2016 جىلعى 28 قاڭتار, الماتى قالاسى
بانكتەردىڭ جانە بانك وپەراتسيالارىنىڭ جەكەلەگەن تۇرلەرىن جۇزەگە اسىراتىن ۇيىمداردىڭ اقپاراتتىق جۇيەلەرىنىڭ قاۋىپسىز جانە ىركىلىسسىز جۇمىس ىستەۋىنە قويىلاتىن تالاپتاردى بەكىتۋ تۋرالى
«قازاقستان رەسپۋبليكاسىنىڭ كەيبىر زاڭنامالىق اكتىلەرىنە ەكىنشى دەڭگەيدەگى بانكتەردىڭ جۇمىس ىستەمەيتىن كرەديتتەرى مەن اكتيۆتەرى, قارجىلىق قىزمەتتەر كورسەتۋ جانە قارجى ۇيىمدارى مەن قازاقستان رەسپۋبليكاسى ۇلتتىق بانكىنىڭ قىزمەتى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» 2015 جىلعى 24 قاراشاداعى قازاقستان رەسپۋبليكاسىنىڭ زاڭىن ىسكە اسىرۋ ماقساتىندا جانە ەلەكتروندىق بانكتىك قىزمەتتەردى كورسەتۋ كەزىندە بانكتەردىڭ جانە بانك وپەراتسيالارىنىڭ جەكەلەگەن تۇرلەرىن جۇزەگە اسىراتىن ۇيىمداردىڭ اقپاراتتىق جۇيەلەرىنىڭ قاۋىپسىز جانە ىركىلىسسىز جۇمىس ىستەۋىنە قويىلاتىن تالاپتاردى بەلگىلەۋ ماقساتىندا قازاقستان رەسپۋبليكاسى ۇلتتىق بانكىنىڭ باسقارماسى قاۋلى ەتەدى:
1. قوسا بەرىلىپ وتىرعان بانكتەردىڭ جانە بانك وپەراتسيالارىنىڭ جەكەلەگەن تۇرلەرىن جۇزەگە اسىراتىن ۇيىمداردىڭ اقپاراتتىق جۇيەلەرىنىڭ قاۋىپسىز جانە ىركىلىسسىز جۇمىس ىستەۋىنە قويىلاتىن تالاپتار بەكىتىلسىن.
2. تولەم جۇيەلەرiن دامىتۋ جانە باسقارۋ دەپارتامەنتى (مۇساەۆ ر.ن.) قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن:
1) قۇقىقتىق قامتاماسىز ەتۋ دەپارتامەنتىمەن (سارسەنوۆا ن.ۆ.) بىرلەسىپ وسى قاۋلىنى قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەۋدى;
2) وسى قاۋلىنى «قازاقستان رەسپۋبليكاسى ادىلەت مينيسترلىگىنىڭ رەسپۋبليكالىق قۇقىقتىق اقپارات ورتالىعى» شارۋاشىلىق جۇرگىزۋ قۇقىعىنداعى رەسپۋبليكالىق مەملەكەتتىك كاسىپورنىنا:
قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەلگەنىنەن كەيىن كۇنتىزبەلىك ون كۇن ىشىندە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا;
قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەلگەننەن كەيىن ونى قازاقستان رەسپۋبليكاسىنىڭ ۇلتتىق بانكى العان كۇننەن باستاپ كۇنتىزبەلىك ون كۇن ىشىندە قازاقستان رەسپۋبليكاسى نورماتيۆتىك قۇقىقتىق اكتىلەرىنىڭ مەملەكەتتىك تىزىلىمىنە, قازاقستان رەسپۋبليكاسى نورماتيۆتىك قۇقىقتىق اكتىلەرىنىڭ ەتالوندىق باقىلاۋ بانكىنە ەنگىزۋگە جىبەرۋدى;
3) وسى قاۋلى رەسمي جاريالانعاننان كەيىن ونى قازاقستان رەسپۋبليكاسى ۇلتتىق بانكىنىڭ ينتەرنەت-رەسۋرسىنا ورنالاستىرۋدى قامتاماسىز ەتسىن.
3. حالىقارالىق قاتىناستار جانە جۇرتشىلىقپەن بايلانىس دەپارتامەنتى (قازىباەۆ ا.ق.) وسى قاۋلىنى قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەلگەننەن كەيىن كۇنتىزبەلىك ون كۇن ىشىندە مەرزىمدى ءباسپاسوز باسىلىمدارىندا رەسمي جاريالاۋعا جىبەرۋدى قامتاماسىز ەتسىن.
4. وسى قاۋلىنىڭ ورىندالۋىن باقىلاۋ قازاقستان رەسپۋبليكاسىنىڭ ۇلتتىق بانكى توراعاسىنىڭ ورىنباسارى ع.و.پىرماتوۆقا جۇكتەلسىن.
5. وسى قاۋلى 2017 جىلعى 1 قاڭتاردان باستاپ قولدانىسقا ەنگىزىلەدى جانە رەسمي جاريالانۋعا جاتادى.
ۇلتتىق بانك توراعاسى د.اقىشەۆ
قازاقستان رەسپۋبليكاسى ۇلتتىق بانكى باسقارماسىنىڭ
2016 جىلعى 28 قاڭتارداعى № 34 قاۋلىسىمەن بەكىتىلگەن
بانكتەردىڭ جانە بانك وپەراتسيالارىنىڭ جەكەلەگەن تۇرلەرىن
جۇزەگە اسىراتىن ۇيىمداردىڭ اقپاراتتىق جۇيەلەرىنىڭ قاۋىپسىز جانە ىركىلىسسىز جۇمىس ىستەۋىنە قويىلاتىن تالاپتار
1. جالپى ەرەجەلەر
1. وسى بانكتەردىڭ جانە بانك وپەراتسيالارىنىڭ جەكەلەگەن تۇرلەرىن جۇزەگە اسىراتىن ۇيىمداردىڭ اقپاراتتىق جۇيەلەرىنىڭ قاۋىپسىز جانە ىركىلىسسىز جۇمىس ىستەۋىنە قويىلاتىن تالاپتار (بۇدان ءارى – تالاپتار) «قازاقستان رەسپۋبليكاسىنىڭ ۇلتتىق بانكى تۋرالى» 1995 جىلعى 30 ناۋرىزداعى, «قازاقستان رەسپۋبليكاسىنداعى بانكتەر جانە بانك قىزمەتى تۋرالى» 1995 جىلعى 31 تامىزداعى (بۇدان ءارى – بانكتەر تۋرالى زاڭ), «اقشا تولەمدەرى مەن اۋدارىمدارى تۋرالى» 1998 جىلعى 29 ماۋسىمداعى (بۇدان ءارى – تولەمدەر تۋرالى زاڭ) قازاقستان رەسپۋبليكاسىنىڭ زاڭدارىنا سايكەس ازىرلەندى جانە ەلەكتروندىق بانكتىك قىزمەتتەر كورسەتەتىن بانكتەردىڭ جانە بانك وپەراتسيالارىنىڭ جەكەلەگەن تۇرلەرىن جۇزەگە اسىراتىن ۇيىمداردىڭ (بۇدان ءارى – بانكتەر) اقپاراتتىق جۇيەلەرىنىڭ قاۋىپسىز جانە ىركىلىسسىز جۇمىس ىستەۋىنە قويىلاتىن تالاپتاردى بەلگىلەنەدى.
2. تالاپتاردا تولەمدەر تۋرالى زاڭدا, «اقپاراتتاندىرۋ تۋرالى» قازاقستان رەسپۋبليكاسىنىڭ زاڭىندا, نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 1351 تىركەلگەن «ەكىنشى دەڭگەيدەگى بانكتەردىڭ جانە بانك وپەراتسيالارىنىڭ جەكەلەگەن تۇرلەرىن جۇزەگە اسىراتىن ۇيىمداردىڭ ەلەكتروندىق بانك قىزمەتiن كورسەتۋ ەرەجەسىن بەكىتۋ تۋرالى» قازاقستان رەسپۋبليكاسى ۇلتتىق بانكى باسقارماسىنىڭ 2008 جىلعى 28 ناۋرىزداعى № 18 قاۋلىسىندا (بۇدان ءارى – № 18 ەرەجە) كوزدەلگەن ۇعىمدار, سونداي-اق مىناداي ۇعىمدار پايدالانىلادى:
1) اقپاراتتىق جۇيەنىڭ وبەكتىسى – اقپاراتتىق جۇيەنىڭ ەلەكتروندىق بانكتىك قىزمەت كورسەتۋ كەزىندە جەكەلەگەن فۋنكتسيالاردى ورىنداۋ ءۇشىن اقپاراتتى بەرۋگە, وڭدەۋگە جانە ساقتاۋعا ارنالعان جەكەلەگەن قۇراۋىشى;
2) بانكتىڭ اقپاراتتىق جۇيەسىنىڭ نەگىزگى ورتالىعى (بۇدان ءارى – نەگىزگى ورتالىق) – شتاتتىق (كۇندەلىكتى) رەجىمدە ەلەكتروندىق بانكتىك قىزمەت كورسەتۋدى قامتاماسىز ەتەتىن باعدارلامالىق-تەحنيكالىق قۇرالداردىڭ جانە قىزمەت كورسەتەتىن قىزمەتكەرلەردىڭ جيىنتىعى;
3) بانكتىڭ اقپاراتتىق جۇيەسىنىڭ رەزەرۆتىك ورتالىعى (بۇدان ءارى – رەزەرۆتىك ورتالىق) – نەگىزگى ورتالىقتا توتەنشە جاعدايلار تۋىنداعان نەمەسە جوسپارلى تەحنيكالىق جۇمىستار جۇرگىزىلگەن كەزدە ەلەكتروندىق بانكتىك قىزمەت كورسەتۋدى قامتاماسىز ەتەتىن باعدارلامالىق-تەحنيكالىق قۇرالداردىڭ جانە قىزمەت كورسەتەتىن قىزمەتكەرلەردىڭ جيىنتىعى;
4) بانكتىڭ ەلەكتروندىق بانكتىك قىزمەت كورسەتۋگە ارنالعان اقپاراتتىق جۇيەسى (بۇدان ءارى – اقپاراتتىق جۇيە) – ەلەكتروندىق بانكتىك قىزمەت كورسەتۋ قامتاماسىز ەتىلەتىن اپپاراتتىق-باعدارلامالىق كەشەندى قولدانا وتىرىپ اقپاراتتى ساقتاۋعا, وڭدەۋگە, ىزدەۋگە, تاراتۋعا, بەرۋگە جانە ۇسىنۋعا ارنالعان جۇيە;
5) جاۋاپتى قىزمەتكەر – بانكتىڭ اقپاراتتىق جۇيەسىندەگى جۇمىس ءۇشىن لاۋازىمدىق مىندەتتەمەلەرىنە سايكەس جاۋاپتى قىزمەتكەرى;
6) جۇمىس ورنى – اقپاراتتىق جۇيەنى نەمەسە اقپاراتتىق جۇيە وبەكتىلەرىن باسقارۋ ءۇشىن باعدارلامالىق-پايدالانۋ ينتەرفەيس ورناتىلعان دەربەس كومپيۋتەر (سەرۆەر);
7) قالپىنا كەلتىرۋ كومانداسى – بانكتىڭ ىشكى قۇجاتتارىندا بەلگىلەنگەن بوس تۇرىپ قالۋ ۋاقىتىن ەسكەرە وتىرىپ تولىق قالپىنا كەلتىرۋدى نە اقپاراتتىق جۇيەنىڭ جۇمىسىن رەزەرۆتىك ورتالىققا اۋىستىرۋدى قامتاماسىز ەتەتىن اقپاراتتىق جۇيەگە نەمەسە اقپاراتتىق جۇيە وبەكتىلەرىنە قولجەتىمدىلىكتى جانە تولىققاندى جۇمىسىن قامتاماسىز ەتۋ بويىنشا قىزمەت كورسەتەتىن ۇيىمداردىڭ قىزمەتكەرلەرى;
8) پايدالانۋشى – بانكتىڭ ەلەكتروندىق بانكتىك قىزمەتتى الۋ ءۇشىن اقپاراتتىق جۇيەگە ءوتىنىش بىلدىرەتىن كليەنتى نە جاۋاپتى قىزمەتكەر;
9) سايكەستەندىرۋ – اقپاراتتىق جۇيەگە قول جەتكىزۋ سۋبەكتىسىنىڭ نەمەسە وبەكتىسىنىڭ ءتۇپنۇسقالىلىعىن قول جەتكىزۋدىڭ ۇسىنىلعان دەرەكتەمەلەرىنىڭ سايكەستىگىن انىقتاۋ ارقىلى راستاۋ.
3. بانكتىك وپەراتسيالاردىڭ جەكەلەگەن تۇرلەرىن جۇزەگە اسىراتىن ۇيىمداردى قوسپاعاندا, بانكتەردىڭ اقپاراتتىق جۇيەلەرىنىڭ قاۋىپسىز جانە ىركىلىسسىز جۇمىس ىستەۋىن قامتاماسىز ەتۋ ماقساتىندا وپەراتسيالىق تاۋەكەلدى, ىركىلىسسىز قىزمەتتى, اقپاراتتىق تەحنولوگيالار تاۋەكەلدەرىن, اقپارات قاۋىپسىزدىگىن باسقارۋ نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 9322 تىركەلگەن «ەكىنشى دەڭگەيدەگى بانكتەرگە ارنالعان تاۋەكەلدەردى باسقارۋ جانە ىشكى باقىلاۋ جۇيەسىن قالىپتاستىرۋ قاعيدالارىن بەكىتۋ تۋرالى» قازاقستان رەسپۋبليكاسى ۇلتتىق بانكى باسقارماسىنىڭ 2014 جىلعى 26 اقپانداعى № 29 قاۋلىسىنا سايكەس جۇزەگە اسىرىلادى.
2. جۇمىس ورىندارىنا قويىلاتىن تالاپتار
4. بانك جۇمىس ورىندارىندا مىنالاردى قامتاماسىز ەتەدى:
1) جاۋاپتى قىزمەتكەردى سايكەستەندىرۋ جانە بىردەيلەستىرۋ قۇرالى كىرەتىن, رۇقسات ەتىلمەگەن كىرۋدەن قورعاۋدىڭ باعدارلامالىق نەمەسە باعدارلامالىق-اپپاراتتىق كەشەنىن ورناتۋدى جانە جۇمىسىن;
2) ەلەكتر جەلىسىندە كەرنەۋ بولماعان كەزدە اقپاراتتىق جۇيەدەگى جۇمىستى دۇرىس اياقتاۋ ءۇشىن قاجەتتى, بىراق ون مينۋتتان كەم ەمەس ۋاقىت ىشىندە جۇمىس ورنىنىڭ جۇمىسىن جۇزەگە اسىرۋعا مۇمكىندىك بەرەتىن ۇزدىكسىز ەلەكتر قۋاتىن بەرەتىن تەحنيكالىق قۇرالداردى ورناتۋدى جانە جۇمىسىن. بانكتىڭ عيماراتىندا ورناتىلعان جالپى ۇزدىكسىز قۋات بەرى كوزىن پايدالانۋعا رۇقسات ەتىلەدى;
3) زيان كەلتىرىلەتىن باعدارلامالىق كودتى جانە/نەمەسە باعدارلامالاردى انىقتاۋ قۇرالدارىن ورناتۋدى جانە جۇمىسىن. كەلتىرىلگەن زيان فاكتىسى انىقتالعان جاعدايدا وسى اقپارات بانكتىڭ قاۋىپسىزدىك بولىمشەسىنە جىبەرىلەدى;
4) بەرىلەتىن اقپاراتتى جانە بالانىس ارنالارىن باعدارلامالىق نە باعدارلامالىق-اپپاراتتىق قورعاۋدى. بەرىلەتىن اقپاراتتى ارنايى بولىنگەن جۇمىس ورىندارىنا ءتيىستى باعدارلامالىق-اپپاراتتىق قۇرالدار ورناتۋ ارقىلى قورعاۋعا رۇقسات ەتىلەدى.
5. جۇمىس ورنىنا قولجەتىمدىلىك بەرەتىن تەحنيكالىق قۇرالداردى, پارولدەردى نەمەسە باسقا اقپاراتتى ساقتاۋ جانە پايدالانۋ ءتارتىبى دەرەكتەردى رۇقسات ەتىلمەگەن كىرۋدەن قورعاۋدى قامتاماسىز ەتەدى.
6. اقپاراتتى اقپاراتتىق جۇيەگە بەرۋ, اقپاراتتىق جۇيەدەن اقپاراتتى الۋ, اقپاراتتى ساقتاۋ, مۇراعاتتاۋ نەمەسە باسقا دا وڭدەۋ ءۇشىن جيناقتاۋعا ارنالىپ بولىنگەن رەسۋرستارعا (ديسكىلىك كەڭەستىك, ديرەكتوريا, جەلىلىك رەسۋرستار, دەرەكقورلار) كىرۋ ءتارتىبى وسى رەسۋرستارعا ولارمەن جۇمىس ىستەۋگە رۇقساتى جوق تۇلعالاردىڭ كىرۋىنەن قورعاۋدى قامتاماسىز ەتەدى.
7. جاۋاپتى قىزمەتكەردىڭ جۇمىس ورنىنا قولجەتىمدىلىگى ونىڭ لاۋازىمدىق مىندەتتەرىنە سايكەس جۇزەگە اسىرىلادى.
8. پايدالانۋشىنىڭ پايدالانۋشى اقپاراتتىق جۇيەنىڭ كىرىسىندە سايكەستەندىرىلەتىن ءبىر جۇيەلىك اتىنا اكىمشىنىڭ فۋنكتسيالارىن ورىندايتىن قىزمەتكەرلەردى قوسپاعاندا ءبىر جاۋاپتى قىزمەتكەر سايكەس كەلەدى. اكىمشىنىڭ فۋنكتسيالارىن ورىندايتىن قىزمەتكەر ءۇشىن پايدالانۋشىنىڭ بىرنەشە جۇيەلىك اتىن قۇرۋعا رۇقسات ەتىلەدى.
9. جۇمىس ورنىنا دەرەكتەردى بەرۋ جەلىسى جانە وزگە تەحنيكالىق ارنالار ارقىلى كىرۋ ءتارتىبى رۇقسات ەتىلمەگەن كىرۋ مۇمكىندىگىن ازايتادى.
10. بانكتىڭ اقپاراتتىق جۇيەگە كىرۋگە رۇقساتى بار جاۋاپتى قىزمەتكەرلەردىڭ جۇمىس ءتارتىبى كوزدەلەتىن ىشكى قۇجاتتارىندا:
1) جاۋاپتى قىزمەتكەرلەردى تاعايىنداۋ ءتارتىبى;
2) جاۋاپتى قىزمەتكەرلەردىڭ جۇمىس رەجىمى;
3) لاۋازىمدىق نۇسقالىقتارىن قوسا العاندا جاۋاپتى قىزمەتكەرلەردىڭ قۇقىقتارى مەن مىندەتتەرى;
4) قالپىنا كەلتىرۋ كومانداسىنىڭ ءتىزىمى ايقىندالادى.
3. اقپاراتتىق جۇيەنىڭ قۇرىلىمى جانە جۇمىس ىستەۋى جونىندەگى قۇجاتتاماعا قويىلاتىن تالاپتار
11. بانكتىڭ اقپاراتتىق جۇيەلەردىڭ قۇرىلىمى جانە جۇمىس ىستەۋى جونىندەگى قۇجاتتاماسىندا:
1) اقپاراتتىق جۇيەلەردىڭ جانە ولاردىڭ وبەكتىلەرىنىڭ تىزبەسى, ولاردىڭ ماقساتى جانە نەگىزگى سيپاتتامالارى, جۇيەلەردىڭ ورتالىقتاندىرۋ يەرارحياسى مەن دارەجەسى دەڭگەيلەرىنىڭ سانىنا قويىلاتىن تالاپتار, ونىڭ ىشىندە اقپاراتتىق جۇيەنىڭ ءاربىر وبەكتىسى بويىنشا فۋنكتسيالاردىڭ, مىندەتتەردىڭ تىزبەسى;
2) اقپاراتتىق جۇيەلەردىڭ قۇراۋىشتارى اراسىندا اقپارات الماسۋعا ارنالعان بايلانىستىڭ تاسىلدە مەن قۇرالدارىنا قويىلاتىن تالاپتار;
3) اقپاراتتىق جۇيەلەردىڭ جۇمىسىن قالپىنا كەلتىرۋ جوسپارلارى (بۇدان ءارى – قالپىنا كەلتىرۋ جوسپارى;
4) اقپاراتتىق جۇيەلەردىڭ جۇمىس ىستەۋ رەجىمدەرىنە قويىلاتىن تالاپتار;
5) اقپاراتتىق جۇيەلەردىڭ جۇمىس ىستەۋ مونيتورينگىنە قويىلاتىن تالاپتار;
6) قالپىنا كەلتىرۋ كومانداسىنىڭ جاۋاپتى قىزمەتكەلەرىنىڭ جىكتەلىمىنە, سانىنا جانە جۇمىس رەجىمىنە قويىلاتىن تالاپتار كورسەتىلەدى.
12. اقپاراتتىق جۇيەنىڭ قۇرىلىمى جانە جۇمىس ىستەۋى جونىندەگى قۇجاتتاما بانك ايقىنداعان جۇيەلى, بىراق جىلىنا ءبىر رەتتەن كەم ەمەس نەگىزدە ماڭىزىن ارتتىرۋ مانىنە قايتا قارالۋعا جاتادى.
4. اقپاراتتىق جۇيەلەر جۇمىسىنىڭ قاۋىپسىزدىگىنە قويىلاتىن تالاپتار
13. پايدالانۋشى ەلەكتروندىق بانكتىك قىزمەت الۋ ءۇشىن اقپاراتتىق جۇيەگە جۇگىنگەن كەزدە بانك:
1) كليەنتتەردىڭ ەلەكتروندىق بانكتىك قىزمەت الۋى بويىنشا ءىس-ارەكەتتەرىن, ونىڭ ىشىندە بايلانىس ورناتۋ ارەكەتتەرىنە باستاپ ءساتتى جانە سول سياقتى ءساتسىز ءىس-ارەكەتتەرىن ەلەكتروندىق جۋرنالداردا وپەراتسيالاردى جۇرگىزۋ ۋاقىتىن كورسەتە وتىرىپ, ولارعا ەنگىزىلگەن دەرەكتەردى وزگەرتۋ مۇمكىندىگىنسىز تىركەۋدى قامتاماسىز ەتەدى. ەلەكتروندىق جۋرنالداردىڭ مالىمەتتەرىن ساقتاۋ كەزەڭى كەمىندە 2 (ەكى) ايدى قۇرايدى;
2) اقپاراتتىق جۇيەدەگى رۇقسات ەتىلمەگەن وپەراتسيالاردىڭ نەمەسە رۇقسات ەتىلمەگەن وپەراتسيالاردى جۇرگىزۋ ءۇشىن جاعدايلار جاساۋعا باعىتتالعان ءىس-ارەكەتتەردىڭ اۆتوماتتى تۇردەگى مونيتورينگىنە, انىقتاۋعا جانە بۇعاتتاۋعا ارنالعان باعدارلامالىق قامتاماسىز ەتۋدىڭ جۇمىس ىستەۋىن;
3) پايدالانۋشىنىڭ جۇمىس ورنى ىستەن شىققان نەمەسە تەرىس پيعىلدى ادام وعان رۇقسات ەتىلمەگەن قولجەتىمدىلىك العان كەزدە جۇيەنىڭ سەرۆەرلىك ءبولىمىنىڭ جۇمىسىنا اسەر ەتپەيتىن, ال قوسىمشالار سەرۆەرى ىستەن شىققان كەزدە وسى جۇيەلەردىڭ جاي-كۇيىنە اسەر ەتپەيتىن «كليەنت–سەرۆەر» ارحيتەكتۋراسىن;
4) دەرەكتەردى كەيىننەن قالپىنا كەلتىرۋ مۇمكىندىگىمەن رەزەرۆتىك كوشىرۋدى جانە مۇراعاتتاۋدى;
5) تالاپتاردىڭ 4-تارماعىنىڭ 4) تارماقشاسىندا كوزدەلگەن ءىس-ارەكەتتەردى ورىنداۋدى قامتاماسىز ەتەدى.
14. ەلەكتروندىق بانكتىك قىزمەتتەردى كورسەتۋ كەزىندە بانك قۇپياسىنا جاتاتىن جىبەرىلەتىن دەرەكتەردىڭ جانە (نەمەسە) ولاردى دەربەس كومپيۋتەرلەردەن, تەلەفونداردان, ەلەكتروندىق تەرمينالداردان جانە وزگە قۇرىلعىلاردان جىبەرىلەتىن دەرەكتەردى وڭدەۋ جۇيەسىنە دەيىن وتكىزۋگە ارنالعان اقپاراتتىق-كوممۋنيكاتسيالىق جەلىنىڭ شيفرىن بەلگىلەۋ جۇزەگە اسىرىلادى.
15. ەلەكتروندىق بانكتىك قىزمەتتەردى كورسەتۋ كەزىندە قاۋىپسىزدىك راسىمدەرىنە قويىلاتىن تالاپتار № 18 قاعيدالاردا بەلگىلەنەدى.
5. اقپاراتتىق جۇيەلەردىڭ ىركىلىسسىز جۇمىس ىستەۋىن قامتاماسىز
ەتۋگە قويىلاتىن تالاپتار
16. ەلەكتروندىق بانكتىك قىزمەتتەردىڭ ىركىلىسسىز كورسەتىلۋىن قامتاماسىز ەتۋ ماقساتىندا بانكتەر ىشكى قۇجاتتاردا قالپىنا كەلتىرۋ جوسپارىن, ونى قايتا قاراۋ جانە تەستىلەۋ ءتارتىبىن ايقىندايدى.
17. قالپىنا كەلتىرۋ جوسپارىن ازىرلەۋ مىناداي فاكتورلار ەسكەرىلە وتىرىپ جۇزەگە اسىرىلادى:
1) توتەنشە جاعدايلاردىڭ ءتۇرى جانە سيپاتى, ولاردىڭ بانك قىزمەتىنە اسەر ەتۋ دارەجەسى;
2) قالپىنا كەلتىرۋ باسىمدىعى كورسەتىلە وتىرىپ, ەلەكتروندىق بانكتىك قىزمەتتەردى كورسەتۋدى قامتاماسىز ەتەتىن اقپاراتتىق جۇيەلەردىڭ جانە ولاردىڭ وبەكتىلەرىنىڭ تىزبەسى;
3) اقپاراتتىق جۇيەلەردىڭ جۇمىسى توقتاعان كەزدە تۋىندايتىن زيان جانە ولاردىڭ جۇمىسىن قالپىنا كەلتىرۋگە ارنالعان شىعىندار.
18. اقپاراتتىق جۇيەلەردىڭ تىزبەسىن كورسەتۋ كەزىندە ولاردى قالپىنا كەلتىرۋدىڭ رۇقسات ەتىلگەن مەرزىمدەرى ايقىندالادى. مەرزىمدەردى بانكتەر اقپاراتتىق جۇيەنىڭ جۇمىسىنداعى بوس تۇرىپ قالۋ ماڭىزدىلىعىنا قاراي بەلگىلەيدى.
19. قالپىنا كەلتىرۋ جوسپارىندا مىناداي تالاپتار قامتىلادى:
1) رەزەرۆتىك ورتالىقتىڭ بولۋى جانە ورنالاسقان جەرى;
2) بيزنەس–پروتسەستەردىڭ, اقپاراتتىق جۇيە وبەكتىلەرىنىڭ, اقپاراتتىق جۇيەنىڭ جۇمىسىن قامتاماسىز ەتەتىن, قالپىنا كەلتىرۋ رەزەرۆتىك ورتالىقتا تالاپ ەتىلەتىن تەحنيكالىق, باعدارلامالىق نەمەسە باسقا قۇرالداردىڭ تىزبەسى;
3) اقپاراتتىق جۇيەنىڭ رەزەرۆتىك ورتالىعىنىڭ جۇمىس ىستەۋىنە تەستىلەۋ جۇرگىزۋ ءتارتىبى, كەزەڭدىلىگى جانە ستسەناريلەرى;
4) توتەنشە جاعدايلاردىڭ سالدارلارى جويىلعاننان كەيىن بۇزىلعان اقپاراتتىق جۇيەلەردى قالپىنا كەلتىرۋ ءتارتىبى, توتەنشە جاعداي رەجىمىندەگى جۇمىستىڭ اياقتالۋى تۋرالى شەشىم قابىلداۋعا مۇمكىندىك بەرەتىن كريتەريلەر جانە وسىنداي شەشىم قابىلداۋ ءتارتىبى, سونداي-اق قالىپتى جۇمىس ىستەۋ رەجىمىنە قايتىپ كەلۋ ءتارتىبى.
20. اقپاراتتىق جۇيەنىڭ قىزمەتىن قالپىنا كەلتىرۋگە ارنالعان رەزەرۆتىك ورتالىقتىڭ جانە بايلانىس ارنالارىنىڭ جۇمىس ىستەۋگە دايىندىعىن تەكسەرۋ ماقساتىندا بانكتەر جىلىنا كەمىندە ءبىر رەت قالپىنا كەلتىرۋ جوسپارىنا سايكەس رەزەرۆتىك ورتالىقتىڭ جانە بايلانىس ارنالارىنىڭ جۇمىس ىستەۋىن تەستىلەۋدى (بۇدان ءارى – جوسپاردى تەستىلەۋ) جۇرگىزەدى.
21. جوسپاردى تەستىلەۋ بانك ازىرلەنگەن جانە بەكىتىلگەن, توتەنشە جاعدايلاردىڭ تۋىنداۋ ستسەناريىنىڭ, قالپىنا كەلتىرىلەتىن جۇمىس پروتسەستەرىنىڭ جانە اقپاراتتىق جۇيە وبەكتىلەرىنىڭ, قالپىنا كەلتىرۋ كومانداسى ءىس-قيمىلدارىنىڭ, جۇمىستى جۇرگىزۋ مەرزىمدەرى مەن ورنى جونىندەگى تالاپتاردىڭ سيپاتى كوزدەلەتىن باعدارلاما بويىنشا جۇرگىزىلەدى.
22. بانك جوسپاردى تەستىلەۋ قورىتىندىسى بويىنشا مىنالار:
1) تەستىلەۋ جۇرگىزىلگەن اقپاراتتىق جۇيەلەردىڭ جانە ولاردىڭ وبەكتىلەرىنىڭ تىزبەسى;
2) اقپاراتتىق جۇيەلەردىڭ جانە ولاردىڭ وبەكتىلەرىنىڭ جۇمىسىن قالپىنا كەلتىرۋگە جۇمسالعان ۋاقىت;
3) انىقتالعان وسالدىقتار جانە ولاردى جويۋ جونىندەگى ۇسىنىستار كورسەتىلە وتىرىپ تەستىلەۋ ناتيجەلەرى تۋرالى قۇجات (حاتتاما) دايىندالادى.
تەستىلەۋ ناتيجەلەرى تۋرالى مالىمەتتەردى بانك قازاقستان رەسپۋبليكاسىنىڭ ۇلتتىق بانكىنە (بۇدان ءارى – ۇلتتىق بانك) تەستىلەۋ ناتيجەلەرى تۋرالى قۇجاتتى بانكتىڭ ۋاكىلەتتى ورگانى بەكىتكەننەن كەيىن ون جۇمىس كۇنى ىشىندە ۇسىنىلادى.
23. اقپاراتتىق جۇيەنىڭ جۇمىسىندا ىستەن شىعۋ (بوس تۇرىپ قالۋ) تۋىنداعان كەزدە بانك نەگىزگى ورتالىقتىڭ جۇمىسىن قالپىنا كەلتىرۋدى قامتاماسىز ەتەدى.
نەگىزگى ورتالىقتىڭ جۇمىسىن قالپىنا كەلتىرۋدىڭ بارىنشا رۇقسات ەتىلگەن مەرزىم كەزەڭىندە قالپىنا كەلتىرۋگە مۇمكىن بولماعان كەزدە اقپاراتتىق جۇيەنى رەزەرۆتىك ورتالىقتىڭ جۇمىسىنا اۋىستىرۋ جۇزەگە اسىرادى.
اقپاراتتىق جۇيەنى رەزەرۆتىك ورتالىققا اۋىستىرۋ بويىنشا ستاندارتتى ۋاقىت ءنورماتيۆى ىستەن شىعۋ (بوس تۇرىپ قالۋ) تۋىنداعان ساتتەن باستاپ ءتورت ساعاتتان اسپايدى.
24. بانك بانكتەر تۋرالى زاڭعا سايكەس كليەنتتەرگە جىبەرىلەتىن, اقپاراتتىق جۇيەنىڭ جۇمىسىن قامتاماسىز ەتەتىن تەحنيكالىق, باعدارلامالىق جانە باسقا قۇرالدارعا ەنگىزىلەتىن جانە كليەنتتىڭ ەلەكتروندىق بانكتىك قىزمەتكە قولجەتىمدىلىگىنە اسەر ەتەتىن وزگەرىستەردى (جاڭارتۋلاردى) جوسپارلانىپ وتىرعان قولدانىسقا ەنگىزۋ تۋرالى حابارلامالاردا (ەركىن نىسانداعى) قولجەتىمدىلىگى جوسپارلانىپ وتىرعان وزگەرىستەرگە اسەر ەتەتىن ەلەكتروندىق بانكتىك قىزمەت ءتۇرىن, سونداي-اق ولاردىڭ بولجانىپ وتىرعان قولجەتىمدى بولماۋ ۋاقىتىن كورسەتەدى. كليەنتتەرگە جوسپارلانىپ وتىرعان وزگەرىستەر تۋرالى حابارلامانى جەتكىزۋ جونىندەگى ەڭ تومەنگى تالاپتاردا بانكتىڭ ينتەرنەت–رەسۋرسىنا حابارلاندىرۋدى ورنالاستىرۋ قامتىلادى.
25. بانك توقسان سايىن, ەسەپتى توقساننان كەيىنگى ايدىڭ ونىنان كەشىكتىرمەي ۇلتتىق بانككە ەسەپتى كەزەڭدە اقپاراتتىق جۇيەنىڭ جۇمىسىندا ورىن العان كەمىندە ءبىر ساعات جوسپارلى جانە جوسپاردان تىس ىستەن شىعۋ (بوس تۇرىپ قالۋ) تۋرالى اقپاراتتى جىبەرەدى.
مالىمەتتەردە كليەنتتەردىڭ قولجەتىمدىلىگى توقتاتىلا تۇرعان ەلەكتروندىق بانكتىك قىزمەت ءتۇرى, تىس ىستەن شىعۋ (بوس تۇرىپ قالۋ) ۋاقىتىنىڭ كەزەڭى, قولدانىلعان ءىس-ارەكەتتەر جانە تىس ىستەن شىعۋدى (بوس تۇرىپ قالۋدى) جويۋ بويىنشا جۇمىس ناتيجەلەرى تۋرالى اقپارات قامتىلادى.
قاۋلى قازاقستان رەسپۋبليكاسىنىڭ ادىلەت مينيسترلىگىندە 2016 جىلعى 25 اقپاندا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №13256 بولىپ ەنگىزىلدى.