كەشە «اقوردا» رەزيدەنتسياسىندا پرەزيدەنتتىڭ كومەكشىسى – قازاقستان رەسپۋبليكاسى قاۋىپسىزدىك كەڭەسىنىڭ حاتشىسى نۇرلان ەرمەكباەۆ اقش مەملەكەتتىك حاتشىسىنىڭ ازاماتتىق قاۋىپسىزدىك, دەموكراتيا جانە ادام قۇقى ماسەلەلەرى جونىندەگى ورىنباسارى سارا سيۋەللمەن كەزدەسۋ وتكىزدى.
تاراپتار ەكىجاقتى ىنتىماقتاستىقتىڭ ماسەلەلەرىن, سونداي-اق, وڭىرلىك قاۋىپسىزدىكتى قامتاماسىز ەتۋ سالاسىنداعى حالىقارالىق ساياساتتىڭ كوكەيكەستى تاقىرىپتارىن تالقىلادى.
تەرروريزم مەن ەكسترەميزمگە قارسى ءىس-قيمىل تانىتۋدىڭ كوپقىرلى تەتىكتەرىن جەتىلدىرۋ ماسەلەلەرى بويىنشا پىكىر الماسىلدى, سونىڭ ىشىندە قازاقستان پرەزيدەنتى ن.نازارباەۆ بۇۇ باس اسسامبلەياسىنىڭ 70-ءشى سەسسياسىندا ىلگەرىلەتكەن حالىقارالىق تەرروريزممەن كۇرەس جونىندەگى جاھاندىق انتيتەرروريستىك جەلى (كواليتسيا) قۇرۋ, تەرروريستىك ۇيىمداردىڭ ءبىرتۇتاس ءتىزىمىن جاساۋ باستامالارى تالقىلاندى.
«ەگەمەن-اقپارات»