2015 جىلعى 13 تامىز , استانا قالاسى
مەملەكەتتiك ورمان قورى ۋچاسكەلەرiندەگى سەكسەۋiل ەكپەلەرiندە اعاش كەسۋگە تىيىم سالۋ تۋرالى
«قازاقستان رەسپۋبليكاسى اۋىل شارۋاشىلىعى مينيسترلىگىنىڭ كەيبىر ماسەلەلەرى» تۋرالى قازاقستان رەسپۋبليكاسى ۇكىمەتىنىڭ 2005 جىلعى 6 ساۋىردەگى №310 قاۋلىسىنىڭ 17-تارماعىنىڭ 376) تارماقشاسىنا سايكەس بۇيىرامىن:
1. مىناعان:
1) قازاقستان رەسپۋبليكاسىنىڭ مەملەكەتتىك ورمان قورى ۋچاسكەلەرىندەگى سەكسەۋىل ەكپەلەرىندە اعاش كەسۋدىڭ بارلىق تۇرىنە 2018 جىلعى 31 جەلتوقسانعا دەيىن تىيىم سالىنسىن.
2. وبلىستار اكiمدەرi زاڭنامادا بەلگiلەنگەن تارتiپپەن:
1) وسى بۇيرىقتىڭ 1-تارماعىن iسكە اسىرۋ جونiندە قاجەتتi شارالار قابىلداسىن;
2) مەملەكەتتiك ورمان قورى ۋچاسكەلەرiندە اعاش جانە بۇتا تۇقىمدىلارىن پلانتاتسيادا ءوسiرۋ بويىنشا, سونداي-اق جەكەشە ورمان ءوسiرۋ ءۇشiن جەكە جانە مەملەكەتتiك ەمەس زاڭدى تۇلعالارعا جەر ۋچاسكەلەرiن بەرۋ بويىنشا جۇمىس ۇيىمداستىرسىن;
3) جىل سايىن 10 ماۋسىمعا جانە 10 قاڭتارعا قازاقستان رەسپۋبليكاسى اۋىل شارۋاشىلىعى مينيسترلiگiنiڭ ورمان شارۋاشىلىعى جانە جانۋارلار دۇنيەسى كوميتەتiنە ورمانداردى اعاشتىڭ زاڭسىز كەسىلۋىنەن قورعاۋ جونiندە قابىلدانعان شارالار جانە اعاش پەن بۇتا تۇقىمدىلارىن پلانتاتسيادا ءوسiرۋ تۋرالى اقپارات بەرىپ تۇرسىن.
3. ورمان جانە ەرەكشە قورعالاتىن تابيعي اۋماقتار باسقارماسى بەلگىلەنگەن تارتىپپەن:
1) وسى بۇيرىقتى مەملەكەتتىك تىركەۋگە قازاقستان رەسپۋبليكاسى ادىلەت مينيسترلىگىنە جىبەرسىن;
2) مەملەكەتتىك تىركەلگەننەن كەيىن ون كۇنتىزبەلىك كۇن ىشىندە ونىڭ مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالانۋعا جىبەرىلۋىن قامتاماسىز ەتسىن;
3) وسى بۇيرىقتىڭ قازاقستان رەسپۋبليكاسى اۋىل شارۋاشىلىعى مينيسترلىگىنىڭ ينتەرنەت-رەسۋرسىندا ورنالاستىرىلۋىن قامتاماسىز ەتسىن.
4. وسى بۇيرىق العاش رەسمي جاريالانعان كۇنىنەن كەيىن ون كۇنتىزبەلىك كۇن وتكەن سوڭ قولدانىسقا ەنگىزىلەدى.
ورمان شارۋاشىلىعى جانە جانۋارلار دۇنيەسى كوميتەتىنىڭ توراعاسى ب.ازباەۆ
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 14 قىركۇيەكتەگى نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №12057 بولىپ ەنگىزىلدى.