تيىمدىلىگى زور قىزمەت

ەلىمىزدە جىل سايىن سوتقا شاعىمدانۋشىلاردىڭ سانى جىل سايىن ارتىپ كەلەدى. وسىعان وراي «سوت كابينەتى» قىزمەتى اشىلعان بولاتىن. جىل باسىنان بەرى, ماسەلەن, بەرى استانا قالاسىنىڭ «سوت كابينەتىنە» 32 مىڭنان استام ارىز-شاعىم, ەكى جارىم مىڭعا جۋىق ءوتىنىش ءتۇستى. بۇل تۋرالى استانا قالاسىنداعى «سوت ورگاندارىنىڭ زاماناۋي اقپاراتتىق تەحنولوگيالار» تاقىرىبى اياسىندا وتكەن دوڭگەلەك ۇستەلدە ايتىلدى.ال, مۇندا «سوت كابينەتى» قىزمەتى 2014 جىلدىڭ ورتاسىنان باستاپ ىسكە قوسىلعان. وندا تاراپتار ۇيدەن شىقپاي-اق, سوتقا ارىز-شاعىمدارىن, وتىنىشتەرىن جولداي الادى. ەلەكتروندىق جۇيە ارقىلى 8 قىزمەت ءتۇرىن الۋعا بولادى. بۇل تۋرالى «استانا قالاسى بويىنشا سوتتار اكىمشىسى» رمم باسشىسىنىڭ مىندەتىن اتقارۋشى ايبول يبراگيموۆ بىلاي دەيدى: «سوت كابينەتى» حالىققا ىڭعايلى ءارى ءتيىمدى. بۇل – قاعازباستىلىقتان قۇتىلۋدىڭ بىردەن-ءبىر جولى. اتالعان سەرۆيستىڭ نەگىزگى ەرەكشەلىگى كەز كەلگەن ازامات ينتەرنەت جەلىسى ارقىلى سوتقا تالاپ-ارىزدار مەن وتىنىشتەرىن تاپسىرىپ عانا قويماي, سوتتىڭ قاراۋ مەرزىمدەرىن باقىلاۋعا مۇمكىندىكتەرى بار». ءسويتىپ دوڭگەلەك ۇستەل بارىسىندا ەلىمىزدىڭ سوت جۇيەسىنە ەنگىزىلگەن زاماناۋي تەحنولوگيالاردىڭ ەرەكشەلىكتەرى تالقىلانىپ, حالىقتىڭ قۇقىقتىق ساۋاتتىلىعىن ارتتىرۋعا باسا نازار اۋدارىلدى. بۇل سوت ءىسىن جۇرگىزۋدى جەڭىلدەتۋگە, سوت تورەلىگىنىڭ قولجەتىمدىلىگىن, ايقىندىلىعىن جانە اشىقتىعىن ارتتىرۋعا سەرپىن بەرەرى ءسوزسىز. ايمان مۇقىشەۆا