مەملەكەت باسشىسى يتاليا رەسپۋبليكاسىنىڭ پرەمەر-ءمينيسترى ماتتەو رەنتسيگە جەر سىلكىنىسىنە بايلانىستى كوڭىل ايتۋ جەدەلحاتىن جولدادى.
Akorda.kz-ءتىڭ مالىمەتىنشە, جەدەلحاتتا ەلباسىنىڭ اپەنين تۇبەگىنىڭ ورتالىق بولىگىندەگى جەر سىلكىنىسى سالدارىنان ادامداردىڭ قازا بولعانى تۋرالى سۋىت حاباردى زور كۇيزەلىسپەن قابىلداعانى اتاپ وتىلگەن.
نۇرسۇلتان نازارباەۆ قايعىعا ورتاقتاسىپ, قازا بولعانداردىڭ وتباسىلارى مەن تۋعان-تۋىستارىنا كوڭىل ايتتى.
سونداي-اق, قازاقستان پرەزيدەنتى دوستاس يتالياعا كومەك كورسەتۋگە دايىن ەكەنىن جەتكىزىپ, تابيعات اپاتىنان زارداپ شەككەندەردىڭ تەزىرەك ساۋىعىپ كەتۋىنە تىلەكتەستىك ءبىلدىردى.
ايدار ورىسباەۆ