2016 جىلعى 21 ماۋسىم, استانا قالاسى
«اكىمشىلىك قاداعالاۋدا تۇرعان ادامداردى ەسەپكە الۋ ەرەجەسىن بەكىتۋ تۋرالى» قازاقستان رەسپۋبليكاسى ىشكى ىستەر ءمينيسترىنىڭ 2005 جىلعى 11 اقپانداعى № 97 بۇيرىعىنا وزگەرىستەر ەنگىزۋ تۋرالى
«قۇقىقتىق اكتىلەر تۋرالى» 2016 جىلعى 6 ساۋىردەگى قازاقستان رەسپۋبليكاسى زاڭىنىڭ 50-بابىنا سايكەس بۇيىرامىن:
1. «اكىمشىلىك قاداعالاۋدا تۇرعان ادامداردى ەسەپكە الۋ ەرەجەسىن بەكىتۋ تۋرالى» قازاقستان رەسپۋبليكاسى ىشكى ىستەر ءمينيسترىنىڭ 2005 جىلعى 11 اقپانداعى № 97 بۇيرىعىنا (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 3505 بولىپ تىركەلگەن, «زاڭ گازەتىندە» 2005 جىلعى 22 قاراشادا № 152 (766) جاريالانعان) مىناداي وزگەرىستەر ەنگىزىلسىن:
بۇيرىقتىڭ مەملەكەتتىك تىلدەگى تاقىرىبىنا وزگەرىس ەنگىزىلەدى, ورىس تىلىندەگى ءماتىنى وزگەرىسسىز قالادى;
بۇيرىقتىڭ اتاۋى مىناداي رەداكتسيادا جازىلسىن:
«اكىمشىلىك قاداعالاۋداعى ادامداردى ەسەپكە الۋ قاعيدالارىن بەكىتۋ تۋرالى»;
كورسەتىلگەن بۇيرىقپەن بەكىتىلگەن اكىمشىلىك قاداعالاۋدا تۇرعان ادامداردى ەسەپكە الۋ ەرەجەسىندە:
2-تارماقتىڭ ەكىنشى بولىگى مىناداي رەداكتسيادا جازىلسىن:
«اكىمشىلىك قاداعالاۋ التى ايدان ءۇش جىلعا دەيىنگى مەرزىمگە بەلگىلەنەدى. قاداعالاۋعا الىنعان ادام اكiمشiلiك قاداعالاۋ قاعيدالارىن نەمەسە وزiنە جاريالانعان شەكتەۋلەردi بۇزعان, سول سياقتى قۇقىق بۇزۋشىلىقتار جاساعان جاعدايلاردا, بەلگىلەنگەن اكىمشىلىك قاداعالاۋ مەرزiمi iشكi iستەر ورگاندارىنىڭ ءۋاجدى ۇسىنۋى بويىنشا سۋديانىڭ قاۋلىسىمەن – ءاربىر كەزدە التى ايعا ۇزارتىلادى, بiراق ول ەكi جىلدان اسپاۋعا تيiس, ال كامەلەتكە تولماعاندارعا جىنىستىق تيىسپەۋشىلىككە قارسى قىلمىستىق قۇقىق بۇزۋشىلىق جاساعان ادامدارعا قاتىستى ءاربىر كەزدە ءبىر جىلعا ۇزارتىلادى. وسىعان بايلانىستى اكىمشىلىك قاداعالاۋدىڭ ۇزارتۋ مەرزىمى سۋديانىڭ اكىمشىلىك قاداعالاۋدى ۇزارتۋ تۋرالى قاۋلىسى شىققان كەزدەن باستاپ ەسەپتەلەدى.».
2. قازاقستان رەسپۋبليكاسى ىشكى ىستەر مينيسترلىگىنىڭ اكىمشىلىك پوليتسيا كوميتەتى (ي.ۆ. لەپەحا) زاڭنامامەن بەلگىلەنگەن تارتىپتە:
1) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدى;
2) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەگەننەن كەيىن كۇنتىزبەلىك ون كۇن ىشىندە مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جولداۋدى;
3) تىركەلگەن وسى بۇيرىقتى العان كۇننەن باستاپ بەس جۇمىس كۇنى ىشىندە ونىڭ كوشىرمەسىن باسپا جانە ەلەكتروندىق تۇردە مەملەكەتتىك جانە ورىس تىلدەرىندە ءبىر دانادا قازاقستان رەسپۋبليكاسى نورماتيۆتىك قۇقىقتىق اكتىلەرىنىڭ ەتالوندىق باقىلاۋ بانكىنە ەنگىزۋ ءۇشىن «رەسپۋبليكالىق قۇقىقتىق اقپارات ورتالىعى» شارۋاشىلىق جۇرگىزۋ قۇقىعىنداعى رەسپۋبليكالىق مەملەكەتتىك كاسىپورىنعا جولداۋدى;
4) وسى بۇيرىقتى قازاقستان رەسپۋبليكاسى ىشكى ىستەر مينيسترلىگىنىڭ رەسمي ينتەرنەت-رەسۋرسىنا جانە مەملەكەتتىك ورگانداردىڭ ينتەرنەت-پورتالىندا ورنالاستىرۋدى;
5) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەگەننەن كەيىن ون جۇمىس كۇنى ىشىندە قازاقستان رەسپۋبليكاسى ىشكى ىستەر مينيسترلىگى زاڭ دەپارتامەنتىنە وسى تارماقتىڭ 1), 2), 3) جانە 4) تارماقشالارىندا كوزدەلگەن ءىس-شارالاردى ورىنداۋ تۋرالى مالىمەتتەردى ۇسىنۋدى قامتاماسىز ەتسىن.
3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسى ىشكى ىستەر ءمينيسترىنىڭ ورىنباسارى ە.ز.تۋرگۋمباەۆقا جانە قازاقستان رەسپۋبليكاسى ىشكى ىستەر مينيسترلىگىنىڭ اكىمشىلىك پوليتسيا كوميتەتىنە (ي.ۆ.لەپەحا) جۇكتەلسىن.
4. وسى بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
مينيستر پوليتسيا گەنەرال-پولكوۆنيگى ق.قاسىموۆ
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2016 جىلعى 26 شىلدەدە نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №13985 بولىپ ەنگىزىلدى.