تۇركيا پرەزيدەنتى رەدجەپ تايپ ەردوعان ەلدىڭ تۇستىگىندەگى گازيانتەپ قالاسىندا جارىلىس جاساعان جانكەشتىنىڭ 12-14 جاس ارالىعىنداعى ءجاسوسپىرىم بولىپ شىققانىن حابارلادى.
«فرانس پرەسس» اقپارات اگەنتتىگى مەملەكەت باسشىسىنىڭ سونداي-اق جارىلعىش قوندىرعىنى نە جانكەشتىنىڭ ءوزى, نە جانىنداعى الدەكىم قوسقانىن اتاپ وتكەنىن جازادى. ول الدىن الا مالىمەت بويىنشا, مۇنى ۇيىمداستىرعان «يسلام مەملەكەتى» تەررورلىق توبىرىنىڭ سودىرلارى ەكەنىن تاعى قايتالادى.
ەردوعان جارىلىس سالدارىنان 51 ادامنىڭ قازا تاۋىپ, 69 ادامنىڭ زارداپ شەككەندەرىن, بۇلاردىڭ 17-ءسى اۋىر حالدە جاتقاندارىن اتاپ ءوتتى. بۇدان بۇرىن الدىمەن 30, كەيىنىرەك 50 ادامنىڭ قازا تاپقانى, 94 ادامنىڭ جاراقات العاندارى تۋرالى اقپار تاراتىلىپ ەدى.
شابۋىل سەنبىدەن جەكسەنبىگە قاراعان ءتۇنى تويدىڭ ۇستىندە جاسالعان. پوليتسەيلەر كەيىن وقيعا ورنىنان تەررورشى-جانكەشتىنىڭ كەمەرىن تاۋىپ العان.
مۇرات ايتقوجا