فيليپپيندىك بالىقشى وسىدان 10 جىل بۇرىن پالاۆان ارالىنان 34 كيلو تارتاتىن بالىق اۋلاپ العان ەكەن. ءبىر قىزىعى, بۇل قۇنى 100 ملن. دوللار تۇراتىن بالىق ەكەن. الايدا, ول سۋ جاندىگىنىڭ مۇنداي باعالى بولاتىنىن بىلمەگەن.
بالىقشىنىڭ ءۇيى وتقا ورانىپ, قۇتقارۋشىلار بارلىق زاتتاردى سىرتقا شىعارعان كەزدە تۋريزم سالاسىنىڭ ماماندارى مۇندا سيرەك كەزدەسەتىن ءارى قىمبات تۇراتىن بالىق جاتقانىن اڭعارعان.
«ول سۋ مارجانىنىڭ وسىنشاما قىمبات ەكەنىن بىلمەگەن. ول تەك ۇيىندە كەلىم-كەتىم قوناقتارعا كورسەتۋ ءۇشىن ساقتاعان. ەندى بالىقتى نە ىستەيتىنىن ءوزى دە بىلمەيدى», – دەيدى اتالعان سالانىڭ قىزمەتكەرى ەيلين سينيتي امۋراو.
جەرگىلىكتى بيلىكتىڭ ايتۋىنشا, بالىقشى جانۋارلار الەمىن زەرتتەيتىن عالىمداردان ارنايى سەرتيفيكات الۋى ءتيىس. سونداي-اق, قالا باسشىلىعى وسى بالىق ارقىلى پۋەرتو-پرينسەسا شاھارىنا تۋريستەردى كوپتەپ تارتۋدى كوزدەپ وتىر.
تالعات رايىمبەك