پسكوۆ وبلىسىندا ۇجىمدىق جەدەل دەن قويۋ كۇشتەرىنىڭ (ۇجدك) «ءوزارا ءىس-قيمىل» وقۋ-جاتتىعۋى اياقتالدى. وقۋ-جاتتىعۋدىڭ بەلسەندى فازاسىنىڭ اقتىق كەزەڭى بارىسىندا دەسانت ءتۇسىرىلىپ, شارتتى قارسىلاستىڭ باسا-كوكتەپ كىرۋى تويتارىلدى جانە وداقتاستاردىڭ اسكەرلەرى شابۋىلعا قارسى شىعۋعا كوشتى.
ءۇش كۇن بويى ۇقشۇ-عا مۇشە مەملەكەتتەردىڭ ءبىرىنىڭ اۋماعىندا شارتتى شەكارا جانجالىن وقشاۋلاۋ جونىندە تاپسىرمالاردىڭ كەڭ اۋقىمى پىسىقتالدى.
قازاقستاننىڭ اەروۇتقىر اسكەرلەرى, رەسەيدىڭ اۋە-دەسانتتىق اسكەرلەرى, بەلارۋستىڭ ارنايى وپەراتسيالار كۇشتەرى قۇرامىنان ۇقشۇ-نىڭ ۇجىمدىق جەدەل دەن قويۋ كۇشتەرىنە كىرەتىن اسكەري كونتينگەنتتەر, سونداي-اق, ارمەنيا, قىرعىزستان جانە تاجىكستاننىڭ جەدەل توپتارى جەكەلەگەن جانە بىرلەسكەن جاتتىقتىرۋلار وتكىزدى.
اسكەري قىزمەتشىلەر قويىلعان تاپسىرمالاردى شەشۋ كەزىندە زاڭسىز قارۋلى قۇرىلىمداردى جويۋ, قورعانىستى ۇيىمداستىرۋ جانە شابۋىلدى جۇرگىزۋ, موتواتقىش, تانكتى, ارتيللەريالىق, وتشاشار بولىمشەلەرىن, ارميالىق جانە جەدەل-تاكتيكالىق اۆياتسيانى قولدانۋ جونىندەگى تاپسىرمالاردى شەشۋدە بىرىڭعاي ۇستانىمعا كەلدى.
«ءوزارا ءىس-قيمىل-2016» وقۋ-جاتتىعۋىنا تارتىلعان ۇقشۇ ۇجدك كونتينگەنتتەرىنىڭ سانى 1 300-دەن اسا ادامدى قۇراعانىن ايتا كەتەيىك. باتىس اسكەري وكرۋگىنىڭ اسكەرلەرىن ەسكەرە وتىرىپ, وقۋ-جاتتىعۋعا 6000-داي ادام جانە 1000 بىرلىك قارۋ-جاراق, اسكەري جانە ارنايى تەحنيكا قاتىستى.
«ەگەمەن-اقپارات»