الەمگە ايگىلى ءمۇسىنشى ەرنست نەيزۆەستنىي 92 جاسىندا اقش-تىڭ نيۋ-يورك قالاسىندا قايتىس بولدى. تاسس اقپارات اگەنتتىگىنىڭ مالىمەتى بويىنشا, ءمۇسىنشى 1925 جىلى تۋعان. ول ەكىنشى دۇنيەجۇزىلىك سوعىسقا قاتىسقان, دەسانتشى, قىزىل جۇلدىز وردەنىمەن ماراپاتتالعان.
ريگادا ونەر اكادەمياسىندا وقىعان, سۋريكوۆ اتىنداعى ماسكەۋ ونەر ينستيتۋتىن اياقتاعان. سوعىستان كەيىن ءبىراز ۋاقىت سۋۆوروۆ ۋچيليششەسىندە سىزۋ پانىنەن ءدارىس بەردى. 1955 جىلى كسرو سۋرەتشىلەر وداعى ماسكەۋ ءبولىمىنىڭ ءمۇسىن سەكتسياسىنىڭ مۇشەسى اتانعان. ال 1977 جىلى اقش-قا كوشىپ, سول جاقتا شىعارماشىلىعىن جالعاستىردى.
«اسقازانىنداعى جايسىزدىقتى سەزگەن بەتتە-اق «ستوني برۋك» اۋرۋحاناسىنا جاتقىزىلعان بولاتىن. توبەمىزدەن جاي تۇسكەندەي بولىپ وتىر. ەكى كۇن بۇرىن عانا كوز الدىمىزدا ساۋ جۇرگەن ەدى, بۇگىن تاڭەرتەڭ شامامەن ساعات 8:00 كەزىندە قايتىس بولدى دەگەن سۋىق حابار كەلدى», – دەدى ءمۇسىنشىنىڭ جاقىن دوسى دجەفف بليۋميس.
ايان ءابدۋالي
فوتو: tass.ru