ۇلتتىق قاۋىپسىزدىك كوميتەتىنىڭ قىزمەتكەرلەرى الماتى وبلىسىندا ارنايى وپەراتسيا جۇرگىزىپ, ەلىمىز اۋماعىندا تەرروريستىك اكتىلەر سەرياسىن ۇيىمداستىرۋدى جوسپارلاعان راديكالدى توپتىڭ 4 مۇشەسىن قولعا ءتۇسىردى, دەپ حابارلادى اتالمىش كوميتەتتىڭ ءباسپاسوز قىزمەتىنە سىلتەمە جاساعان kaztrk.kz
كۇدىكتىلەر قازاقستان مەن قىرعىزستان ازاماتتارى بولىپ شىقتى. ولار تۇرىپ جاتقان جەردەن جارىلعىش زاتتار جاساۋعا ارنالعان قۇرىلعىلار مەن ءدىني-ەكسترەميستىك باعىتتاعى ماتەريالدار تابىلعان.
دەرەككوزدىڭ مالىمەتىنشە, كۇدىكتىلەردىڭ ۇلتتىق قاۋىپسىزدىك كوميتەتىنە, پوليتسيا جانە اسكەري بولىمشە قىزمەتكەرلەرىنە قارۋلى شابۋىل جاساۋ جوسپارلارىنىڭ جولى كەسىلگەن. ولار سونداي-اق حالىق كوپ شوعىرلاناتىن جەرلەردە دە ءتۇرلى جارىلىستار ۇيىمداستىرۋدى جوسپارلاعان كورىنەدى.
قازىرگى تاڭدا وسى ءىس بويىنشا, تەرگەۋ جانە جەدەل-ىزدەستىرۋ ءىس-شارالارى ءجۇرىپ جاتىر.
ايدار ورىسباەۆ