قازاق حالقىنىڭ تۇڭعىش كاسىپقوي پالۋانى قاجىمۇقان مۇڭايتپاسوۆ ەسىمى قازاق سپورتىندا التىن ارىپتەرمەن جازىلعان دەسەك بولادى. بۇگىندە قاجىمۇقان مۇڭايتپاسوۆ اتىنداعى مەكتەپ-ينتەرناتتا باتىر تۇلعاعا ارناپ بيۋست قويىلدى. ءمۇسىن جانىنان داڭق اللەياسى اشىلدى. اللەيادا ەرماحان يبرايىموۆ, داۋلەت تۇرلىحانوۆ, ەلدوس سمەتوۆ, ولگا شيشيگينا, ءشامىل سەرىكوۆ سىندى سپورت ساڭلاقتارىنىڭ سۋرەتتەرى قويىلعان.
«ءبىلىم كۇنى قارساڭىندا الەمگە قازاق ەلىن پاش ەتكەن قاجىمۇقان مۇڭايتپاسوۆتىڭ ءمۇسىنى اشىلىپ, حالىق بالۋانىن ەسكە الىپ جاتىر. وزدەرىڭىزگە بەلگىلى بۇل مەكەمەدەن كوپتەگەن الەم چەمپيوندارى, ازيا ويىندارىنىڭ جەڭىمپازدارى, ءبىر سوزبەن ايتقاندا, وليمپيادا جۇلدەگەرلەرى تۇلەپ ۇشقان», – دەيدى سپورت جانە دەنەشىنىقتىرۋ كوميتەتىنىڭ توراعاسى ەلسيار قاناعاتوۆ.
جاۋىرىنى جەرگە تيمەگەن قازاق باتىرىنىڭ ەرلىگىن الەم مويىنداعان. حح عاسىردىڭ باسىندا تۇركى حالىقتارىنىڭ ىشىندە 28 مەملەكەتتىڭ اراسىندا بالۋاندار باسەكەسىنە ءتۇسىپ, 56 مەدال ەنشىلگەن قاجىمۇقاننىڭ ەرلىگى ەل ەسىندە.
ايمان مۇقىشەۆا