قازاقستاننىڭ باس پروكۋرورى جاقىپ اسانوۆ سەربيانىڭ باس پروكۋرورى زاگوركا دولوۆاتسپەن كەزدەستى. بۇل تۋرالى prokuror.gov.kz حابارلادى.
كەزدەسۋ بارىسىندا ەكى ەلدىڭ باس پروكۋرورلارى قىلمىستىق ىستەر بويىنشا ءوزارا قۇقىقتىق كومەك كورسەتۋ, ۇستاپ بەرۋ جانە سوتتالعانداردى بەرۋ تۋرالى شارتتار جاساسۋ اياسىندا قازاقستان مەن سەربيا اراسىنداعى حالىقارالىق-قۇقىقتىق قاتىناستار پەرسپەكتيۆالارىن تالقىلادى.
ەكى ەل ۆەدومستۆولارىنىڭ باسشىلارى حالىقارالىق جانە ايماقتىق قاۋىپسىزدىكتى قامتاماسىز ەتۋ بويىنشا جالپى ستراتەگيالىق مىندەتتەرگە بايلانىستى ماسەلەلەر جونىندەگى ىقپالداستىقتى نىعايتۋدىڭ وزەكتىلىگىن اتاپ ءوتتى.
كەزدەسۋ ناتيجەسىندە جاقىپ اسانوۆ زاگوركا دولوۆاتس حانىمعا تاياۋ كەلەشەكتەگى ەكى ەل اراسىنداعى قۇقىقتىق ىنتىماقتاستىقتىڭ قوماقتى الەۋەتىن اتاپ ءوتىپ, جىلى قابىلداۋىنا جانە سىندارلى ديالوگقا شىنايى ريزاشىلىعىن ءبىلدىردى.
تالعات رايىمبەك