كەشە استانادا ادام قۇقىقتارى جونىندەگى ۋاكىل اسقار شاكىروۆ پەن قازاقستانداعى بۇۇ بالالار قورىنىڭ (يۋنيسەف) وكىلى حاناا سينگەر 2010 جىلى قول قويىلعان قازاقستاندا بالالاردىڭ قۇقىقتارىن قورعاۋ جانە ىنتالاندىرۋ سالاسىنداعى ىنتىماقتاستىق تۋرالى مەموراندۋم شەڭبەرىندە وتكىزىلگەن مەملەكەتتىك بالالار مەكەمەلەرىندە زورلىق جاساۋ پروبلەمالارىن زەرتتەۋ ناتيجەلەرىنە الدىن-الا تالداۋ وتكىزدى.
زەرتتەۋ ادىستەمەسىن ايەلدەر مەن بالالارعا قاتىستى زورلىق جاساۋ ماسەلەلەرى بويىنشا يۋنيسەف حالىقارالىق ساراپشىسى, شىعىس كەنتۋككي ۋنيۆەرسيتەتىنىڭ (اقش) پروفەسسورى روبين حاارر ازىرلەگەن ەدى.
بۇل زەرتتەۋ قازاقستان رەسپۋبليكاسىنداعى مەملەكەتتىك ينتەرنات مەكەمەلەرىندە بالالارعا قاتىستى زورلىق جاساۋ تۇرلەرىنىڭ سيپاتىن جانە ءورىس الۋىن باعالاۋعا مۇمكىندىك بەرەدى, دەپ حابارلادى قازاقستان رەسپۋبليكاسىنداعى ادام قۇقىقتارى جونىندەگى ۋاكىل اپپاراتىنىڭ ءباسپاسوز قىزمەتى.