پارلامەنت سەناتىنىڭ توراعاسى قاسىم-جومارت توقاەۆ «يادرولىق قارۋسىز الەم قۇرۋ» حالىقارالىق كونفەرەنتسياسىنا قاتىسۋشىلارمەن بىرقاتار ەكىجاقتى كەزدەسۋلەر وتكىزدى, دەپ حابارلادى سەناتتىڭ ءباسپاسوز قىزمەتى.
توراعا بولگاريانىڭ ۆيتسە-پرەزيدەنتى مارگاريتا پوپوۆامەن كەلىسسوز جۇرگىزىپ, انتيادرولىق فورۋمداعى مازمۇندى ءارى جىلى شىرايلى سوزدەرى جانە پرەزيدەنت نۇرسۇلتان نازارباەۆتىڭ «الەم. ءححى عاسىر» مانيفەسىن بەلسەندى قولداعانى ءۇشىن مەيمانعا العىس ايتتى. ق.توقاەۆ بولگاريانىڭ يادرولىق قارۋدى تاراتپاۋ سالاسىنداعى كۇش-جىگەرى مەن يادرولىق سىناقتارعا جاپپاي تىيىم سالۋ تۋرالى شارتتىڭ تەزىرەك كۇشىنە ەنۋى قاجەتتىگىنە قاتىستى ەلدىڭ قاعيداتتى ۇستانىمىن قۇپتايتىنىن اتاپ ءوتتى. تاراپتار قازاقستان مەن بولگاريانىڭ پارلامەنتارالىق بايلانىستارىنىڭ جوعارى دەڭگەيىن, سونداي-اق ساۋدا-ەكونوميكا سالاسىندا ىنتىماقتاستىقتى ارتتىرۋدىڭ مۇمكىندىگى جوعارى ەكەنىن اتاپ ءوتتى.
استانا انتيادرولىق كونفەرەنتسياسىنىڭ قورىتىندىلارى ق.توقاەۆتىڭ پانافريكا پارلامەنتىنىڭ پرەزيدەنتى رودجەر نكودو دانگپەن كەزدەسۋىندە دە قارالدى. ق.توقاەۆتىڭ پىكىرىنشە, ر.دانگتىڭ سەمەي پوليگونىنىڭ جابىلۋىنا 25 جىل تولۋىنا ارنالعان فورۋمداعى ءسوزى قازاقستان حالقىمەن نيەتتەستىكتىڭ كورىنىسى عانا ەمەس, ەلىمىزدىڭ افريكا ەلدەرىمەن قارىم-قاتىناسىن نىعايتۋعا يگى ىقپال ەتەتىن بولادى. ەلىمىز ءىرى جانە ىقپالدى ايماقتىق پارلامەنتتىك بىرلەستىك – پانافريكا پارلامەنتىمەن تىعىز بايلانىستار ورناتۋعا ىقىلاستى, دەپ اتاپ ءوتتى سەنات توراعاسى.
بەيبىتشىلىك پەن قاۋىپسىزدىكتىڭ وزەكتى ماسەلەلەرى, سونداي-اق حالىقارالىق ىنتىماقتاستىقتى نىعايتۋداعى زاڭ شىعارۋ ورگاندارىنىڭ ءرولى سەنات توراعاسىنىڭ ەقىۇ پارلامەنتتىك اسسامبلەياسىنىڭ ۆيتسە-پرەزيدەنتى, ازەربايجان ميللي مەدجليسىنىڭ دەپۋتاتى ازاي گۋليەۆپەن, سونداي-اق وڭتۇستىك افريكا رەسپۋبليكاسى پارلامەنتىنىڭ مۇشەسى يوحاننەس رازەريتي تاۋمەن كەزدەسۋىندە تالقىلاندى.
سول كۇنى ق.توقاەۆ بۇۇ باس حاتشىسىنىڭ قارۋسىزدانۋ ماسەلەلەرى جونىندەگى بۇرىنعى جوعارعى وكىلى سەرحيو دۋارتەنى قابىلدادى.