بۇگىن تۇندە تۇرىكتىڭ گازيانتەپ قالاسىندا ءوتىپ جاتقان ۇيلەنۋ تويى كەزىندە كۇشتى جارىلىس جاسالعانى تۋرالى ۆيدەو جازبا الەۋمەتتىك جەلىلەرگە تارادى.
ريا «نوۆوستي» اگەنتتىگىنىڭ جازۋىنشا, قايعىلى وقيعا تويدىڭ ناعىز قىزعان كەزىندە ورىن العان.
زالدا جارىلىستىڭ قۇلاق تۇندىراتىن قاتتى داۋسى ەستىلىسىمەن جۇرت نە بولعانىن بىلمەي, جان-جاققا قاشا باستاعان. ۆيدەودان سونداي-اق توي سالتاناتى ءجۇرىپ جاتقان جەردىڭ وتە تار ەكەنى دە بايقالادى. سونىڭ سالدارىنان جۇرتتى سىرتقا شىعارۋدا ءبىراز قيىنشىلىقتار تۋعان. كەپتەلىس بۇل پروتسەستىڭ تەز جۇزەگە اسۋىنا كەدەرگى كەلتىرگەن.
الدىن الا ەسەپ بويىنشا, كەمىندە 30 ادام وسى تەراكتىنىڭ قۇربانى بولىپ, تاعى 90 ادام ءارتۇرلى دەنە جاراقاتتارىن العان.
تۇركيا پرەزيدەنتى رەدجەپ تايپ ەردوعان جارىلىستىڭ سىرتىندا «يسلام مەملەكەتى» دەپ اتالاتىن تەررورلىق ۇيىم سودىرلارى تۇرعانىن مالىمدەدى.
مۇرات ايتقوجا
https://youtu.be/0F2ZeqgNT6o