ءدۇبىر
دانيار ەلەۋسىنوۆ پەن ادىلبەك نيازىمبەتوۆ فينالدا. كوڭىلىمىز كوتەرىڭكى. قۇداي اسىلىققا جازباسىن, ەرتەڭ التىن سالعان قاپتىڭ اۋىزى اشىلعالى تۇر. شويىن جۇدىرىق جىگىتتەرىمىز وسىلاي قۋانتا بەرسە ەكەن. بۇل كۇنى جاينا شەكەربەكوۆا فرانتسۋز قىزى سارا وۋراحموننان وتە المادى. ەسەسىنە اسا اۋىر سالماقتاعى الىبىمىز يۆان دىچكو نيگەريالىق تالانتتى بوكسشى ەفە ادجاگبانى 3:0 ەسەبىمەن جەڭىپ, جارتىلاي فينالعا ءوتتى. ءدال قازىر قالتاسىندا قولا مەدالدىڭ بۋى بۇرقىراپ تۇر. بىراق ءبىزدىڭ جىگىت بۇعان قاناعاتتانا قويماس دەپ ويلايمىز. بۋكمەرلىك كەڭسە دەگەندەر جۇرەكتى الىپ ءبىتتى. ءبىزدىڭ جىگىت تۋرالى نە دەپ جاتىر, دەپ تىڭداپ كورەسىڭ عوي. جاتىپ كەپ دجوشۋا بۋاتسۋدى ماقتايدى. سۇراپىل بوكسشى. وزبەكتىڭ تاڭداۋلى بوكسشىسى ەلشود راسۋلوۆتى ءۇش ۇرىپ قۇلاتىپ, نوكاۋتقا تۇسىرگەن. راسۋلوۆ نيازىمبەتوۆتى جەڭىپ جۇرگەن, سوندىقتان بۋاتسۋ نيازىمبەتوۆتى دە نوكاۋتقا تۇسىرسە, تاڭدانۋعا بولمايدى. ءسوزى وسىلاي. بىراق ولار الدىمەن ادىلبەكتىڭ ەلشودتى قاتارىنان ەكى رەت ۇتقانىن, كەيىن ەكى رەت قارسىلاسى قارىمتا قايتارعانىن ايتپايدى. نيازىمبەتوۆ بۇلاردىڭ اۋليە ەمەس ەكەندەرىن ءىس جۇزىندە دالەلدەپ بەردى. كەۋدەسىن كەرىپ شىققان بۋاتسۋ شەگىنە ءجۇرىپ, ايقاس سالعان ءبىزدىڭ باتىردىڭ ەكپىنىنە ىلەسە المادى. وزگەلەردى ۇرىپ قۇلاتىپ, داندەپ قالعان اعىلشىننىڭ ماڭدايى ادىلبەكتىڭ شويىن جۇدىرىعىنا كەزىگىپ قالا بەردى. ءبىزدىڭ بوكسشى قولىنا قولعاپ كيىپ ەمەس, قوس سۇڭگى ۇستاپ شىققانداي قايتا-قايتا بويلاتىپ سۇعىپ الادى. بۋاتسۋ دا ايانىپ قالىپ جۇرگەن جوق. كەيدە سوققىسى ءدوپ تيگەندە, مىنا جاقتا ءبىز ۇشىپ كەتە جازدايمىز. نيازىمبەتوۆ وتە سالقىنقاندى ەكەن. بۋاتسۋدىڭ اشىق ايقاسقا شاقىرعانىنا ەلپ ەتە قالعان جوق, وزىنە ۇپاي اكەلىپ جاتقان مانەرىن وزگەرتپەدى. جەڭىسكە وسىلاي جەتتىك. «ەگەمەن قازاقستاننىڭ» ارناۋلى ءتىلشىسى باقتيار تايجان ريو-دە-جانەيرودان حابارلايدىجۇلدەلەر جيىنتىعى
(16 تامىزداعى مالىمەت)
№ قۇرامالار التىن كۇمىس قولا بارلىعى 1 اقش 28 28 28 84 2 ۇلىبريتانيا 19 19 12 50 3 قىتاي 17 15 19 51 4 رەسەي 12 12 14 38 5 گەرمانيا 11 8 7 26 6 يتاليا 8 9 6 23 7 نيدەرلاند 8 3 3 14 8 فرانتسيا 7 11 11 29 9 اۆستراليا 7 8 9 24 10 جاپونيا 7 4 18 29 15 قازاقستان 2 3 5 10 30 وزبەكستان 2 0 4 6 33 ۋكراينا 1 4 2 7 36 ارمەنيا 1 3 0 4 37 بەلارۋس 1 2 2 5 40 گرۋزيا 1 1 3 5 54 ازەربايجان 0 2 3 5 58 ليتۆا 0 1 2 3 69 قىرعىزستان 0 0 1 1 69 مولدوۆا 0 0 1 1 69 ەستونيا 0 0 1 1ۇزاق كۇتكەننەن ۇتىلىپتى
ريو-دە-جانەيرودا بۇرناعى كۇنى تۇندە بوكستان ءبىرىنشى كەزدەسۋىن ءوتكىزىپ, ونى جەڭىلىسپەن بىتىرگەن 51 كيلوعا دەيىنگى سالماقتاعى جاينا شەكەربەكوۆا جارىستى ۇزاق كۇتكەنى وزىنە قوسىمشا جۇك بولىپ جابىسقانىن مالىمدەدى. وسى جاعداي ونى پسيحولوگيالىق جاعىنان قاجىتىپ جىبەرگەن. بۇل ءوز كەزەگىندە جەكپە-جەككە ايتارلىقتاي اسەر ەتكەن. «جەڭۋ ءۇشىن بارىمدى سالدىم. بىراق, وكىنىشكە قاراي, ۇتىلىپ قالدىم. ءوزىم پسيحولوگيالىق تۇرعىدان دايىن بولماعانىمدى سەزدىم», – دەدى بوكسشى. «مەن ريوعا كەلگەننەن كەيىن جەكپە-جەگىمدى ۇزاق كۇتتىم. بۇل ادامعا قاتتى اسەر ەتەدى ەكەن. ونى باسىمنان وتكەردىم. وسىنىڭ ماعان كەدەرگى بولعانىنا كۇمانىم جوق. نەگىزى, قارسىلاسىمدى بۇرىننان جاقسى بىلەتىنمىن. جاتتىعۋلاردا كەزدەسىپ كورگەنبىز. بىراق, بۇگىن قانشا جەردەن تالپىنسام دا, جەڭىستى ۋىسىمنان شىعارىپ الدىم», – دەدى جاينا شەكەربەكوۆا وسى ورايدا.اۋىر سالماقتاعى الپاۋىت
گرۋزيا قۇراما كومانداسىنىڭ اۋىر اتلەتى لاشا تالاحادزە ءوز ەلىنىڭ قورجىنىنا ءبىرىنشى التىن مەدالدى تۇسىرۋمەن بىرگە, الەمنىڭ جاڭا رەكوردىن دا جاساپ ۇلگەردى. تامىزدىڭ 16-سى كۇنى تۇندە جارىس جولىنا شىققان سپورتشى 105 كيلودان اۋىر سالماقتاعىلار باسەكەسىندە الدىنا جان سالعان جوق. گرۋزين اتلەتىنىڭ قوسسايىستا جيناعان 473 كيلو سالماعى الەمنىڭ جاڭا رەكوردى بولىپ تابىلادى. ول جۇلقا كوتەرۋدە 215, سەرپە كوتەرۋدە 258 كيلو سالماقتاردى باعىندىرىپ, جيىنتىعىندا 473 كيلوعا تابان تىرەدى. بۇل – الەمنىڭ بۇرىنعى ەڭ ۇزدىك كورسەتكىشىنەن 1 كيلوعا ارتىق. ءسويتىپ, ول يراننىڭ اتاقتى زىلتەمىرشىسى حوسسەين رەزازادەنىڭ 2000 جىلعى سيدنەيدەن بەرى مىزعىماي تۇرعان رەكوردىنا وزگەرىس ەنگىزدى.بريتان بۋكمەكەرلەرىنىڭ توسىن تورەلىگى
بريتانيانىڭ بۋكمەكەرلىك كەڭسەسى وليمپيا رينگىندە تورەشىلەردىڭ شەشىمىمەن ەۆگەني تيششەنكودان جەڭىلىس تاپقان ۆاسيلي لەۆيتتىڭ جەڭەتىنى تۋراسىندا بولجام بىلدىرگەندەرگە اقشا تولەيتىندەرىن حابارلادى. سەبەبى, Paddy Power رەسەي بوكسشىسى فينالدا التىن مەدالدى ادىلەتسىز جولمەن جەڭىپ الدى دەپ ەسەپتەيدى. ايتۋلارىنشا, جەكپە-جەكتە قازاقستان بىلعارى قولعاپ شەبەرى تالاسسىز جەڭگەن. سوندىقتان بولجام ءۆاسيليدىڭ جەڭىسكە جەتكەنى رەتىندە قابىلدانادى. «ۆاسيلي لەۆيتتىڭ التىن مەدالى وتكەن تۇندە ۇرلانىپ الىنعاننان كەيىن ءبىز اقىنى ونىڭ جەڭىسى ءۇشىن تولەۋگە شەشىم قابىلدادىق», – دەلىنگەن كەڭسەنىڭ تۆيتتەردەگى پاراقشاسىندا.«سەكىرگىش» سپرينتەر
باگام ارالدارىنىڭ جەلاياعى شونا ميللەر 400 مەترگە سپرينتەرلىك جۇگىرۋدە التىن مەدال الۋ ءۇشىن قولىنان كەلگەننىڭ ءبارىن جاساپ باقتى. ول مارە سىزىعىن كەسىپ وتۋگە ساناۋلى مەترلەر قالعان كەزدە ءوزىنىڭ امەريكالىق باسەكەلەسى ەلليسون فەليكستى ارتقا قالدىرىپ كەتە الماسىن سەزەدى دە, جۇگىرىپ كەلە جاتىپ, العا قاراي بار پارمەنىمەن سەكىرىپ قالادى. جەڭىل اتلەتتىڭ مۇنىسى نيەتىن اقتادى. ول فەليكستەن مارەنى جۇزدەن جەتى سەكۋند بۇرىن قيىپ ءوتتى. وسىلايشا چەمپيون بولىپ شىعا كەلدى. «مەن جۇگىرىپ كەلە جاتقاندا, ەشتەڭە دە ويلاعانىم جوق. بار ماقساتىم قالايدا باستى باسەكەلەسىمنەن بۇرىن ءوتۋ بولدى. سول ءساتتە كوز الدىمدا التىن مەدالدان باسقا ەشتەڭە بولمادى. ال سەكىرىپ قالعاننان كەيىن ەسىمدى جيسام, جەردە قۇلاپ جاتىر ەكەنمىن», – دەپ ءتۇسىندىردى مۇنىسىن سوڭىنان ميللەر. شونا ايتىلعان قاشىقتىقتى 49,44 سەكۋندتىق كورسەتكىشپەن ءوتتى. سۋرەتتى تۇسىرگەن دانيار مايلىباەۆ وسىدان كەيىن امەريكالىقتار تاراپىنان وعان جان-جاقتان شابۋىل باستالدى. جەلىدەگىلەر قىزدى «باگامنىڭ سەكىرگىشى» دەپ كەكەتتى. ولار جارىستىڭ ۇزىندىققا سەكىرۋدەن ەمەس, جۇگىرۋدەن وتكەنىن دە ايتىپ جاتتى. الايدا, باگامدىق سپرينتەردىڭ بۇل ارەكەتى حالىقارالىق جەڭىل اتلەتيكا فەدەراتسياسىنىڭ ەرەجەلەرىنە تولىق سايكەسەتىن بولىپ شىقتى. مۇندايدا جەڭىل اتلەتتىڭ قولى, اياعى نە باسى مارەدەن ەڭ ءبىرىنشى وتكەن كەزى ەسەپكە الىنادى ەكەن. ال فەليكس بۇعان دەيىن دە مۇنداي قۇقايدى باسىنان كەشىپتى. ريوعا كەلەر الدىنداعى ىرىكتەۋ سىنىندا ونىمەن جارىسقا تۇسكەن وتانداسى دجەننا پرانديني 200 مەتر قاشىقتىققا جۇگىرۋ كەزىندە تاپ وسىلاي سەكىرىپ وتكەن كورىنەدى.پرەزيدەنتتى كۇزەتەتىن چەمپيون
ريو رينگىندە جەڭىسكە جەتكەن بوكسشى ەۆگەني تيششەنكو رەسەي پرەزيدەنتى كۇزەتىنىڭ قىزمەتكەرى بولىپ جۇمىس ىستەيتىن كورىنەدى. ول جارىستارعا رەسەي فەدەرالدى كۇزەت قىزمەتى سپورت كلۋبىنىڭ اتىنان قاتىسىپ كەلىپتى. تيششەنكونى سپورتشى رەتىندە ءوسىپ-جەتىلدىرۋ جايىمەن ىشكى ىستەر مينيسترلىگى اينالىسىپتى. كەيىن اسكەر قاتارىنا الىنىپ, فەدەرالدى كۇزەت قىزمەتىنە تاپ بولعان. «شاماسى, ونىڭ ءوزى دە قايدا جۇمىس ىستەپ جۇرگەنىن تولىق بىلە قويماعان شىعار. سەبەبى, برازيليادا بەرگەن ءبىرىنشى سۇحباتىندا ءوزىن پوليتسەي رەتىندە اتاپ كورسەتىپتى. بىراق ول وليمپيادادان كەيىن ءوزىنىڭ جۇمىس ىستەپ جۇرگەن جەرىنە, ياعني كۇزەت قىزمەتىنە قايتا ورالادى. ال قىزمەت ەتۋ مەرزىمى اياقتالعاسىن, وسىندا قالا بەرە مە, جوق كەتە مە, ونى ءوزى شەشەدى», – دەپ مالىمدەيدى ۆەدومستۆو وكىلى. تيششەنكو بوكسپەن بەسىنشى سىنىپتان شۇعىلدانا باستاپتى. بولاشاق وليمپيادا چەمپيونى مەكتەپتە وقىپ جۇرگەن كەزىندە وڭتۇستىك فەدەرالدى وكرۋگىنىڭ بىرىنشىلىگىندە جۇلدەلى ورىنداردان كورىنىپتى. بەتتىڭ ماتەريالدارىن دايىنداعان سەرىك ءپىرنازار, «ەگەمەن قازاقستان»