ريو-دە-جانەيرودا ءوتىپ جاتقان وليمپيالىق ويىنداردىڭ ايەلدەر كۇرەسى جارىسىندا 75 كيلوعا دەيىنگى سالماقتا كۇش سىناسۋشى گۇزەل ءمانۇروۆا جارتىلاي فينالعا شىقتى.
ءوزىنىڭ ءبىرىنشى بەلدەسۋىندە 38 جاستاعى قازاقستاندىق بالۋان ۆەنگەر جانەتت نەمەتتى 12:2 ەتىپ تىزە بۇكتىردى. سودان كەيىن 1/4 فينالدا كامەرۋننىڭ 31 جاستاعى وكىلى اننابەل اليمەن بەلدەستى. ول كۇرەستىڭ ءبىرىنشى كەزەڭىندە 8:0 ەتىپ ۇتسا, كەلەسى كەزەڭدە 0:6 ەسەبىمەن ەسە جىبەردى. قورىتىندى ەسەپتە 8:6 ەتىپ جەڭىپ, كەلەسى كەزەڭگە ءوتتى.
لوندون وليمپياداسىنىڭ قولا جۇلدەگەرى جارتىلاي فينالدا رەسەيلىك ەكاتەرينا بۋكينامەن فينالعا شىعۋ جولىندا كۇرەسەدى.
دامير قوجامقۇل