباسارىمەن نەمەسە كەزەكشىمەن جاريالانادى.
84. جالپى دابىل جاريالانعان كەزدە تەرگەۋ يزولياتورىنىڭ باستىعى, ونىڭ ورىنباسارى جانە كەزەكشى وقيعانى ارنايى توپتىڭ كومەگىمەن جويۋ ءۇشىن شۇعىل تۇردە شارا قولدانىلادى, ەگەر جاعداي تالاپ ەتسە, قىزمەتكە بارلىق جەكە قۇرامدى شاقىرادى.
85. «جالپى دابىل» بەلگىسى بويىنشا كەزەكشى ىشكى بايلانىس تەلەفونى ارقىلى بارلىق پوستتارعا, تەرگەۋ يزولياتورىنىڭ قىزمەتكەرلەرىنە «تىڭداڭىزدار! مەكەمەدە جالپى دابىل جاريالانادى!» دەگەن سوزدەردى ايتۋ جولىمەن بەرىلەدى.
86. كەزەكشى پوستتاعى دابىلدى باقىلاۋشىعا شابۋىل جاسالعاندا, توپتاسىپ باعىنباۋدا, تارتىپسىزدىك جاسالعاندا, قاشۋعا ۇمتىلعاندا, قول جۇمساۋعا نەمەسە ءوزى-وزiنە قول جۇمساۋعا ۇمتىلعاندا, كامەرالاسىن ولتىرگەن جاعدايلاردا جاريالايدى. كوماندانى كەزەكشى تەلەفون ارقىلى «پوستتا دابىل!»دەگەن سوزدەرمەن جاريالايدى.
87. «پوستتا دابىل!» بەلگىسى بويىنشا كەزەكشى رەزەرۆتەگى باقىلاۋشىلار توبىن نە بولماسا رەزىڭكە تاياقشالارى بار رەزەرۆتەگى باقىلاۋشىلاردى وقيعا ورنىنا جىبەرەدى.
88. قاجەت بولعان جاعدايدا تەرگەۋ يزولياتورىنىڭ اكىمشىلىگى ۇقك ورگانىنىڭ جوعارعى باسشىلىعىنا كومەك ءبولۋ تۋرالى وتىنىشپەن جۇگىنەدى. جالپى دابىلدى ونى جاريالاعان لاۋازىمدى ادام, ال جەكەلەگەن پوستتاعى دابىلدى كەزەكشى توقتاتادى.
89. ىشكى پوست باقىلاۋشىسى وزىنە كۇدىكتى, ايىپتالۋشى شابۋىل جاساعان كەزدە شابۋىلدى تويتارا وتىرىپ, كامەرانىڭ كىلتىن يەمدەنۋگە جول بەرمەۋگە, ال تارتىپ الۋ قاۋپى تۋعان جاعدايدا كىلتتى قول جەتپەيتىن جەرگە لاقتىرىپ جىبەرۋگە مىندەتتى.
ەگەر ىشكى پوست باقىلاۋشىسى دابىل بەلگىسىن بەرىپ ۇلگەرمەسە, ونى شابۋىلدى بايقاپ قالعان باسقا باقىلاۋشى ىستەيدى.
90. ەگەر ىشكى پوستتا ءتارتىپ ورناتىلماسا, كورپۋسقا تەرگەۋ يزولياتورىنىڭ باستىعىنىڭ, ونىڭ ورىنباسارىنىڭ نە بولماسا كەزەكشىنىڭ امىرىمەن تەرگەۋ يزولياتورىنىڭ ارنايى قۇرالدارمەن قارۋلانعان باقىلاۋشىلارى كىرگىزىلەدى. شابۋىلداعان ادامدارعا «جات!» دەگەن ءامىر بەرىلەدى, ول ورىندالىسىمەن, ولاردى كامەرالارعا بىرتىندەپ كىرگىزەدى. امىرگە كونبەگەن نەمەسە قارسى كۇش كورسەتكەن ادامدارعا دەنە كۇشى جانە ارنايى قۇرالدار قولدانىلادى.
91. توپتاسىپ باعىنباۋى كەزىندە پوستقا كەلگەن تەرگەۋ يزولياتورىنىڭ قىزمەتكەرلەرى سەبەپتەرىن انىقتايدى جانە تارتىپسىزدىكتى توقتاتۋدى سۇرايدى.
ەگەر كامەرانىڭ ەسىگى جابىلىپ قالسا جانە زاڭدى تالاپتار ورىندالماسا, تەرگەۋ يزولياتورى باستىعىنىڭ, ونىڭ ورىنباسارىنىڭ نەمەسە كەزەكشىنىڭ وكىمى بويىنشا ەسىكتىڭ جەلكوزى نەمەسە كامەرانىڭ تەرەزەسى ارقىلى سۋىق سۋ شاشىلادى نە ارنايى قۇرالدار قولدانىلادى.
92. كۇزەتتە ۇستالاتىن ادامدار تەرگەۋ يزولياتورىنىڭ قىزمەتكەرلەرىن نەمەسە باسقا ادامداردى كەپىلدىككە العان كەزدە كەزەكشى تەرگەۋ يزولياتورىنىڭ باستىعىنا نەمەسە ونىڭ ورىنباسارىنا باياندايدى, ءوز ورنىنا رەزەرۆتەگى باقىلاۋشىنى قالدىرادى, وقيعا بولعان جەرگە بارىپ, كۇزەتتە ۇستالاتىن ادامدارمەن بايلانىس ورناتادى جانە ولاردان كەپىلدەگىلەردى بوساتۋدى, قارسىلىقتى توقتاتۋدى تالاپ ەتەدى جانە كەپىلدەگىلەردىڭ ومىرىنە ولاردىڭ جاۋاپتى ەكەنىن ەسكەرتەدى.
93. كۇدىكتى نەمەسە ايىپتالۋشى قاشۋعا ارەكەت ەتسە, باقىلاۋشى دابىل بەلگىسىن بەرۋگە جانە باسقا باقىلاۋشىلاردى كومەككە شاقىرا وتىرىپ, قاشقان ادامنىڭ ىزىنە تۇسەدى.
94. كۇزەتتە ۇستالاتىن ادامنىڭ كۇزەت شەكاراسىن ءتۇرلى جولدار مەن جانە تاسىلدەر مەن بۇزىپ ءوتىپ, وزىنە قاتىستى بەلگىلەنگەن ورنىن ءوز ەركىمەن تاستاپ كەتۋ قاشۋ بولىپ تابىلادى.
كۇزەت شەكاراسىنا تەرگەۋ يزولياتورىنىڭ نەگىزگى قورشاۋى, سوت, مەديتسينا ۇيىمدارى عيماراتتارىندا جانە وزگە دە ءۇي-جايلاردا: سىرتقى قابىرعالار, ەسىكتەر مەن تەرەزەلەر, ال كولىك قۇرالدارىندا – قابىرعالار, ەدەن, توبە مەن بورتتار, ورىنداردا – كۇزەتتە ۇستالاتىن ادامنىڭ ماڭايىنداعى ون مەتر اراقاشىقتىقتاعى شارتتى سىزىق جاتادى.
كۇزەت سىزىعىن بۇزىپ وتۋگە باعىتتالعان ادامنىڭ ءىس-قيمىلى قاشۋعا ارەكەت دەپ سانالادى.
95. كۇدىكتى نەمەسە ايىپتالۋشى كۇزەتتەن قاشىپ كەتكەن جاعدايدا, تەرگەۋ يزولياتورىنىڭ باستىعى, ونىڭ ورىنباسارى, كەزەكشى:
ورىن العان وقيعا جونىندە جوعارعى باسشىلىققا باياندايدى;
ىزدەستىرۋدى ۇيىمداستىرۋ ماقساتىندا ىشكى ىستەر ورگاندارىنا حابارلايدى;
قاشقان ادامنىڭ ىقتيمالدى باعىتىنا جانە بارۋى مۇمكىن ورىندارعا قارۋلانعان باقىلاۋشىلاردى جىبەرەدى;
بولعان جاعداي تۋرالى قىلمىستىق ءىسى وندىرىستە جاتقان ادامعا نەمەسە ورگانعا جانە پروكۋراتۋراعا حابارلايدى.
96. قاشقان ادامدى ىزدەۋدى پوستتا تۇرماعان تەرگەۋ يزولياتورىنىڭ قىزمەتكەرلەرى ىزىنە ءتۇسۋدى جەرگىلىكتى ىزدەستىرىلۋىن ۇيىمداستىرۋ جوسپارىندا قاراستىرىلعان ءىس-شارالاردى ەسكەرە وتىرىپ جۇزەگە اسىرادى.
ىزدەستىرۋ بويىنشا ءبىرىنشى كەزەكتەگى ءىس-شارالار مەن بىرگە ىزدەستىرىلۋشىنىڭ تۇرعىلىقتى مەكەنجايلارى, سونداي-اق, ەگەر بەلگىلى بولسا, ونىڭ تۋىسقاندارىنىڭ جانە تانىستارىنىڭ مەكەنجايلارى باقىلاۋعا الىنادى.
97. كۇزەتتەگى ادامنىڭ ءوز-وزىنە قول جۇمساۋىن نەمەسە ءوزىن-ءوزى دارعا اسۋ جولىمەن ءوز-وزىنە قول جۇمساۋ ارەكەتىن بايقاپ قالعان كەزدە ىشكى پوست باقىلاۋشىسى دەرەۋ دابىل بەلگىسىن بەرەدى جانە ەسىكتىڭ جەلكوزى ارقىلى كامەرالاستارىنان سۋيتسيد جاساماق بولعان ادامنىڭ ءومىرىن ساقتاپ قالۋعا قاجەتتى شارالار قولدانۋلارىن تالاپ ەتەدى. ءوز-وزىنە قول جۇمساۋدى انىقتاعان جاعدايدا پوستقا كەلگەن تەرگەۋ يزولياتورىنىڭ قىزمەتكەرلەرى كەشەۋىلدەتپەي كامەراعا كىرىپ, ءجىپتى كەسەدى نە ودان باسقا ادىسپەن ء(تۇيىننىڭ بۇتىندىگىن ساقتاي وتىرىپ) بوساتىپ الادى, ونى ەدەنگە جاتقىزادى جانە مەديتسينا قىزمەتكەرى كەلگەنشە جاساندى دەم بەرەدى. ەگەر دە ءوز-وزىنە قول جۇمساۋ ارەكەتى وزگە تاسىلمەن جاسالعان بولسا, تەرگەۋ يزولياتورىنىڭ قىزمەتكەرلەرى دارىگەر كەلگەنگە دەيىنگى كومەك كورسەتۋ بويىنشا ءتيىستى شارا قولدانادى. ءوزىن-ءوزى زاتتاي ايعاقتاردى تابۋ جانە الۋ ماقساتىندا سۋيتسيد جاساۋ ارەكەتى بولعان نەمەسە جاسالىنعان ءۇي-جايعا مۇقيات باقىلاۋ جۇرگىزىلەدى.
98. ەگەر جەكە كامەراعا قامالعان ادام ءوز-وزىنە قول جۇمساۋ ارەكەتىن دارعا اسىلۋ جولىمەن جاساسا, ىشكى پوست باقىلاۋشىسىنا, دابىل بەلگىسى بەرىلگەننەن كەيىن كەشەۋىلدەتپەي كامەراعا جالعىز كىرىپ, ءجىپتى كەسۋگە جانە كۇزەتتە ۇستالعان ادامنىڭ ءومىرىن ساقتاپ قالۋ ءۇشىن قاۋىرت شارا قولدانۋعا رۇقسات ەتىلەدى.
99. تەرگەۋ يزولياتورىندا ءورت پايدا بولعان جاعدايدا كەزەكشى قولدا بار كۇشتەر مەن قۇرالداردىڭ كومەگىمەن ونى سوندىرۋگە شارا قولدانادى. ءورتتى ءوز كۇشتەرىمەن ءسوندىرۋ مۇمكىن بولماعان جاعدايدا اۋماقتىق ورتكە قارسى قىزمەت ءبولىمى شاقىرىلادى جانە كۇزەت دابىل بويىنشا قىزمەتكە شاقىرىلعان تەرگەۋ يزولياتورى باقىلاۋشىلارىمەن كۇشەيتىلەدى.
وت نەمەسە ءتۇتىننىڭ قاۋىپى تونگەن كۇزەتتەگى ادامداردى باسقا كامەرالارعا, سەرۋەن الاڭدارىنا جانە وزگە دە تەرگەۋ يزولياتورىنىڭ شەڭبەرىندەگى قاۋىپسىز ورىندارعا اۋىستىرۋ قارۋلانباعان باقىلاۋشىلاردىڭ كۇشەيتىلگەن ايداۋىلىمەن كامەرا بويىنشا جۇزەگە اسىرىلادى.
ءورت كەزىندە كۇزەتتە ۇستالاتىن ادامداردىڭ جەكە ىستەرىنىڭ, كارتوتەكالاردىڭ, مۇراعاتتاردىڭ جانە تەرگەۋ يزولياتورىنىڭ م ۇلىكتەرىنىڭ ساقتالۋى ارنايى بولىنگەن قىزمەتكەرلەرمەن قامتاماسىز ەتىلەدى.
100. تەرگەۋ يزولياتورىنىڭ اۋماعىنا اۋماقتىق ورتكە قارسى قىزمەت ءبولىمى كىرگىزگەن كەزدە كۇزەتتە ۇستالاتىن ادامداردىڭ ۇستىنەن باقىلاۋ كۇشەيتىلەدى جانە ولاردىڭ قاشۋ مۇمكىندىكتەرىن بولدىرمايتىن شارالار قولدانىلادى.
101. جەرگىلىكتى جاعدايدى ەسكەرە وتىرىپ, تەرگەۋ يزولياتورىنىڭ اكىمشلىگىمەن توتەنشە وقيعالار كەزىندە دابىل بويىنشا جەكە قۇرامنىڭ ءىس-قيمىلدارى تۋرالى جوسپار ازىرلەنىپ, تەرگەۋ يزولياتورىنىڭ باستىعىمەن بەكىتىلەدى.
6. جەكە قۇرامدى كۇشەيتىلگەن كۇزەتكە اۋىستىرۋ
102. تەرگەۋ يزولياتورى باستىعىنىڭ وكىمىمەن