ساۋنتگەمپتون ۋنيۆەرسيتەتىنىڭ عالىمدارى ۇزاق جىلدار بويى جۇرگىزىلگەن زەرتتەۋ ناتيجەسىندە ادامنىڭ ءتانى ولگەنمەن, جانى ءومىر سۇرە بەرەتىنىن انىقتادى.
بۇعان دەيىن مەديتسينادا ادامنىڭ جۇرەگى توقتاعاننان كەيىن 30 سەكۋندتان سوڭ ميى دا ولەدى دەپ سانالاتىن. وسى قاعيدانى تەرىسكە شىعارۋ ءۇشىن عالىمدار كلينيكالىق ءولىمدى باستارىنان وتكەرگەن 2 مىڭ ادامعا تاجىريبە جاساپ كورىپتى. ناتيجەسىندە ادامنىڭ ميى جۇرەگى توقتاپ قالعاننان كەيىن 30 سەكۋند ەمەس, 3 مينۋتتان استام ۋاقىت جۇمىس ىستەيتىندىگىنە كوز جەتكىزگەن.
تاجىريبەگە قاتىسقان ەرىكتىلەر كلينيكالىق ءولىم كەزىندە ماڭايىندا نە بولىپ جاتقانى ەستەرىندە انىق ساقتالعانىن ايتىپتى. ولار دارىگەرلەر ءوزىنىڭ جۇرەگىن سوقتىرۋ ءۇشىن جانتالاسىپ جاتقانىن, جانىندا بولعان باسقا ادامداردىڭ قايعىرعانىن, قىسقاسى, ماڭايىندا نە بولعانىن ايتىپ بەرگەن.
وسىلايشا, عالىمدار جۇرەكتىڭ توقتاۋىمەن ادامنىڭ ءومىرى اياقتالمايدى, رۋحى باسقا الەمدە ءومىر ءسۇرۋىن جالعاستىرادى دەگەن قورىتىندىعا كەلىپ وتىر.
ارنۇر اسقار,
«ەگەمەن قازاقستان»