2015 جىلعى 15 ءساۋىر, استانا قالاسى
«كرەديتتەر بويىنشا, سونداي-اق تەحنولوگيالىق جابدىق جانە اۋىل شارۋاشىلىعى تەحنيكاسىنىڭ ليزينگى بويىنشا سىياقى مولشەرلەمەلەرىن سۋبسيديالاۋ» مەملەكەتتىك كورسەتىلەتىن قىزمەت ستاندارتىن بەكىتۋ تۋرالى
«مەملەكەتتىك قىزمەت تۋرالى» 2013 جىلعى 15 ساۋىردەگى قازاقستان رەسپۋبليكاسى زاڭىنىڭ 10-بابىنىڭ 1) تارماقشاسىنا سايكەس بۇيىرامىن:
1. قوسا بەرىلىپ وتىرعان «كرەديتتەر بويىنشا, سونداي-اق تەحنولوگيالىق جابدىق جانە اۋىل شارۋاشىلىعى تەحنيكاسىنىڭ ليزينگى بويىنشا سىياقى مولشەرلەمەلەرىن سۋبسيديالاۋ» مەملەكەتتىك كورسەتىلەتىن قىزمەت ستاندارتى بەكىتىلسىن.
2. قازاقستان رەسپۋبليكاسى اۋىل شارۋاشىلىعى مينيسترلىگى ينۆەستيتسيالىق ساياسات جانە قارجى قۇرالدارى دەپارتامەنتى زاڭنامادا بەلگىلەنگەن تارتىپپەن:
1) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن;
2) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن ون كۇنتىزبەلىك كۇن ىشىندە ونىڭ كوشىرمەسىنىڭ مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جىبەرىلۋىن;
3) وسى بۇيرىقتىڭ قازاقستان رەسپۋبليكاسى اۋىل شارۋاشىلىعى مينيسترلىگىنىڭ ينتەرنەت-رەسۋرسىندا ورنالاستىرىلۋىن قامتاماسىز ەتسىن.
3. وسى بۇيرىق العاش رەسمي جاريالانعان كۇنىنەن كەيىن ون كۇنتىزبەلىك كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ
اۋىل شارۋاشىلىعى ءمينيسترى ا.مامىتبەكوۆ
«كەلىسىلگەن»
قازاقستان رەسپۋبليكاسىنىڭ ۇلتتىق ەكونوميكا
ءمينيسترى ___________________ ە.دوساەۆ
2015 جىلعى 8 مامىر
قازاقستان رەسپۋبليكاسى اۋىل شارۋاشىلىعى ءمينيسترىنىڭ 2015 جىلعى 15 ساۋىردەگى № 9-1/338 بۇيرىعىمەن بەكىتىلگەن
«كرەديتتەر بويىنشا, سونداي-اق تەحنولوگيالىق جابدىق جانە اۋىل شارۋاشىلىعى تەحنيكاسىنىڭ ليزينگى بويىنشا سىياقى مولشەرلەمەلەرىن سۋبسيديالاۋ» مەملەكەتتىك كورسەتىلەتىن قىزمەت ستاندارتى
1. جالپى ەرەجەلەر
1. «كرەديتتەر بويىنشا, سونداي-اق تەحنولوگيالىق جابدىق جانە اۋىل شارۋاشىلىعى تەحنيكاسىنىڭ ليزينگى بويىنشا سىياقى مولشەرلەمەلەرىن سۋبسيديالاۋ» مەملەكەتتىك كورسەتىلەتىن قىزمەتى (بۇدان ءارى – مەملەكەتتىك كورسەتىلەتىن قىزمەت).
2. مەملەكەتتىك كورسەتىلەتىن قىزمەت ستاندارتىن قازاقستان رەسپۋبليكاسى اۋىل شارۋاشىلىعى مينيسترلىگى (بۇدان ءارى – مينيسترلىك) ازىرلەگەن.
3. مەملەكەتتىك قىزمەتتى مينيسترلىك (بۇدان ءارى – كورسەتىلەتىن قىزمەتتى بەرۋشى) كورسەتەدى.
وتىنىشتەردى قابىلداۋدى جانە مەملەكەتتىك قىزمەتتى كورسەتۋ ناتيجەلەرىن بەرۋدى «قازاگروماركەتينگ» اكتسيونەرلىك قوعامى (بۇدان ءارى – وپەراتور) جۇزەگە اسىرادى.
2. مەملەكەتتىك قىزمەتتى كورسەتۋ ءتارتىبى
4. مەملەكەتتىك قىزمەتتى كورسەتۋ مەرزىمى:
1) قۇجاتتار توپتاماسى وپەراتورعا تاپسىرىلعان ساتتەن باستاپ – 36 (وتىز التى) جۇمىس كۇنى;
2) قۇجاتتار توپتاماسىن تاپسىرۋ ءۇشىن بەرىلەتىن كۇتۋدىڭ رۇقسات ەتىلگەن ەڭ ۇزاق ۋاقىتى – 30 (وتىز) مينۋتتان كوپ ەمەس;
3) قىزمەت كورسەتۋدىڭ رۇقسات ەتىلەتىن ەڭ ۇزاق ۋاقىتى – 30 (وتىز) مينۋتتان كوپ ەمەس.
5. مەملەكەتتىك قىزمەتتى كورسەتۋ نىسانى - قاعاز تۇرىندە.
6. مەملەكەتتىك قىزمەتتى كورسەتۋ ناتيجەسى – كورسەتىلەتىن قىزمەتتى الۋشىنىڭ بانكتىك شوتىنا سۋبسيديا قاراجاتىن اۋدارۋعا تولەم شوتى.
مەملەكەتتىك قىزمەتتى كورسەتۋ ناتيجەسىن ۇسىنۋ نىسانى – قاعاز تۇرىندە.
7. مەملەكەتتىك قىزمەت تەگىن كورسەتىلەدى.
8. كورسەتىلەتىن قىزمەتتى بەرۋشىنىڭ جانە وپەراتوردىڭ جۇمىس كەستەسى – قازاقستان رەسپۋبليكاسىنىڭ ەڭبەك زاڭناماسىنا سايكەس دەمالىس جانە مەرەكە كۇندەرىن قوسپاعاندا, دۇيسەنبىدەن باستاپ جۇماعا دەيىن قوسا العاندا, ساعات 13.00-دەن 14.30-عا دەيىنگى تۇسكى ۇزىلىسپەن, ساعات 9.00-دەن 18.30-عا دەيىن.
وتىنىشتەردى قابىلداۋ جانە مەملەكەتتىك قىزمەت كورسەتۋ ناتيجەلەرىن بەرۋ – ساعات 13.00-دەن 14.00-گە دەيىنگى تۇسكى ۇزىلىسپەن ساعات 9.00-دەن 17.30-عا دەيىن.
قابىلداۋ الدىن الا جازىلۋسىز جانە جەدەلدەتىلگەن قىزمەت كورسەتۋسىز كەزەك كۇتۋ تارتىبىمەن جۇزەگە اسىرىلادى.
9. كورسەتىلەتىن قىزمەتتى الۋشىنىڭ (نە سەنىمحات بويىنشا ونىڭ وكىلىنىڭ) وپەراتورعا جۇگىنگەن جاعدايدا, مەملەكەتتىك قىزمەتتى كورسەتۋى ءۇشىن قاجەتتى قۇجاتتاردىڭ تىزبەسى:
وسى مەملەكەتتىك كورسەتىلەتىن قىزمەت ستاندارتىنا 1-قوسىمشاعا سايكەس نىسان بويىنشا كرەديتتەر, سونداي-اق تەحنولوگيالىق جابدىقتىڭ جانە اۋىل شارۋاشىلىعى تەحنيكاسىنىڭ ليزينگى بويىنشا سىياقى مولشەرلەمەلەرىن سۋبسيديالاۋعا ارنالعان ءوتىنىش (بۇدان ءارى – سۋبسيديالاۋعا ارنالعان وتىنىشكە). ونىڭ اجىراماس بولىگى رەتىندە مىنالار قوسا بەرىلەدى:
قارجى ينستيتۋتى كۋالاندىرعان, قارجى ينستيتۋتى مەن قارىز الۋشى اراسىندا جاسالعان, نەگىزگى بورىش پەن سىياقىنى وتەۋ كەستەسى قوسا بەرىلگەن شارتتىڭ كوشىرمەسى;
كرەديتتىڭ/ليزينگتىڭ ماقساتتى پايدالانىلعاندىعىن راستايتىن, قارجى ينستيتۋتى كۋالاندىرعان قۇجاتتاردىڭ: كرەديتتىك قارىزدىڭ ماقساتتى پايدالانىلۋى اكتىسىنىڭ, كرەديت العانى تۋرالى قارىز الۋشىنىڭ نەسيەلىك شوتىنان (ەكىنشى دەڭگەيدەگى بانكتەر ءۇشىن) نەمەسە كرەديتتىڭ اۋدارىلعانىن/ليزينگ نىساناسىنىڭ بەرىلگەنىن راستايتىن قۇجاتتاردان ءۇزىندىنىڭ كوشىرمەلەرى;
ەگەر سۋبسيديالاۋعا ارنالعان وتىنىشكە قارجى ينستيتۋتىنىڭ ءبىرىنشى باسشىسى قول قويماعان جاعدايدا, باسقا ادامنىڭ قول قويۋ قۇقىعىنا سەنىمحاتتىڭ نەمەسە بۇيرىقتىڭ كوشىرمەسى;
قارىز الۋشىنىڭ كرەديتتەر, سونداي-اق تەحنولوگيالىق جابدىقتىڭ جانە
اۋىل شارۋاشىلىعى تەحنيكاسىنىڭ ليزينگى بويىنشا سىياقى مولشەرلەمەلەرىن سۋبسيديالاۋ باعدارلاماسىنا قاتىسۋىنا كەلىسىمى تۋرالى قارجى ينستيتۋتىنىڭ حاتى (قارىز الۋشى سۋبسيديالاۋعا ارنالعان ءوتىنىش بەرگەن جاعدايدا ۇسىنىلادى).
سۋبسيديالاۋعا ارنالعان وتىنىشكە قارجى ينستيتۋتىنىڭ ۋاكىلەتتى ادامى نەمەسە قول قويۋ قۇقىعىنا سەنىمحاتى بار ادام قول قويۋى جانە ول قارجى ينستيتۋتىنىڭ مورىمەن بەكىتىلۋى ءتيىس. بۇل رەتتە قارجى ينستيتۋتىنىڭ فيليالدارىنان (وكىلدىكتەرىنەن) جەكەلەگەن سۋبسيديالاۋعا ارنالعان وتىنىشتەر قابىلدانبايدى.
سىياقى مولشەرلەمەسىن سۋبسيديالاۋ اگروونەركاسىپتىك كەشەن سالاسىنداعى قىزمەت تۇرلەرىنىڭ باسىمدىلىعىنا سايكەس, سونداي-اق كورسەتىلەتىن قىزمەتتى الۋشىنىڭ مىناداي قارىز شارتتارى بويىنشا جۇزەگە اسىرىلادى:
مامانداندىرىلعان ۇيىمداردىڭ مال شارۋاشىلىعىمەن اينالىساتىن اگروونەركاسىپتىك كەشەن سۋبەكتىلەرىن جەمشوپپەن قامتاماسىز ەتۋگە ارنالعان;
مال شارۋاشىلىعى جانە جەمشوپ ءوندىرىسى سالاسىنداعى اۋىل شارۋاشىلىعى تەحنيكاسى مەن جابدىقتارىنىڭ مىناداي تۇرلەرىن (جيىنتىقتا) ساتىپ الۋعا ارنالعان:
1) كومبايندار, تراكتورلار, تراكتورلىق تىركەمەلەر, سەپكىشتەر, سۋ تاسيتىن تەحنيكالار;
2) وزدىگىنەن جۇرەتىن جانە تىركەمەلى دەستەلەگىشتەر;
3) جۇمىس ورگاندارى اۋىستىرمالى قۇراما امبەباپ اسپالار;
4) مەحانيكالىق كۇرەكتەر;
5) تىرمالاردىڭ, سوقالاردىڭ, قوپسىتقىشتاردىڭ بارلىق ءتۇرى;
6) سۋاراتىن جۇيەلەر;
7) تىرمالار, اۋدارعىشتار, ىسىرعىشتار, دەستە قالاۋىشتار, دەستە جاساۋىشتار;
8) جەمشوپ جينايتىن كومبايندار, جەمشوپ جينايتىن ماشينالار;
9) نىعىزداپ-سوراپتاۋشى, پىشەن مايالاعىشتار;
10) جەمشوپ ارالاستىرعىشتار, جەمشوپ ۇلەستىرگىشتەر, ۇساتقىشتار, ارالاستىرعىشتار جانە ۇساقتاعىشتار;
11) تيەۋىشتەر جانە تەڭدەر مەن ورالعان شوپتەردى تاسىمالداۋعا ارنالعان اربالار, ورالعان ءشوپتى كەسكىش پەن ورالعان ءشوپتى جىپپەن وراۋىش;
12) ساۋ قوندىرعىلارى;
13) مال شارۋاشىلىعى فەرمالارىنا ارنالعان شەتەن قورا جابدىعى جانە كوڭ شىعارۋ جۇيەسى;
14) اۆتوناۋالار, جەكە ناۋالار;
15) قۇراما جەم قوندىرعىلارى جانە شاعىن زاۋىتتار;
16) ءسۇت سالقىنداتقىشتار جانە سالقىنداتقىش-تانكتەر;
17) ءسۇت تالداعىشتار;
18) ءسۇت قابىلداۋعا ارنالعان قوندىرعىلار;
19) پاستەريزاتورلار;
20) ءوزى قۇيىپ الاتىن سەپاراتورلار;
21) دەاەراتورلار;
22) ءسۇتتىڭ مايلىلىعىن اۆتوماتتى تۇردە ستاندارتتاۋ قوندىرعىلارى;
23) مال تاسىمالداۋعا ارنالعان ارنايى كولىك قۇرالدارى;
24) ءسۇت تاسىعىشتار;
25) زووۆەتەريناريالىق وڭدەۋگە ارنالعان بەكىتكىش-ستانوكتار;
26) شالعىلار (وزدىگىنەن جۇرەتىن, اسپالى, روتورلىق, ديسكىلى, تىركەمەلى, جارتىلاي اسپالى, جانىشتاعىشتار, ۇساقتاعىش-شالعىلار);
27) اۋىل شارۋاشىلىعى مالدارىن جايۋعا جانە ۇستاۋعا ارنالعان جابدىقتار, سونداي-اق مال شارۋاشىلىعىندا قولدانىلاتىن وزىق تەحنولوگيالار (ەلەكترلى قورشاۋلار, ەلەكتر ەنەرگياسىنىڭ بالاما كوزدەرى, سۋ كوتەرۋگە ارنالعان جەل سورعىلارى, راديوبايلانىس جانە بەينەباقىلاۋ جۇيەلەرى, GPS ناۆيگاتسيا جۇيەلەرى).
قارىز شارتىندا وسى تارماقتىڭ 1) – 7) تارماقشالارىندا كورسەتىلگەن تەحنيكالار مەن جابدىقتاردى ساتىپ الۋ كوزدەلگەن جاعدايدا, كورسەتىلەتىن قىزمەتتى الۋشى وزىندە اۋىل شارۋاشىلىعى جانۋارلارىن بىردەيلەندىرۋدىڭ دەرەكتەر بازاسىندا تىركەلگەن اۋىل شارۋاشىلىعى جانۋارلارىنىڭ كەمىندە 50 (ەلۋ) شارتتى مال باسىنىڭ نەمەسە جەمشوپ داقىلدارىن وسىرۋگە پايدالاناتىن جەر ۋچاسكەلەرىنىڭ بار ەكەندىگى تۋرالى راستاۋدى قوسىمشا ۇسىنادى.
كورسەتىلەتىن قىزمەتتى الۋشى اقپاراتتىق جۇيەلەردەگى زاڭمەن قورعالاتىن قۇپيا قامتىلعان مالىمەتتەردى پايدالانۋعا جازباشا كەلىسىم بەرەدى.
كورسەتىلەتىن قىزمەتتى الۋشى بارلىق قاجەتتى قۇجاتتاردى وپەراتورعا تاپسىرعان كەزدە, قاعاز تاسىعىشتاعى ءوتىنىشتىڭ قابىلدانعانىن ونىڭ كوشىرمەسىندەگى قۇجاتتار توپتاماسىنىڭ قابىلدانۋ كۇنى مەن ۋاقىتى كورسەتىلگەن, وپەراتوردىڭ كەڭسەسىندە تىركەلگەنى تۋرالى بەلگى نەمەسە قۇجاتتاماداعى پوشتالىق جونەلتىلىمدەردى جۇزەگە اسىراتىن پوشتا ۇيىمىنىڭ بەلگىسى راستايدى.
3. مەملەكەتتىك قىزمەت كورسەتۋ ماسەلەلەرى بويىنشا كورسەتىلەتىن قىزمەتتى بەرۋشىنىڭ جانە (نەمەسە) ولاردىڭ لاۋازىمدى ادامدارىنىڭ, وپەراتوردىڭ جانە (نەمەسە) ونىڭ قىزمەتكەرلەرىنىڭ شەشىمدەرىنە, ارەكەتىنە (ارەكەتسىزدىگىنە) شاعىمدانۋ ءتارتىبى
10. مەملەكەتتىك قىزمەت كورسەتۋ ماسەلەلەرى بويىنشا كورسەتىلەتىن قىزمەتتى بەرۋشىنىڭ جانە (نەمەسە) ولاردىڭ لاۋازىمدى ادامدارىنىڭ, وپەراتوردىڭ جانە (نەمەسە) ولاردىڭ قىزمەتكەرلەرىنىڭ شەشىمدەرىنە, ارەكەتىنە (ارەكەتسىزدىگىنە) شاعىمدانۋ: شاعىم كورسەتىلەتىن قىزمەتتى بەرۋشى باسشىسىنىڭ اتىنا 010000, استانا قالاسى, كەنەسارى كوشەسى, 36 مەكەنجايى بويىنشا بەرىلەدى.
شاعىم پوشتا ارقىلى جازباشا نىساندا نەمەسە قازاقستان رەسپۋبليكاسىنىڭ زاڭناماسىندا كوزدەلگەن جاعدايلاردا ەلەكتروندىق تۇردە نە كورسەتىلەتىن قىزمەتتى بەرۋشىنىڭ كەڭسەسى ارقىلى جۇمىس كۇندەرى قولما قول قابىلدانادى.
شاعىمنىڭ قابىلدانعانىن كورسەتىلەتىن قىزمەتتى بەرۋشىنىڭ كەڭسەسىندە شاعىمدى قابىلداعان تۇلعانىڭ اتى-ءجونى, بەرىلگەن شاعىمعا جاۋاپ الۋ مەرزىمى مەن ورنى كورسەتىلە وتىرىپ, ونىڭ تىركەلۋى ء(مورتابان, كىرىس ءنومىرى جانە كۇنى) راستايدى.
كورسەتىلەتىن قىزمەتتى بەرۋشىنىڭ شاعىمىندا:
جەكە تۇلعانىڭ تەگى, اتى, اكەسىنىڭ اتى (جەكە باسىن كۋالاندىراتىن قۇجاتتا بار بولعان جاعدايدا), پوشتالىق مەكەنجايى;
زاڭدى تۇلعانىڭ اتاۋى, پوشتالىق مەكەنجايى, شىعىس ءنومىرى جانە كۇنى كورسەتىلەدى.
وتىنىشكە كورسەتىلەتىن قىزمەتتى الۋشى قول قويۋعا ءتيىس.
كورسەتىلەتىن قىزمەتتى بەرۋشىنىڭ اتىنا كەلىپ تۇسكەن كورسەتىلەتىن قىزمەتتى الۋشىنىڭ شاعىمى ونىڭ تىركەلگەن كۇنىنەن باستاپ 5 (بەس) جۇمىس كۇنى ىشىندە قارالۋى ءتيىس. شاعىمدى قاراۋ ناتيجەلەرى تۋرالى دالەلدى جاۋاپ كورسەتىلەتىن قىزمەتتى الۋشىعا پوشتا ارقىلى جىبەرىلەدى نە كورسەتىلەتىن قىزمەتتى بەرۋشىنىڭ كەڭسەسىندە قولما-قول بەرىلەدى.
كورسەتىلگەن مەملەكەتتىك قىزمەت ناتيجەلەرىمەن كەلىسپەگەن جاعدايلاردا, كورسەتىلەتىن قىزمەتتى الۋشى مەملەكەتتىك قىزمەتتى كورسەتۋ ساپاسىن باعالاۋ جانە باقىلاۋ جونىندەگى ۋاكىلەتتى ورگانگا شاعىممەن جۇگىنە الادى.
مەملەكەتتىك قىزمەتتى كورسەتۋ ساپاسىن باعالاۋ جانە باقىلاۋ جونىندەگى ۋاكىلەتتى ورگان مەكەنجايىنا كەلىپ تۇسكەن شاعىم ونىڭ تىركەلگەن كۇنىنەن باستاپ 15 (ون بەس) جۇمىس كۇنى ىشىندە قارالادى.
11. كورسەتىلگەن مەملەكەتتىك قىزمەت ناتيجەلەرىمەن كەلىسپەگەن جاعدايلاردا, كورسەتىلەتىن قىزمەتتى الۋشى قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن سوتقا جۇگىنۋگە قۇقىلى.
4. مەملەكەتتىك قىزمەتتى كورسەتۋ ەرەكشەلىكتەرىن ەسكەرە وتىرىپ
قويىلاتىن وزگە تالاپتار
12. حالىقتىڭ الەۋمەتتىك تۇرعىدان وسال توپتارىنا جاتاتىن ادامدار كورسەتىلەتىن قىزمەتتى بەرۋشىگە جانە (نەمەسە) وپەراتورعا جەكە كەلۋ مۇمكىندىگى بولماعان جاعدايدا, ءوتىنىشتى وكىلى ارقىلى نەمەسە پوشتامەن جىبەرە الادى. مۇمكىندىكتەرى شەكتەۋلى ادامدار ءۇشىن كورسەتىلەتىن قىزمەتتى بەرۋشىنىڭ عيماراتىندا ليفتىگە وتىرعىزۋعا ارنالعان كوشەدەن كىرەتىن جەكە ەسىك جانە كۇتۋ ورىندارى كوزدەلگەن.
13. مەملەكەتتىك قىزمەتتى كورسەتۋ ورىندارىنىڭ مەكەنجايلارى مەن انىقتامالىق قىزمەتتەردىڭ بايلانىس تەلەفوندارى:
كورسەتىلەتىن قىزمەتتى بەرۋشىنىڭ www.mgov.kz,
وپەراتوردىڭ www.kam.kz ينتەرنەت-رەسۋرسىندا ورنالاستىرىلعان.
14. كورسەتىلەتىن قىزمەتتى الۋشىنىڭ مەملەكەتتىك قىزمەت كورسەتۋ ءتارتىبى مەن مارتەبەسى تۋرالى اقپاراتتى مەملەكەتتىك قىزمەت كورسەتۋ ماسەلەلەرى بويىنشا بىرىڭعاي بايلانىس-ورتالىعى ارقىلى قاشىقتىقتان قولجەتىمدىلىك رەجيمىندە الۋعا مۇمكىندىگى بار.
15. مەملەكەتتىك قىزمەت كورسەتۋ ءتارتىبى تۋرالى اقپاراتتى بىرىڭعاي بايلانىس ورتالىعىنىڭ 1414 تەلەفونى بويىنشا الۋعا بولادى.
كرەديتتەر بويىنشا, سونداي-اق تەحنولوگيالىق جابدىق جانە اۋىل شارۋاشىلىعى تەحنيكاسىنىڭ ليزينگى بويىنشا سىياقى مولشەرلەمەلەرىن سۋبسيديالاۋ قاعيدالارىنا 1-قوسىمشا
نىسان
كرەديتتەر بويىنشا, سونداي-اق تەحنولوگيالىق جابدىق جانە
اۋىل شارۋاشىلىعى تەحنيكاسىنىڭ ليزينگى بويىنشا سىياقى مولشەرلەمەلەرىن سۋبسيديالاۋعا ارنالعان ءوتىنىش
قارجى ينستيتۋتى:__________________________________________________________
(قارجى ينستيتۋتىنىڭ اتاۋى)
كورسەتىلەتىن قىزمەتتى الۋشى:________________________________________________
(جەكە تۇلعانىڭ تەگى, اتى, اكەسىنىڭ اتى (جەكە باسىن كۋالاندىراتىن قۇجاتتا بار بولعان
جاعدايدا) (بۇدان ءارى – ت.ا.ءا.) نەمەسە زاڭدى تۇلعانىڭ تولىق اتاۋى)
كىمگە:____________________________________________________________________
(وپەراتوردىڭ اتاۋى)
1. قاتىسۋشى تۋرالى مالىمەتتەر
1 كورسەتىلەتىن قىزمەتتى الۋشىنىڭ اتاۋى
2 ءبىرىنشى باسشىنىڭ ت.ا.ءا.
3 كورسەتىلەتىن قىزمەتتى الۋشىنى مەملەكەتتىك تىركەۋ تۋرالى كۋالىكتىڭ نەمەسە انىقتامانىڭ ءنومىرى جانە كۇنى ء(نومىرى, بەرىلگەن كۇنى جانە ورنى, بسن/جسن)
4 ەكونوميكالىق قىزمەت تۇرلەرىنىڭ جالپى جىكتەۋىشى بويىنشا قىزمەت ءتۇرى
5 زاڭدى مەكەنجايى
6 ناقتى مەكەنجايى
7 بانكتىك دەرەكتەمەلەرى
8 بايلانىس تەلەفوندارى
9 وسى وتىنىشتە كورسەتىلگەن, اگروونەركاسىپ كەشەنى سالاسىنداعى كرەديتتەر, سونداي-اق تەحنولوگيالىق جابدىقتىڭ جانە اۋىل شارۋاشىلىعى تەحنيكاسىنىڭ ليزينگى بويىنشا بۇرىن الىنعان سۋبسيديالار
تۋرالى مالىمەتتەر (بار بولعان جاعدايدا): شارتتىڭ № جانە كۇنى, كرەديت/ليزينگ سوماسى, قارجى ينستيتۋتىنىڭ اتاۋى, بيۋدجەتتىك باعدارلامانىڭ اتى
10 بانكتىك وپەراتسيالاردى جۇزەگە اسىرۋ قۇقىعىنا ارنالعان ليتسەنزيا (بار بولعان جاعدايدا): ليتسەنزيا № جانە كۇنى, كىم بەردى
2. سۋبسيديالاۋعا جاتاتىن كرەديتتىك شارتتار (بۇدان ءارى – كش) تۋرالى اقپارات
№ كش (№ جانە كۇنى) سوماسى, تەڭگە سىياقى مولشەر-لەمەسى, % سۋبسيديالاۋ كۇنىنە نەگىزگى قارىز بويىنشا بەرەشەك قالدىعى كش-نىڭ قولدانىس مەرزىمىنىڭ اياقتالۋ كۇنى كرەديت بەرۋ ۆاليۋتاسى
1 2 3 4 5 6 7
1
2
3
№ كرەديت بەرۋدىڭ/ليزينگتىڭ ماقساتى* كرەديتتىڭ/ليزينگتىڭ نىساناسى, سانى ليزينگ نىساناسىن ءوندىرۋشى ەل
8 9 10
1
2
3
ەسكەرتپە: *اينالىم قاراجاتىن تولىقتىرۋ/ نەگىزگى قاراجاتتى الۋ/ قۇرىلىس/ تەحنولوگيالىق جابدىقتى جانە اۋىل شارۋاشىلىعى تەحنيكاسىن ليزينگكە الۋ (كەرەگىن قويۋ)
وسىمەن:
1) كورسەتىلەتىن قىزمەتتى الۋشىنىڭ كرەديتتىك جانە ليزينگتىك شارتتارى بويىنشا باسقا مەملەكەتتىك جانە/نەمەسە بيۋدجەتتىك باعدارلامالار بويىنشا سىياقى مولشەرلەمەلەرىن سۋبسيديالاۋ تۇرىندە قولداۋ كورسەتىلمەيتىنى;
2) قارجىلىق بەرەشەگىن جانە جەدەلدەتىلگەن وڭالتۋ ءراسىمىن قايتا قۇرىلىمداۋ جاعدايلارىن قوسپاعاندا, كورسەتىلەتىن قىزمەتتى الۋشىنىڭ قىزمەتى ۇيىمدىق-قۇقىقتىق نىسانىن وزگەرتۋ, تاراتۋ نەمەسە بانكروتقا ۇشىراۋ ساتىسىندا تۇرماعانى, سونداي-اق قىزمەتى قازاقستان رەسپۋبليكاسىنىڭ قولدانىستاعى زاڭناماسىنا سايكەس توقتاتىلماعانى راستالادى.
كورسەتىلەتىن قىزمەتتى الۋشىنىڭ ت.ا.ءا. جانە قولى ______________________
ء(مور ورنى)
قارجى ينستيتۋتىنىڭ ءبىرىنشى باسشىسىنىڭ قولى نەمەسە ونى الماستىرۋشى ادامنىڭ
ت.ا.ءا., جانە ___________________________________________________________
ء(مور ورنى)
قارجى ينستيتۋتىنىڭ/ كورسەتىلەتىن قىزمەتتى الۋشىنىڭ
ءوتىنىش بەرگەن كۇنى 20___ جىلعى «____»_____________
ءوتىنىشتى قابىلداعان ادامنىڭ ت.ا.ءا. جانە تەلەفون ءنومىرى
________________________________________________________________
وپەراتوردىڭ ءوتىنىشتى قابىلداعان كۇنى 20___جىلعى «____»_______________
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 9 ماۋسىمدا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №11288 بولىپ ەنگىزىلدى.