اتا زاڭ مەرەكەسى كۇنى شىعىسقازاقستاندىقتار وسكەمەن اۋەجايىنان ءحححى جازعى وليمپيالىق ويىندارىنىڭ قولا ءجۇلدەگەرى, جەڭىل اتلەت ولگا رىپاكوۆامەن بىرگە اۋىر اتلەت دەنيس ۋلانوۆ, جەڭىل اتلەتتەر ەۆگەني لابۋتوۆ, يرينا سمولنيكوۆا, ەلينا ميحينا ءجانە بايداركادا ەسۋشى ەكاتەرينا سميرنوۆانى قارسى الدى. اۋەجاي الدىندا سپورتشىلاردى جانكۇيەرلەر اتىنان قۇتتىقتاعان وبلىس اكىمىنىڭ ورىنباسارى جاقسىلىق ومار جەرلەسىمىز ولگا رىپاكوۆانىڭ وليمپيادادا قازاقستان جەڭىل اتلەتتەرى قاتارىنان جۇلدەلى بولعان جالعىز سپورتشى ەكەنىنە ەرەكشە توقتالدى.
– ەلباسىمىز اتاپ وتكەندەي, ولگا رىپاكوۆا تەك سپورتشى عانا ەمەس, سونىمەن قاتار, ول باتىر انا, – دەدى وبلىس اكىمىنىڭ ورىنباسارى.
ريو وليمپياداسىنىڭ قولا جۇلدەگەرى دە ريزاشىلىعىن ءبىلدىردى: – وليمپيادادان كەيىن مەن تاعى ءبىر جارىسقا ونەر كورسەتۋگە اتتانىپ كەتتىم. سوندىقتان, ەكى سايىستان كەيىن وسكەمەنگە جەتۋ – مەن ءۇشىن ۇلكەن قۋانىش. ءار كۇن سايىن الەۋمەتتىك جەلىلەردە قولداۋ كورسەتىپ, تىلەك ءبىلدىرگەندەرىڭىز ءۇشىن العىس ايتامىن, – دەدى ولگا رىپاكوۆا.
وبلىس اكىمى دانيال احمەتوۆ ولگا رىپاكوۆاعا جەرلەستەرى اتىنان Toyota Land Cruiser Prado اۆتوكولىگى مەن 50 مىڭ اقش دوللارىن سىيلاسا, جارىستى ءتورتىنشى ورىنمەن اياقتاعان دەنيس ۋلانوۆقا ەكى بولمەلى پاتەردىڭ كىلتىن تابىس ەتتى. وليمپيالىق ويىندارعا شىعىس قازاقستان وبلىسىنان قاتىسقان باسقا سپورتشىلارعا, اتاپ ايتقاندا, ديسك لاقتىرۋشى ەۆگەني لابۋتوۆقا, مارافونشى يرينا سمولنيكوۆاعا, جۇگىرۋشى ەلينا ميحينا مەن ەسكەكشى ەكاتەرينا سميرنوۆاعا وبلىس اكىمىنىڭ ءبىر جىلدىق ستيپەندياسى سەرتيفيكاتتارى تابىس ەتىلدى.
دۋمان اناش,
«ەگەمەن قازاقستان»
وسكەمەن