قازاقستاندىق جانكۇيەرلەر تاعاتسىزدانا كۇتىپ وتىرعان گەننادي گولوۆكين مەن كەللي برۋك اراسىنداعى بوكس كەزدەسۋىن قىركۇيەكتىڭ 10-ى كۇنى, ساعات 23:00-دە «قازاقستان» مەن «Kazsport» تەلەارنالارى تىكەلەي ەفيردە كورسەتەتىن بولادى. سونداي-اق, kaztrk.kz جانە kazsport.kz. سايتتارى ارقىلى جەكپە-جەكتىڭ ونلاين-كورسەتىلىمى ءجۇرگىزىلەدى.
لوندوندا ورنالاسقان ەۋروپانىڭ ەڭ ۇلكەن ارەنالارىنىڭ ءبىرى – 20 مىڭ ادامدىق «و2» سپورت كەشەنىندە ورتا سالماق دارەجەسىندە WBA (Super), IBO, WBC (Interim) جانە IBF نۇسقالارى بويىنشا الەم چەمپيونى قازاقستاندىق بوكسشى گەننادي گولوۆكين IBF نۇسقاسى بويىنشا جارتىلاي ورتا سالماقتاعى الەم چەمپيونى بريتاندىق كەللي برۋكپەن جۇدىرىق تۇيىستىرمەك.
34 جاستاعى گولوۆكين ءۇشىن بۇل 36-شى بەلدەسۋ جانە بوكسەرلىك شارشى الاڭىنا 17-ءشى رەت چەمپيون ەسەبىندە شىعۋى. ودان بۇرىنعى 35 جەكپە-جەگىنىڭ بارلىعىندا ول جەڭىسكە جەتكەن (ونىڭ ىشىندە 32-ءى نوكاۋت). ال ونىڭ قارسىلاسى 30 جاستاعى برۋك تە ەش جەڭىلمەگەن, 36 جۇدىرىقتاسۋدى تازا جەڭىسپەن اياقتاعان (ونىڭ ىشىندە 25-ءى نوكاۋت).
«ەگەمەن-اقپارات»