پرەزيدەنت نۇرسۇلتان نازارباەۆتىڭ قازاقستاننىڭ مەملەكەتتىلىگىن قالىپتاستىرۋداعى, ونى تورتكۇل دۇنيەگە تانىتۋداعى ەڭبەگى ەرەكشە. ول, ەڭ الدىمەن, ەلىنىڭ سان عاسىرلىق بوداندىق قامىتىنان قۇتقارۋدىڭ باستاۋىندا تۇرسا, ەكىنشى جاعىنان, قازاقستاننىڭ مارتەبەسىن ەۋرازيالىق جانە حالىقارالىق دەڭگەيدە بيىك ساتىعا كوتەردى. باسقالاي ايتقاندا, نۇرسۇلتان نازارباەۆ ءوزىنىڭ بەيبىتشىل باستامالارىن الەمدىك دەڭگەيدە ورنىقتىرۋعا ۇمتىلىپ كەلەدى. ول حالىقارالىق ساياساتتاعى بەلسەندى قيمىلىن سەمەي يادرولىق پوليگونىن جابۋدان, الەمدەگى ءتورتىنشى يادرولىق ارسەنالدان ءوز ەركىمەن باس تارتۋدان باستادى دەپ تولىققاندى ايتۋعا بولادى. ءارى قاراي ونىڭ قايراتكەرلىگى بەيبىتشىلىك پەن جاھاندىق قاۋىپسىزدىكتى نىعايتۋعا ۇلاستى.
يادرولىق قارۋدان باس تارتۋى, اوسشك قۇرۋ جونىندەگى باستاماسى تاۋەلسىز قازاقستاننىڭ بىرىككەن ۇلتتار ۇيىمىنىڭ جاڭا مۇشەسى رەتىندە جاھاندىق قاۋىپسىزدىككە قوسقان العاشقى ۇلەسى-تۇعىن. وسىنداي ساياسي قادامدار يادرولىق قاۋىپسىزدىكتى نىعايتۋعا, ازيا ەلدەرى, الەم مەملەكەتتەرى اراسىنداعى ءوزارا سەنىمدىلىكتى ارتتىرۋعا سەپتىگىن تيگىزدى. اتالعان وقيعالار جەكە ءبىر مەملەكەتتىڭ كۇللى الەمگە قاۋىپسىزدىك پەن بەيبىتشىلىكتى ورنىقتىرۋداعى جاۋاپكەرشىلىگىنىڭ مىسالى بولا الادى. قازاقستان, وسىلايشا, جاھانعا جالپىعا ورتاق يادروسىز الەم دەكلاراتسياسىن جەتىلدىرۋدى ۇسىندى. بۇگىندە ول مەملەكەت جاھاندىق يادرولىق قارۋسىزدانۋدىڭ بەلسەندى قاتىسۋشىسى بولىپ تابىلادى.
وسىنداي ءۇردىستىڭ ناتيجەسىندە قازاقستاننىڭ ەقىۇ-عا توراعالىق ەتۋىمەن قاتار, ورتالىق ازيا مەن تاياۋ شىعىستاعى ءرولى بيىكتەي ءتۇسىپ, جاھاندىق يادرولىق قارۋعا قارسى قوزعالىس جەتەكشىلەرىنىڭ بىرىنە اينالدى. جالپى, رەسمي استانانىڭ بەيبىتشىل باستامالارى توڭىرەگىندە جان-جاقتى ايتۋعا بولادى.
ماسەلەن, 2012 جىلعى 6 ماۋسىمدا بەيجىڭدە بولعان شانحاي ىنتىماقتاستىق ۇيىمى سامميتىندە قازاقستان ەلدەر اراسىنداعى جانجالداردى شەشە الاتىن تەتىكتەردى توعىستىرۋمەن شۇعىلداندى.
الەمدەگى ەڭ ءىرى ۋران ءوندىرۋشىسى بولا تۇرىپ, بىرنەشە جىل بۇرىن قازاقستان ماگاتە باقىلاۋىمەن تومەن بايىتىلعان يادرولىق وتىن بانكىن قۇرۋعا كىرىستى.
جالپى ايتقاندا, قازاقستاننىڭ 1991 جىلى 29 تامىزدا جاساعان يادرولىق قارۋسىزدانۋعا باعىتتالعان شاراسى شىنىندا دا اقىلدى, باتىل قادام بولدى جانە ول وسى ۇستانىمىن شيرەك عاسىر بويى جالعاستىرىپ كەلەدى. الداعى ۋاقىتتا دا جالعاستىرا بەرەتىنى ءسوزسىز.
ەرماننو ۆيزينتاينەر,
يتاليالىق «Vox Populi» عىلىمي-زەرتتەۋ ورتالىعىنىڭ پرەزيدەنتى, تۇركولوگ