ەرتەڭ فۋتبولدان «استانا» كومانداسى ەۋروپا ليگاسى پلەي-وفف كەزەڭىندە بەلارۋستىڭ باتە كلۋبىمەن كەزدەسەدى. وسىعان بايلانىستى بۇگىن ەلوردالىق جاساقتىڭ باس جاتتىقتىرۋشىسى ستانيمير ستويلوۆ الداعى ويىن تۋرالى ويلارىمەن ءبولىستى.
– بۇل ماتچ ءوتا تارتىمتى وتەدى. ەكى جاققا دا قيىن بولادى. باتە – وڭايلىقپەن بەرىسە سالاتىن كوماندا ەمەس. ونىڭ ەۋروكۋبوكتاردا تاجىريبەسى بەر. ءبىز دە قاراپ جاتپايمىز. ءوز الاڭىمىزدا بارىمىزدى سالامىز, – دەدى ول.
كوماندانىڭ باس جاتتىقتىرۋشىسىنىڭ ايتۋىنشا, «استانا» وسىنىڭ الدىندا شوتلانديانىڭ «سەلتيك» كلۋبىمەن ويىندا جاقسى ونەر كورسەتتى. ەگەر كوماندا ءدال وسىلاي سياقتى بوريسوۆتىڭ ۇجىمىن جەڭەدى.
–بۇل ماتچتا «استانا» قۇرامىندا بىرنەشە ويىنشىلار وينامايدى. «سەلتيكپەن» كەزدەسۋدە الاڭناڭ قۋىلعان دميتري شومكو مەن يگور شيتوۆتان باسقا, كونستانتين ەنگەل دە الاڭعا شىقپايدى. كوماندادا ءتورت-اق قورعاۋشى قالدى. سولارمەن بىرنارسە ويلاستىرارمىن, – دەدى ول ودان ءارى.
ستانيمير ستويلوۆ ءسوزىنىڭ سوڭىندا باتە كلۋبىنىڭ قورعانىستا ساۋاتتى, شابۋىلدا شيراق وينايتىنىن, كوماندادا جاس بولسا دا باس بولا الاتىن, ەۋروكۋبوكتاردا تالاي الاڭنىڭ شاڭىن قاققان, كلۋبتىڭ جەيدەسىن توزدىرىپ, بار كۇش-جىگەرىن سالىپ جۇرگەن تاجىريبەلى ويىنشىلاردىڭ بار ەكەنىن ايتتى. «سوندىقتان بىزگە باتە-ءنى استانادا جەڭى كەرەك. ويتكەنى, بوريسوۆتا ويىن قيىن بولادى», دەدى.
داستان كەنجالين
فوتو: vk.com/astanafootballclub