كەشە قازاقستان رەسپۋبليكاسىنىڭ مەملەكەتتىك حاتشىسى – سىرتقى ىستەر ءمينيسترى قانات ساۋداباەۆتىڭ توراعالىعىمەن استانادا 15 ماۋسىمدا شىۇ قۇرىلعانىنا 10 جىل تولۋىنا ورايلاستىرىلعان ۇيىمعا مۇشە مەملەكەتتەر باسشىلارىنىڭ مەرەيتويلىق كەڭەسى وتىرىسىنا دايىندىق شارالارى مەن جۇزەگە اسىرۋ ماسەلەلەرىن تالقىعا سالعان ۇيىمداستىرۋ كوميتەتىنىڭ جينالىسى بولىپ ءوتتى.
جينالىس بارىسىندا قر-نىڭ شىۇ-داعى 8 اي توراعالىعىنىڭ ناتيجەلەرى شىعارىلدى. قالعان 4 اي ىشىندە استانادا ۇيىم سىرتقى ىستەر مينيسترلەرىنىڭ كەڭەسى جانە شىۇ-نىڭ مەرەيتويلىق ءسامميتى وتەدى. اتالعان حالىقارالىق شارالاردى دۇرىس دايىنداۋ ماقساتىندا ۇيىمداستىرۋ كوميتەتىنىڭ اياسىندا جۇمىس توپتارى قۇرىلدى.
ۇيىمداستىرۋ كوميتەتىنىڭ وتىرىسى قورىتىندىسى بويىنشا بارلىق قاتىسى بار مەملەكەتتىك مەكەمەلەرگە شىۇ ءسامميتىنىڭ مازمۇندى تولىقتىرۋ جاعىنان, قاتىسۋشىلاردىڭ قاۋىپسىزدىگىن قامتاماسىز ەتۋ تۇرعىسىنان جانە شارانىڭ اقپاراتتىق تارالۋىنا قاتىستى ناقتى تاپسىرمالار جۇكتەلدى, دەپ حابارلادى قر ءسىم-ءىنىڭ ءباسپاسوز قىزمەتى.